شوشو محتاجه مساعدتج حبيبي

[ام خلودي الغالي]

السلام عليكم

شوشو بما انج خبيره بالرجال الشماليين ابي مساعدتج انا زوجي شمالي غربي

بذكر لج الموقف وابي مساعدتج بليييز

متزوجه من 8 سنوات زواج تقليدي ..زوجي شمالي شرقي بحت وانا عكسه تماما هادئه خجوله جميله جدا مطيعه له .. زوجي دائما يتكلم عن البنات وخرابهم بسخريه حتى بيني وبين نفسي اقول مستحيل يخوون اصلاا هو وسواسي يخاف على نفسه وعلى سمعته !!
نسيت اقولكم انا بنت شخصيه سياسيه معروفه حيل ومحبوبه وتفاجا زوجي لما تزوجني يقولي انتي حبوبه ومتواضعه حيل ..بنت ناس صج متربيه ..واذا مشينا بالشارع وشفنا بنات الليل مثلاا يقول اعوذ بالله هذيل مثل الحمام العمومي (اكركم الله) وانا ابتسم بكبرياء واقول الحمدلله هذا يعرفهم عدل مو مال هالسوالف ..
وزوجي دايما يسافر لندن يقعد اسبوع او اسبوعين بحكم العمل ..مستحيل اشك بعلاقاته ..
قبل تقريبا 3 سنوات يعني 4 سنوات زواج اكتشفت انه يدخل عن طريق الكمبيوتر مواقع مخله بالاداب @@ انصدمت منه وهو الملتزم راعي الصلاه ..وقلت بيني وبين نفسي يمكن شهوه الرجال يستثير عن طريق رؤيه مثل هذه الاشكال ورحت السوق واشتريت ملابس مثل الي شفتهم بالاب توب اقسم بالله اني اجمل بكثير منهم جسدا وبياض وعيون وشعر ...ولما لبست له قالي يابنت الحلال ما احب اشوفج جذي قومي غيري:tears: يحب يشوفه على غيري وانا لا ..التزمت الصمت ورحت نمت ونيست الموضوع بقلب مكسور ..وبعدها بفتره يمكن سنه ...يمر ايام طويله لايطلب الجماع فيها يمكن 3 اسابيع او شهر واعتذر له بسبب ظروف عمله المرهقه ...وجاء يوم واخذت بالبكاء عنده من برده الجنسي وقال لي انا مادري شفيني صار لي 6 شهور ما اشتهيج..طبعا انا انصدمت شنو ما تشتهيني قويه هذي ..المهم تدارك كلامه وقالي مو ما اشتهيج بس العضو عندي مايقوم يمكن فيني برود جنسي وانا صدقته خاصه لما شفت المنشطات الجنسيه عنده ..وشوي شوي تعدل الوضع وانا ما فاتحته كلش ..المهم قبل اسبوع من اليوم يابنات اخذت نقاله ولا اشوف المسج
خوش ايميلات مطرشتهم لي على !!!!!!!!!!!!!وكاتب ايميله وانا الحين شابك ماسنجر على نفس الايميل الي كتبه بالاول
هو عنده ايميلين واحد للدوام وواحد اعرفه من زمان عنده
على طول اخذت الرقم وحيست بحراره بجسمي ولما جا قلت له فلان شنو هذا ووريته طبعا اهو مخزن الرقم باسم رجال هذا الي قاهرني وقال بضحكه واحد مصدوم انتي ليش تفتشين جهازي !؟ قلت لا تتهرب من السؤال وانا ابجي قالي هذي يابنت الحلال وحده تعرفت عليها من mric ما اعرفها بس اضحك عليها ودازه لي ايميلات وشكرتها قلت له بس مرقمها شنو معناته ؟ انت تكلمها ؟قالي لا حشى بعيالي ما اكلمها والله وحده نضحك عليها بالديوانيه وسجلت رقمها حتى شوفي كاتب ايميلي لها ..المهم انا سكت وزعلت
وقعد يقولي انا مو نفس الي تفكرين فيه انا احبج هذي بنت شوارع خل تولي انا اضحك عليها وغيري من هالكلام بس مت مت قهر ..اخذت الرقم عندي وصلت البيت يومين كله مغلق بعدها اهي اتصلت تهاوش انتي شفيج ليش ادقين علي تبين اروح المخفر :santa_1: من قالت المخفر عرفت انها بنت متعوده عالمخافر يعني بنت شوارع المهم سكرته بوجهاا وزوجي نسى الموضوع ولا ذكرته بس بدا يعطيني حب اكثر بس انا محتره حيل حيل شسوي فيه
واهو قالي اذا سمحتى لا تخربين بيتنا الحلو بيدج وشكوكج انا احبج ولايممكن افرط فيج والله احبج وابيج لاتفتشين وراي هالكلمه شككتني بس قلت له لا حياتي انا واثقه فيك لاتخاف ..
ومن يومها وانا تعبانه نفسيا مادري شسوي ..وهو شكله ندمان حده والمصيبه 24 ساعه عندي الا روحته للدوام بس..

