شوروا علي .. الزواج ؟ ام الزواج و الدراسة

[بلقيس^^]

السلام عليكم و الرحمه ..

انا من فترة ف المنتدى و دايما اقرى مواضيعكم الرائعة و المفيدة دائما ..

بس بصراحه ما توقعت اني ف يوم احتاج و اشاور حد فيكم ..

يمكن .. الا اكيد !! راح ستغربون من عمري.. (17) سنه .. ادرس ثاني ادبي >> يعني حادي عشر
و ولد عمي خاطبنّي من صف اول ثنوي ..

انا ماكد شفته الا نادر و مب وايد وياه لأنه دايما مسافر دراسه او شغل ..

ف البدايه حبيت اقوللكم قصته عشان تعذروني في ميولي او الاختيار الي ابيه ..
احم .. كح كح .. ^^
بقولها باختصار مافيني اسوي عرس ..

بكل بساطه لما كنا نمتحن نهاية السنه ف ثالث اعدادي (تاسع) .. كانت تدرسني مس خصوصيه و هيه واااايد مع خواته .. قالت انه واحد من عيال عمج يباج .. و مسوي حرب ف البيت عشانج .. انا بكل بساطه و قبل لا اعرف منو قتلها احلاااااااااااااامج اخذ حد من عيال عمي << اوني استحي >> ياهل ..:showoff:

المهم ..
هو حشر امه تخطبني و ما طاعت .. اتقوله البنت صغيرة ابوها بيتحرانا نتمصخر !! خخخخخخخخ
زعل ع امه و رمس اخته العوده و بعد ما طاعت قالت استحي ارمس عمي بنته صغيره هع ..
قام و طلع من البيت و لا رجع ليييييييييمن قالت اخته تعال بكلم عمي خخ فلم هندي ..

المهم انه اخته كلمت ابوي و طبعا انا ابويه فديته علاقتنا وااايد مع بعض و كلووز .. ف قالي اياها مرة جيه ع بلاطه لما كنت اسولف .. >>>
(مبتسم): انزين اقولج فلان ولد عمج (.........) يباج .. استخيري و فكري ..
انا ويهي صار درزن طماط بس خليت الحياة حلوه و قلت << من التوتر>> : اااااادري من قبلكم .. :thumbdown:
طع العقل >< .. انزييييييييييين ..
صارت وايد تفاصيل مافي داعي لذكرها لأنها بيني و بين ابوي لكن من ابرزها اني كنت زعلانه لأنهم فاتحوني ف الموضوع و انا صغيرة لكن عذرتهم لمن قالوا انه كان خاطب و استخار و مارتاح و ع طول قال يباج بدون مقدمات ..
هو انسان مميز ما شالله عليه . هادي .. مؤدب .. ساعات يقهرني هدوءه لأني اتخيل يوم اخذه انا اهذرب و هو ساكت وااااااااااي خخخخخخخ .. :busted_red:

عموما الحين كملنا سنه و نص .. يعني عادي الحمدلله الامور تمام و كله اوكيه ..
نحن ف عايلتنا اهم شي الدراسه ثم الدراسه ثم الدراسه .. يعني مب من النوع الي يزوجون بناتهم و الدراسه اخر شي .. :surrender:

لكن مشكلتي الحين اني ماريد اتزوج بعد الثنويه .. انا راضيه بالي كاتبنه ربي ..
لكن بعد هم ماريد اعرس بعد الثنويه .. ابي اكمل جامعه او ع الأقل بس كمن سنه .. عشان ما تكون فترة ما بعد الثنويه هي بدايه حياة زوجيه + بدايه حياة جامعيه + حمل و ولاده و تربية و الحاله لله .. :sadwalk:

انا انشالله ناويه ادرس قانون << ما قلدته امبوني ابا قانون ^^ .. :harhar1:

ابي اقول بعد اني لو ما بغيت اعرس بعد الثنويه عادي ابوي مستعد يمشي كلامي ..
لكن انتو كبار و عارفين شلون لمن عقب هالثلاث سنين خطبة اقول بعد أجلوا .. اعرف هذا من حقي ..
لكن هو اكبر عني بسبع سنين .. يعني تقريبا عمره 23 ..لا تقولون وايد >< عادي المناسب يكونون بين بعض 10 سنوات و ها طبيعي .. المهم مب محور حديثنا .. :bleh:

الحين عشان تتجمع افكاركم عقب ما خبصت الدنيا بقوللكم شو المطلوب ..

