شمالي شرقي ومعي مشكله وياه .. مطلقني مرتين وابي استشارتكم

[نهى الجميله]

السلام عليكم ورحمة الله وبركاته

أخباركم يا نسسسوة ياجميلات

حبيت مرا فيكم التعاون من جددد .. هذا و الله السبب الللي خلاني

اسجل والتحق بكم ..

انا حالي حالكم .. الحياة ماتخلى من المشاكل بس الحمدلله

مرات تعديني مرا ماتعديني مرات تنطنشين وهكذا

..

بس انا مشكلتي .. معقده ولا اتوقع احد يحلها ..

لان و الله اعلم .. من المعادلات النادره ههههههـ جوابها ماله نهايه

..

ادري جالسسه استظرف بس ماعليه ابسسط نفسي

انا قريت عن الانمااط .. وحصلت زوجي شمالي شرقي .. و حكيت ع صديقتي كـ دليل انها خبيررره بذا الامور قالت لي انو شرقيته طاغيه على شماليته

وانا والله ما ادري .. بس راح اقول لكم بعض النقاط .. عني وعنه .. و نبذه بسيطه عن مسيرتنا الحياتيه هههههـ

...

هو ( شمالي شرقي )

عصبي .. قذر اللسان .. احمق .. سب ب اوقح الكلام .. يجمع عليك الاخطاء .. دقيق .. حساس .. اهله و امه اهم الناسس عنده .. ماعنده حس الانتماء للبيت و المنزل والزوجه دايم يحسسني انه يقدر يتخلى عني .. انتقادي من الدرجه الاولى .. ما يحب الدموع .. يحب نفسه والدليل لما تصير مشكله يقول روحي ل اهلك انا مليت من المشاكل ماعنده اي طاقه او صبر لو المشاكل تافهه .. غامض .. يحس ب نفص في رجولته وهذا الحظه اقصد مايحب مثلا يقول لي ان عنده ضائقه ماليه او انه باع على اهله سياره وعطوه مبلغ الفلاني لا يخبي علي و السبب انو مايبي اتوقققع يحسسني انه يمر ب ضيق او شيء ما ااذري كيف تفكيره .. زي الثعلب بنظري يجلسس يبسسطني ثم يجمع علي اخطاء عشان يلقى شيء يخانق عليه ويبني عليه سوالف عشان يهددني بالطلاق .. الطلاق زي الحلاوه عنده .. طلقني مرتين .. اهم شيء نفسسه .. يحب الجسم الملياااان .. يحب البيت النظيف .. يحب كل شيء مرتب بدقه .. يحب الحلى مرا ويدووخ بعد .. يتدخل بتفاصيل هو ماله دخل فيها مثل كيف اطبخ الرز كيف اسوي له المكرونه .. يدخل خشمه بكل شيء مايخليك ع راحتك ... مايدري عن نفسه انه يحب نفسسه كثير .. مايحب النقاش يطول ينهيه ب اسسرع وقت لو حتى الموضوع فيه انفصال مافي مشكله بس يبي ريح راسسه على كلامه .. بالنسبه لي غير مئمون .. ما احس بالامان معه انا لما اتكلم بوادي وهو بوادي .. احب العواطف و المشاعر و الاحاسيس و الكلام الحلو و المكالمات اخر الليل .. احب كلمة احبك دايم تنقال لي .. طبعا قايله له وش احب بس مسسسوي لي طناش .. وفيه عيب كبير انو لما يسوي الشيء الكويس و تصير اقرب مشكله يقوم بالمن علي انو شوفي سويت لك فعلت لك .. وهالشيء مضايقني و مخرب علي اي شيء حلو يسويه لي لاني اعرف النتيجه مسبقااا

انا ( جنوبيه غربيه )

اتكاليه .. غير منظمه .. فوظويه .. حساسه .. دلوعه .. اتحسس من كلامه .. احاول اني اظبط وضعي زي ما تقولون اسدد الثغرات اللي اشوفه يدقق عليها .. الحمدلله جميله راضيه عن نفسي كثير .. اتكلم بالمطنق كثير و هذا الشيء مايحبه .. احب اهلي كثير .. واخواني .. قلبي طيب اسامحه .. ما اقدر اعدي بعض المرات .. افتقد ل المشاعر واحاول ادورها عنده بطبيعتي .. طباخه ماهره بنظري .. بنظره لااا

عموما ..

