البيت السعيد**
New member
- إنضم
- 3 يناير 2009
- المشاركات
- 603
بسم الله الرحمن الرحيم
والسلاااام عليكم ورحمة الله وبركاته،
اليوم بحط لكم صالونة السمج، طبخة سويتها من زمان وحطيتها في منتدى ثاني، بس حملت الصور مرة ثانية وشلت إسم المنتدى السباق،
محبوب الجميع وخصوصاً إحنا في البحرين،
صالونة السمج
إنزين يالله نبدأ بالمقادير:
جزر مقطع إصغار / فلفل أخضر حلو مقطع إصغار/ بصل مقطع طويلي / طماط مقطع إصغار / كوسة مقطعة قطع صغيرة / حشيش (كزبرة اللي أهوه تابل، شبت، واشوية بقدونس وكم حبة ورق الغار) / صلصة طماط/ بهارات (بحرينية مخلوطة ، كركم ، جلجلان، هيل، سنوت، اشوية ليمون مطحون / هيل مطحون / فلفل أسود، فلفل أبيض / وماي / إي ونسينا السمج آنا إستخدمت الشعري، كنت بطلع جيسة الهامور بس تلخبطت وطلعت جيسة الشعري .
الطريقة:
أول شي نحمس البصل والثوم مع بعض لين ما يصير البصل إشوي شفاف بعدين إنخلي السمج المنظف والمغسول زين فوق البصل ونقليه اشوي،، (( نقلي السمج بس إشوي علشان بعدين يتشرب الصالونة والبهارات ))
ملاحظة في هالمرحلة لا تبهرين السمج إلا بشوية ملح وفلفل أبيض، لأن بعدين بنحط بهارات وخلي في بالج إن كثرة البهارات يخلي الصالونة إتصير مرة،،
بعدين قلبي السمج علشان ينقلى من الصوب الثاني،، وصكي الغطا جذي 5 إلى 10 دقايق بس لا تطولين لان السمج بسرعة بيستوي وإحنا ما نبيه يستوى كامل علشان بعدين انخليه في الصالونة ويتشرب الصالونة وفيها البهارات،،
إنزين انشيل السمج ونخلي في صحن ونغطيه،،
بعدين حطي باقي الخضرة ما عدا الحشيش وقلبي فيهم إشوي وخليهم على النار 10 إلى ربع ساعة وخلي نص كوب ماي إذا حسيتيه ناشف وصكي الغطا وتعالي له بعد إشوي.
بعدين حطي البهارات اللي قلنا عنها وصلصة الطماط والحشيش (بتلاحظين في الصورة إن الخضرة إستوت تقريبا )،، وخلط بلط وخلي بعدين فوق كلش عقب ما خلتي البهارات والصلصة مع الخضرة قطع السمج بس بالعدال علشان لا يتقطع،،وخلي كوبين ماي أو أكثر حسب اللي تبينه وإنتبهي وإنتي تصبين الماي على الطرف مو فوق السمج علشان ما يتفرفت،،
وملاحظة ثانية مو إترسين الجدر ماي وإتسوين لنا بحيرة :17: ، أتذكر أول مرة سويت صالونة سمج ترستها ماي، إلا تقول لي أمي فلانة شمسوية بحر قزوين؟؟ هههههههههههههههه للحين ما أعرف ليش أمي قالت لي بحر قزوين وما قالت بحر ثاني
حطي ملح لا تنسين،، ولا تخلين الطبخة وايد على ا لنار علشان لا يخترب السمج ويتقطع،،
وقدميه في طاسة حلوة وزينيها ،، وسوي معاها عيش أبيض وعصير ليمون بالنعناع
جربوا هالطريقة وخبروني،، ترى السمج يصير طعمه لذيذ والريحة خنينة تضرب في الراس..:3:
وبالهناااااااااااااء والعافية :15:
والسلاااام عليكم ورحمة الله وبركاته،
اليوم بحط لكم صالونة السمج، طبخة سويتها من زمان وحطيتها في منتدى ثاني، بس حملت الصور مرة ثانية وشلت إسم المنتدى السباق،
محبوب الجميع وخصوصاً إحنا في البحرين،
صالونة السمج
إنزين يالله نبدأ بالمقادير:
جزر مقطع إصغار / فلفل أخضر حلو مقطع إصغار/ بصل مقطع طويلي / طماط مقطع إصغار / كوسة مقطعة قطع صغيرة / حشيش (كزبرة اللي أهوه تابل، شبت، واشوية بقدونس وكم حبة ورق الغار) / صلصة طماط/ بهارات (بحرينية مخلوطة ، كركم ، جلجلان، هيل، سنوت، اشوية ليمون مطحون / هيل مطحون / فلفل أسود، فلفل أبيض / وماي / إي ونسينا السمج آنا إستخدمت الشعري، كنت بطلع جيسة الهامور بس تلخبطت وطلعت جيسة الشعري .
.jpg?psid=1)
الطريقة:
أول شي نحمس البصل والثوم مع بعض لين ما يصير البصل إشوي شفاف بعدين إنخلي السمج المنظف والمغسول زين فوق البصل ونقليه اشوي،، (( نقلي السمج بس إشوي علشان بعدين يتشرب الصالونة والبهارات ))
ملاحظة في هالمرحلة لا تبهرين السمج إلا بشوية ملح وفلفل أبيض، لأن بعدين بنحط بهارات وخلي في بالج إن كثرة البهارات يخلي الصالونة إتصير مرة،،
.jpg?psid=1)
بعدين قلبي السمج علشان ينقلى من الصوب الثاني،، وصكي الغطا جذي 5 إلى 10 دقايق بس لا تطولين لان السمج بسرعة بيستوي وإحنا ما نبيه يستوى كامل علشان بعدين انخليه في الصالونة ويتشرب الصالونة وفيها البهارات،،
إنزين انشيل السمج ونخلي في صحن ونغطيه،،
بعدين حطي باقي الخضرة ما عدا الحشيش وقلبي فيهم إشوي وخليهم على النار 10 إلى ربع ساعة وخلي نص كوب ماي إذا حسيتيه ناشف وصكي الغطا وتعالي له بعد إشوي.
.jpg?psid=1)
بعدين حطي البهارات اللي قلنا عنها وصلصة الطماط والحشيش (بتلاحظين في الصورة إن الخضرة إستوت تقريبا )،، وخلط بلط وخلي بعدين فوق كلش عقب ما خلتي البهارات والصلصة مع الخضرة قطع السمج بس بالعدال علشان لا يتقطع،،وخلي كوبين ماي أو أكثر حسب اللي تبينه وإنتبهي وإنتي تصبين الماي على الطرف مو فوق السمج علشان ما يتفرفت،،
وملاحظة ثانية مو إترسين الجدر ماي وإتسوين لنا بحيرة :17: ، أتذكر أول مرة سويت صالونة سمج ترستها ماي، إلا تقول لي أمي فلانة شمسوية بحر قزوين؟؟ هههههههههههههههه للحين ما أعرف ليش أمي قالت لي بحر قزوين وما قالت بحر ثاني
.jpg?psid=1)
حطي ملح لا تنسين،، ولا تخلين الطبخة وايد على ا لنار علشان لا يخترب السمج ويتقطع،،
وقدميه في طاسة حلوة وزينيها ،، وسوي معاها عيش أبيض وعصير ليمون بالنعناع
.jpg?psid=1)
جربوا هالطريقة وخبروني،، ترى السمج يصير طعمه لذيذ والريحة خنينة تضرب في الراس..:3:
وبالهناااااااااااااء والعافية :15:
