$. صينية بشيميل الدجاج بالأعشاب .$

[البيت السعيد**]

بسم الله الرحمن الرحيم

السلاااااااااااام عليكم روحمة الله وبركاته،

قبل فترة نزلت موضوع شيش طاووق الدجاج بالأعشاب، وكان للعشى،

http://www.niswh.com/vb/showthread.php?t=328644


وزادت كمية إستخدمتها اليوم اللي وراه مباشرة حق طبق ثاني وتابعت إستخدام الأعشاب والنتيجة كانت طبق لذيييييييييذ وريحته خنينة، خليت فيه مقادير من عندي، وكلها نص ساعة والطبق كان جاهز للأكل يميييي،:39:


صينية بشيميل الدجاج بالأعشاب

المقادير:

حبة بطاطس مقطعة صغار
حبة جزر مبشورة
جبن سليس
للبشيميل: (ملعقتين كبار طحين + كوب ونص حليب سائل + مكعب واحد مرق ماجي + قطعة زبدة 10 غرام + نص علبة روب + نص ملعقة بقدونس ونعناع وريحان وأورغانو مجفف)
والدجاج اللي إستخدمته من قبل،



الطريقة:

أول شي إقلي البطاطس مع الجزر في شوية زيت، وبعدين حطيه كطبقة أولى،

بعدين صفي فوقه الدجاج مثلما موضح في الصورة،

خلطي كل مقادير البشميل ما عدا الأعشاب مع بعضها على النار، وإذا إحتاج شوية حليب أكثر ضيفي، وفي الأخير حطي الأعشاب وحركي لين ما يصير قوامه غليظ،

بعدين صبي خليط البشميل فوق الدياي، وحطي الجبن على شكل شرائح، علشان تبين طبقة البشيميل والأعشاب اللي فيها،

ودخلي القالب الفرن تقريباً ربع ساعة أو لين ما تشوفين السطح صار ذهبي شوي، وهذا شكله عقب ما طلعته،

وعن قرب،

ريحتها كانت خنينة وايد، وحتى الطعم، أكلناه مع خبز وسلطة، وحقكم العافية :3:

​

 

[نقااء الثلج]

ماشاءالله وربي شكلها جنان يسلمووو الغلا

 

[أم الشبل]

 

[مييسو]

ابدعتي سلمت يداك

 

[مَلآمِحْ حُلمْ]

تسلم الأيادي,,​

 

[هدوء أميرة]

تسلم الأيادي يامميزة ​

 

[سوسوني]

شكلها لذيذ ماشاء الله ننتظر المزيد

 

[كامبوره]

يسلمووو فديتكـ على احلى وصفة
مبدعه الله يسعدكـ يارب
وبشوق لجديدك

 

[شروق مبتسم]

جااااري التطبيق
يسلمووووووووووووووو