( وصف عام لمشاكلنا )

الان يا اخواتي رجعت له بعد شهرين .. من اصلاح بسبب انو بيننا طلقتين .. طبعا الان احاول بقدر الامكان اني اسسد الثغرات ل اجل مايحصل علي شيء
ومع ذالك يدور ويلقى .. النظام الجديد اللي مسويه معي الان ...

لما يعصب يتطاول علي بالسب والشتم ب اقذر الالفاظ ثم على اهلي واحد واحد و امي .. للعلم لا اهلي غثو ولا امي ..
يضربني في اهلي يعني يسبهم يسبهم

دايم يتكلم وينتقد و يقول روحي ل اهلك انتي ماعندك كرامه انا اكرهك .. روحي .. انا ما ابي اشوف وجهك كلما قربت منه زاد الحكي كلما جيت افتح نقاش وتفاهم برضو لدرجة حسبت نفسي مرخصصصصصتها كثير
ويردد الله يعافيك اذا رحتي ل اهلك لاترجعين .. وانا صابره عليه لان عندي ولد .. وبتضحكون لو تعرفون وش الاسباب

مثلا ليه تحطين الحديده تحت قدر الرز ليه تحطين الماجي ليه امس مانظفتي ليه انتي مريتي من عندي وماسلمتي ليه انتي ماعطيتي امي خابر انك منتي جايه لها .. وللعلم لو ابرر وش السبب مايبيني ابرر

خلاص انتي غلطاااااانه ويخليها موضوع كبير عريض و يزعل و يكرهني


الوضع الان

رحت ل اهلي عادي زياره هالخميس و الجمعه .. طبعا مارفعت السماعه ليه ولا ارسلت بحكم اني دايم يا ارسل له مسجات حب او اتصل واقطع اخليه يتصل بحكم اني احب هالنظم
وهو مايحبه فيسوي لي سالفه ويقول زي كل مرا اشيل هم الارض لا اتصلتي بي ما ابيك تتصلين او ترسلين للعلم انه يدري ان هذا الشيء وووواوووو بالنسبه ويعرف تمام المعرفه ان هالحكره وقل اهتمامه بي
تحسسين ب عدم اهميتي عنده .. وهذا الشيء صار قناعه اكيد بالنسسبه لي

عموما الحال الان .. جيت معه الجمعه من دخل عشان يشيل الاغراض وهو عينه فيني هالطووووووول طاني موته له احد نظرات تهديد وكان شايل الدنيا عشان يجي ياخذني

المهم لو الصخر ينطق كان نطقت .. للان ما احكي معه بس كل كلامي يالله الغذا تبي عشا خلص الشيء فلاني ..

قاطعه الاتصال فيه وهو برضو قاطع الاتصال فيني اجي من الدوام ازين الغدا اصحيه يروح يتغدا و يطلع اول كان يقول تبون شيء وكنت مثلا حضنه او استقبله برضو بالحضن لاني معودته

اللحين يطلع ولا يقول لي انه طالع مثلا اليوم طالع من 3 ماجا البيت الا 12 بالليل و الحمدلله جا وانا كجهزه قهوتي حقت المغرب وو الحلى

طبعا طبيعة اشغاله يخلص امور اصدقائه يحب يخدم غيره ويسااعدهم

اما انا لا ..

انا وضعي ليش مقرره اسكت عنه ولا احكي معه مكتفيه من هواشها و قلة ادبه اوحقرانه لي و ل اهلي و تطاوله الله لا يوفقه على امي ابي ارتاااح اشتري راحتي منه لان فعلا ان رضضا صار يجمع علي وان زعل قام يهاوش فيني

وهو وضعه الان ماد البوز .. يتحيل الفرصه عشان ينفخ .. لان طبيعته نزززري ..

