شوروا علي تكفون؟؟

[قلبي الكبير]

بنات الله يخليكم شوروا علي انا حامل بالشهر الخامس وبنتي اليوم اكتشفنا ان عندها انفلونزا الخنازير والمشكله انها صغيره لازم انا اعتني فيها سنتين ونص لازم حفاظ وتحميم وغيره وانا بعيده عن اهلي يعني مافيه احد اقدر احط بنتي عنده حتى الولاده مدري وين اوديها اللي ابي اعرفه الحين ممكن المرض ينتقل لي؟وشلون اراعيها مع اني استخدم قفازات ومعقمات بسس والله خايفه ربك يستر؟

 

[شيخه بنت شيخ]

الله يكون في عونك اختي
انشالله البنات يفيدونك

 

[سهر الليل]

حسب ما قريت يقولون الخوف أكثر شي في الحمل والولاده , وانتي اسألي الاطباء ومافيها شي لو قلتي لأحد يهتم ببنتك ولو مؤقت اسبوع اسبوعين
الله يكافينا وياكم الشر

 

[غلطت بحقي]

تواصلي مع الدكتور لانه هو الاعلم بالحاله
وقوليله يشرحلك طرق الوقايه والامان
والله يحفظج ويشفي لج بنتج ياارب

ورددي دائما : بسم الله الذي لا يضر مع اسمه شي في الارض ولا السما وهو السميع العليم (3)

 

[اولادي كل حياتي]

الله يحيميكي ويبعد المرض عنك ويشفي لك بنتك
لاتخافي اختي خلي اتكالك على الله بانه ماراح تمرضي ان شاالله بس لازم تاخذي احتياطاتك وتلبسي الكمامة لان بنتك صغيرة ماراح تلبسها وحاولي تبعدي نسمها عنك
انا اولادي الاربعة جاتهم الانفلونزا بس ورا بعض والحمدلله اتعافوا لان لحقناهم من اول يوم وحجرنا اللي يمرض بغرفة بس انا ماشاالله ما انعديت منهم لاني كنت البس كمامة واخذ ثوم وحبة سودا وعسل كل يوم واتكلت على الله والحمدلله عدت
وحاولي تستشيري الدكتور علشان يعطيكي طرق الوقاية والله معاكي