صدمة الظلم

[عـروق الـوفـا]

سلام

بنات
بقولكم علي قصة
هذه تقربني وعاشت لها فترة معنا الان هي متزوجة
واعتبرنها جزء منا
ومثل خواتي

المهم هي نمامة تجلس معي يازينها وتبدأ تسولف بخلق الله وتقول انهم مثلا فلانة تقول فيك كذا
وتثير نار قلوبنا

وتروح من عندنا وتقول للناس حنا نقول فيهم وفيهم
يعني كله كلام شين
والحريم يبعدون عنا
راحت لبنات عمي وتتهمنا اننا نتكلم فيهم وصلحت مقاطعة بين الاقارب بسبب نميمتها
وانا بريئة من كلامها
وراحت لصديقتي وتقولها انني اضحك عليها وتكلم فيها بالسوء
وفوق هذا كله
تتهمني بشرفي حسبي الله عليها
وقالتها لي ليش انتي تصيرين احسن مني !!!
في قلبها حقد وحسد
المشكلة كيف اتصرف معها
دعيت عليها وربي ياخذ حقي منها
لكن المشكلة الناس اللي الان تضحك عليهم وتنقل لهم كلام كله كذب عني
حتى يبتعدون عني
وتخوفهم اللي تشوفهم ما يصدقونها تقول اني ساحرة
حسبنا الله ونعم الوكيل فيها
اللهم اكفنا ياها بما شئت
والله واكبر عليها
حـــــــــــــاسة بقهر بنار تغلي بقلبي ,,,,,

 

[الملكه اليزابيث]

ادعي وانتي ساجده

اللهم اعني ولا تعن علي

وطنشيها وش اللي انشبك

 

[صاحبةعيالي]

ياختي ليش ما تسوين موجهه معها
ترتبين جلسه عندك او عند اي احد وتفتحين الموضوع
ليش ما تواجهينهم ببعضهم لاجل توضحين الامور بدل مانتي ساكته كذا وتاركتها تسرح وتمرح
وبعدين وشلون عرفتي بلكلام اللي انقال على اقاربك اللي وصلك
جيبها واجهي الجميع طالما مظلومه

 

[عـروق الـوفـا]

انا ادعي عليها وربي ينصرني عليها
ولي الان ثلاث سنوات ما شفت وجها
لا بارك الله فيها
لكن الكلام يوصل من الناس وحتي صديقتي بدت تغير
وعرفت باادلة واضحة جدا
لكني عادية
وهي همها الان تريد كل الناس اللي نعرفهم يكرهونا
حتى مايصير معنا احد
,,,,,

 

[عـروق الـوفـا]

جبنها واجهناها قبل المقاطعة وتحلف بالله كذبا
حتى اقرب الناس لها قالوا لهن والله انك قلتي كذا تقول كذب ما قلت كذا
والان مصلحة مشاكل مع اخواتها وتنقل النميمة بين اخواتها
للا ايقاع بينهم
تحلف وتقسم بالله انها ما قالت كذا
وتكمل موضوعها النميمة والايقاع بين الناس

 

[فجروغروب]

حبيبتي اكيد بيجي يوم وبتنكشف وانتي دوم أدعي ربك اللهم من أرادنا بسوء فشغله بنفسه

 

[Just Like sugar]

تصدقين انا اعز صديقاتي واعز قريباتي تسوي كذاا فيني بعض المرات

وكنت اسكت واقول غيرة البنت تسيطر عليها وتسوي تصرفات بدون شعور ...

تخيلي وصل فيها الامر انها لما تمشكلت بخطوبتها مع خطيبها وقررت تتركه ... انها مارتااحت الا لمااا تسببت بانفصالي مع خطيبي انا بعد .... وجالسه بالمرصاد عشان تتأكد انو مافي فرصه انا وخطيبي نرجع لبعض

ماتحملت انا قلت لحد هنااا وبس .... تغاضييت كثيير ... وهالمره ماراح تمر مثل قبل .... قاطعتها وغيرت معاملتي معاها ... والحين هي محطمه نفسيااا بسبب هالشي ... لأن انا وهي من طفولتنا اعز صديقات ... وجاتني مره ومرتين وخمس ... تبي ترجع العلاقه ... بس انا ماقدرت اسامحها ،،،، صدييتها ... عشان تعرف اني مو لعبه بين ايدينها تتسلى فيني​

 

[عـروق الـوفـا]

الله يسعدكم جميعا
والله الظلم مر
انا مقاطعتها والمصيبة هي ما طلبت السماح من احد
كم رمضان مر
وكم اثنين وخميس يمر
والاعمال ترفع الي الله
هذة مستمرة في ظلمها وكل شوي مطلعة سالفة جديدة من تأليفها وتفنن في ظلمها لنا
الله حسيبها بس
يارب تأخذ حقي منها
ياحي ياقيوم
ياحي ياقيوم
ياحي ياقيوم

 

[مــــرح]

هذه لو تشتكونها للمحكمه ترى لها عقوبه اظن جلد او شئ من هالقبيل لأني اذكر قريت قصه لبنت كانت كذا تسوي وكانت تزيد تتصل على قنوات وببرامج فيها شيوخ وتسوي بلبله في امور عقديه واخر شئ تتبعوها وعرفوا هي من وين ومسكوها وجلدوها .. لأنها مثيره للفتنه .. لازم توقفوها عند حدها والنميمه هذه مرض مايوقف عند حد الا اذا اتردعت بشئ كبير .. الله يعينكم عليها بس انتو المفروض تتصلو على الناس اللي معاملتهم تغيرت معكم وكانكم ماتدرو انها كلمتهم وقولو لهم ليش تقولون عنا كذا وكذا اكيد بيسألوكم من قال وحنا ماقلنا وبعدها بتنكشف الاوراق كلها للجميع والكل بيتحاشاها ..الله يعينكم والله

 

[قصه الم]

الله يهديها

 

[الطائر الهادى]

الله يعينك عليها

مافي مثل دعوة المظلوووم

 

[عـروق الـوفـا]

شكرا لكم جميعا

اللهم انصرنا علي من ظلمنا

ياحي ياقيوم

دعواتكم بنات