مثلا خذي الصحن .. ليه مالبستي الولد السداره .. جيب الولد ليه ماسويتي .. بس بنفخه و نزريه شوي

فا انا سؤالي لكم ..


تتوقعون اسلوب السحب اللي معتدمته عليه ينفع

لاني ماقصرت ولا شيء طالعه الا شوي خدامه ارتب و ا ضبط والحمدلله مافكرت فيه انو مثلا ياربيه لييييه وما ليييييه ياربيه مايحاكيني الا الحمدلله

مرا مبسسسسسسوطه .. و كاننا اخوان بالبيت مايجي الا متاخر بس عشان مايبي يجي مبكر لاني انا فيه .. حتى ولده الحمدلله والشكر يهتم من وقت تطعيمته ويهتم منه

انا بنت الناسس .. لا هههههههههـ


وانا والله صابره عشان ولدي .. و الحمدلله

ايوا نسيت بخصوص برضو الجنس هو انسان اذا زعل خلاص مسسسسكين حتى على نفسسه يحرم نفسسه .. يعني اذا انا مثلا لبسست مثلا قميص نوم .. و صارت ليله حلوه انتهى الموضوع وروق

المهم اني انا اللي بادرت واني انا اللي طيحت المشكله من راسي و بنفس الوقت ما قام هو بكبريااااائه يطلبني

فهو الان له 9 ايااام ماذاقه هههههه وانا الحمدلله مدققه باللبس اللي تخبروني ضيق وهيك


فما ادري يالبيت تردون لي على هالسؤوالين ...

من ناحية اسلوبي معه ينجح ويطيح اللي في راسسسه

و الجنسسس لاني خلاص يا بنات قرررت اغير اسلوبي

عشان يفهم انو مو كل مرا بخليه يمرمطططني برفع نفسي عنه

بليز ساعدوني بنات ..

 

[نهى الجميله]

ونيكم

 

[نهى الجميله]

يمكن بعد شمالي غربي يطلع ههههههههههههه انتظركم

 

[قمر1984]

الله يصلح حالك ويهدي زوجك
زوجي فيه حركات من زوجك زي مثلا يدور علي زلات ويمسكها ولو سوا شيء طيب يتمنن علي ويخترع مشاكل زي السلام عليكم

بس دحين اول ما ادخل عليه الغرفة او السيارة او اخرج من عنده او ادخل البيت وانا راجعه من السوق او اي مكان
صرت اكرر هذه الآية وأشوف العجب العجاب
((وقل ربي ادخلني مدخل صدق واخرجني مخرج صدق واجعل لى من لدنك سلطانا نصيراً وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا)) سورة الإسراء

اول ما اقراها والله يخرس لسانه ويدور حولين نفسه ويضعف مررررررررررة لأن الشيطان يكون متسلط عليه ويبغى يخرب بيتكم
وكمان اردد (اللهم انا نجعلك في نحورهم ونعوذ بكم من شرورهم)) واقصد شياطين الجن والإنس

هذه نصيحة لجميع الأنمااااط
اهم شي اليقيــــــــــــــــــــــــــــــــن

واكيد الحكيمات ما يقصرو معاك لأني جديدة في المنتدى والحال من بعضه

 

[نضوج أنثى]

