ضايق صدري :(!

[تاقت]

بسم الله الرحمن الرحيم
السلام عليكم ورحمة الله وبركاته
خواتي يمكن تكون مشكلتي عادية جداً ويمكن تقولون هذي مو مشكله اصلاً!!
بس والله مادري ليش وايد هامتني يمكن لأن وايد عوامل قاعده تزيد ضيقتي وتخلي حساسيتي أوفر (الدورة الشهرية وايد متلخبطه واخذ حبوب يمكن تضيق الصدر ..والارهاق الجسدي بسبة البيبي!)

حاسه إن في بعد بيني وبين زوجي بالرغم من وجوده في البيت معاي ويمي!
أشعر إن ماعاد نفس قبل برومانسيته ! أهوا الحين بادي بمشروع تجاري شاغل باله لدرجة إن كله سرحان وضايق صدره وخايف!!!
ماعاد يسأل عني لمن يكون بالدوام أو أكون عند أهلي إلا ماندر وساعات يدق يبي شي أو يبي يكلمني عن المشروع وين وصل !
مسجاته أبد انقطعت حتى موبايلي يمكن من 5 شهور بس مسج واحد منه

يمكن يوم يكون كلامه حلو وايام لاء !!
حتى امس قال شي وأثر فيني وايد وايد : كان شوي عاطفي وجي وزعلني بحركه قالي : استغليني اليوم العواطف جياشه ! ( فيها شي الكلمه) ولا انا كبرتها !! قلت بقلبي : اشدعوه ليش المنه !!

صارلي يومين قطعت اتصالاتي ومسجاتي !!
حتى امس دق قال اشفيج ليش مادقيتي بعصبيه !!! يعني ماحسيت ان النبره نبرة وله ( ولا انا غلطانه)

بنات والله مادري احس كلامي ملخبط!!
هالاسبوع سفرنا ودي ارد الرومانسيه والحب الي بينا عدل !!!
يمكن تقدرون تفيدوني أنا زوجي جنوبي شرقي وانا شماليه غربيه !

ناطرتكم !!

 

[رونق الشوق]

الله يسخر لك زووجك ويهدي سركم
حبيبتي انتي لازم ترجعين بطريقتك اهتمي بنفسك وفيه وبسوالك عنه هو مشغول وانتي مشغوله بالطفل طيب انتي بادري بهالشي بعض الرجال اذا انشغل بشي عادي يستمر مشغوول
سوي ليالي رومنسيه تجلسون بهدوء ويكون كلام قلوبكم مو اي شي ثاني
يعني مو يتكلم عن المشروع وانتي شايله هم الطفل
حاولي تهتمي بنفسك وتشغلي نفسك بشايء مفيدة لك لا تخلي الافكار السلبيه تسيطر عليك
شوفي الاشياء اللي يحيها هو وسويها
دلعيه
دلعيه
دلعيه
اهم شي حاولي بكل ما تقدري وشوفي وش شلووووووون يرجع لك مثل اول واحسن
بس اهم شي الصبررر
لا تستعجلي ع شي لا تقولي متى وليه اصبري
ولا تنسين الصلاة والاستغفار استغفري كثير
والله يوفقك

 

[جسدبلاروح]

شرح الله صدرك وانار طريقك واسعدكم الله اينما كنتم
اهتمي بزوجك لو كان مشغول ارسلي له الشوق والحب -استقبليه بكل ترحيب واهتمام-لا تجعلي الطفل سبب بعدك عن حبك دايما تاتي حاله ركود وملل طبيعي والرجل يشعر بالغيره من اهمال الزوجه ويبحث عن غيرها

 

[R.H 2009]

الله يحنن قلوبكم

 

[القلب الحاني]

الحبوب لها تاثيرها وتاثر نفسين ولا تنسي تغير في الهرمونات بس انتي انتبهي عى زوجك ودلعيه اهو مله دنب استغفري كثير ولاتنسي الدعاء

 

[فروع الياسمينه]

بعطيك نصيحه وحطيها دوم في بالك

زوجك مشغول بمشروعه خلك معاه
والأهم الأهم لاااااااااااا تهمليييييييييين نفسسسسسسسسك

أهتمي بنظافتك وشكلك و ابتسامتك
وخلك متألقه دوووووووم

تعرفين ليه
لأن الزوج اللي يسعى في مشروع لتحسين وضعه وبناء مستقبله
أول ما يخلص ويستقر ,, ينظر لزوجته
لو رآها متألقه جذابه حبها بزياده وأسعدها معاه
ولو هي عكس ذلك يعني مهمله نفسها على طول يبحث عن زوجه آخرى

ما قلتلك كذا الا عشان مصلحتك
بالذات لو زوجك شمالي شرقي

 

[الحلا مبتليها]

ياحبيبتي الرجل لما يكون بباله شي او مشغول ينسى حتى نفسة انتي لازم توقفين معه وتشاركينة مشروعه حتى يحس انك معه بكل الاحوال واوقفي معه بكل صغيرة وكبيرة وانشاء الله يستقر بالمشروع وترجع حياتكم طبيعة

 

[أنفال q8]

