صديقتي وآنا

[ابي اراضيه]

السلام عليكم ورحمة الله وبركآته ..​

كيفكم يابنااااااات .. عندي مشكلة .. وابي اخذ رآيكم فيها ..​

بدخل بالموضوع على طول .. انا عندي صديقه اسمها ( نوآل ).. من سنين معاها .. وعلاقتي
فيها مره قوية اروح لعندها البيت وتجيني واهلي يعرفون اهلها .. البنت تزوجت ..
وتغيرت شوي علي .. ماصرت اشوفها مثل قبل .. كنت اشوفها يوميا ونجلس سوآ مع بعض
وعندي بنت خال( حنان ) .. بعد انا معها سوأ وبعد صديقتي غابت عني .. تقربت من بنت خالي اكثر
لآنو بعد هي نفس الشي صديقتها تزوجت وتغيرت عنها شوي ..
فصرنا يوميا انا وبنت خالي نشوف بعض .. واحيانا تجي صديقتي وتجلس معانا ..
اللي صار .. انو طلعت بنت( سلمى ) تعرفنا عليها بحفله .. وصرنا نشوف بعض مابين فترة وفترة ..
الين البنت حبت شخصيتي وطيبتي واخلاقي ومو بس هذا الشي حبت جمعتنا انا وبنات خالي ..
وحنا حبينا نتجمع فيها سوالفها حلوه .. طبعا البنت هذي .. عندها بعض السلوكيات
يمكن الاغلب منا مايحبها .. طلبت مني اني اغيرها تقول آحس انك انتي الانسانه الوحيده
اللي اقدر اتغير على ايدها وابيك تساعديني وفعلا َ ماقصرت مع البنت الين غيرت فيها اشياء
كثيرة .. اللي صار .. صديقتي نوآل صارت تغار من سلمى وماتطيق سيرتها ابدأ .. وتخيريني
بينها وبين سلمى واقولها ماقدر اتركها صعب ماحب احرج أحد والبنت طلبتني اساعدها وانا حبيت
بنت الناس في الله .. بعدها صار انو انخطبنا انا وحنان بنت خالي بنفس الوقت .. ومن انخطبنا
قوت علاقتنا أكثر بأكثر .. وصارت ننوال تغار بقوة من حنان سلمي وانا اقولها حنان بنت خالي
وانتي صديقتي فيه فرق من بينكم ..
المهم اللي صار .. البارح كانت جايتني حنان بنت خالي ومعها سلمى .. علشاني ملكت ومسوين حفله
المهم قالو لي اتصلي على نوال تجي تنبسط معنا واتصلت عليها وجأت مع انها مآتحبهم ..
اللي صار انو حنان و سلمي صارو جايبين لي هديه وبعد قطعنا الكيك .. لبستني سلمى عقد ذهب
جابته لي هدية .. بعدها مشت نوال واتصلت علي .. وتقول لي ماله داعي حركتهم .. ويبون يقهروني وكلام فاضي
وهذي صار لها شهرين وتهديك وعلاقتك فيها قوية وكلام كثير قالت لي يااانا ياهي .. قلت لها
مافيها شي يعني انتي مكبرة الموضوع .. قالت لي لازم احط حد وانتي اختاري ومنها بعرف قدري
عندك ..​

ملاحظه .. نوال صديقتي من سنين ولا اقدر اتركها بس تصرفاتها مدري كيف صايرة .. وغيرتها
زايده ..
سلمى : البنت بعد تغيرت ماقدر اتركها لان صارت تمام .. وماقدر اتركها علشان مريضه ومابي
تحس اني تخليت عنها علشان مرض .. او علشان صديقتي طلبت مني ..​

صديقتي مالها حق باللي تسوية ومهما صار مستحيل اتخلآ عن سلمى .. وبنفس
الوقت مابي اترك صديقتي مع اني فهمتها انو هي غير وسلمى غير .. وعآدي لو صرنا
كلنا صديقات بس ماتبي تغار تقول مابي احد ياخذك مني .. مع انو زوجي موجود ..
بس مدري كيف اتصرف معاها .. فقلت مالي الا الله ثم انتو .. ابي ارد .. عليها بأسلوب
مقنع يخليها ماتتكلم بولا كلمة ..​

يمكن البعض يشوف السالفه ماتستاهل بس انا والله تعبت الكل يتخانق قدآم عيوني ..
علشاني .. وأنا مابي يصير كذا ​

انتظر رأيكمـ .. وتحياتي للجميع .. :20:​

 

[يابعدها سماي]