قبل اي شي وقبل ماانصحك اي نصيحه راجعي علاقتك مع الله انا مااقول إنك مقصره والكل مقصر لكن الإنسان إذا كانت علاقته بربه قويه وبدل مايدور رضى الناس يدور رضى الله لأنه برضاه يرضى خلقه وتنصلح حياتك إرضاء الناس غايه لا تدرك وإرضاءالله غايه لا تترك فلا تترك ما لا يترك بحثا عن لا يدرك 00 جربتي تلجأي لله وتشتكيه من قلب صادق مهموم لرب رحيم انا احب الجأ للدعاء دائما والاستغفار لأنه القلوب بيد رب العالمين 00 بالنسبه لمشكلتك فيه غلط في اسلوبك في التعامل مع زوجك إنتي تتنازلين كثير وكل الرجال بصفه عامه مايحبون الزوجه اللي تتنازل كثير خصوصا لمن يوصل الموضوع للإهانه زوجك شافك ماتحبين نفسك واتعدى حدوده بسبك وسب اهلك تغاضيك عن هذي الأمور خلاه يسترخصك ومعليش على هاللفظ يحتقرك مافي إنسان يرضى بالإهانه وانتي قبلتيها على نفسك واهلك شخصيتك الضعيفه معاه خلته يتطاول لازم توقفينه عند حده مو معقول تستمر حكايتك كلها على المشاكل والسب وعدم الاحترام الطفل اللي بينكم راح يتعلم من الاسلوب اللي بينكم استمري حاليا بالتطنيش ولا تعطينه فرصه يتطاول عليك قومي بواجباتك وخصوصا الأمور اللي انتي اعترفتي فيها انك فوضويه ومتكله اي مشكله بعد كذا تستوجب تدخل اهلك ويتفاهمون معاه يا يعيش معاك بإحترام ومايسبك ولا اهلك يا الله معاه الزواج رحمه والفه مو همجيه واستعباد ولا اول وحده ولا اخر وحده تنفصل انا مااشجعك لأنو ابغض الحلال لكن لو صبرتي ومافي فايده فهو حل احيانا ارجع انصحك ادعي واستغفري والله يكتب لك اللي فيه الخير

 

[نهى الجميله]

الله يجزاكم خير

بس اضافه بسيطه

اللي انا اتكلم عنه انسان بالمختصر عندنا بايعها

يعني انا تحملي له مو ضعف قد ما انا احاول احطه بعقلي متخلف عقلي

لان لو بترااد معه زي اول بتكون كارثه وانا وربي ماصبرت ليه الا عشان طفلي

 

[نهى الجميله]

ماتوقعت مافي رد والله حسسسافه اني كتبت لكم قصة حياتي
اكثر من 100 وزياده مشاهدات و لااااا ردوو الا 2 او 3

ليششش كيذا ؟؟؟؟؟؟؟؟؟

 

[كوكبي الضاوي]

الله يسخره لك ويهديه
انا ماعندي خبره وانشالله البنات يفيدونك
ماحبيت اخرج من الموضوع ومااحط لك لو دعوه

 

[انثى تعشق رجل]

غاليتي طريقتك سليمة تماما .. هذا هو الاسلوب الامثل مع الشمالي الشرقي
القيام بواجباتك تجاهه .. الابتعاد عنه وتقليل الاحتكاك به الا للضرورة
الاهتمام بنفسك دينيا ومعنويا وفكريا وجسديا
تقربي من الله واطلبي رضاه حتى ترضي
اهتمي بجسدك من تجمل وعناية واستمري على طريقتك في لبس مايبرز مفاتنك امامه
ولو جاءك طالبا .. اعطيه ليله لا تنسى .. ثم عودي للابتعاد عنه
دعيه يشعر باهتمامك بذاتك وتطويرها مثلا قراءة كتاب جميل او متابعة برنامج مهم وما إلى ذلك
وقت تواجده اظهري بأجمل صورة وأشعريه انك مشغولة بشيء ما .. دائما استعملي هذا الاسلوب
مثلا استخدمي الواتس اب في جهازك او الرسائل وابدئي بالضحك بشكل رقيق واظهري اندماجك
او كلمي احدى صديقاتك واظهري سعادتك
خلي يحس انك بعالم سعيد ويحاول يكتشف هذا العالم

 

[نهى الجميله]

اهلا بالغاليات اللي ردو

علي

انا اخر التطورات معي

مستمره على طريقتي كلام مافيه مئديه وجباتي ع اكمل وجه

بس للان لنا اكثر من 17 يوم والله ولا كاني انثى بالبيت ما كانه يناظرني !

