شوفولي حل

[أستغفررالله]

السلام عليكم ورحمة الله وبركاته


بنات شوفولي حل مع خالتي والله بنجن منها انا مو أول مره اشكي نفس الموضوع

بنات زوجي ماصلى الفجر تعبان عليه حراره أنا لمسته جسمه حاااار حتى يوم قام يصلي

بالبيت والله إني ماسكه يده لين المغسله لانه تعبان أنا والله احتري خالتي اعرفها

حريصه بالحيل المهم زوجي مادوم طقت علي الصبح وفتحت الباب طبعا قمت بالواجب

قالت وراه فلان امصلى ولاداوم قلت يخاله تعبان وماقدر يطلع قالت لا هم كذا يتدلعون

شوفي إخوانه دايم يقولون تعبانين وطلعهم تقصد الي ما أعرسو قلت بس يخاله هو تعبان

تعالي شوفيه عليه حراره جت ودخلت عليه طبعا تعرفون الحراره تخف إذا الواحد إرتاح

يعني حرارته الفجر قويه والصبح خفت المهم يوم جت تطلع قالت إذا مو قد المسؤوليه إفتحي


الباب ونا أصحيه خالتي قلبها طيب بس مادري ليه رمت هالكلمه قلتلها عشانك ام زوجي

غصبن عني بحترمك زوجي سمع هالكلمه والله لايوريكم جاء من الصاله وقف عند راسي

وشدني مع شعري قال ليش تكلمين مع أمي كذا قلت أنا ماقلت شي غلط أمك رمت علي

كلمه واحترمتها عشانك قال يعني لو انا ماني زوجي ولا ماني فيه تهاوشتي مع أمي وألخ


راقبو للحين شادني مع شعري انا جلست أبكي غصب عني قلت الحين أنا مانمت علشانك


جالسه عند راسك أنا ظر وش تبي وخرتها كذا قال شوفي الحين تنزلين لامي وتعتذرين منها


الحين ولا ترى بوريك شئ ماشفتيه طبعن اول مره زوجي يسوسها مادري ليش عشان أمه

المهم تركني ومسحت دموعي قال يالله قدامي نزلت لخالتي وحبيت راسها وقلت العذر

والسموحه ياخاله يمكني رفعت صوتي عليك وكانن عيوني حمر هي خمتني وقالت وش فيك


قلت مافيه شئ ورحت لبيتي بسرعه المهم هي هاوشت زوجي كثير بس الحين أنا زعلانه

منه وهو طلع وقال برجع باليل مشغول وش اسوي لاجاء لاني منقهره​

 

[بنوتة بلادي]

طنشييييييييييييييه... يعني يقدر يتفاهم بأسلوب أحسن... و المره اليايه إذا سمعتي رد من خالتج يغثج... ردي عليها داخل نفسج... يعني بينك و بين نفسك بس... و ابتسمي لها...

أظن ردة فعله لأنه محموم و الشيطان لعب براسه... بس بعد لازم شوي يتأدب على حركة شد الشعر... إذا يا المساء... لا تستقبيلنه... يعني كوني عاديه... و حطي العشا عادي... بس لا تخلين له سبب يتضارب علشانه... يعني لا تزودينها بالزعل...

 

[البارونه..]

هلا اختي
ربي يصبر قلبك

من الواضح ان ام زوجك طيبه وماتقصد الكلام اللي قالته والمفروض انك مارديتي عليها بهالرد احتراما لها
وليس احتراما لزوجك

لاني حسيت يوم ضمتك انها طيبه وماتحب ان ولدها يتسلط على حرمته

يعني يمكن انتي غلطتي بردك لكن زوجك كبرها اكثر من اللازم

والله يصلح الحال

 

[خلود بكر]

الله يهديك يارب اختي بس من جد ومن غير ماتزعلي ترى كلمتك نهائي مو حلوه اصلا هي اش قالت وترى هي حرمه كبيره وبنفسك قتي طيبه يعني ماتقصد وزوجك اتفاجأ منك خاصة ان امه حريصه عليهم بصلاته وشغله صح زوجك غلط بالضرب بس زعل من ردك على امه الله يهديه يارب

 

[ايمومي]

لللرفع

 

[تشكرات]

أختــي صح كلام الأخت خلود بكر كثّر الله خيرها ..

كلمتك مو حلوه أبدآ لأمّــه ...هي صحيح أتّهمتك بعدم المسؤوليّه

ولكن عذرها الحرص والخوف على ولدهــا ...

كان المفروض ( تحرجيــها بأخلاقك وتقولي لها بصوت خافت :

الله يعين يا خاله والله أني الليل كلّه وأنا عند رأســه أخفّف عليه

الحراره .....وهكذا أحرجيها بردّك ..لأن هكذا هم الكبار في العمر

يرمــون الكلام رمــي وصدّقـــيني من غير قصد منها ( طالما هي

طيّبه كما ذكرتــي .....

أمّــا تصرّف زوجــك ( الصّراحه رفع ضغطــي ) مــاله أي حق يشد

شعرك ....اللآن أنت أعتذرتــي وكثّر الله خيرك ووجهك أبيض ....

( لا تعــــدّيهــا لزوجــك أبدآ ) ولا تمررّيــها له مرور الكرام ) حتى لا

يأخذهــا حلاوه ( كل ما عصّب حط حرّتــه فيك ) والا هــي هدرشة

سخونه وحراره ؟؟!!!!

أقلبــــي عليه اذا عـاد للبيت وقــولي له :

وقت صلاة الفجــر وحقّ الله عليك ( أتكاسلت وتعبت )

ووقت زلّـــه منّــي وهفوه بسيطه ( قمت نشيط وتشد شعري )

وخلاص قفّلــــي عالموضوع ولا تكلّمـــيه ولا تعطــــيه وجه أبدآ

( حتّــــــى يعتـــــذر اعتـــذار رسمــــي ) ...

وربي يهديه ويسخره لك ...

 

[انا رائعه]

زوجك غلط بتصرفه معاك

وانتي غلطتي بحق امه حرام عليه الحرمه ما تستاهل اللي قلتيه لها هاجمتيها بشراسه وهي قصدها الخير


عموما ام زوجك كرري اسفك لها

وزوجك زي ماقالت تشكرات

 

[مدري ليش]

الله يعين

 

[اللهم ازل همي]

سوي اللي يقولك عليه احساسك من غير تعصيب ولا تجريح
كل اللي سويته لوجه الله من عشان زوجك وعشان الاجر

 

[بنت شماليه]

الله المستعان يمكن زعل مشان امه وانك قلتيها قدامه

 

[ref8150]

ام زوجك حطيها فوق راسج لو شو ماسوت مو عشان زوجج لا عشان ربي يبارك لج في اولادج (ليس منا من لايرحم صغيرنا ولا يحترم كبيرنا)وبالنسبه لزوجج طنشيه واذا راضاج قولي هذي اخر مره تمد ليدك فيها علي لانه راح يتعود والله يصلح مابينكم ويسخره لج تسخير من عنده

 

[رازيا]

مع خلود

 

[واثقة]

مع خلود وتشكرات

وربي يصلح حالك