شوفو اليوم وش حصل لي

[نااانة]

اهلين صبايا بدخل الموضوع على طول

انا متزوجة من 3 سنوات وطبع حمولتي شوي غريب يحبون يجتمعون عيالهم وبناتهم بس

يعني مايبون حريم عيالهم بس بدون مايوضحون المهم يوم جمعتهم الاربعاء ودائما اروح لهم ولا اقطعهم والاحظ حريم اولادهم شوي قاطعين يعني مايجون اسبوعيا بالشهر او الشهرين مرة
المهم قلت انا ماعلي اهم شي مااقطع خالتي وبدون مدح انا جدا حبوبة معهم والقى بعض الاحيان رمي كلام من خواتة وانا جدا اطنش بجد ماعندي حسن تصرف اني ارد بطريقة حلوة
المهم انا مرتبطة الاربعاء مع اهلي ولا اقدر اجيهم قلت اعوضهم اليوم واروح ولااني اقطعهم
دقيت على اختة قلت بجيكم اذا ماعندكم شي قالت والله هذا اليوم خااااص فينا انا وخواتي مانبي احد


تخيلو الصدمة اللي جتني يعني اللي مقدرة وجااااية اسلم عليكم كذا ينقال لي

 

[لاريسيا]

والله موقفك صعب
الله المستعان

 

[ملاك بعيون زوجي]

واااي والله احراج بس ولا يهمك حبيبتي ارمي الكلام وراء ظهرك واالي مايبيني ماااابيه


بس خالتك لالالالاتقاطعينها حددي يوم لك انتي وزوجك تروحي فيه ازين لك واريح

 

[بسمة أمـل]

موقف محرج..,

بس ولا يهمك اهم شي انك راضيه عن نفسك وانتي اديتي واجب وهو صلة الرحم..,

 

[زوجيـ ملاكيـ]

روحي في يوم مايكونوا بناتهم فيه انتي وزوجك بس ولا كانه صار شئ لاتبيني زعلك منهم وقوليلهم اسفه ان كنت ازعجكم بزياراتي

 

[أم برهووم]

والله عجب هالدنياا اذا رحنا لهم ماعطونا ويه واذا قطعناهم قالوا قاطعيين ماندري شلون نرضيهم

الله يجزيج خير وكل واحد يعمل بأصله وانت ااصل ياقلبي

 

[حلا ماركه]

ماادري وش اقول بس حددي يوم غير جمعتهم وزوري خالتك انتي وزوجك وخلك خفيفه في الزياره اغلاللك عندهم

 

[للعلا دائما]

حبيبتي لا تعتذرين ولا شيء

بس مثل ماقالوا الاخوات روحي في يوم مايكون عندها احد

 

[بيرو العمودي]

لاتزعلي نفسك بيجي يومها ووقتها بتحس

 

[ملاك 88]

طنشي 0......

 

[ام$شووق]

والله مو امك اهي ولا اختك عشان يضيييق صدرك كل بيت يحصل فيه كذا ولو دققيين والله بتتعبين طنش تعش تنتعش بس لالالا تبتلش هههههههه

 

[الدلع طبعىH]

شوفي اذا بغيتى تروحين دقي على خالتك مو على بناتكم علشان تدري انك تبين تزورينه وتعرف غلاه

 

[نااانة]

تشكراااااااااااااات صبايا على ردودكم....
انا بعد هذا الموقف قلت حالي حال حريم عيالهم...
وحلف اني مااروح الا ذا كانت خالتي بلحالها ميتة عليهم...