شوروا علي: اعلم زوجي والا ما اعلمه?

[محبة بلقيس]

انا متزوجة وعندي ضرة ولها اطفال
ضرتي تسوي اشياء من ورا زوجي وهو مايدري وذاك اليوم تقول لي انها وصت واحد من خوالها يراقبه وتكلم سواقين من وراه وتروح ةتقول له انها مع اخوها
تراقبني في كل شي خاصة اني موظفة ومستوى تعليمي جامعي وهي ماكملت المتوسط
حملت قبل سنة وسقطت ومن وقتها ماصار حمل لانها من يوم درت وهي تقول كيف حملتي وليش ماقلتي انك تركت المانع
والله خاولت معها بكل الطرق وعجزت اداوي خبثها ونجاستها لدرجة انها تفتش بجوال زوجي وتشوف ايش رسايلي وبين فترة وفترة تلعب بأعصابي على سالفة الحمل(لاني للحين ماحملت بعد بنتي اللي في اولى ابتدائي) وتراسله انها تبي جهاز تحليل حمل مع ان مافي ذاك لفرق بينا بالعمر
وانا الحين محتارة اعلم زوجي عن سالفة خالها؟خاصة ان زوجي راعي جلسات سهر وشيشة

 

[رندا كووول]

خليك ف حالك وهي ف حالها
لاتحتكي فيها كثير.ولا تحكيلها عن خصوصياتك .
وشو مصلحتها لمّا تخبرك انها تراقب زوجك .يمكن عشان تبلغي زوجك وتلفق لك تهمه وتقول تكذب هي تتبلى علي .
خلي همك اسعاد نفسك وزوجك وهي اتركيها ف حالها..
الله يوفقك ويريح بالك

 

[boom]

مع رندا كول عزيزتي
الله يوفقك ويسهل عليك

 

[ام ريان 2]

برايي لا تحكي لانه هية اكيد هدفها انك توصليلو الحكي و تعمل مشكلة بينك و بينه

 

[انوا رة الرياض]

انا راي من راي البنات وحاولي تبعدي عنها ولاتجلسي معها كثير وتفاديها واهم شي ارضي زوجك واكسبيه وهي خليها ماعليك منها والله يرزقك بالذريه الصالحه امين

 

[beautiful]

انا مع رندا كووول في كل شي قالته
طنشيها ولا تعطينها وجه كثير خلي خلي بينكم شي رسمي لا تقولين لها كل شي طالما انت تقولين انها خبيثة
ومهما تقول لك من كلام عن اللي تسويه هيه لا تعلقين عليها ولا تتفاعلين مع الموضوع زي لما تقول لك انها خلت احد من خوالها يراقبه لا تقولين ليه وليه بس ابتسمي وطنشي

وعيشي حياتك مع زوجك طبيعي ولا كانك سمعتيها عشان لا تقلب الموضوع عليك وتطلعك الغلطانة

 

[محبة بلقيس]

الله يجزاكم الجنة ويبيض وجيهكم ويحرمها على النار
وانتظر مشورة باقي اخواتي في المنتدى

 

[اضناني الهم]

يا اختي قللي من اخطلاتك فيها اريحلك وابعد عن المشاكل من تجربتي
الضرة مهما اظهرتلك من ود لم ولن يصفى لك قلبها لان الغيرة والتنافس
بين الضرائر فطري حتى خير النساء واتقاهن "زوجات رسولنا الكريم رضي
الله عنهن " حدث بينهن من الغيرة والمواقف كما نعلم
ثم اتقي الله ولا تفسدي بين زوجين "وإن كانت ضرتك" فإن الفتنة أعظم من
القتل واشد الفتنة واعظمها فتنة الرجل على امرأته والعكس
فخليك بحالك و تذكرى ان الجزاء من جنس العمل

 

[محبة بلقيس]

