شوفوا من بيسكن معاي

[سحايب الدوحة]

بنات ارجوكم ساعدوني انا في ضيق :icon28: ام زوجي تبي تسكن معاي وانا مارتاح اذا في حد غريب في بيتي لا تقولون هذي مو غريبه انا احب خذ راحتي في بيتي يعني اكل على كيفي :essen: انام متى ماابقا البس بنطلون وقصير:smoke1: وهي متحب هذي الحركات انا صار لي 15سنه :blush-anim-cl: متزوجه وعندي اطفال اعمرهم متقاربه وهم بعد مايبون جدتهم تعيش عندنا :sad_1: يعني مقيدة حريتهم مانعتهم من العب وصراخ وتضربهم اذا عملوا صوت وهي عندها اولاد غير زوجي كثير انا ماحب استقبل ضيوفها واولادها يعني ماحس ان هذا بيتي ارجوكم ساعدوني:dunno:

 

[المحبة لربي الله]

شوتبين بالظبط ظ؟؟؟؟؟؟؟؟؟؟؟؟؟؟؟؟


بس سؤالي لو انت امج بعدبتتضايجيين وبتمنع اليهال من للعب وبتقيد حريتكم ؟؟؟؟



اختي الحبيبة كل وحدةتبي تاخذ راحتها في بيتها بس لا تنسين كما تدين تدان ولازم تتحملين

 

[الجوووري4]

اختي اذا الامر مفروض عليكم و هي مالها الا ولدها هذا تبينه يرميها في دار المسنين عشان ترتاحون !! بقولج شي الدنيا سلف ودين وباجر حتى انتي بتكبرين في السن و بتحتاجين عيالج .. وبتطلع لج مرت ولد تدخل هالمنتدى و تكتب شوفو من بيسكن معاي

 

[روزاليندا]

احتسبي الاجر حبيبتي وكلنا مبتلى ووضحي لزوجك انك بتتحمليها وتحسني اليها علشانه وربنا يكون معاك

 

[حلا]

صح صعبه الواحد يحب ياخذ راحته في بيته لكن دام انه انفرض عليج احتسبي الاجر اختي

 

[هدهد]

يعتمد اختي ... اذا كان عندها اولاد فوق سن العاشره ... فمن حقك ان تكوني بمفردك لان الحياه مع اولاد مراهقين صعبه ...وخطره!

 

[عنقود عنب]

اختي ...

نصيحيه مني ...راح تلاقين الخير والبركة في الرزق والصحة والعافية

اذا استقبلتي ام زوجك في بيتك ...عاملتيها على انها امك وتحملتيها

في مثل يقول ..من سوى ...سوي له

يعني انت اليوم تسوين ...بكرة تلاقين

وهذا امتحان لك ...فخليك قد الامتحان والمسؤولية

ترضين زوجة اخوك تقول كذا عن امك ؟؟؟

او مستقبلا ..زوجة ابنك تقول عنك كذا؟؟؟

كما تدين تدان ...انا والد زوجي معي في البيت ... وشايلته على كفوف الراحة

زوجي الكبير...واخوانه كلهم عندي في البيت ...كل واحد له غرفة مسكرها ...يجون اخر الاسبوع مع زوجاتهم واولادهم ..طبعا عشان ابوهم

كل الاعياد والاجازات والمناسبات ز..التجمعات عندي...

ما اقول لك ان الامر سهل ....لكن تعالي شوفي كيف زوجي يعاملني بسبب معاملتي لاهله ...

ما امدح نفسي .... لا والله ..مهما سويت لاهل زوجي ...هذا اعتبرة واجب

ام زوجي كانت مريضة قبل لا تتوفى ..ألله يرحمها ويغمد روحها الجنة كنت اترك بيتي واجي اجلس معها من الصبح الى الليل ..

كنت ااكلها واحممها و والبسها بيدي ...

توفت وانا ضميري مرتاااااااااااح جدا

والد زوجي رفض يرتك البيت ...فاحنا جينا سكنا معه لان اولاده كلهم متزوجين ما عدى واحد في الكلية

سكنت عندهم ...عشان كذا كل الاولاد يجون يجتمعون في البيت ... وانا شايلة كل شي بنفسي

والاجر على الله

تحياتي

الله يهديك

 

[شـغـف]

يعني شو تتوقعين ننصحج؟

تطردينها؟

ولا تخلين ولدها يقولها.. لا أمي ردي من وين ما ييتي..

