شوروا علي برجع لزوجي

[دانة الإيمان]

السلام عليكم
لي 3 اشهر مطلقه من زوجي
بسبب خياناته لي وسفره المتكرر وخرابيطه
والاهم اني ماواجهته وقلت الله يهديه
بس البنت اللي يكلمها ومواعدها بالزواج قالت له لاني مره دقيت عليها لاني منصدمه ان رقم بنت بتلفون زوجي
المهم انا زوجي كان من احسن مايكون وطول فترة زواجنا كان منضبط.حتى لو عنده خرابيط خفيفه مهما
كنت متحمله وساكته
وبعد ماحملت وبالشهر السابع حسيت زوجي متغير لدرجة انه تركني عند اهلي 3 اشهر الحمال الاخيره+النفاس+شهر عقب النفاس
والسبب يبي ياخذ راحته ويحسب اني مادري
لمن رجعت بعد نفاسي في بنتي
ولا اشوف زوجي غير بكل شي

مابي اطول واعطي بس نقاط لان قصتي طويله
وزاجي من سنتين

المصيبه طلقني بمسج جوال والسبب اني سبيت صديقته
واني قلت له ليش دايم تصارخ من غير سبب مع الرغم ان مسجاتك لغيري كلها حب وغزل وغرام وجنس..


تخيلوا بنتي عمرها الحين 5 اشهر ماشافها الا 20 يوم بس.والحين له 3 اشهر مطلقني ولا سأال عنها
دايم ادعي له بالهدايه

رغم انه مايدق ولا يسأل ولاحتى يرسل مصروف(ماني موظفه)
انا حيييل احبه وادري اهو يحبني اكثر

واعتقد ربعه سبب خرابه(ربع جدد)

الحين امس طرش رساله وقال يبي يرجعني...ودي اتفاهم معاه على نقاط معينه
بس مادري من وين ابدأ
واذا رجعت كيف انسى خيانته
انا شفته بعيوني مع رفيجته بغرفة النوم(تصوير فيديو)

كان يقولها ياااابعد اهلي؟؟
ويوعدها بالزواج؟..؟

مع ان زوجي ماخذني عن حب 5 سنوات+سنه خطبه+سنتين زواج (زوجي من قرايبنا))

يعني عمر ولا قصرت معاه دايم يمدحني بالفراش والشكل والنظافه وكل شي الحمد لله
طبعي هدوووء ونقاشي بعقل بشهادة الكل
لدرجة ان اوقات اسمع خوات زوجي يقولون اشلون فلانه تتعامل معاه اهيا اسلوبها راقي واهو ماعنده اسلوب

انا فعلا احب زوجي وبعده عني مصيبه
بس احسه هاني ورخصني علشان بنت نفس هذة.ولاقدرني
ولاحن على بنته...اماانه شوروا علي شنو اقوله
واشلون انسى...

اتوقع زوجي طبعه شمالي لاني قريت مواضيع عن جذي بالمنتدى



لاتتأخرون باقي لي ايام واخلص عدة الطلاق

 

[دوحه القران]

حبيبتي ودي اعطيكي حلول بس والله نفسيتي زفت ومره تعبانه نفسيا لان سالفتي شبيهه بسالفتك

مابيدي الا ادعيلك من كل قلبي ان الله يسخره لك ويهديه يارب ويجعل في قلبه حب الله وحب نبيه ثم

حبك ويجعلك احب النساء الى قلبه واجملهن في عينه

 

[فردوس هوساوي]

انا مو متزوجة لكن بقولك لاقدر الله كيف حتعامل مع زوجي >>> وطبعا انا شمالية ..



انا انصحك انك تطلبين منه انه يتعهد لك انه مايرجعلها ثاني ولا لغيرها ابدا




طبعا راسليه بالمسج مش اتصال ( يعني ماتتصلي عليه ولا تردي اذا اتصل الا بعد مايعطيك عهد )



وبرضوا كمان قبل ترسليه انه يعاهدك حسسيه بمدى ظلمه لك عشان خاطر وحدة ماتستاهل , وان بنته هو ماسال عنها ... ومن هالكلام يعني , بعدين ارسليله انه يعاهدك انه مايرجعلها ولا لغيرها ( واذا عندك طلبات ثانية لاتقصري عاد ) .. بعدين اذا عاهدك اليوم فرضا أكيد راح يتصل فيك _ على باله رضيتي خلاص _ بس لاتردي عليه الا اليوم الثاني فرضا >>> يعني ماتطولي بالطناش



أما كيف تنسين انه خانك , اتوقع حبكم لبعض اكيد حينسيكِ هذا الشي والدليل انكم تبغون ترجعون لبعض واذا رجعتوا لبعض اكيد حتنسون كل شي



والله يسخركم لبعض ويبعد عنكم كل مايكدر خواطركم يارب .. وابي دعوتك ان ربي يسهلي امور زواجي جميعها ومصاريفة ياااارب ..

