شو رايكن بفكرتي؟؟؟ ساعدوني بردودكن

[حبة مطر]

هلا خواتي العزيزات

بصراحه من فتره وحده من بنات المنتدى تكلمت عن جهاز اللي يستعملونه في تركيب الفصوص اللي هي الشوارفسكي ...وجت في بالي فكره ابدأ فيه كمشروع اني اشتري هالجهاز واسوي منه شيل للعبي !!!
فشو رايكن خواتي تعتقدون فكرتي زينه وممكن تمشي ؟؟؟؟:icon30:
ابي اعرف كيف ارسم على الشيل الشكل اللي ابي اشتغل عليه هل له اقلام او ورق خاص ولا عادي بالرصاص
ساعدوني بأفكاركم وتسلمون :in_love:

 

[om.ahmad]

هلا عزيزتي..
الله يوفقج..
أما عن سالفة الفصوص..ترمين تسوينها بشكل ثاني..
بدل الجهاز..أول شي.. تضبطين الفصوص على الشكل غلي تبينه..مثل..تختارين شكل ورده..على الورقه..وبعدها تحطين..ورق جلاد شفاف.. خفيف..فتلصق الكرستلات..عليها..بشكل إلي تبينه..بعدين.. تثبتينه..على الشيله..بالكوايه..

جمعتلج شوية مواضيع..أن شاء الله تستفيدين منها..

:icon26::icon26::icon26::icon26::icon26::icon26::icon26::icon26::icon26::icon26:

ممكن ان تجددي بها ملابسك برسومات من اختيارك

او ممكن احرف تنكتب بطريقه جميله وطريقة العمل سهله جدا

شاهدي عزيزتي هذي الملابس بعد طباعة الرسوم عليها

تخيلي شكلها قبل الرسم كانت باهته ولابها شي من الجمال

ولكن بعد ماعملنا لها التشكيله الجميله من الرسومات

طلع شكلها حلو



الطريقه

سهله جدا هو ان تحضري اي رسمه لديكي وتعملي منها عدة نسخ

وترسميها وهي مثل عمل استنستيل على نوع من الورق وهو اسمه

فازلين يمسك في القماش عن طريق الكوي وبعد ذلك تقصين كل

رسمه وتضعيها في المكان الذي ترغبين بطباعتها عليه سوى

قميص او اي قطعه من الملابس وتثبتيها عن طريق المكوا ممكن

ياعزيزتي اذا لم يتوفر عندك الورق تستخدمي اي نوع من التجاليد

المتوفره واحتمال لو تسئلي في محلات البيع تجدي نوع مخصص من الورق

لطباعه على الملابس بس الفازلين ينفع لانه تقدري تشيليه بسهوله
وهذي الصوره توضح لك

هذه الصوره بعد مانتهينا من تبيت الرسمه على القماش
ابتدينا بتلوين وهي الوان مخصصه للملابس

هنا ياعزيزتي طريقه اخرى

وهو ان تعملي مجسم لرسمه على الورق وبعد ذلك تلصقيها بالقماش

وتحضري قطعه من الورق مستطيلة الشكل وتلصقيها على القماش

بهذا الشكل واطراف الورقه تستخدمي الاصق الورقي وتلصقيها

وبعد ذلك تضعي الون المرغوب على الورقه المستطيله وهنا

واضعين الون الذهبي وعندمل ينشف الون تشيلي جمي

الاوراق عن القماش

فيبقى شكل الرسمه مطبوع ولكن بدون الوان بداخل الون الذهبي

تحياتي الخاصة


بضيف أن شاء الله إذا حصلت شي يديد..وللعلم تره منقول..

 

[ام ابرار]

:::::::::::::::::::::::::::::::::::::::::::::::::::::::::::::::::::::

ما شالله ام احمد ماقصرت كفت ووفت ..

لكن انا رايي انج تاخذين الجهاز افضل دام انج راح اتاجرين بالشيل عملي اكثر ..

وقبل لاتبدين تاخذن كميه كبيره من المستلزمات ابدي بالقليل اول شي يعني ادربي لين ماتتمكنين وبعدين اتوكلي على الله ..

والشيل والعبي مطلوبه وبكثره .. اهم شي انج اتابعين الدارج عسب تمشي بضاعتج ..

وربي يوفقج ويرزقج الرزق الحلال ..

:::::::::::::::::::::::::::::::::::::::::::::::::::::::::::::::::::

 

[حبة مطر]

هلا والله
ام احمد اشكرج من كل قلبي على تعاونج معاي فعلا احتاج مثل هالأفكار الجميله تسلم ايدج ويزاج الله خير

والشكر لج بعد اختي ام ابرار على تشجيعج ونصيحتج ما قصرتي

 

[كتلة مشاعر]

السلام عليكم عزيزتي حبة مطر..
أنا اشتريت هذا الجهاز و كنت في قمة الحماس لتزيين الشيل و بالفعل بدات التجارب و استمتعت بالعمل و لكن تركيب الفصوص واحدة واحدة أمر متعب جدا و أنا مع أم أحمد طريقة الكواية أفضل أي أكثر عملية و أقل جهدا, الجهاز مفيد بحالة الخطوط كما على أطراف الشيلة و كذلك النقشات الصغيرة و لكن يحتاج الى صبر.. من جهتي تعبت و توقفت خاصة و ان الفصوص الاصلية شواروفسكي غالية 144 حبة ب 40 درهم أي تحتاجين الى 200 درهم لتزيين شيلة.. أكيد سعر الجملة أقل و لكني لم أجازف. خلاصة كلامي اذا كان لديك موهبة الرسم و الابتكار و الصبر و خاصة حب العمل فأنا أشجعك و بشدة و لكن جربي و تمرني و خذي برأي كل من حولك.
وفقك الله.​

