(صديقتي لا تخليــــــــــــــــــــني)..

[تحت التراب]

السلام عليكم والرحمة ..
بعد ماشفت الردود تشجعت اني اكتب لكم ..
وان شاء الله ماراح تخيبوني..

قبل سنة او سنتين تقريبا كانت عندي صديقة من بلد 2 وكانت اكبر مني ب4 سنوات على ماظن ..
وكنت اكلمها كل يوم بالماسنجر ونتواصل دايما وكلما صارت فرصة تزاورنا .. لكنها تزوجت وانشغلــــــــــــــــــــــــــــــت الحين تواصلنا قليل جدا ..
ومعنى الصداقة الي بينا صار مااضي .. حتى اني اذا تضايقت ماتبين لي انها تبي تعرف شفيني وشمضايقني !!

لكني ماتحملت هالوضع لاني دائما ابحث عن صديقة تملي علي الدنيا واكلمها واتواصل وياها فكل وقت .. ولكن.. (واحبب من شئت فانك مفارقه)

خلال فترة بداية زواج صديقتي كنت انا تعرفت على بنت وياي فالكلية ومعاي فنفس القسم
وطول الوقت مع بعض حتى اني غيرت مجموعتي عشان اصير معاها فكل وقت وفي كل ثانية
كانت لي نعم الصديقة .. كانت لي نعم الاخت ونعم الحبيبة .. ولازالت ..
من كثر ماهي غاليه على قلبي بس يجي الاربعا ويجي الخميس والجمعة تتغير نفسيتي واتضاااايق اذا جا اخر الدوام واهي تهديني وتقول بيجي بكرة لا تضايقين مع ان احنا مانخلص دوام الا الساعة3 العصر يعني من الصبح انا وياها ..

قبل فترة اتصلت علي امها وقالت لي عندي لك بشارة وقالت لي ان صديقتي انخطبت الله يعلم شقد فرحت لها بس غصبا عني صوتي تغير بس ماصار شي رسمي بس انه جاو وتكلمو فيها ..
وخلال هالاسبوع الي بلغتني كنت وكانت وياي في حالة مايعلم فيها الا الله كنت اصيح بالليل واهي تصيح علي بالنهار .. وتوعدني وتحلف لي ان ماراح يتغير شي بينا وان ماراح تخليني ..بس انا طولت فالضيق (غصبا عني) وحسيتها ملت من ضيقي بس مابينت لي ..

وكنت اقول لها تحمليني.. واذكرها بفترة يوم جاو ناس وتكلمو ان يبوني بس مالله كتب نصيب شكانت تسوي واذا ذكرتها تسكت .. بس طول الوقت احس تمل من ضيقي ..

بديت امزح وياها باسم خطيبها واجننها باسمه بس في داخلي احترق .. حتى اذا تضايقت اطريه يمها عشان تضحك وكانت تضحك ..

آآآآه والله اني جربت فراق صديقة مرة ومابي اجربه مرة 2
مااااتحمل حياتي بدون صديقة تسمعني وتسال عني كل يوووم
خاااااايفة من المستقبل .. خاااايفة من حياتها الجديدة .. خايفة من وقت خطوبتها
وانشغالها .. لاني ماتحمل تنشغل بشي 2 .. خااايفة من نهاية هالسنة واني ماراح اشوفها
حاولت اشغل نفسي بدراستي واشغل نفسي باي شي 2 وكنت دايما اقول هذي سنة الحيا بس القى نفسي اهرب من مشكلتي لمشكلتي نفسها ..
صرت دايمااا اخطط لبعد الكلية واقول الله يكتب لي واكمل دراسة ..
صرت حساااسة هالفترة ازعل واتضايق على اقل شي تقولي اياه .. مدري شسوي
احس نفسي اناااانية بس ماااتخيل شخص يغير حيااتها واكيد حياتها بتتغير ..
شورو علي انا حاطة املي فيكم بعد الله

(صديقتي لا تخليــــــــــــــــــــني)..