صحيح يحاول يفتح حوارات ومرات وده يخلق مشاكل من لاشيء لاني ما خليت له منفذ

الا ان الجنس مستغربته والله ما جا ابدا وحتى ماطلب ولا حتى سوا نفسسه يمازحني او شيء


اطططططلاقا ... فيه كبرياءء .. بالعكس احس بديت اضعف !!!! سسساعدوني

الحال متعب علي شوي

هو يطلع ويروح ويجي ولا اقوله طرف كلمه .. حاسب نفسه العزابي الحر

وانا كزوجه وجنوبيه محتاجه كثير حنان و مشاعر تفرحني و شوية حاجات معنويه

واتعامل كزوجه مو كـ خادمه

لان اموري انا نفسسها سوق او مقاضي ابي اروح اشتريها ما اقدر اقوله

بالله كيف بطلع وياه سسوق و النفس ع النفسس

انا ثافله عليه وهو يعاند و مستثقل


ردوووووووووو علي عزومي بدت تضعف تكفون

 

[زهرة123]

اذا بدك منه شي تعاملي بالمسجات عالجوال اي غرض بدك ياه خليه يجيبه هو او يوصلك لاي مكان بدك تروحيه اكتبي احتاج تشتري كذا وكذا طبعا هو مارح ينفذ بحكم الشماليه اللي تعطيهم عزة وكبرياء الا اذا كان امور للبيت ضروريه لكن لاتسكتي على موضوع السب والشتم والله هذا مو لصالحك تصبر الوحده على زوجها لفقر او مرض لكن لاهانه هدا اذلال وترخيص بنفسك واهلك اللي ربوكي لاتسكتي اذا بتقدري تحكي مع والده او والدته انه بتعامل معك بطريقه غلط ويسب ويشتم اذا قدرو يحكو معه لكن لاتفرجيه انك ساكته على هذا الموضوع وما الك غير رب العالمين تدعيه والله يسخره لك وبالنسبه لموضوع تأخر الرد في النتدى اااااااااااه منهم بنات المنتدى

 

[انثى تعشق رجل]

غالتي احساسك هذا دليل انك طنشتي زوجك لكن مااهتميتي بنفسك
زيدي من تقربك من الله خلي روحك تتشرب بالطاعات وقراءة القران حتى تهدأ نفسك
الحي بالدعاء غاليتي لعل الله ان يفرج همك ويجعلك احب البشر لقلب زوجك واجمل النساء في عينه
وأهتمي بنفسك واحبيها
صدقيني ان حسن اهتمامك بنفسك بينعكس على نفسيتك وبيحسسك براحة كبيرة وبانك جميلة وناعمة حتى لو لم يقترب زوجك منك
ابحثي عن اشياء كانت فيك وفقدتيها بانشغالات الزواج والاطفال
جدديها ومارسيها مرره ثانية
اوجدي لنفسك مجتمع ممتع تغيري فيه جو كصديقات او التحقي بتحفيظ او غيره حتى ترفهي عن نفسك وماتكوني محبوسة بالبيت كل تفكيرك في زوجك
وبنفس الوقت .. انتبهي لتلميحات زوجك واحتكاكه بك
فربما يكون اعتذار غير مباشر .. مثلا كسؤاله ماذا طبخت للعشاء
والأسئلة التي لا فائدة منها هي بالتاكيد وسيلة لكسر الصمت والاعتذار
اختاري اجابتك بحذر كي لا تضيع الفرصة
مثلا لو على بالك طبخة معينة .. من عيوني اسويها لك .. مع ابتسامة لطيفة
هذا بيخلي يتجرأ يقترب منك ويحاول اكثر يكسر الصمت

 

[نهى الجميله]

حبيبتي انثى تعشق رجل

انا بعد كتبت ردي الاخير .. حدث موقف معه و اريد منك تفسسسسسسسسسسسسسير ! لان للان لا اعلم ما يريد ومامقصود !

اتعجب كثيررررررررررررر منه و يحيرني .. واثق بعد الله فيك رجاء ساعديني


المهم


جيت الساعه 3 من كليتي .. عملت الغدا و نزلت الطفل من عند ام زوجي لانها فوقي

وهو طبعا نايم ... صحيته تقريبا 5 الا عشان الغدا .. كان الغدا رز بس كنت مكثره المويه فيه ف طلع لين اكثر من اللازم

المهم جا وتغدا قال ايش هذا ليش الغدا كيذا و ليش ماعملتي الطريقه الفلانيه في الطبخ قلت بس زياده مويه

المهم كان يبي ينرفزني بس تجاوزت الوضع .. المهم رحت ارتب و اضبط وجبه ل طفلي قال لي من اتصل بك

اليوم الصباح .. (امي كانت متصله الصباح تسالني عن الجريش اللي تعشينا عليه بالليل امس ) هل ضبط معي او لا

المهم رديت عليه اهلي .. ورحت فجاءه صارخ يناديني جيت قلت : نعم !! قال : من اهلك .. قلت امي قال وش تبي !!!!