 

[احساس يتيم]

الله يعينك ياقلبي.......................لكن استمري بتفتيش بين الحين والاخر.........................انقهرت منه وين دينه ليه مايمنعة عن العب.

 

[ساميه]

دامه يحبج و24 ساعه عندج بالبيت وصار يعطيج حب
يعني الحمدالله رد مثل اول ومثل ماقلتي ندمان
بس خلاص لاتشكين فيه ولاتفتحين له طريق مره ثانيه ويسويها صج

 

[&SooSoo&]

الحمد لله مادامه رد لك ليش خايفة

احمدي ربك زوجك يحبك وهذي زله وسامحيه ,وخليك مهتمه فيه ولا عاد تذكرينه بالماضي

وفي نفس الوقت خلي عيونك مفتحه بدون ماتشعرينه انك تراقبينه ,يعني راقبيه بذكاء ,ومن بعيد لبعيد

 

[ام خلودي الغالي]

ثانكس عالرودود

بس في مشكله هو بنهايه الشهر مسافر مع 2 من اصدقائه لشرم الشيخ

انا ما اشك انه يخون لا بس معاشره مايعاشر مستحيل لان انسان وسواسي مره علبه البيبسي مايفتحها لين يعقمها هذا مثال

بس ممكن ان يخون بطريقه ثانيه ما اعرف شلون وخايفه حيل شسوي وانا مسافره لشرم الشيخ مرتين في هذا الوقت والله ماشفت خراب كلش !! وهو للعلم مايشرب الخمر بس يحب السيكس توك يمكن يخون بالطريقه هذي انصحوني بنات
بس هو يقول انا رايح استانس اروح حداق اروح اركب البحر(سكي) استانس هيك بيقول..

 

[المخينيه]

حبيبتي أم خلودي عسى الله يحفظه لج

إنتي قلتي فالبدايه إن زوجج شمالي غربي وبعدين غيرتي وقلتي شمالي شرقي بحت؟
حددي الموقع حبيبتي!!!

وبعدين مثل ما قرأنا في أغلب المواضيع عن الشمالي بشكل عام بإنه ممكن يخون ولكن تبقى زوجته هي الوحيدة اللي فقلبه ويحبها ويضحي عشانها بس فحالات طبعاً

والشمالي الغربي عالمه مفتوح يحب الحياة يعني من كثر ثقافته يفتكر إن التعارف حتى مع البنات شي عاااااااادي حتى لو البنات يعطونه كلام حب ومدح هو يعجبه لكن ماظن يكون من حب لها لكن هذا طبعه يحب المدح ويحب الانفتاح وطبعاً مش كل الرياييل واحد

وأنا يأختي أنصحج إنج لا تفتشين ورأه كثير لأنج رااااااااااح تتعبي نفسياً وهالشي راح يأثر ع علاقتكم بس حاولي بين فتره وإخرى تتحري الجهاز ماله هههههههههه المحقق كونان !!!

لكن لا تواجهيينه إذا شبكتي شي لأن راح يتعذر وبيرجع للموال وبعدين اتحصلينه يمسح كل شي يوصله من أي بنت يعني بيكون حريص جدا لا تشوفين شي وتشكي فيه,الله يسترها علينا دنيا وأخرة

الله يهديهم قولي أمين

 

[لانا"]

يا قلبي استودعية الله..الذي لا تضيع ودائعه,
وحاولي تمشيها له وحسسية انك واثقه فيه..جربي احسن من انك ترتكبي شي تندمي علية..

 

[ام خلودي الغالي]

مشكورين حبيباتي عالردود

اختي المخنينيه اعتقد انه شمالي غربي مو شرقي بعد التحري عنه هو شمالي غربي ...ومادري عنه هو ذكي حيل حيل ودايما يمسح الصادر والوارد بجواله والرسايل مالته ...والله تعبت حيل منه ومن غموضه ...

 

[سندس نجد]

انا ما اشك انه يخون لا بس معاشره مايعاشر مستحيل لان انسان وسواسي مره علبه البيبسي مايفتحها لين يعقمها
ياختي الله يهديك الي دينه وسط يسوي كل شيء الي يضيف بالاميل ويرقم يعاشر الرجل هدفه المعاشره مش الكلام الحلو والتسليه مثل النساء انا مابي اشكك بزوجك أكثر بس انتهبي واهتمي بزوجك وبنفسك قبله وتقربي من ربك عليك بقيام الليل والدعاء له بالهداية