 

[يابعدها سماي]

أحبب من شئت فأنك مفارقه

غاليتي / ما اعتقد ان المشكله في صديقاتك ولا في ظروف الحياه كلها امور طبيعيه اللي مو طبيعي هو تعلقك أكثر من الازم في صديقتك !!
صدقيني حتى لو تعرفتي على غيرها بتظلين بنفس الحاله !! متعلقه في انسانه بكرا بتتزوج وتنشغل وإن فرضاً ان صديقتك ذي رح تحاول تجاملك ولا تنشغل عنك حتى بعد خطوبتها وزواجها بس الى متى بكرا بجيها اطفال وغصباً تنشغل ومارح تقدمك على زوجها واطفالها
ومو معناه ان كل المتزوجات يتركون صديقاتهم بعد الزواج انا لي صديقات متزوجات يهتمون فيني ويسألون عني اكثر من اهتمامي وسؤالي عنهم

بس انتي غاليتي ما تحتاجين صداقه قد ما تحتاجين عاطفه وحنان وهذا اللي انا احسه بين سطورك كلنا نصادق بس مانتعلق
انتي صادقتيها وخليتيها هي محور حياتك لدرجة ماتتحملين الخميس والجمعه عشان ترجعين للكليه وتشوفينها اعتقد ان ها الشي مو بصداقه ابدا انتي اعطتيها اهتمام اكثر من اهتمام الصديقات وهذا الشي هو اللي متعبك وان صداقتي غيره بتظلين بنفس الحاله

من رأيي :
انك تشغلين الفراغ اللي بداخلك واللي يدفعك ان تتعلقين في اللي حولك اولا اشغليه في الذكر
اختي من وجد الله فماذا فقد ومن فقد الله فماذا وجد )
انتبهي في علاقتك بربك وحسنيها هي اللي تملى عليك حياتك حافظي على صواتك وعلى السنن وقرأت القران ولا تعلقين قلبك في غير ربك
ثانيا اشغلي نفسك بدراستك وخلي الحياه بهجه ومو معناه لا تصادقين لا طبعا الصداقه مهمه في الحياه لكن لا تربطين نفسك في إنسانه وحده او صديقه وحده يعني كوني مجموعة صديقات يعني شله او قروب
واذا ما قدرتي تكونين ها المجموعه حاولي تصادقين لك اي مجموعه ترتاحين لهم ويكونون محترمات لأن الشله الكبير ماتعطي مجال تتعلقين بوحد فيهم كوني صديقة الكل ولا تحصرين نفسك مع إنسانه وحده ابدا

وصديقتي ذي اللي انخطبت حاولي تخففين علاقتك فيها وتعلقك الزايد فيها طبعا لا تقاطعينها ولا تكثرين العتاب عليها عشان ماتمل

تذكري بكرا انتي نفس الشي بتنخطبين وبتتزوجين ويكون زوجك هو الانسان اللي يملي عليك حياتك بأذن الله وبتخلفين إن شاء الله وتكونين انتي مصدر العاطفه لزوجك واطفالك



الله ييسر لك اللي فيه الخير ​

 

[اوراق ملونة]

هذه سنة الحياة ..عاشر من تعاشر فلابد من الفراق...:icon26::busted_red:

غاليتى ..لكا منا حياته ..هى كانت تهتم بك لانه لاشاغل لهل بحياتها

والان رزقها الله زوجا سيشغل تفكيرها وحياتها:icon26:..ولكن ليس كلها..

سيبقى مكان للاهل والاصدقاء.ساعديها لتبنى اسره جيده..لن اكذب عليك..فهى

ستبتعد عنك قليلا وليس كثيرا:tears:

بحكم كثرة المسؤليات عليها..وليس لانها لن تحبك...:sadwalk:بل انها ستتمنى ان ترجع

ايامكما وضحكاتكما ...

حبيبتى:

حكمه تعلمتها ..لاادرى مدى صحتها ولكننى احترمها..:icon30:

لاتصادقى احدا بقوة كبيره تهبيه كل حياتك..لانه قد يهجر ..قد يخون...قد..

حتى لايكون مقدار الالم كبيرا..:sad_1:.

كما انه لاادرى اظن ان تحبى صديقة لك بكل هذه القوه شيء مستهجن؟؟؟؟

عندما تنخطبين ستدركين ذلك..وسيشغل بالك زوجك وقد تنسين انتى الاخرى

صديقاتك:blush-anim-cl:

غاليتى حاولى ان تكون لك مجموعة من الصديقات لاتقتصرى على واحده

ان غابت واحدة وجدتى الاخرى:icon31:

اشغلى وقتك بامور اخرى غير الصديقات..هوايات اعمال يدوية

حفظ للقران ..والشعر ..زيارات..

وان شاء الله الله يوفقك فى حياتك..:icon26:

اوراق ملونة

 

[اوراق ملونة]

الظاهر ان بعدها سماى كتبت ردها فى نفس الوقت ال كنت اكتب فيه.......

ووضعته قبلى بثانية.................:schmoll:

ماشاء الله افكارها مثلى ..يعنى ال يقرا يقول ..اوراق ناقله من يا بعدها سماى..:sad_1:

بس لاوالله..هذا اسميه توارد خواطر وماشاء الله ذكية مثلى:bigsmile::showoff:

بارك الله فيك يابعدها سماى:blush-anim-cl:

 

[تحت التراب]

السلام عليكم والرحمة
يابعدها سماي .. اوراق ملونة ..
اشكركم لانكم اول من تجاوب معاي ..
بالفعل انا عندي شلة زي ماقلتو وكلنا حبايب وصديقات
وعلى قلب واحد .. لكن مو كل شي ينقال مع كل الصديقات
ومو كل همومنا وافراحنا نقدر نخليهم يشاركونا فيها ...
انا حاولت اشغل نفسي زي ماقلتو باشغال يدوية وغيره..
لكن ..
والحمدلله ان شاء الله قرريبة من ربي (واساله دائما ان يصرف قلبي اليه)

اختي اوراق ملونة
( ساعديها لتبنى اسره جيده.. )
ساافعل ان شااء الله ماكان ذلك بيدي ..
لكلماتك وقع هادئ في نفسي لا اعرف كيف اشكرك ..

 

[دبدوبه حيل]

لاحول ولا قوه الا بالله

 

[همسة إحساس]

وعليكم السلام ورحمة الله وبركاته


عاشر من تعاشر فلا بد من الفراق

وما أزيد ع كلام خواتي إللي قبلي

كلامهم عين العقل ربي يحفظهم ويبارك فيهم

شوفي حبيبتي ..

بقولك شئ واحد بس

الدعــــــــــاء .. الدعـــــــــــاء

هذا أهم شئ ..

ادعي ف كل وقت وف كل صلاة وقولي [ ربي لاتعلق قلبي بغيرك ]

والله يسهل أمرك ويرزقك الصحبة الصالحة

إللي تعينك ع الخير والصلاح يارب

=)

 

[~دلـع الـكــون~]

ينقل لقسم احضان الاستشارات البناتيه...

 

[انسه طفشانه]

اه بس
حطيتي يدك عالجرح
تخيلي صداقتي مع اعز انسانه 18 سنه وشكلنا بنترك بعض لمجرد ان خطيبها يكرهني وحاط في باله اني بنت مو متربيه وهو ظالمني
الله يفرجها علينا وعليكي

 

[همس amirah]

ادعي دائما يارب ارزقني بالزوج الصالح عاجلا غير آجل
وصديقتك ابعدي شوي عنها ولا تفكري فيها لأن لو ما سويتي كذا من الحين بتنجنين بعد الزواج والله اني حاسة فيك بقوووووووووووووووووووووووووووووووة

 

[مايصحش هالحتسي]

يابنت الناس هذي حال الدنيا
انتى باكر راح تتزوجين وتلهين بزوجك وعيالك

 

[تحت التراب]

دبدوبة حيل .. همسة احساس
شكرا لتوواجدكم

انسانة طفشانة
بردتـــــــــي خااطري اخيررررا لقيت الي تفكر مثلي
بس ان شاااااء الله خطيب صديقتك يغير نظرته فييك
الدنيا مااتدوم وصديقتك اذا تعزك ماتتركك لو شيصير ..
اليوم صارت لي مواقف حلوووووة مع صديقتي .. هالفكرة ان شاء الله بتروح عن بالي
وان شاء الله ماراح يتغير شي بينا..

همس
طلبك صعب ..
والله صدقتي من ناااحية بنجن يمكن انجن بس ان شااء الله بتعوود وانا احاول اتعود
عشان لا اضيع صدااقة عمري لاني احتااجها ..

مايصحش هالحتسي
فعلا هذي سنة الحياة بس بعد ارجع واقول
اصااابعنا مو سوووا

الف شكر لكل من توواجد

 

[همس amirah]

مافيه احد يستاهل في هذا الزمان ونصيحة لا تتعلقين فيها لأنك انتي بتنضرين وهي بتعيش حياتها
مع احترامي لك ولصديقتك صدقيني راح يجيك منها مواقف تندمين انك اعطيتيها وجه في يوم من الايام

 

[تحت التراب]

همس
شكرا لتواجدك
بعد اقول اصابعنا مو سوا وياما قريت قصص
ان صديقات استمرت علاقتهم حتى بعد زواج وحدة منهم