قلت ماتبي شيء .. ليش فيها شيء !! ... قال وهو متنرفز اي عندي فيها اشياء كثيره

المهم رحت كملت شغلي

هو راج نام ..

قام المغرب و تقهوينا كنت ابي المشغل بس شفته مركز مع مسلسله .. فتركته المهم اذن العشا قلت ياليت توديني للمشغل

قال ب عصبيه ليه ماقلتي لي !!!! انا جالسس عندك قلت انت تتابع مسليسسسل قال هذا مو عذر انا مو لم المسلسل بس فضاوه

قلت طيب الله يهديك قال انتي ادعي ربك عساه بس يقبل دعائك

رديت قلت تراني امانه في رقبتك .. رد قال على شحم اسكتي مادام النفس عليك طيبه !!!


انا انفجعت اللحين صبري عليها اسبوعين وزياده .. و مسويه اللي قاله لي واخرتها ما رضضا بعد

المهم رحت المطبخ ابكي من حر مافيني جا قام يخبط ع كتفي .. قال ماراح يفيدك البكاااا

المهم انا تهاوشت معه قلت وش تبي مني كلش مسوا لك قال انا عايش مع واحد من الشباب او صديق في العمل مو متزوج

قلت انت تبي اشياء وسويته وش تبي مني اكثر .. المهم قلت اذا كذا كلامك بدخل طرف ثالث

قال دخلي اللي دخلينه انا عصبت قلت ابضف قشي ما ينجلس عندك قال كلمي اخوانك يجون ياخذونك

رحت اتصلت ب اخوي مارد علي

ثم جا بعد ربع ساعه قال هااا وش صار عليك .. المهم جا وما خلا خرابيط ماقالها

وككككككككككككككككلها اشياء قديمه

وكلها اعتقادات لازالت من مشاكلنا القديمه عالقه براسسسه و كلام انا قلته ماسسسكه

انتي ماتسوين وانتي ماتفعلين وانتي تغسلين الغساله كذ1 مرا !!!!!!!!! و انتي ماتغطين حليب الولد !!!!!!!!!!!

ايش هذ1 الكلام يا اختي !!! بالله

ثم عاد ياسلام يسترجع كلامي و ايش قلت واش سويت

قلت اللحين منضبطين لنا اسبوعين !! و اموري وياك تمام

قاعد ترجع ورا لييييييييييه !!

قال شوفي انا ما اشوفك حرمه ماعاد لي رغبه فيك .. انا ما ابي صدمك بس تراني مكلم اهلي يدورون لي حرمه

شوفي شكلك جلد وعظيم <<< هذي صدمتني عمرنا على كثر مشاكلنا ما طرا للجسم شيء لانه يدري اسمن وانحف مع الحاله النفسيه سبحان الله

و انا بسسوي وانا بفعل وانتي فيك وانتي مافيك


يني الحوار كككككككككككككككككككله سب سب سب سب سب سب واني انا غلطانه بس هو مو غلطان ابداااااااااااااااا

طبعا تطرقت ل موضوعه مع امي قلت شف احترامي من احترام امي انت ماترضا اتكلم حرف ع امك

انت تسب اهلي وامي قدامي

طبعا يا اختي وش ارجي منه ومن وقحات لسسانه امك و امك قام يزود يسب فيها وفي اهلي


انا متعبتني كثير النقظه ذي

المهم طلع برا البيت جا حول 12 وزياده وهو مايبيني ولا يبي يحاكيني

نشبت له افتح الكلام ممن جديد

قلت شف انت تبي تتزوج تزوج بس اول ما تدور لك حرررمه علمني اترك البيت وخل حرمتك وانت تربون الولد