خذي راحتج جدامها والبسي بس في حدود المعقول.. وبما يليق بعلاقتك بها..

واحتسبي الأجر..

الله يوفقك..

 

[العقد الفريد]

اختي سحايب اكرميها وانصحك ما تضايقين من اي شي يصدر منها -خلي نيتك رضا رب العالمين وادعي ان ربي يعينك ويدلك الى ارشد امرك ويسخرها لك انتي وعيالك -

 

[وردة الليل]

الله يجزيج الخير عزيزتي عنقود عنب

أختي سحايب الدوحة شو بتسوي سلمي أمرج لله

في واحد دائما صراخ مع أهله لا أحترام ولا تقدير وما كأن إلي رباه والديه وظل على هذا الحال وبعد ما تزوج

وخلف أولاد عاملوه مثل ما كان يعامل أهله حتى يوم توفى الناس تتقطق قلبها من كثر الحزن وعياله ولا

هامنهم كأنهم دافنين قط أعذروني على هذا التشبيه داخليه طالعين واللقمة أكبر من الثانية

صدقيني أنا مثلج لو حد جانا البيت وقال إنه بيجلس عندنا كم يوم الود ودي ما أشوفه وبشل الدنيا على راسي

لكني أتمالك نفسي وألعن الشيطان من وجهي وكل صراحة كانو يحترمو المكان إلي هم جالسين فيه

كم مرة صار هذا الشئ والسبب أنه كل شخص متعود على شئ وأنا من طبعي ما أحب حد يتأخر عن الوجبة

وفي أمور ماشية عليها في البيت طبعا أنتي ما تقدري تقولي شئ لأنه ضيف عندج لكن مع مرور الايام الوضع

بيختلف مع العلم يوم يروحو عنا يحز في خاطري لأني تعودت عليهم أنا نفسي أعتبرهم مثل أخواني ودائما أحاول

أسوي الشئ إلي يعجبهم من حلويات وما شابه ذالك لأن أنا من منطقة وهم من منطقة أخري

فيحبو يقضو بعض أجازتهم معنا وأحسهم دائما يذكرونا بالخير كل مدح وشكر هذا موكلامي الشهادة لله هذا الكلام إلي

أسمعه من الناس الحمد لله

أعتبريها مثل أمج وإذا صار شئ حاولي تهدي الموضوع والله يساعدج

 

[سلة فواكه]

اختي سمعي كلامي زين
انتي صج تبين الحريه والراحه في بيتج وهذا حق مشروع لج
مايخالف خليها في بيتج هذي لو شنو ام زوجج الي ربته سنين وييتي انتي خذيتيه منها وحسبه امج
اكيد الشي الي تسوينه اذا بريتيها واهتميتي فيها وضفيتيها ببيتج راح تشوفينه بالدنيا من عيالج وراح الله يسخر لج بناتج ونسوان اولادج وان ما شفتيه بالدنيا تشوفيه بالاخره خير واجر وترا العجوز بركه بالبيت
اذا كان ريلج مقتدر ماديا خل يبني لها فوق البيت شقه تعيش فيها وعيالها ييون لها فيها حق خصوصيتج يعني
وسعي الصدر يا قلبي

 

[ام عنود]

حرام عليج شو هالكلام؟؟؟؟؟؟؟

ام زوجج يعني امج...

تبين ولدها بس ما تبينها؟؟؟

المفروض انتي اتحببين عيالج فيها...مو اتقول شوفوا من بيسكن معاي؟؟

اعتبريها هذي امج مب ام ريل..باجر لما بتكبرين وتبين تسكنين عند احد من عيالج...ترضين مرت ولد ولدج اتقول نفس ها الكلام؟؟

كما تدين تدان...

امج زوحج مثل امج...يعني جنتج ونارج...

اسفه على هالكلمه...بس والله عيب هالكلام...انا لما قريت الموضوع اتنرفزت...شو ما كان فيها ام ريلج..لازم اتحطينها في عيونج...

