شو اسوي ويا بنتي؟؟الله يفرج همها اللي بتساعدني في هالشهر الفضيل

[راعية الحسن]

السلام عليكم..

شحالكم حبايبي شخباركم..بغيت اشرحلكم حاله بنتي توها مكمله شهر..هي يوم ترضع تتم 10 دقايق مثلا وعقب ماتبى او ترقد وانا ادري انها ماشبعت فاحطها عشبريتها وعقب 5 دقايق تصيح تبى ترضع مره ثانيه وجي طول اليوم انا متلعوزه وياها ما اروم اسوي شي..لأنها ماترضع مره وحده وماترقد ساعتين ولا 3 ساعات يمكن بس نص ساعه ولا ساعه..تخليني طول اليوم مجابلتنها وماعندي وقت لشي ثاني..فالله يجزاها خير اللي عندها تجربه وتروم تعطيني نصيحه استفيد منها..:12:

 

[ياحبني لنفسي]

حبيبتي الاغلب كذا

لان معدتهم شكبر؟

فـ بسرعه يشبعون

 

[Feeling Angle]

الله يعينك

 

[عيناك وجهي]

اختي اغلب الاطفال هكذا لين تخلص لاربعين
بس نصيحة( وانا رضعت اطفالي طبيعي بس)
لاتخليها تسوي الرضاعة ملهي يعني بعد ماتخلص الاربعين راح ينتظم اكلها ونومها اكثر لا كل ماتبكي ترضعيها لان المسالة عندها راح تصير تعود حتى لو ماجوعانة لهذا كنت ارضع اطفالي كل ساعتين (بس رضعة مشبعة )والله تعلموا مثل المنبه من يصير ساعتين تبكي تريد ترضع
والله يحفظها لك

 

[راعية الحسن]

مشكوورين خواتي عالنصايح والله يجعله فميزان حسناتكم..

عيناك وجهي ماتقصرييين الغاليه ريحتيني

 

[أحلى أحساس]

رفع

 

[عروبه هانم]

ولدي كذا

ماارتحت الا بعد ماكمل 4شهور الله يعينك ويعيني وكل مسلمه

 

[sorry dear]

انا كنت مثلك ماادري وش السالفه وكانت جدتي عندي وقالت انه ينام وهو باقي مارضع ايش تسوي تسحب زلوف الطفل تعرقي الزلوف غذا الشعر اللي عند الاذن ويقوم ويكمل يرضع لجد مايشبع وتنام ساعتين وتقوم ترضع
كل الاطفال كل ساعتين يقوم يرضع والله ارتحت مره

 

[sorry dear]

*تعرقي ....تعرفي
*غذا ,,,,هذا
*لجد ,,,لحد
سوري اخطاء

 

[fascinating]

نفس كلام اللي قبلي نبهيها ...
كل ما نامت جلسيها ..وبالتدريج...زيدي المده
انا الحمد لله الحين انتظممم

 

[الشيخه ريميه]

هلا اختي يمكن انتي اول ولد بس عادي اختي تو الطفل الفك عنده ضعيف يعني يتعب بسرعه ويريح وبعدين يبي حليب عادي اختي ان شاءلله يكبر ويتغير ويريحك قولي امييين

 

[umferas3000]

والله انا بنتي صارلها الله يحفظها 11 شهر وهيه على هادا الحال
الله يعيننا

 

[مامت جود]

طولي وانتي مارضعتيه يعني موتقعدين ساعه لا كل ربع ساعه وكل ما كبرت زيدي المده