شنو الحل ساعدوني انا في دوامه

[القلب الصبور]

السلام عليكم حبيباتي ابي مساعدتكم اللي تعرف شنو التصرف المناسب تقولي
زوجي جدا مهمل في مبيت وما ادري شسوي معاه اي اسلوب اتخذه وعاه راح اعطيكم بعض من صفاته
اهوه نوعه
1-الغامض
2-الغرور والكبرياء
3-الاسلوب بالكلام اذا كان غلطان يعرف اشلون يطلع نفسه :no:
نوعية الاهمال
1- اليدات مالت الغرف مكسوره صارلها سنه
2-خط البيت مقطوع صارله سنه
3-الماجله ما يروووح يشتريها الا انا اروح
4-شفاطات الحمامات اعزكم الله صارلهم4 سنوات
وغيره وغيره وما ادري شنو اسوي معاه والله مليت
ابي اسلوب دكتوره ناعمه لو اشوي بس علشان اقدر اتغلب على هذا الظلم:icon1366:
ولكم جزيل الشكر لا تنسوووووووووووني حبايبي

 

[وجدان ام سارة]

حبيبتى القلب الصبور الله يصبرك حبيبتى فكرى شو نقط ظعف زوجك ؟ وستغليها علشان تقدرين تاثرين علية وانصحك ادخلى دورات الاستاذة ناعمة وموزة ترا بتستفيدين كثير وربى يوفقك

 

[أم حمد]

إنتي تحتاجين استشارة من ناعمة فهي الشخص المناسب....ضعي استشارتك في القسم المخصص لردود الأستاذة ناعمة....والله يكون في عونج إن شاءالله.

 

[عنقود عنب]

على فكرة اختي

اغلب الرجال يتصفون بالكسل في شؤون البيت

الله يعينا ويعينك

تحياتي

 

[روعة روح]

الله يعينك

 

[هدهد]

تطرقت الاستاذه موزه الخلفان لهذه النوعيه من الرجال واساليب التعامل معهم ... لكن المواضيع انشالت للاسف

 

[زهرة البوادي2006]

اختي شكلك انتي عودتيه من اول انك ما تخبريها عن اي شي يخرب ولما حبيتي تعلميه صار متعود انه ما يصلح شي حاولي تفهمي كيف تقنعيه فيه ازواج لازم لهم طرق اقناع عشان يقتنعوا والله يصبرك

 

[ليل الشتا]

أعانك الله يا أختي
والله ما عرفت وش بكتبلك يعني عاجبنه البيت كذيه أو انه مخلنه فندق بي ايي يرقد بس وريلك كسله عجيب عنده لا مبالاه أختي انتي عندك أولاد؟ لانه بالنسبه للماكله أبدا لا تروحي تاخذيها أنتي يعني هو ما يبا أكل سنع حاله حال الناس
كلميه قوليله هالحال ما يرضي الله
الله يكون فعونك

 

[هالوجين]

واللة مشكلتج نفس مشكلتي توني ناوية اكتبها مليت والمشكلة يقولون لا تجيبين شي من عندج يخواتي نفسيتي اتعبت من المماطلة كل مااقلة هالشي خربان يقول لي من الي خربة غيركم والي 4سنين تحسينة متعمد لان من النوع الي ميقعد في البيت كثير عشان جذي مينضر الي عندها حل اوتجربة تنورنا خوات

 

[القلب الصبور]

اختي وجدان اسلم عليج
ممكن توضحيلي نوعية نقاط الضعف هل هي لازم تكون سلبيه يعني الوي ايدينه ولا ايجابيه تقصدين بالمساحل والكلمه الحلوه

 

[القلب الصبور]

ام حمد
انا ودي ادش الدورات بس مو عارفه وحاليا الحاله الماديه ما تسمح فودي اللي ماخذه دورات تفيدني فعلا انا منزعجه من الموضوع هذا

 

[القلب الصبور]

حبيبتي هدهد
اذا تذكرين منها شي ممكن تفيديني

 

[القلب الصبور]

زهرة البوادي
انا ما انكر اني ساعدته في التعويد على الاتكاليه لكن كنت اقوله هذا خربان وهذا وهذا كان يقول وان شالله ويطنش واول زواجي كنت ما اعرف التعامل معه والغلطه اللي كنت اسويها هي اني كنت اشتري الماجله انا والان من الشهر القادم كنسلت هذه المسؤوليه

 

[القلب الصبور]

ليل الشتا
تكلمت وايد معه لكن بدون فايده

 

[القلب الصبور]

