شوروا علي حياتي ع المحك!!!

[غربيه شماليه]

مسا الخير عليكم جميعا
عندي مشكله مع زوجي
انا طالبه وعندي مكافئتي بجيب بها شغاله
الرجال ما يصرف ابد مدري وش قصته،طلبته السوق قبل قتره و ما وداني حتى العيد ما عيدنا انا و عيالي
قبل اسببوع قالي يلله بوديك (وراح قال لاخواته)طبعا حضروا معنا بلا شك
المهم رحنا للسوق وابغى اروح للمحلات يقولي (لا)
كلنا ندخل سوا ونشري
انا اولها صبرت بس بعدين طقيت
هن(خواته)يعرفن انا وش ابغى لذلك كانن يقعدن في المحل سااااااااعه ويطلعن ما شرن شي في بعض المحلات والبعض الاخر لا بالعكس يشرن
انا هنا انفقعت مرارتي وصرت اطلع من المحل اللس هم فيه اذا ما عجبني شي
ابلحق عمري السوق بيسكر لان الساعه 10
صار يق علي بالجوال :وينك؟
يا يجيني يا اجيه ويهزء فيني قدامهم في الاخير شاورهن خلصتن ولا لا؟
ردن:ايه خلصنا يلا بنطلع تاخرنا (كل هاذا وانا عدي انفجر)
قال يله وحنا طالعين الا قدامي محل عطور قلت بدخل
قال بسرعه
اخذت العطر وعند المحاسبه طلع ب300
الاخ رفض قلتله انا معي خلاص انا بدفع!
الصدمه (رفض وهزئني بعد)
ويوم جينا نطلع عطنه كيس وحاسبه وهو يضحك بعد
(((((((((((((((وش رااااااااااايكم؟)))))))))))


رجعنا للبيت بسكات
اليوم الثاني تكلمنا في الموضوع قال السوق كله قدامك انتي ما شريتي!!!!!!!!!!!!!!!!!
قلت انت حاكرني قاللي من قال البنتا معي بس انتي ما تستحين؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قمت وخليته قعد يناددديني يوم جيته تخيلوا وش سوا؟؟؟؟؟؟؟؟؟












(((((((ضربني ضرب وشد شعري مسك يدي بقوه وللحين تعورني)))))














مدري وش اسوي انا اللي اطلب الروحه وهن اللي ينبسطن (يعني تصير لهن مفاجئه وراهن طلعه وتمشيه وانا اللي اكلها)

لا وضربني الله يكسر يه انشالله
شوروا علي يا بنات ساعدوني

 

[أحاسيس وطنية]

الضرب لاتسكتين عليه
ولاتعدينها له

لازم توقفينه عند حده وتدخلين فرد واحد فقط من اهلك يتفاهم معه وانك مو مرميه له ولها اهل يوقفونه اذا أهانها

بعدين بخله عليك واخواته يعطيهم لازم يناقشونه تهلك في كل نقطة مضايقتك منه

والله ييسر امورك

 

[غربيه شماليه]

اختي قاعده افكر بواحد من خوالي لاني ماابغى السالفه تنتشر بس متردده

 

[غربيه شماليه]

معقووووووووووووووووووووووووووله
محد عبرني غير احاسيس
شوروا علي والله ان راسي مقفل
المع وهي معه والله ثم والله ما نزلت مري ليييييييييييه
انا من النوع الحساس بالمره بس مدري ليه حتى وانا لحالي ما بكييييييتت
تكفون
راسي ملخبط

 

[ضبيى]

وااااي رجل معدوم الاحاسييس انتي اذ صارن بيطلعن لاتروحين بس تعذبين وهن الي يستفيدن وانت تنغثين اقول وقفيه عند حده شكله يخاف من اهله اكسبيه وهن مايستحن على وجيهههن يجن معكم صدق الناس عقليات

 

[غربيه شماليه]

احد ينصحني !!!!!!!!!!!