خافي الله...هذي حرمه كبيره في العمر...داريها...

الله يهديج

 

[وجدان ام سارة]

اختى حبيبتى انا رديت عليك على طول قبل لاشوف ردود الاخوات
اختى ابيك لمى تروحين لفراشك وتحطين راسك على المخدة اكيد بتهوجسين قبل النوم ....... زين
تخيلى انك بعد عمر طويل كبرتى وعيالك تزوجو وحتجتى تعيشين مع واحد من عيالك وزوجتة عيت تستقبلك اش بيكون شعورك؟؟؟؟؟
انا عارفة انك طيبة وبنت ناس انصحك اختى استقبليها برحابة صدر ولا تتذمرين وبعدين تستقبليها لا
على طول استقبليها وكرمى ضيافتها عندك ومهما كانت عصبية وماتحب الصراخ عادى يختى كل الحريم الكبار كذا وحنا بيوم نبى نمر بهالسن عودى عيالك على الهدوء وقولى ذى جدتكم احترموها ولايشوفون عيالك نفورك منها ترا الاطفال ماينسون وذا كبرتى وحتجتى لهم بيعاملونك نفس الشى
وذا كان على اللبس فى البيت البسى عادى ومحتشم علشان هالعجيز وفى غرفتك تفننى وصدقينى موقف الطيب مع حماتك بيكون لها الاثر الايجابى على زوجك وربى يوفقك

 

[باقة جوري]

:: حبيبتي لو امج قالت بتعيش عندج شو بتقولين لها وشو بيكون موقف زوجك؟اعتبريها مثل امج والامور إنشاءالله بسهاله.

 

[Al7esn Kellah 2]

لو امك راح تجي تسكن عندج اكيد راح تحطينهاااااااااااا بعيونك

عاملي ام زوجك مثل امك وارضي فيهااااااااا في البيت وين تبينه يوديهااااااااااااااا يعني امه

بكره انتي راح يصير لج زيهااااااااا في يوم من الايام لا تقولينن لا مراح يصير لي مثل ما تدين تدان

بعد عيالك مراح يبونك حريمهم راح يقولون انك تقيدين حريتهمممممممممممممممم


هذا بيت ولدها مثل بيتهاااااااااااااااااا

وهذا راي وانتي كيفك

 

[النايفه]

لاحول ولا قوة الابالله حتى اعيالك مايحبون جدتهم

اختي اذا بينك وبينها شي لاتنقلينه لعيالك مهما كان جدتهم

وانتي احتسبي الأجر وعامليها بالزين وصدقيني بتغير مع تغيرك

 

[الغزال الاحمر]

ام زوجي امي الثانيه ..

انصحك .. اجلسي مع عيالك وزوجك ناقشي الموضوع شوفي ردة فعلهم
الله يوفق لك الخير .

 

[قلم رصاص]

الخوات ما قصروا تعوذي من الشيطان واسمعي كلامهم
وانشاءالله ما بتندمين...

 

[آه ياقلبي]

ما شاء الله عليكم اذهلتني ردودكم في وقت ضاعت فيه المودة والرحمة من قلوب الناس

حضرتني قصة ولد صغير رايح مع ابوة ايودون جده لدار العجزة بسبب ان زوجته ما تريد حد عندها في البيت

سبحان الله الطفل قال حق ابوة صح انت وديتني معاك حتى اعرف الطريق عشان يوم تكبر مثل جدي اوديك نفس المكان

الاب انذهل من كلام الطفل ونزلت دموعه ورجع ابوه للبيت

الدنيا سلف ودين اختي

انتي انسانه طيبة وراقيه ابعدي عن وساوس الشيطان وكلام بعض الصديقات اللي ما يعرفون شي

الله يهديج​

 

[تواصل]

اختي العزيزة انا معك في ان كل وحدة ما ترتاح اذا حد عندها ف بيتها ولكن هذي مو اي شخص هذي ام زوجك يعني حسبة امك وصدقيني انك كل ما عاملتيها بحب راح تجني ثمار هذا الحب وبتكوني انتي وياها على قلب واحد الموضوع يبي له صبر وتحمل ولا تعامليها على انها ام زوجك عامليها على انها امك

الله يسعدك اختي