النتجه يا خواتي احب اقوله لكم
في الامس كان بينا نقاش حاد في اللي وبعد النقاش كلمتها على سالفة التيلفون فقالي انا ما ني حاطه بالمره قلتله ليش العناد انا مابي منك شي انا مستعده ارده بس عطني بطاقتك ما رضى وقال لا ماكو تيلفون قلت اوكي سكتنا اشوي وقتله انا بروح باجر بيت اهلي اتغدى قال الله معاج ونمت
قمت ثاني يوم تجهزت ولبست وتعطرت وقتله
انا :انا رايحه
هو:اوكي
قلت:لمن تقعد يييب اليهال بيتنا
قال:وليش ما تاخذينهم الحين
قلت:انا ما اقدر بروح الطبيب(طبعا كذبه وكان قصدي ابي اخلي مسؤوليتي من كل شي مدام هو ما يبي يسزيلي ليش انا اسويله)
قال: بستهزاء الطبيييييييييييييييب
طلعت بسرعه علشان ما يتكلم ولا يمنعني على فكره الايدام خلص وما شره ومعني قتله 4 مرات ولاكو فايده
وكان دوامه الساعه5 في هذا اليوم في الساعه3ونص العيال اوصلوا ولا دق عليي ولا دقيت وقضيت اليوم كله شاغله نفسي لين صار وقت العشا وامي بغت منه شغله دقت عليه وكلمته شفتها طولت ما قتله شنو صار حسيت انه ماكو فايده
المهم قاله على اللي صار امس في النقاش الحاد طبعا اهو يتميز بالاسلوب واقناع اللي جدامه بس انا نا ما اهتميت ورديت البيت بعد ما تعشيت
وصلت المنزل ودقت عليي الوالده وقالت
ما يصير جذي يا ام حمد انتي وايد تعاندين اهوه يقول لمن تتعدل انا راح احط التيلفون
قلت:انزين ما قالج شنو الغلط اللي فيني
قالت:لأ
قلت:انا محاسبه على كل تصرفاتي معاه وما عليي اي غلط العيال ومهتمه فيهم واهو بعد والكشخه ايضا يعني ما عليي اي شي
ظلت تتكلم بأني ارضخ له واراضيه بس انا مو غلطانه بشي قتله ان شالله وصكرت التيلفون
جلست مع نفسي افكر شو اسوي فقررت
1-العيال ما لي شغل فيهم
2-ما اطبخ ولا اسوي اي شي
3- اطلع واروح واطنشه لكن بستئذان علشان ما يمسك الغلط عليي
اليوم قعدت من النوم زكان هو نايم وصاحي في نفس الوقت تعمدت اتكلم بالتيلفون جدامه دقيت على امي
قلت :الو قوه يمه هاااا امسوين غدا اليوم
قالت:اي وغداج زاهب
قلت :عيل طرشيلي احد ياخذني
قالت:اوكي
طبعا متوقعه امي اني بجيب الاولاد
وقبل لا اطلع لبست وتخننت وقتله انا رايحه ما رد سويت روحي جني سمعت وطلعت
ييت اهني ودزيتله عقب فتره اني بروح السوق دزلي هو بعدين انا مالي شغل فيج ولا ادقين ولا ادزين اي شي حق العيال يدتهم تكلمني دزيتله مسج اووووووووووووووووووكي بهذي الطريقه وهذا اللي حصل
الحين ممكن تعطوني رايكم واللي عندها خبره بكلام الدكتوره ناعمه او موزه تفيدني لان ما ادري شنو اللي راح يصير بعدين والله معنا

 

[ليل الشتا]

غريبه أنه عادي معه تطلعي يعني المفروض إذا متضايق يحرمك تروحي تتغدي مع أمك
عسى يرضخ بهالاسلوب الله يكون في عونك يا خويتي بيسوي نفسه زعلان حاولي أبدا لا تفكري فيه شغلي وقتك لين يتعدل وقلوبنا تدعيلك يالغاليه
وافينا بعلومك

 

[هدهد]

قبل ان نتحدث عن الاشياء التي لم يقم بها ...دعينا نتحدث قليلا عن الاشياء التي قد قام بها بالفعل....وكيف كانت رده فعلك ...هذه الاسئله من اجلك وليست للنقاش على صفحات المنتدى...
كفي عن لومه ... فاسلوبه في التطنيش طبيعي ...وهو رده فعل " للزن" الذي تقومين به ... انها رساله منه ان هذا الاسلوب لا يمكن ان يغيريني ...وقد حولك باسلوبه البارد من زوجه تبحث عن حل للمشكله ... الى الزوجه المشكله .....
اذا اول خطوه هي ان تقومي بتصرف لا يتوقعه منك ...وهو الكف عن الشكوى ...

الخطوه الثانيه هو ان تغتنمي زياره احد اقربك - اخ او اب او حتى زوج اخت- ثم اعرضي عليه المشكله بطريقه غير مباشره ولا تثير تحفظ زوجك(حرب اعصاب ) – ضروري يكون زوجك موجود ويسمع- وطبعا هذا القريب سوف يعرض مساعدته ...وياليت لو استدرجتيه لمكان المشكله ..مثلا لمه مكسوره او فيش عطلان ....طبعا هذا سوف يكون اكبر كف لزوجك ...واكبر رده اعتبار لك ...
اولا لانك توقفتي عن الشكوى ...وهو لا يعلم لماذا ... ثانيا لانك تجاهلتيه تماما واستبدلتيه برجل اخر في بيته حتى لو كان قريبك... فهذا عرينه ....وهو السيد الخبير الوحيد فيه ... لكنه بخطتك تكوني رميت به خارج عرينه ليرى بعينه ان غيره افضل منه ....
توقفي تماما عن النق ... وابدأي التنفيذ ...
نجاح الخطه يعتمد على ذكائك ...ويهمني اعرف ماذا حصل ....​

 

[تواصل]

كلام الاخت هدهد صح انا زوجي معاه نفس المشكلة ولما كلمت اخوه قدامه يصلح لنا الباب المكسور عصب وقال انا ايش دوري هنا بالبيت وبعدين صلحه بنفسه
اختي سوي معاه نفس الطريقة وشوفي ردة فعله

 

[هدهد]

اختي صاحبه المشكله ... ضروري يكون القريب الذي سوق تعرضي عليه المشكله رجل ...ضروري يكون رجل!..وكل ما كان اخوه او زوج اختك يكون افضل ...!

 

[ام غادة]

و اذا هذا ال........ استغفر الله العظيم
محرم علي اكلم اخوانه او استقبل اخواني في وجوده
مره مره - كلش كلش

شو الحل ؟؟؟؟؟؟