 

[أميرة الالماس]

ينقل الى الاستشاررات الوجية العامة

 

[لمعة ترتر]

الله يعينك يارب ويفرج همك انا مابي اغثك بس شوفي حبيبتي زوجي مثل زوجك في بعض الاشياء000صبرت وتحملت وزعلت وبكيت كل هذا على حساب مين ؟؟؟ احساب صحتي و نفسيتي تعبت ومرضت الله يعافيني ويخليني لعيالي انا ماكذب عليك الي خلني اتحمل اغلاطه هو ان الله بلاني بحبه مثلك 000ماقول الى الله يوفقك وينصرك وتخذين حقك منه ويرده لك يارب

 

[ورد الفل]

هلئ اذا ما سال عنك اكيد مستحي من حالو اتسرع وطلقك عامل عملة فظيعة نايم بالحرام مع وحدة
اكيد مالو عين يشوفك ومتمني الارض تنشق وتبلعو صدقيني
افرضي شروطك وكل يلي بدك ياه واطلبي رضاوة او هديه معتبرة
وافتحي صفحة جديدة الله يصلح امورك وترجعوا لبعض وتتربى الصغيرة بعزك وبعز ابوها

 

[نجد33]

الله يكون بعونك و يبعد عنه بنات الحرام

اولا ماقرر يرجع لك الا انه عرف الغلط او رفيقته تركته وفي كل الحالتين انتي ربحانه

اعطيه فرصه بالرجوع ولكن بشروط يتم الاتفاق عليها امام الجميع وليس بمسيج جوال

اشرطي عليه الالتزام التام ببيته وببنته وانه يترك السفر بروحه اذا هو راعي سفر

وينك وبينه اخذي تعهد بعدم خيانته لك حاضراً او مستقبلاً

وضعي اساسيات اخرى بعدم اهمالك وتركك في بيت اهلك بالاشهر او الايام

واعطيه فرصه بدون شك فيه ولكن كوني حذره ومفتحه العين عليه بدون ان يحس

وفقك المولى وسخر لك زوجك وحفظ لك ابنتك من كل سوء

 

[عاشقه الغروب]

الخبيثون للخبيثات والطيبون الطيبات

 

[قطـــــريه]

اختي شلون ريلج يحبج وانتي واثقه من هالشي وهو خانج مع وحده وطلقج بسبتها لانج كلمتيها .. وولدتي ولا عبر بنتج ولا يصرف وطلقج بمسج بعد .. أي حب هاي الي يحبج ؟؟ عيل لو مايحبج شبيسوي ؟؟ اختي عشان نكون واضحين احنا زي خواتج .. انتي تحبينه اي .. لكن هو يحبج اسمحي لي لا .. خيانه وتصوير فيديو ووعدها بالزواج وانتي الشريفه طلقج وقاطج ولا سأل لا عنج ولا عن بنتج وتبين تردين له ؟؟ اوكي اذا انتي بتردين له ردي له عشان نفسج وبنتج بس نصيحة حطي شرووط يا يتحملها وتعيشين مرتاحه وباحترام يا بلاها ..

 

[حرب الأحساس]

فرصتك الأن
تكلمي عن كل الي بخاطرك
وعطيه بنته يفكر فيها وفي مصيرها
ولو ابوها كذا يسوي
يرضى على بنته
يرضى بنته تعيش في اسرة مشتته
مع زوج أم مثلا ... حركي غيرته قوليله اهلي مابيخلوني بدون زواج
وانك قادرة تسوين زيه لكن تراقبين الله قبله
وانك قد الأمااااااااااانة وهو لا خاين لله قبل لا يخونك
وبعدين اطلبي ماديات حلوة ترضيك
وزودي مصروفك وحوشي عشان بنتك
خليه يتعب ويكد ويصرفك ومايلقى وقت للكلام الفاضي
وتغيري بطلي تدلعين زيادة وتدارين عليه
وربي معك