انا مالي في ضره اخلي لك كلش واروح ماني ناقصصه

وانت مصدق ان الحياة مع حرمه مافيها مششاكل بس انت اصلا ماتبي تتحمل مشاكل وقلق

نفسسسك ضيقه .. قال ع الاقل يصير يوم حلو و يوم مو حلو مو مثلك


انا ما ادري ذا السوداويه فيني يشوفها ليه !!!!!!!!! ذا الكره ظيب انا نفس الشيء جاتني منه نفس البلاوي و متحمممله سبه ل امي و اهلي !!!!!!!!

قلث ثم انا انصدمت فيك وشلون تتكلم ب جسسمي كذ1

عممممممممممممري ما طريت في جسسسمك شيء ولا انتقد فيك حتى لو فيه شيء مو عاجبني منيب اقوله ولا افكر

المهم قال انتي الاسسساس عندك ضعيف <- طبعا متمسسسك للان انه لا غلط ولا سسسوا شيء واني انا اللي اغلط دايم ما ادري ليه كيذ1

قلت طيب ؟ وش رايك قل لي وش تبي !!!

ما احنا في مرحله تعديل : مافي مشكله قل

توقعي وش قال !!!!!!!!!!!

غطي حليب الولد .. المناديل حطيها بالزباله االغساله لاتغسلين بها دايم الثلاجه شوفي القديم وذبيه ورتبيها !!

قلت وغيره !!!!!!!!!!!!!!!!!!!! قال بس!

قمت ابسسط له الامور .. قلت اذ1 على ترتيب النوم انا ما اقدر اضبط دوامنا اولا الطفل ياثر بالنوم ثم الدراسسه خليها تخلص دراستي راح يخف ذا الموضوع

قال طيب .. لو رجعت اتعامل معك عادي بتتمين تسوين النظام الاول !! < انا مافهمت وش يقصد بس النظام الاول اللي كنت متبعته تاركته لاهيه ب شعلي وهو يدقق من وراي ! يبي حياتي كلها شغل ب شغل !!! للعلم انا ادرسسسسسس



بالله هذي سالفه يسسويها

نسسسسسسسسسسسيت

اول ما تهاوشنا قال .. انا ماكاني متزوج جالسس مع احد في مكتب


ثم يوم جا ثاني مرا وتناقشنا قال بكيفه البيت يطلع زباله بس ابي نفسس حلوه !!!


اللحين الوضع وشو

من بكرا صحيت رحت كليتي جيت هو يسولف وانا عادي

مكمله شغلي والامر طبيعي

جا المغرب قمت امزح معه وضميته

هو تحيلها فرصه ( وصار اللي صار) طبعا

اليوم هذا 2 يوم من عقب الهوشه ..

جيت من الكليه رجع ل وضعه الاول .. مسسوي نفسسه مايعبرني ويدقق وراي

انا ما ادري هل خذ اللي يبيه وقال ارجع ل وضعي !!!

او وشو


انا بعد ما ابي البيت فاتر كيذ1 ابي حياة زوجيه زي الناسسسسسس مليت من الحياة

 

[انثى تعشق رجل]