 

[حبة مطر]

اشكر مرورج كتلة مشاعر وما قصرتي بردج وبنصيحتج
تبين الصراحه انا متحمسه لللشغله بس مثل ما قلتي الشوارفسكي غالي شوي وفعلا هالعمل يحتاج للصبر والموهبه بعد اممممممم الصبر عندي بس الموهبه والأفكار لا خخخخخ الله كريم

 

[ام شهد]

الله يوفقج الغالية حبة مطر

وانا حابة احصل ع الجهاز وووين ممكن القاه لاني ساعات احب

اسوي شغلات للبس بناتي فاضطر اني اوديه الخياط كل مرة

انا من الامارات ممكن تدلوووني ع محل يببع هالجهاز وكم سعره

وتسلمووووووون

 

[كتلة مشاعر]

هلا ام شهد انا اشتريت الجهاز عن طريق الانترنت..و سعره حوالي 30$ و التوصيل حوالي 13$

لدي اشتراك في aramex مما يوفر لي عنوان بريدي في بريطانيا و آخر في امريكا بالاضافة الى بطاقة mastercard مسبقة الدفع خاصة فقط للتسوق عبر الانترنت.. اقوم بشراء اي منتج و يتم التوصيل الى مقر aramex في امريكا او بريطانيا ثم يقوم aramex بالتوصيل الي و لكن اكون حريصة ان لا اشتري اشياء ثقيلة الوزن حتى لا يكلفني التوصيل اكثر من سعر المنتج نفسه!
و هذا هو الرابط:
http://www.i-kandi.com/proftouch.asp#buynow​

 

[حبة مطر]

اشكر مرورج ام شهد
واشكر مساعدتج لنا اختي كتلة مشاعر
بالنسبة للجهاز يا ام شهد انا شفت جهاز مختلف عن الجهاز اللي حاطه صورته اختي كتلة مشاعر لكن الجهازين نفس الفكره
شفته بمحلات الكلف في سوق نايف وقالي على 270 قيمته وسلامتج

 

[ام ابرار]

:::::::::::::::::::::::::::::::::::::::::::::::::

حبيبتي مثل ماقالتلج اختي حبة مطر .. بسوق نايف يتحصل ولكن كان سعره على 130 او 120 ما ادري اذا هذا بعد رفعوا سعره ..

:::::::::::::::::::::::::::::::::::::::::::::::::::::::::::::::::::

 

[حبة مطر]

هلا ام ابرار
معقوله بيكون سعرها على 120 او 130 وخلوها على 270؟؟
حسبي الله ونعم الوكيل !!
ولا يمكن في منه انواع هالجهاز انا خساره ما صورته يوم بسير المره الثانيه ان شاء الله بصوره وبحاول ادور على ارخص سعر

 

[(( نبأ ))]

والله احنا عندنا هالجهاز ونستخدمه ايضا للبلايز والتي شيرتات حقت الاولاد والبنات

مره يعطي البلوزه شكل حلو

بس والله فكره نسويها تجاره

 

[حبة مطر]

شاكره لج مرورج اختي نبأ
فعلا هالجهاز ممكن تستخدمينه لأي شي حابه تضيفين عليه لمسات حلوه
يالله ساعدينا بأفكارج وآرائج ...

 

[Magdoleen]

ام احمد : مشاء الله عليك مبدعة دااائما:icon30:
كتلة مشاعر: اضافة جميلة و مفيده منك:idea:
ام ابرار : اضافة رقيقة متلك:blushing:

ام شهد: مرورك عطر دائما:in_love:
نبأ: غاليتي اتمنى لك الإستفادة معنا:showoff:


:clap:حبة مطر:clap:
اتمنى لك كل التوفيق :icon30:
وخبرينا عن تجربتك فيها:msn-wink:​

 

[حبة مطر]

هلا جرح العمر
انا للحين ما بديت بشي ما ادري ليش متردده وحاسه اني بفشل قبل لا ابدي ؟؟؟ ابي ابدي بس ماعرف من وين ؟؟؟
بس عندي سؤال للي يعرف كيف ارسم الرسمه على الشيله بقلم رصاص او لها ادوات معينه ياريت تجاوبوني؟؟

 

[ندى المطر]

بتوفيق حبيبتي

 

[om.ahmad]

لا تخافين عزيزتي..
أبتدي في نفسج.. رتبي شيلج..فصصيهن..
فصصي.. ملابس..البنات الصغار إلي عندكم..
والله يوفقج...

 

[كونتيسة]

ما شاء الله ام احمد و الصبايا كفو ووفوا.. المشروع وايد حلو و مفيد و خاصة في دول الخليج .. ان شا ء الله بالتوفيق

 

[بوح العيون]

طيب ماتدرون وين يباع فى السعوديه(الرياض)

 

[جوجو فني]

واللة فكرتج حلوة بس انا مالي بهي السوالف بس اااذاا تبين اوزعها لج وااااذاا كنتي في قطر انا جاهزة بس لو كنتي في بلاد ثانية صعبة وايد لن مايسوى علينا رسوم الشحن والى الامام ترى الحريم همهم الشيلة ووالله فكره حلوه ووووايددددددددددد وتقدرين حتى تتعاملين مع اي محل وتعطينة وانشالله تتتوفقين.............