صدمني رده عن مسك الطهارة

[حوآء قطر]

يابنات من كثر ماسمع عن مسك الطهارة قلت خلني اجربة واشتريته من شهرين ولما اخلص من الدورة اكرمكم الله امسح على المنطقة الحساسة منه بس لما اخطه احس بحرقة والم فظيع وعلى طول اغسل المنطقة الحساسه حتى تهدأ الحرقة،، استغربت من هالشي ليش انا يصير لي جذي قلت يمكن فيني حساسية من العطورات وماسمعت انه وحده اشتكت منه وسألت موظف هندي في محل القرشي عن مسك الطهارة الي لونه اسود غليظ تدرون اشقالي ارمية زباله لانه مش للجسم وهو نوعه ردئ وهو مش مسك الطهارة الاصلي الوكيل يسوقه للبيع بس وفهمت انه غش تجاري انصدمت من جوابه اشلون وانا دوم اسمع عن استخداماته وهل هو المسك الي قال عنه رسولنا الكريم صلى الله عليه وسلم او شي ثاني؟ خاصة من بعد ماقمت احطه احس بألم وحرقه شديدة عشان جذي شكيت،،قمت اشتريت مسك ثاني سائل ابيض خفيف وريحته روعه اسمه مسك العروس قالي هو الاصلي بس مغيرين الاسم،،فبغيت رأيكم في هالموضوع الله لايحرمني من ردودكم الطيبه

 

[اتحدى العالم]

حبيبتي مسك الطهاره الاسود تستعملين نقطه وحده فقط اونقطتين بالكثيييييييييييييييييروبتحسين بحراره بسيطه بس بالنسبه للغش التجاري ماعندي اي خلفيه عن هالموضوع

 

[باحثة عن السعاده]

أصلا كل هالاشياء غالبا تسبب التهابات وانا سمعت مره دكتوره تتكلم قالت افضل شي هو الماء....

 

[حوآء قطر]

انا كنت احط كميه في القطنه وامسح بيها المنطقة احس كاني حاطه ماي نار مب مسك وشكيت ليش يصير لي انا جذي شكلي بتركه وبستخدم غسول طبي افضل لي جزاكم خير خواتي على مروركم والرد

 

[*همسة*]

مسك الطهارة حتى الان لم أجد الاصلي المذكور بحديث رسول الله صلى الله عليه وسلم

لاني لم اسمع بخبر اكيد يدل على ان المسك يباع عند القرشي فضلت ان استعمل الماء فقط

لانه ياعزيزتي تفتحين على نفسك ابواب انتي في غنى عنها


فاذا كان المسك مغشوش فسيتسبب ذلك بــالتهابات وسواد في المنطقة

إذا تاكدتي ان ماتستخدمية هو فعلا مــسك الطهارة لاباس

موفقة

 

[دموع شفافة]

حبيبتي ان اخذته من هيئة الاعجاز العلمي بالطائف حضرت محاضرة عندهم ولفيتهم مخصصين ركن لبيع كل مايخص السنة ...فوثقت فيهم وشريته...وطلع رائع

 

[هوى بلادي]

عزيزتي الكل يعرف ان هذه المنطقة حساسة اذا كان الصابون وكثرته بتسبب حكة والتهاب وااااالخ...كيف نخلي أشياء
مانعرف مصدرها ...أتركي عزيزتي ...والله يحفظ الجميع

 

[حوآء قطر]

مشكورات خواتي على ردودكم الطيبه وجزاكم الله خير