 

[الجواااان]

شوفي ياااقلبي لو المساله مسالة بخل كان قلنا الشكوى لله طبع فيه لكن يمد يده لا والف لا اللي مدها مره يمدها مرتين وثلاث وعشر .......لااازم تدخلين واحد من عائلتك ليوقفه عند حده ...

 

[غربيه شماليه]

خايفه ان السالفه تطلع برا وننفضح
بس احيان اقول واذا طلعت مهو انا الضحيه ساكته ولا مب ساكته
مدري شسوي
اخاف من الشماته واحيانا اقول بالطقاق
ما ادري ساعدوني

 

[الشتاء الدافئ]

لاتطلعين مشكلتك برا البيت اذا انتي متمسكه بزوجك وتحبينه ...حلي مشكلتك بدون ماتدخلين اهلك ويكرهونه وماينسونها له حتى لو تراضيتوا وراح تشمتين اهله وتفتحين لهم باب يقلبون راسه عليك ويزيد عناده ....
اما اذا زوجك سئ المعشر ومتحمله اشياء كثيره غلط انصحك تروحين لاهلك وتحطين له حد ...
اذا خيارك البقاء معه فاعرفي نمطه وتعاملي معه على هذا الاساس ولاتتنازلي له او تعتذري ولكن ناقشي معه المشكله وطالبيه بتغيير اسلوبه الخطأ وهدديه بانه لو كرر فعلته لن تبقي معه لحظه واحده ولاتنسين تطالبينه بهديه قيمه كتعويض مادي عن ضربه لك ..ولكن اياك الاعتذار له او التنازل عن كرامتك ...حلي المشكله على مراحل واختاري الوقت المناسب لكل خطوه ...ومن خلال كلامه اعرفي خطاك وعالجيه لانك ولابد اخطأتي في حوارك معه ...
لاتنسين الدعاء والتوكل على الله ورددي قبل لقائك بزوجك "اللهم ولي نعمتي وملاذي عند نقمتي اجعل نقمة زوجي بردا وسلاما علي كما جعلت النار بردا وسلاما على ابراهيم"...الله يسخره لك

 

[مَلآمِحْ حُلمْ]

اختي غربيه بصراحه زوجك تعدى زياااده خلي أهلك يتدخلو مو معقوله صااابره على الضرب
خيتي إلا الكرااااامه كل شيء يهون إلا هي
و أخواته حطي لهن حد و لو جات على نفسك
يعني لو قال بأوديك السوق و شال أخواته لاااااااااااااااااااا تروحي أبد و خليه يرجعك البيت
بس عشاااان ما تشوفي شي يقهرك
والله يسخره لك

 

[الدلع مني وفيني]

حبيبتي الا الضرب لازم تقولين لاهلك عشان يعرف انه فيه احد وراك ومايرضون عليك الضرب

 

[hghldvm]

الله يعيييينك عليك بالدعاء والاستغفااااار ومعرفة نمطة وانتي مااابكييييييتي اكيد لانك غربية شماالية انت سوي نفسك زعلانة واعطية واجباتة فقط وقوليلة والله لو تمد يدك علية مااجلس لك دقيقة وبعد اذا بيوديك السوق اشترطي يوم لك وحدك الله يسخر لك زوجك

 

[غربيه شماليه]

حسبي الله عليهن
صرنا زي الطباين(التعدد)
الله يسلط عليهن اللي اقوى منهن ويقرفهن في عيشتهن مثل ما خربن بيني وبينه
وبعدين انا اللي ابغى اعرفه انا وش سويت لذا كله؟

 

[حياتي لعيالي]

شوفي عزيزتي انتي لازم تتخذي موقف وتكون لك شخصيتك من حقك انك تمنعي طلعة خواتك معك يبغى يطلعهم يكون لوحدهم وانتي اطلعي بروحك قولي له انا ما امنعك انك تطلع اخواتك بس انا من حقي اني ارفض ان اطلع معهم
وبخصوص الضرب شوفي شخص عاقل من عائلتك تثقين فيه وقوليله اللي صار لان اذا سكتي بيعتقد انه هو الصح وان الضرب فاد معاك وبعدها راح يتاخذها طريقته في التعامل معك ومن ضرب مره راح يضرب اكثر من مره والله يوفقك

