طالبتكم ساعدوني

[ام الغالية]

مرحبا يا بنات يا حلوات:cupidarrow:

الله ايسلمكم انا ياطويلات العمر حامل باشهر 8 ابي منكم المساعده :detective2:؟؟؟؟؟؟

صار لي اسبوع وانا ادور على مسج حلو ( مثلكم ) ارسله حق الاهل و الاصدقاء ابشرهم بالولاده.
يلا عاد ياحلوين همتكم معاي الله ايخليكم الي عندها مسج حلو أو فكره حلوه خل تتحفنا :clap::clap::msn-wink:

 

[شمعة الإسلام]

السلام عليكـــــــم
ما طلبتي شيئ يا الغاليه
تفضـــــــــــــــــــــلي


.
.
.
.
.
.
.
.
.
.
.
.
.
.
.
.

((( اعلن فرحتي للبشر ... وابشرهم بهذا الخبر ... بشرا مولودي الجديد ... يحفظه ربي من كل خطر )))


وهذه مسجات لتبليغ الخبر
وممكن تغيرين بالكلمات إذا كان ولد ولا بنت


لأحضان أمي أنا جيت و على أبوي نورت البيت و با .......... تحوطون اسم البيبي ....... أنا تسميت ...حياكم الله زوروني و باسم الله شيلوني .. بمستشفى ........ الدور .... الغرفه ...... تلاقوني

صبحكم الله بالخير يا اهل الطيب ويسعد ضحاكم و الظهر والعشيه هذي ... فلانه.. ولدت يوم ... تحطون اسم اليوم ... على خير تفضلوا لستقبالها يوم ... تحطون اليوم والتاريخ اللي تبون ....عندنا بمستشفى ...... الدور ... الغرفة ..... حياكم الله لشوفة بنتنا البهية


رزقت والحمد لله بمولود و اتشرف بأستقبالكم في يوم .... تحطون اليوم والتاريخ ...... في مستشفى ..... الدور .... غرفة ....

( .... اسم الأم ....)

الحمد على عطية رب العالمين
رزقني "أسم البيبي الأول" أول درة من اثنين
و الثانية (او الثاني) "اسم البيبي اليديد" نور العين
و استقبالنا بكون يوميين
يوم ... و .... مستشفى .... غرفة

ممكن بعد
ياساده يا كرام صلوا على خير الانام رزقت (فلانه الفلاني) بمولودها (فلان) بدر التمام وتستقبل مهنئيها يومي ......... و...........في مستشفى ....... غرفه .........

زغاريد الفرح عمت أجواء مستشفى .....(اسم المستشفى) بقدوم ...(اسم البيبي) بكر السيد ....(اسم ابو الطفل) من السيدة ....(اسم الام) لذا فهي تستقبل المهنئين يوم ...(كذا وكذا اذا كان يومين) من الساعة ..... الى الساعة ..... في الجناح.... غرفة ...
شاركونا فرحتنا به

(( شهد العالم في مثل هذا اليوم حدث مهم في تاريخ عائلتنا وهو ولادة الامير .... في مستشفى ... غ... الدور .. ونستقبل تهانيكم ))


سلام منا على الخلان
احلى تحايا من الوجدان
الله وهبنا الغاليه أوالغالي((.......))
جاتنا ونورت كل المكان
قدومها اليوم للفرح عنوان
تقولللي انتظروها
انا وصلت اليوم هبه من المنان

-------

اهدي لك احلىرسالةبالبخور معطره
وبماي الورد مقطره
وبأحلى البخور مبخره
بولادة ((....)) مبشره
.. ولدت بمستشفى .... غ ...

.............

يا طيرطاير بالأجواء
ميل و غرد بأحلى غناءلأحلى مولود وصل اليوم
((...)) شيخ كل الشباب

--------------


السعاده بقلبي مالها اليوم سعه
ومابقى فيني من الصبر صبر
أبزيل الكدر والهم والأقنعه
وانحني لربي واشكره اعظم شكر
وارسم الفرحه وانسى الحزن ومدمعه
وأبشركم بولادة (......) ياأغلى البشر

----------

أذا ولد عريس مثل القمر ..

جاني اليوم أحلى بشر
عروسة مثل القمر..
سبحان ربي اللي أمر
واعطاني هديةالعمر..

------------

أعلن فرحتي بأحلى خبر
وابشركم بقدوم أغلى البشر..
وصول مولودتي الجديدة
الله يحفظها لي من كلخطر

----------


باركوا لي ياحضور
بعد ما مرت الشهور
الله رزقني ((......))
خلت حياتي كلهانور

-------------

من دفئ قلبي ومن فايض حنيني واهمسلك((......)) بين ايديني
ابعث لك تحية ويشرفني تجيني ابشركم ولدت اليوم (اسم المسستشفى )

---------------

عشان غلاكم ماله حدود
ومكانكم بالقلب موجود
حبيت ابشركم بقدوم اجمل مولود
((........)) الموعود

-----------------

يا أغلى هدية من الخالق تتمنى العين ما تفارق أجمل وأروع مولود بوسط الخلايق

-----------------

بشرى لنا ..
نلنا المنى ..
زال العنا ..
وأتى الهنايا نفس طيبي بالمولود.. يا نفس قري أعينا

------------

أن شاء الله تعجبك ...

 

[ام الغالية]

مشكوره يالغاليه يا شمعه الاسلام و ماقصرتي

 

[ريف 30]

هلا ام الغاليه
تولدين بالسلامه يارب
والاخت الغاليه ماقصرت
شمعة الاسلام والله متقصرين ومرورك وااااايد جميييل الله لايحرمك الاجر
مثل ماقلت الاخت ماقصرت بس حبيت ادعيلج
الله يجبر بخاطرك ولاتنسين تبشريننا
الله يقومك بالف سلامه

 

[hanonatosa]

الله يقومك بالسلامه يا ام الغاليه ومشكوره يا شمعة الاسلام على الرسايل الحلوه

 

[أحب بناتي]

الله يكتبلك ساعة السلامه يااااااارب

ماشاء الله عليك شموعه ....يالله تنفع بإذن الله

 

[سكون28]

الله يقومك بالسلامه أختي.. ويسهل علينا و عليك الولاده..

الأخت شمعه الأسلام كفت ووفت ماشاء الله عليها..

وعندي بعد رسالهإذا كان وقت الولاده العصر أو المغرب)<<<شوفي الدقه هههههه

مع غروب شمس اليوم(تكتبين اليوم)
أشرقت علينا أنوار أبنتنا..أو أبننا الجديد
جعله الله من مواليد السعاده والصلاح..
والعقبى لكم..
أرجو الدعاء له بالصلاح والهدايه..

أختكم: وتكتبين أسمك أو أسم زوجك..


أما إذا كانت الولاده الفجر:

مع بزوغ فجر اليوم (وتكتبين اليوم)
تسللت خيوطه الذهبيه لتعانق أنامل صغيرنا (أو صغيرتنا) الذي أعلن قدومه
للحياة وإنضمامه لأفراد أسرتنا الصغيره..

أختكم: (وتكتبين أسمك أو أسم زوجك)

أنا أحتفظت بهالرسالتين.. وقت الشروق ووقت الغروب..
عسى ما أولد في نص الليل ههههههههههههه

 

[قارورة امورة]

شمعة الاسلام
انت فعلا رااااااااااائعة
الله يجزاك خير
وياااااااااااااااارب ترزقني نونو واقدر استعمل هالرسايل الحلوة