 

[انسه طفشانه]

زوجك عقله صغير مراا

ومايستاهلك والافضل ماترجعي له
لانه خاين وبيخونك كمان وكمان

 

[فاني حياتي]

انتي تقدرين ترجعين اسئلي نفسك أول ..راح تتحملين راح تكونين قويه...ولازم تحطين شروط وقدام أحد من أهلك ...واذا في نيته بيرجع للخراب الي كان فيه قولي له لاتتعب نفسك وتعبني معك ....أنصحك وأنا في نفس الظروووف الي انتي فيها ومثلك خايفه أرجع ...

 

[ليتني احتويك]

انا شفته بعيوني مع رفيجته بغرفة النوم(تصوير فيديو)


ماااااااااااشااااااااااااااء الله على صبرك الله يزيدك بس اختي استخيري منتي خايفه من الامراااااااض
الله يستر عليكِ وعلى البنت

 

[نظرةعيوني ذلتهم]

اول شي خلي يكتب البيت باسمج ويحط لج مبلغ بحسابج .....واعتقد ان هالشي من حقج وحق بنتج

لا تتنازلين عن هالحق ابدا ابدا ابدا .....اذا فعلا حابة تغيرين حياتج ...اقرائي قصة ام بسمة وبتعرفين ليش

ثاني شي هو شمالي مثل ما قلتي والشمالي يحب الزوجة القوية والجريئة

اقرائي عن الشمالي زييييين واقرائي قصة ام بسمة بتفيدج وااااايد ان شاءالله

والله يهديه يا رب ويسخره لج ويصب محبتك في قلبه صبا صبا امين يا رب ​

 

[الـ ريحانة ـدار]

اختي صدقيييييييين مايربي الجال الا الرجال خلي ابوك او اخوانك يتدخلون بالموضوع ويتفاهمون معه ويفهمونه انه لو غلط مارح يشوفك ولو قدر الله ورجعتي حاولي انه يتعلق ببنته

الله يكون بعومك

 

[حايكية]

والله الي يحب مايخون

 

[الأمل المفقووود]

اخيتي ..... انا عن تجربه وعانيت يمكن اكثر منك لان موضوعو وصل انه تزوج علي لاكن والله العظيم وبفضل ربي ودعائي واستغفاري رجع زوجي ليا واحسن من اول سامحي زوجك لجل بناتك ولجل حبك وقلبك لاتظني انك بتسعدين لما تتطلقي وتنتهي علاقتك بزوجك للابدج وانتي تناظرين بناتك وهم محرومون من الاب انا زوجي بعد ماسال وقت طويل على اولادو الاثنين رغم اني اعرف قلبو حنون ومايطيق يبعد عنهم الا انه الحين يحاول يعوضنا عن كل دقيقه بعدها عنا .............ز كنت مجهزه لستت طلبات وشروط لاكن من شفت وجه نسيت الطلبات وابو الطلبات ياحبيبتي زوجي طلق زوجته اللي تزوجها وهي ماكملت اسبوع عنده ولله الحمد عرف قيمتي وقيمت وجودي عنده وهذا اللي صار مع زوجك مافي احد عاقل يضحي بزوجته الشريفه الطاهره عشان وحده من الشارع رخيصه الكل كلمها وصورها لان افضع شي ان وحده تسمح لاي احد انه يصورها بكميره وبوضع وسخ وان دل بيدل على دنائتها..... زوجك صحي من الغفله اللي كمان فيها وانتي لاتقفلين الباب افتحيه واوقفي بكل قوه عليه بس بحنانك المعهوووووود والله معاكي واي خدمه انا جاهزه .

طمنينا...........................................

 

[الصعب السهل]

الدعاااااااااااااء الدعااااااااااااااااااااااء الدعاااااااااااااااااء والتضرع الى الله والاستخاره وقيااااااااااااااااااااااااااااااااااااااااااااااااااااااام الليل
يارب يارب يسخر لك زوجك ويبعد عنه بنات الحرام اللهم اميييييييييييييييين ​

 

[mamy]

اختى استحلفك بالله انك تفكرى ولاتخربى بيتك وحيرجع بس ادعيله بلهداية

 

[mamy]

:icon26:مش الكلام ده صح