بصراحة لاتزعلين إنتي تدرين زوجج مشغول باله بمشروعه وانتي كبرتي السالفة بس ديري بالج حساسيتج لاتخليج تخسرين زوجج وأنا مع الأخوات إنتي بادري ويكفي إنه يقعد بالبيت تخيلي يطلع ويجي اخر النهار نفسه خايسه شراح تسوين؟؟؟؟

 

[تاقت]

من ناحية اللبس والاهتمام بالنفس ..ستل أنا مهتمه صج ساعات من الضيقه مالي خلق بس أقومها وأكشخ حتى لغير زوجي لأن قبل كان كله يقولي لمن ابي ازور أحد كشخي ولبسي أحلى شي عندج وقطع هالشي من فتره بس بعدني أسوي هالشي..!

ومعاكم في نقطة إني أشغل نفسي ..أنا ما أشتغل بس متطوعه بمركزين والشغل فيهم مو بسيط بس أنا ماعطيته حقه بس أعتقد لو عطيت الشغل حقه راح أنشغل فيه عن هالامور ..والله المستعان !

أحس لمن فضفضت لكم أرتحت..ولمن قريت ردودكم هم حسيت بالمشاركه وارتحت!!
يارب سخرلي زوجي ولجميع المسلمات ياربي
جزاكم الله خيراً

 

[توهان]

بعطيك نصيحه وحطيها دوم في بالك

زوجك مشغول بمشروعه خلك معاه
والأهم الأهم لاااااااااااا تهمليييييييييين نفسسسسسسسسك

أهتمي بنظافتك وشكلك و ابتسامتك
وخلك متألقه دوووووووم

تعرفين ليه
لأن الزوج اللي يسعى في مشروع لتحسين وضعه وبناء مستقبله
أول ما يخلص ويستقر ,, ينظر لزوجته
لو رآها متألقه جذابه حبها بزياده وأسعدها معاه
ولو هي عكس ذلك يعني مهمله نفسها على طول يبحث عن زوجه آخرى

ما قلتلك كذا الا عشان مصلحتك
بالذات لو زوجك شمالي شرقي

انا معاها

 

[تاقت]

بس مادري خواتي عندكم أقتراحات بالنسبه لسفرتنا صج أهيا شفرة شغل ومدتها حيل قصيرة !
بس ودي أسوي شغلات ماينساها ويستانس منها وتناسب وضعنا كمسافرين!

 

[ياغيابه]

زوجكـ طبيعي يالغاليه بس انتي تعودتي على اكثر من كذا عشان كذا انتي مش راضيه باقل من الاول

اختي وقت العواطف لاتطلبينه الا الحب والمشاعر والا راح يكون كلامه في مكانه لما قال استغليني ..
وكان بامكانكـ تقولين ليه مااستغلكـ مادمت كلي منكـ لكـ وانا فدى روحكـ ..

عاااادي .. وبالنسبه للمشروع اذا شغلتيه عنه وفشل راح يكرهكـ ويحس انكـ سبب الفشل حتى لو ماهو صحيح
وحاولي تهدينه كتب عن تنمية المشاريع وانجاحها والابتعاد عن الفشل .. حاوريه بيني ان اللي يشعله يشغلكـ

ترين هذي تسوى الرومنسيه بعيونه ..


ربي يسعدكـ ​

 

[مهوره]

بالنسبه للدوره المتلخبطه . انا مثلك كانت مو منتظمه واخذت حبوب وصارت تجيب لي عصبيه وكآبه مو طبيعيه
وحسااسه زيااده عن اللزوووم .. الشي الصغير تكبيرنه

 

[تاقت]

زوجكـ طبيعي يالغاليه بس انتي تعودتي على اكثر من كذا عشان كذا انتي مش راضيه باقل من الاول ​

اختي وقت العواطف لاتطلبينه الا الحب والمشاعر والا راح يكون كلامه في مكانه لما قال استغليني ..
وكان بامكانكـ تقولين ليه مااستغلكـ مادمت كلي منكـ لكـ وانا فدى روحكـ .. ​

عاااادي .. وبالنسبه للمشروع اذا شغلتيه عنه وفشل راح يكرهكـ ويحس انكـ سبب الفشل حتى لو ماهو صحيح
وحاولي تهدينه كتب عن تنمية المشاريع وانجاحها والابتعاد عن الفشل .. حاوريه بيني ان اللي يشعله يشغلكـ ​

ترين هذي تسوى الرومنسيه بعيونه .. ​

ربي يسعدكـ ​

الغاليه والله حدج نورتيني !! كلامج صريح وعجيب
تدرين فكرة الكتاب عجبتني لأان ريلي اصلاً يحب الكتب وبنفس الوقت صج راح يحس ان واقفه معاه!!
الله يرزقج الفردوس
يزاج الله خير اختي

 

[تاقت]

اختي مهورة..آنا خلاص من كورس حبوب اليوم وباديه بكورس ثاني للتنظيم وايد سمعت إنها اتييب الكأبه تعبت

 

[ياغيابه]

آآآمين واياكـ يالغلا


الله يردلي من فقدته عاجل ياكريم ​