 

[غربيه شماليه]

اللحين بيجي يوديني لاهلي زياره
وش اسوي
ابغى التصرف الصح
اقعد عندهم ولا ارجع معه
بسرعه لانه كلم يقول شوي وبيجي

 

[حياتي لعيالي]

عذرآ اقصد خواته

 

[smile moon]

لازم تكلمي واحد من اهلك و ياريت يكون واحد يهاب منه زوجك !!
واذا خايفه تنتشر الحكايه قولي للشخص اوالوسيط الي بتكلميه ياريت هذا الشي يصير بينا احنا الثلاثه بس !!!
اهم شي ماتسكتي على مسأله الضرب لان سكوتك معناه انه بيضربك مره ثانيه وثالثه ..... الخ !!!

 

[غربيه شماليه]

سالفة اني اعلم احد قاعده افكر فيها بس خايفه من عواقبها
لانها اول مره تصير لي مشكله زي كذا
شورو علي

 

[اخت أخوها]

اختي الفاضله خذي الأمور برويه ولا تتخذي اي قرار وانت في حالة زعل ولا تدعي على زوجك ابدا" فمن خلال كتاباتك لاحظت حبك له لدرجةالغرام فأرجوا أن لاتنسيك هذه المشكله الود الذي بينكما وتذكري قول الله (ولا تنسوا الفضل بينكم )......... ولاتلجئي لأي احد ليحل مشكلتك .حليها أنت . أنت فقط القادرة على حلها لأنك تعرفين زوجك اكثر من غيرك وتعرفين كيف تؤثرين فيه ليحس بخطئه في حقك .فأنا لا اقلل من حجم المشكله ولا اقول ان ضربه لك امر بسيط ولكني اريدك ان تتصرفي بحكمه ورويه حتى لايكون الحق عليك بدل ان يكون الحق معك .فإن استوعبت كلامي وأردتي أن اكمل فأنا مستعده...وأرجوا من الأخوات ان يقدرن نفسيتها وأن لايزدن الطين بله..وشكرا"

 

[*..الحلوة..*]

هلا اختي غربية شمالية انا بصراحة اعتبرج اختي ما اريدج تزعلين بس من رايي انتي غلطانه في تصرفج معاه انتي اللي خليتيه يمد ايده عليج بانك رحتي عنه وهو يكلمج شوفي الحياة تفاهم وانا احس اكبر غلطة تغلطينها في عمرج تدخلين حد في الموضوع انتي غلطتي واذا كان زوجك انسان طيب وهذا اللي فهمته من السالفة وزين لازم تعرفين تتفاهمين معاه وتسايسسينه يعني هو يفكر فيها مطلعك ومشيكي ومتحمل التعب كله واخر شي انتي ما عجبك وهو ما عرف انتي شو اللي ما عجبك في السالفة بس دايما لما يسوي هالحركة ويعزم خواته بعد ما ترجعون قوليله حبيبي مشكورة على هالطلعة الحلوة تجنن بس انشا الله تعيدها لي بروحي لاني ما خلصت تعرف يوم الواحد يروح مع عايلة يكون صعب يخلص كل اغراضة مرة وحدة ياليت توديني بروحي عشان اقدر اخلص هالاسلوب بيفهم انج مقدره تعبه وروحته وبيفهم انج تريدين تخلصين بسرعة واذا رفض خليه براحته وطلبي مرة ثانية تروحين السوق ولو راحن خواته حديي محلين يمررج عليهن وطلبي مرة ثالثة ورابعة لين يفهم انه اذا كنت تبين تروحين السوق ما يطلع خواته معاج عشان تخلصين مرة وحدة وكل الامور تناخذ بشويش والسموحة منج