والله ما اقصد الافساد

يشهد الله ما اقصد الافساد بس خايفة على زوجي
تتخيلون انها تقضي من السوبر ماركت بمبلغ وقدره واغلبه لاخواتها وخالاتها واذا جيتها تحط تمر او شوكولاته او نواشف والشغالة مستلمة كل شي ماعدا زوجي وبالبلاك بيري مشتر كة بمجموعات قذرة
الاتحط راسها براسي وعيالها مثلها بالخبث, تخيلوا البنت بثاني ابتدائي تقول لبنتي ليش عنكم هذا وهذا.....
والله انها تشتري لبس ومانشوفه الا مرة ومرتين وبعدها تصدير للخالات والاخوات واذا شافت علي شي زنت عليه,تخيلوا تقول ابي اغراض لبنتي للمدرسة بمبلغ وتفاجأت انها بربع اللي هي طالبته والباقي لها
لا ةالحين ماغير عينها على جسمي وعيالي هذا ناصح وهذا يذاكر وانت جسمك كذا وكذا لاني بشهادة الكل بالجسم احلا منها
ما اقدر اقلل اختلاط لان زوجي يوميا يجيب عيالها العصر عندي يلعبون مع اخوانهم واغلب الجمعة نتغدا سوا
اقسم بالله انها سيئة لدرجة ان سلفاتي ماعاد يختلطون معها لانها كذبت عليهم وتواجهوا وطلعت فعلا كذابة
انا نفسي اقول له عشان يحذر بس مو اكثر

 

[حصاد الالم]

خليك بحالك وهو مصيره يكتشف كل شي بنفسه

حبل الكذب قصير وماعليك منها


خليه يعرف من غيرك مو منك اقلها بكره بيقول فرقتي بين عيالي وامهم ولا بيطيحون في كبدك وانتي يكفي عليك وظيفتك وعيالك

وحطي في بالك حتى لو اكتشفها لاتقولين انك كنت عارفه او حتى شاكه

على قولة القايل ابعد عن الشر وغني له

 

[ياطول الصبر]

عقله براسه ويعرف خلاصه
انت خليك بعيده ولو اجتمعتوا مع بعض خليك رسميه وبقوه بعد
شيليها من راسك وهي بتمل

 

[حجازيه ذوق]

شوفي هي لو كانت خبيثه مثل ماتقولين مابتعلمك انها تراقب زوجها وانها وانها الا اذا كان لها هدف من توصيل هالمعلومات لك يمكن عشان انتي توصليها لزوجك وثم هي تصنع مشكله عشان هدف في نفسها مثلا البعد عنك او عدم الاختلاط معك ومع بزورتك لان يمكن زوجها هو اللي يجبرها على الجمعه واللمه وهي بتخلي الغلطه تجي منك مو منها ومن هالامور يعني اكيد لها هدف مشاكلها هي وزوجها بينها وبينه تراقبه ماتراقبه مو مهمتك انتي اهم شي نفسك وبزورتك وهو يتحمل اللي يجيه من زوجته وخليها تراقبه المتضرر الوحيد هي وانتي خليك معها سطحيه ولا تتكلمي في خصوصياتك عندها
اما انتي ولا كانك دريتي حتى لو زوجك او هي قالت انا قلت لك اني اراقبه قولي ماقلتي لي ولو قلتي لي ماسمعتك لو يصير شي
وهي لاتخليها كل همك اهم شي حقوقك تجيك كامله وبس ولا تضلمك هي اما اللي بينها وبين زوجها وعالمها مالك فيه يمكن بعدين كله يصير لصالحك ولو تدخلتي بينها وبين زوجها وفي مشاكلها يمكن تكون الامور مو في صالحك

 

[am lamo]

ابعدي عنها احسن الباب الي يجي منه ريح سده واستريح

قولي لزوجك ماابي اختلط فيها واقنعيه

 

[اللهم ازل همي]

دعي الخلق للخالق ربك يحاسبها عليك بنفسك