شورو علي الله يجزاكم خير ؟؟؟

[غريب امرك]

اخو زوجي يبي ياخذ الثانية وزوجي يبيني احضر الزواج وانا رافضة علشان مشاعر زوجتة الاولى وش رايكم اروح والا لا :8:

 

[عيوني فداه]

ويييييييييييين تروحين مضيعه انتي


لاخلك ببيتك ابرك لك

 

[اولادي كل حياتي]

هي زوجته الاولى مو حماتك ام زوجك؟؟

 

[غريب امرك]

الله يجزاك خير والله ضحكتيني وانا طفشانة وزعلانة مع زوجي بسبب الموضوع امة هي السبب تقول لازم تحضر وش يقولون الناس عني ماتحبني

 

[لولوالحلوه]

اذا كنتو تعزون بعض مره لاتروحين لانها بتنجرح منك

 

[حناااان الكون]

والله حاله أن حضرتي الأولى كرهتك وأن ما حضرتي الثانية حطتك ببالك من جد مأزق

طيب الأولى كيف علاقتك معها ؟؟ وهي راضية بزواج زوجها وإلا لا عندها علم وإلا لا ؟؟

وأنصحك أستخيري الله ... وقولي لزوجك أنا أستخرت الله أكثر من مره وما أرتحت وما فيني أعمل حاجة ماني مرتاحه له يكفي علي تأنيب الضمير لكن من بعد الأستخارة قطعيآ ما أقدر أروح وقولي له الأولى ما شفت منها إلا كل خير زواج زوجها طعنه بالقلب وأنا أزيد الطعنه عليها


خلي ببالك حاجة (( الدنيا دين ودين وسلف )) اليوم حضرتي بكره الدور عليه (( الدنيا دوراه )) و (( أبعدي عن الشر وغني له )) و (( الباب اللي يجي منه ريح سديه وأستريحي )) <<< تذكري ذي الأمثله لجل ما ترضخين لرغبة زوجك ............. والثانية ما راح تدري حضرتي وإلا لا .. ومالها وجه تتشره عليك (( من متى الميانه )) وحتى لو أم زوجك أو أحد من حماواتك تشرهوا عليك وإلا أنقدوك قدام الثانية قولي لهم كنت تعبانه الحر سبب لي صداع شديد وما قدرت أحضر (( يا دار ما دخلك شر ))​

 

[المتغيرة للأفضل]

لايااختي لاتحضري احسن دعيهم يروا انك لاتوافقي على الزوجه الثانيه مهما كان وارفضي بشده حتى يكون لك موقف من زواج الرجل باخرى ولعله تكون نقطة بدايه لمنع التعدد

 

[غريب امرك]

زوجتة الاولى مرة طيبة وبيني وبينها عشرة بس زوجي حالف يمين غير احضر والا بيصير شيئ مهوب زين ويقول خلي فلا نة تنفعك اللي هي الزوجة الاولى والله اني محتارة

 

[قلبي مملكة بنتي]

الله يكون بعونك حاولي تفهمين زوجته الأولى انك ماتبين تحضرين بس ابو الشباب حالف علشان تعرف هالشئ
وماتزعل منك

 

[اولادي كل حياتي]

انا قرات غلط حسبتها ابو,
خلاص لو زوجك لزم اتصلي على الاولى وبيني لها انك زعلانة وماتبي تحضري وانه زوجك غصبك وراح تصير بينكم مشكلة لو ماروحتي وطيبي خاطرها
وفي الزواج لو تعزيها لاترقصي ولاتضحكي ولاتتلبسي مرة حلو
مهما كان الواحد مايتمنى الشي هذا لا لنفسه ولا لاخته او صديقته
والله يبرد على قلبها

 

[الليـــدي]

غاليتي ....


قبل الزواج بأيام زوري الزوجه الأولى وانصحيها بأن تتمسك بالصبر فهو مفتاح الفرج



تواصلي معاها بالهاتف و قولي لها انك معها قلبا وقالباً وعسى الله ان يصلح الاحوال



اخبريها بعد ذلك بأنك ستحضرين الزواج لأجل خاطر زوجك .... حيث انه ليس لك علاقه او يد في زواج اخيه عليك


( يعني مثلك مثل أي حاضره للزواج )



ومن هالامر تكوني كسبتي 3 امور



اولاً .. رضا زوجك


ثانياً .. مواساة اختك المسلمه وطلبك ان تلتمس العذر لحضورك


ثالثاً .. تبتعدين عن القيل والقال



وآخيراً ... انصحك بحضور الزواج بشخصيه ( دبلوماسيه محايده ) اي لستي مع او ضد زواج ابنهم



وتقبلي تحياتي

 

[الليـــدي]

عفواً .... مادري ليش مافيه تعديل وربي قلق :31:



غاليتي ....


قبل الزواج بأيام زوري الزوجه الأولى وانصحيها بأن تتمسك بالصبر فهو مفتاح الفرج



تواصلي معاها بالهاتف و قولي لها انك معها قلبا وقالباً وعسى الله ان يصلح الاحوال



اخبريها بعد ذلك بأنك ستحضرين الزواج لأجل خاطر زوجك .... حيث انه من الطبيعي سيحضر زواج اخيه .... وانتي وهو ليس لكما علاقه او يد في زواجه


( يعني مثلك مثل أي حاضره للزواج )



ومن هالامر تكوني كسبتي 3 امور



اولاً .. رضا زوجك


ثانياً .. مواساة اختك المسلمه وطلبك ان تلتمس العذر لحضورك


ثالثاً .. تبتعدين عن القيل والقال



وآخيراً ... انصحك بحضور الزواج بشخصيه ( دبلوماسيه محايده ) اي لستي مع او ضد زواج ابنهم



وتقبلي تحياتي

 

[ايام غربه]

انا مع الليدي كلامها عين العقل ارضي زوجك وواسيها الله يصبر قلبها

 

[تررف القصيد]

مهما حصل جلستك في البيت وروحتك ماراح تغير في الموضوع شي..........
زوجها تزوج عليها.........مصييييييييييييبة
وقتها قعدتك ماراح تخفف من القهر اللي بقلبها أعتذري منها وروحي والعروس بتكون منكم وفيكم بغض النظر عن أي شي ثاني............
رأيي الشخصي..دمتي بود

 

[ياقلبي ترك الحس]

شوفي انصحك تتصلي للاولى وتشرحي لها الموضوع كاملا وتروحي بس لاتكشخي مره خلك وسط والله اعلم

 

[حبيبة ميتوو]

ماشالله ماقصرو البناات مالك الاترووحين لمها وتطيبين خاطرها وتشرحيلها كلام زووجك

وان شالله تتفهم وانتي لاتتكشخين بالحيل

والله يعينها ويصبرها​

 

[غريب امرك]

الله يجزاكم خير ويشرح صدوركم زي ماشرحتو صدري خلاص قررت اني اعمل بمشورتكم واروح زي ماقلتو روحتي لاتقدم ولا تاخر الله لايحرمني منكم وشكرا لكل من ردت على من الاخوات الفاضلات