انا ماريد حد يقولي كيف اتخذ قرار >< .. القرار مكتوب و الي الله يباه بيصير ..
لكن شرايكم انتو ؟؟ يعني ابي اسلوب مناسب يكون باستطاعتي أأجل او ع الأقل اقول ابي اكمل فترة و عقب بعرس بس تكون بأسلوب مقنع و مب محرج بالنسبة لي او لبوي ..
و بعد ابي أسألكم هل عادي لو فعلا تزوجت و انا ادرس ف الجامعه ؟ اعرف ان وايدين جذيه لكن بغيت نصايحكم .. :tears:

و تأكدوا لو مب محتاجه حد ينصحني ما بلجأ لكم .. عساكم ع القوه يا ربي دووم .. :bye1:

 

[wateen]

مرحبا.....

بصراحه احب اقولك وجهت نظري واللي يريحك سويه

دامك انتي مو مستعده على تحمل مسؤوليه الان اجلي زواجك لانك اذا وافقتي الان وانتي مو مقتنعه راح تتعبين بحياتك

واتمنى من ربي يسعدك ويوفقك يارب

 

[بلقيس^^]

صح كلامج ..
و هذا الي انا حاسه فيه ..
مب مستعده .. و حتى لو استعديت ماحس اني مقتنعة ..

تسلمين خيتوو الجميلة المرور و شكرا ع المداخله

 

[sosen]

لاااااااا لا تزوجي الا لما تخلصين الثنويه وتدخلين الجامعه سنه اولى او ثانيه عالاقل لان لو اتزوجتي وانتي لسه ما سجلتي في الجامعه ممكن تسيرلك ظرووف زيي >-< وتندمين انا تجيني اوقات ابكي فيها من خوفي اني مارا ادخل الجامعه وهو مو لرفض زوجي ولكن لظروف خااصه فاادخلي الجامعه اول وافتكي من همها بعدين يجي الزواج لان الاولويه الدراسه

 

[بلقيس^^]

يزاج الله خير اختي و يعطيج العافية

افتدتيني بصراحه
عسى عمرج طويل و تسلميييييييلي يا رب

 

[future girl]

كمـــلي دراســتكـ وأدخــلي الجامعه وثــبتي نــفسكـ فيهــا
بــعدها ممكن تكوونين مــستــعده للزواج
وبالنسبه للعمر جــدا حــلوو الفــرق العمرري اللي بينكم
أنا بيني وبين زوجي 10 سنين
وكذا تكونون متفااهمين اكــثر..

والله يوفقكـ
​

 

[ضحكة الدنيا**]

ابغى اقولك عن تجربتي
انا تزوجت وعمري 20 سنه وادرس والجميع كان يضحك علي يقولي ماتقدرين تكملين صعب جدا
لكن انا كنت عندي قناعة قويه بحياتي ومستقبلي الللي اخترته بنفسي وعزيمه وصبر
وهذي الاشياء للي شجعتني ولله الحمد ماكان احد يصبرني او يشجعني فقط ( القناعة والصبر والعزيمة )
انتبهي اذا لم تكن عن قناعة من الداخل لا تتقدمين ولا خطوة فقط اسمعي صوت نفسك من الداخل لا مااحد بيعيش في هالحياة اللي انت قررت الا انت
فماترينه مناسب لك ولميولك امشي وراه واي استفسار انا حاضرة

 

[غزلان الشرقيه]

سبحان الله ياختي ضحكة الدنيا انا تقريبآ نفس تجربتج

كان عمري 20 سنه لما تزوجت وكنت بثاني جامعه

وكان زوجي بمنطقه وادرس بمكان سكن اهلي

وكنت اروح لزوجي لمنطقته اسبوعيآ بالقطار

لعدم توفر الجامعه هناك واستمريت على هالحال 3 سنوات

والأن تخرجت بحمد الله مع ان الكل قالي مستحيل بتكملين

فاهم شئ تكون عندج الرغبه والعزيمه اخيتي بلقيس

وفقك الله غاليتي وسدد خطاك الي الطريق السليم

 

