شوفوا لي حل مع زوجي ....

[وحيده في دنياي]

انا متزوجه من سنتين وشهرين عندي ولد بو 11 شهر وحامل بااربعة اشهر
لكن مشكلتي زوجي مايهتم فيني ابد
واللي يقهرني فيه مشكلة الكذب داييييييييييييييم
مثلا يقول انا ماراح اتاخر ساعه وبرجع ويطلع من العصر ولايرجع الا عالساعه 1 او 2 بالليل
طفشت لحالي لاني ساكنه فوق في شقه عند اهل زوجي
والباب مشترك يعني يشوفوني وانا داخله وطالعه ولااقدر اعزم احد امه دايم تناظر اللي جايين عندي
ولما تجي امي تجلس تتشكى لولدها جت ولاسلمت علي
طيب انا ابي اخذ راحتي مع اهلي واخواني مايحبون يجلسون معهم وعندي اخوي عمره 15 بالغ
مايصير امي تخليه لحاله في البيت ومايصير يجلسون جمبه
والقهر :11: اني لانزلت جمبها تجلس تتشكى ليه امك ماجت جلست جمبنا وليه وليه ؟
طيب اعزموها وخليها تجي لك مخصوص :30:

لاتقولون انزلي وتسلي معهم ؟
لاني كنت دايم انزل والله كل يوم بعد ... بس عندهم ولد بو 6سنوات وبنت ام 4سنوات مايخلونك في حالك حتى حليب ولدي يكبونه وينابشوني في شعري ويضربون ولدي ولو يعطوني بيالة شاهي شربوها

من انزل جمبهم اكره حياتي بسبب هالاثنين والله انهم يحذفونك بااي شي ( كوره ... بياله ... جوال ....الخ ) اي شي وانا عندي ولدي وحامل واللي فيني مكفيني



واللي قاهرني زوجي اللي مطاوع امه لدرجة انا كنا بنطلع في شقه لحالنا ان شاء الله بعد سنه ونص بعد مايتقاعد ابوه لانه وعدهم يشتري لهم بيت فيه شقق
واللحين رفض مايبي يطلع
انا بصراحه افكر اطلق بس اهلي مايبغون احد واذا شكيت لهم مايعطوني اهتمام ومن هالكلام مالك الا زوجك ووو .... ______ وانا والله صابره على اشياء كثيره قبل كان يضربني ولااخذوا لي حق وبعد ماخوفته ان الحرمه اللي تنضرب يطلقها الشيخ بكل سهوله خاف وتاب

والله اوقات حتى الماي ماعندي مره كنت تعبانه وجت امي لي وماصار عندي اصب لها ماي يوم طلبت وافتشلت وولدي والله انه يخلص حليبه ومافيه حليب اعطيه ولما يبكي اعطيه علب حليب سايله ويبكي مايبغاها .... لان زوجي يعطي اهله لما يستلم وهم في غنى عنها لان راتبهم لايقل عن 15 الف ريال

 

[أنا قلب زوجي]

الله يعينك الصبر الصبر مفتاح افرج

 

[شمعة الجلاس 201]

الله يفرجها لك

 

[باقة ورد2010]

الله يفرج همك يالغالية
حاولي انك تطلبي منه مصروف شهري لك ولعيالك
بحيث اذا احجتي شي يكون متوفر لك
واكثري من الدعاء والاستغفار
وبالنسبه لااهله حاولي اقناعه انه يكتفي بالهدايا في الاعياد والمناسبات
لانه الان صار مسؤؤل عن عائلة ولها متطلباتها .
لك ودي ووردي

 

[روح متألقة]

.. ياحبيبتي كل مشكلة ولها حل

.. بالنسبة لتأخر اذا واعدك .. مو كل الناس نضاميين .. ويمكن مايكون يقصد انة يتأخر عليك ، احسني الضن ،

وتعوذي من الشيطان ،

.. اهتمي بزوجك من ناحية اشباعة عاطفيا ً ، وان شاءالله تتغير معاملتة معك تدريجيا ً..

واذا تغيرت معاملتة اطلبي منة باسلوب غير مباشر .. هدية معها رسالة .. مثلا .. او اذا طلبتي امدحي محاسنة

وانة مايقصر معاكم .. واطلبي الي تبغينة .. وان شاءالله يلبي طلبك ..

.. وزوجك مالبى طلبات امة الا انة طمعان ببرها واهتمامة بااهلة .. يدل على انة فية خير ،

قد يكون طبعة واسلوبة هكذا ..

حاولي ولاتفكري باالطلاق نهائيا ً ...

لاتخلي الشيطان يفرح بنتصارة بادخال هذة الفكرة براسك ..

فاانت لديك طفل .. كيف سيعيش من دون واالدية ؟؟


.. واطلبي منة المصروف .. وااختاري وقت مناسب يكون فية مروق .. وابدا بمدحة اولا ثم ابداي بطلبك ..

واهلة اذا جلستي معهم لاتطيلي المكوث عندهم ..

.. حاولي تكون لك شخصية واثقة لايهما راي الاخرين بها ، ولكن بحدود بحيث لاتتصادمي مع ام زوجك

وحاولي ان تكسبي قلبها .. الاهم لاتحزني ولاتتعبي نفسك فاالبنهاية انتي من تتعب ..

احبي نفسك واعلمي ان الحزن يضرك ...

وفقك الله

 

[ام شحاته]

شوفي حبيتى الحياة سلف ودين
واذا زوجك بر باامه فهذا خير لك
بالمستقبل
وكونه يكذب اصلن اغلب الرجال غير وفييين بوعودهم
وانتى عندك طفلين حياتى مافكرت بهم
الواحده منا تفكر بعيالها قبل اي شي
وان شاء لله مايصير لك الا الخير
انتى احسنى الظن بالله
وانت باول الطريق

 

[كافيه لاتيه]

الله يعينك ويفرج همك يارب

 

[الوردوالياسمن]

الله يفرج همك يالغالية
حاولي انك تطلبي منه مصروف شهري لك ولعيالك
بحيث اذا احجتي شي يكون متوفر لك
واكثري من الدعاء والاستغفار
وبالنسبه لااهله حاولي اقناعه انه يكتفي بالهدايا في الاعياد والمناسبات
لانه الان صار مسؤؤل عن عائلة ولها متطلباتها .
لك ودي ووردي

عين العقل

 

[وحيده في دنياي]

• مشكورين على ردودكم وماقصرتوا يعطيك ربي العافيه العافيه

 

[الرسيس]

معليش تحملي يا قلبي الصبر بعدين انشاء الله انك تكسبين اجر لانك مخليته قريب من امه

 

[خايفه من دنيتها]

ربي يفرج همك

 

[وحيده في دنياي]

يعطيكم الله العافيه وماقصرتوا
وفيتوا وكفيتو