​

صديقتك هذي تغار عليك ولا منك
!!!!!!​

والله اش كثرها ها الغيره بين البنات عقارات صرنا مو صديقات !!!​

بس الغريب إن صديقتك متزوجه !! خير تغار علس وهي عندها زوج !!​

انت فاضيه لحركات البزارين هذي ؟!!​

انت وراك زواج ومسؤليه بتقعدين تخلين ها الانسانه تشغلك ؟!!​

بقولك اللي اسمها نوال علاقتها بزوجها كويسه ؟!!​

اكيد واعتقد لا !!​

ولا ما كان تحركت عندها مشاعر الغيره عليس مو على زوجها الاولى !​

والله انا رايي لا تتركين ولا وحده ​

وكمان لا تخضعين لطلبات المقارنات ولا التفضيل والتخير ​

انت من حقك تصادقين اللي تبين مو من حقها تفرض عليك اللي هي تبي​

وانت مو من ضمن ممتلكاتها​

كلميها بالين واقنعيها إنها غاليه وان الباقيات غاليات وتحبين الجميع​

وحاولي تكلمين سلمى تبادر وتتعرف عليها كويس وتحاول تصادقها وتتحببها فيها يمكن تلين !​

والله اللي تحبك صدق تحب لك الخير وهي شايفه انك تحبين صديقاتك ومرتاحه معاهم ​

المفروض من غلاتك عندها تحبهم لانهم يحبونك مو تغار عليس !!!​

قولي لها ان صديقاتك مارح تتركينهم وانها لازم ما تتدخل في اختياراتك وانك بعد تحبينها ومتمسكها فيها ​

إن رضت بهذا الوضع كان بها مارضت ​

لاتزعجين نفسك وخاطرك عشانها وحتى لو قاطعتك انت كوني احسن منها كلميها وراسليها وحتى لو ما عبرتك​

انت سوي اللي عليك وهي رح تزعل وبترجع لك ​

ولو ما رجعت وظلت مقاطعتك انت سويتي اللي عليك ​

وتاكدي الانسانه اللي تحاول تتحكم فيك وفي علاقاتك مع الناس هي ما تحبك محبه خالصه هذا اسمها انانيه ولو فقدتيها لا تحزنين يمكن خيره لك








و الف مبروكـ والله يوفقك بحياتك ​

 

[ريهاااام]

ههههههههههههههههه
يتهاوشون عليك ((انتبهي لاتقطعين بين ايديهم ))
يااااربي وش هالخرابيط
لاتتركين ولاوحده من صديقاتك ..
ولاتعطينهن فرصه لتمادي ((بقولة انتي لي واتركي فلانه سكتيهن من يبدن بالسالفه هذي قولي كلكن صديقاتي ونفس غلا بعض ومااميز احد ع احد..كلكن وااااحد...
الله يهديهن وش هالحركات ...

 

[نغم الحياة]

والله مافي زي الصدقة بس ليش صديقتك تغار
حاولي تحبيبهم في بعض
والله يكون في عونك

 

[بتلات الحب]

اهليــــــــــــــــــــــــــن حبيبتي..
نادي البناااااااااات في بيتك..نوال ولا تقوليلها انوسلمى جايه ..
بـــــــــس..
فهميها انو بأعرفك على وحده مرررررررررررره طيبه..
ولما تشووووووووفها ..
حااااااااااااااولي تحبيبيهم في بعض..حاااااااااااولي توري لكل وحده منهم حسناات التانيه وصفااااتها الحلوه..
يمكن سبحان الله يتفقوا مع بعض..
اوممكن تفهميهم انك مررررررررررريض فيزوروكي الاتنين ويتقااااااااااااابلوا ..
حاااااااااولت اديكي اقترحات بس..
مدري ..
الله يعينك ويساعدك..
مودتي..​

 

[عذبه المعاني]

نفس راي بتلات الحب ^_^

لا تتخلين عن حد .. والله يألف بين قلوبكن

ومبرووووك عالخطووبه ^.^

الله يوفقج

 

[•мš.رشـّا.| ▐|✿]

لو انا مكانك بقول

انتي صديقتي وانا احبك وانتي على راسي وعيني

لكن مااسمح لك تسوين فيني كذا ..!! انا انسانه وحرة بتصرفاتي ولاحب احد يحكمني

ومن رايي لاتجيبين لنوال طاري سلمى ابد وان سئلتك عنها قولي لاتسئلو عن اشياء ان بدت لكم تسوءكم

وبس

 

[صمت الحنينـ]

انا اعاني من هالمشكله مثلك
صحبتي تغاار من كل الي حولي
حتى تغار من اختي
لمن تجي اختي المسافره بس تنتظر متى ترجع
حالتها صعبه والله ودايما اهزئها
اقولها انتي صحبتي مو زوجي عشان تغاري ههههههههههههههه


مااقول الا الله يعينك
بس انصحك وقفيها عند حدها لان حركاتها تطفش