[ايمومي]

حبيتي بلقيس
في البدايه الله يكتب لك اللي فيه خير ياااارب

وأنا من وجهة نظري الخاصة إنك ماتتزوجي قبل الجامعة

إذا حسيتي إنك تأقلمتي على الجامعة ومشيتي فيها ممكن إنك تتزوجي
وتتحملي المسؤلية وتكوني مستعدة نفسيا وبعدها تمر أيام الجامعة بسرعة

والله يسعدك ويوفقك والجميع يااااارب

 

[غرنوقة دبي]

السلام عليكم ورحمة الله وبركاته

احترم رأي كل العضوات الي سبقوني..لكن أنا أخالفهم في الراي..لأانه انتي قلتي ولد عمج يباج من زمان ومنتظر كل هالسنين ومسوي حرب عشانج ..وضحى بأشياء وسوى مشاكل الا عشانج يعني هو صدق يباج من قلبه وخاطره..ليش أنتي ما تحسين فيه؟؟ أنا ماحسدج إن شاء الله..تبارك الرحمن لا قوة الا بالله بس وين احينه البنت تلقى واحد يحارب عشانها ويحبها من قلب صادق؟ هذي أمنية كل بنت..فياليت قلبج يحن شويه عليه وتنظرين له بعين الرحمه والشفقه ..أشوف الأحسن تشوفين هو متى يبا يعرس؟ لو قالج بعد الثانوية واقفي ولكن بشرط انج تكملين جامعه. وااااااااااااااااااااايد بنات تزوجوا وحملوا ويابوا عيال وهم يدرسون جامعه شو صار فيهم؟؟ بتقولين تعب وايد وصعب بقولج حلاة الشي بالتعب والصعوبة والحياة أصلاً كلها تعب يعني يت على هاي؟
المهم تكونين قرب الإنسان الي حبج وحارب لجلج..وصدقيني يمكن وجوده معاج يساعدج تواصلين وتيبين أحسن نسبه..أنا راي توكلي على الله ووافقي على طلبه لا تلعوزينه يمكن تي وحده ثانية وتلطشه منج ههههه..
وأول شي استخيري والله يوفقج يالغلا.

 

[تفاؤل أنثى]

كملي الثانوي و ادخلي الجامعة بعدين تزوجي وتقدري تاجلي الحمل على الاقل سنة بعد الزواج
​

 

[بلقيس^^]

يزاكم الله خير كلكم .. بصراحه أرآءكم وايد فادتني ..
يعني هو صحيح انا ابا اكمل .. و ف نفس الوقت ماريد اكون انانيه تجاهه ..
مع احترامي للجميع و اراءكم كلكم ف البدايه كنت مقررة او شبه مقررة فعلا اسوي المستحيل عشان اكمل
و قلت ف خاطري مستحيل اتزوج يا بعد الجامعه يا يدور غيري خخخخخخ << مب لهالدرجه ماعليكم ..
بس أحس اكثر وحده كانت قريبة من مشاعري هيه غرنوقة دبي ..
حد منكم قالت انها كملت و هيه متزوجه .. و حد احملتو ربت و خلصت .. صحيح كلامكم ..
و فعلا الحياة كلها تحديات و صعوبات ..
عموما حبيت اشكركم من كل قلبي و فعلا انتو خواتي و ان شالله الي ف خاطري بسدحه هني ثاني مرة ^^
ف النهاية الله ييسر الي فيه الخير لي و له و لكم ..

 

[هدباء الرمش]

السلام عليكم بصراحه اييد اختي هاذي بكلامها فعلا كلامك حكمه ولاتترددي اهم شيء قبل القرار الاستخاره والله يفوقك اختي ومبرووك مقدما..............................................................السلام عليكم ورحمة الله وبركاته

احترم رأي كل العضوات الي سبقوني..لكن أنا أخالفهم في الراي..لأانه انتي قلتي ولد عمج يباج من زمان ومنتظر كل هالسنين ومسوي حرب عشانج ..وضحى بأشياء وسوى مشاكل الا عشانج يعني هو صدق يباج من قلبه وخاطره..ليش أنتي ما تحسين فيه؟؟ أنا ماحسدج إن شاء الله..تبارك الرحمن لا قوة الا بالله بس وين احينه البنت تلقى واحد يحارب عشانها ويحبها من قلب صادق؟ هذي أمنية كل بنت..فياليت قلبج يحن شويه عليه وتنظرين له بعين الرحمه والشفقه ..أشوف الأحسن تشوفين هو متى يبا يعرس؟ لو قالج بعد الثانوية واقفي ولكن بشرط انج تكملين جامعه. وااااااااااااااااااااايد بنات تزوجوا وحملوا ويابوا عيال وهم يدرسون جامعه شو صار فيهم؟؟ بتقولين تعب وايد وصعب بقولج حلاة الشي بالتعب والصعوبة والحياة أصلاً كلها تعب يعني يت على هاي؟
المهم تكونين قرب الإنسان الي حبج وحارب لجلج..وصدقيني يمكن وجوده معاج يساعدج تواصلين وتيبين أحسن نسبه..أنا راي توكلي على الله ووافقي على طلبه لا تلعوزينه يمكن تي وحده ثانية وتلطشه منج ههههه..
وأول شي استخيري والله يوفقج يالغلا.[/quote]

 

[ام الشرفاء]

شوفي ياستي ..انا اتزوجت صغيرة 19سنة ..وبيني وبينه 10 سنيين ..وكملت سنتين في الكلية بس
وكل ما احاول افكر انه اكمل ...يمرضو عيالي ليلة روحتي للكلية ....
اقولك حاجة ..انا اصلا كارهة القسم اللي ادرس فيه ..وزوجي يشجعني ..بس ماعندي مواصلات ..
وبيني وبينك ..حنكمل ستة سنيين (مااااااااااااشالله )مع بعض ..ولاعمري ندمت على قراري
ولا للحظة ندمت انه ربي كتبلي هو ...

اقترح ...استخيييييييييييييييييييييييري ...وانزلي سوي عمرة ..انا كل ماضاقت بيه الدنيا نزلت مكة ولا المدينة
واستخرت هناك ..وكوني متاكدة انه ربك حيكتبلك كل خير باذن الله..
وطمنيينا ايش يصير معاك

 

[rma_86]

دراااااااااااااااااااااستك كملي على الأقل سنتين جامعة و اتزوجي

 

[وصفة الماس]

هلاااااااااااا والله بنت بلااااااااااادي هع هع ^_^ شدي حيلج يااميه ثاانويه هاااااااي هاتـي نسبه وادعيلي ويااج تراني والله ممممممم ماعرف شو اقوولج بس ماحبيت اظهر دون مااعلق الله يسعدج ويوووفقج ان شالله والله بيجدم اللي فيه الخير غنااااااااااتيه

 

[بلقيس^^]

تسلمون كلكم مرة ثانيه

ههههههههههههههههه تسلمين بنت الماس فديتج .. مرورج حلوو شراتج ..
و افا عليج النسبة اول الاهداف ان شالله
دعواتكم

 

[~لمـــــــار~]

اللي عندها طموح بتمشي بالجامعه سواء متزوجه او لا

أعرف دكتورة كانت تدرسني بالجامعه قالت لنا عن ظروفها ايام ماكانت بسننا

تخيلي ايام ماكانت تدرس بكالوريوس كانت متزوجه ومعها ثلاث اطفال
ومع ذلك جابت امتياز وكملت درساتها والحين دكتورة بقسم الكيميا يعني مو شي هين

لذلك مافيها شي إذا تزوجتي بعد الثانوي بس اشترطي انك تكملي دراستك
وحاولي ماتخلفين الا واحد لانه صعبه تاخذين موانع بالبدايه وبعدين توقفي لين تكملي جامعتك
والخيره فيما اختراها الله
انتي استخيري واستغفري وادعي ربك ييسر لك اللي فيه خير لك

وترى احلى شي بالدنيا الحب