شوفي حبيبتي
اللي صار من زوجك شيء متوقع
هو بيحاول يطلعك من صمت ويستفزك بحيث تعصبي ويقلب الطاولة عليك
خليكي ذكية وانهي اي باب يفتحه للمشاكل
وهو الآن لما يقول عايش مع واحد من اصحابي .. قصده انه يبيك
بس ماادري شكل زوجك يخاف من الرفض والصد
او مايعرف يتقرب ويطلب .. تأكدي من نمطه غاليتي فربما هو شرقي شمالي وليس العكس
الشرقي يخاف الاقتراب ويقتله الرفض
لذلك الآن كوني ذكية في انتقاء خطوتك القادمة
تجملي امامه بالصمت والابتسامه .. وفي حال وجدت منه محاولة للإقتراب او الحديث لا تغلقي الباب في وجهه
واحذري ان ينتهي الامر بانفعال وخلاف
وبعد ماحصل من علاقة خاصة كان بامكانك التعامل معه بشكل تلقائي وكأن الخلاف انتهى وكان سيفرح بالأمر
لو انك امتدحت ماحدث بينكما وانك كنت في شوق شديد لذلك .. لفرح بك كثيرا
ولو قلت له لا تحرمني من هذا مرره اخرى .. كان سيندم اشد الندم على عدم مبادرته الايام الماضية
على العموم سواء الشمالي الشرقي او الشرقي الشمالي يحب المرأة المبادرة في العلاقة الخاصة فلا بأس من مبادرتك في المرة القادمة
لتستغلي الأمر لإنهاء الخلاف .. ولا تجعليها مجرد علاقة
بل عناق وكلام واشتياق .. ولا تغادي فراشك حال انتهاء الامر بل عانقي زوجك وتحدثي معه بشكل تلقائي وليس برجاء
او بطريقة استسلامية فيستبد عليك
بالنسبة لسؤال زوجك لك عن المتصل عليك .. كان يحاول فتح موضوع للحديث معك .. وغضب كثيرا لانك خرجت
من الغرفة وشعر بأنه حيلته لكسر الصمت ستنكشف فبدأ يتراجع ويحاول استفزازك بدل الحديث معك .. لذلك انتبهي لمحاولاته
وفي حال بدأ انتقادك بانتقاداته الغريبة .. رددي حاضر انت تؤمر وحاولي تنفيذ هذه الاغراض كي لا تكون سبب في مشكلة
واستمري على نظام الزوجة القريبة البعيدة .. قريبة تشعر بزوجها وتفهم مايدور برأسه وقلبه ومايحتاج ومايريد
وبعيدة مهتمة بنفسها منشغلة بامورها تاركة لزوجها مساحة يمارس فيها اهتماماته .. ومساحة ليفتقدها ويبحث عنها
وإذا لاحظت نظراته بادريه بابتسامه من القلب

 

[ام العنودد]

الله يسر أمرك يارب ويفرجها لك

ميزتك انك طرحتي مشكلتك بالتفصيل وهذا يساعد ع الحل
نهى نصيحة مني و من تجربتي الأنماط حلو نتعلمها عن انفسنا و أزواجنا لكن ما نخليها هي الكل بالكل وهي مفاتيح الحل و لا يكون الحل إلا من خلال خصائص الأنماط.

نهي مرة تعاطفت معك لأنك كتبتي من قلبك وانتي ما كتبني إلا تبغي المشورة
زوجك انتي من رسم نفسك بمخيلته وانتي من علمتيه من تكون نهى سواء فوضوية مرتبه أنيقة محافظة وووووو
دائم الشماليين الشرقيين يحبون الترتيب والنظافة و الإنجاز واعتماد المرأة ع نفسها
نهى ما راح أقولك زي الأخوات ألي نصحوك لأني مريت بتجربة زيك ولا أفقت منها إلا لمن جلست مع نفسي وعرفت عيوبي وصححتها
أولكنت اصحح عيوبي وقت الزعل والخصام وبعدها ارجع لوضعي الأول من إهمال و غيره فلا نلوم غيرنا إذا إحنا ما عندنا استعداد نتحمل انفسنا ونعدلها فغيرنا من باب أولى انه ما يتحملنا وراح يقسي علينا لأننا إحنا ألي فتحنا لهم المجال للقسوة.

برجع لتفاهه أسئلة زوجك لان النار من مستصغر الشرر والنقطة مع النقطة تسوي بركة والي يهمل الصغائر عمره ما راح ينتبه ويتذكر الأشياء الكبيرة
كم مرة قالك غطي حليب الولد في حياتكم ..؟!
كم مرة نبهك ع الغسالة في حياتكم ..؟!
وكم مرة وكم مرة من الأشياء ألي في حياتكم كررها وقالها لك ..؟!
وكم وكم وانتي اعرف بنفسك والإجابة عندك ...
كل رجل وبالذات الشمالي الشرقي الخطأ لمن يتكرر لو هو شي تافه مرة مرتين ويتكرر يرتسم في بالة تفاهه الحرمة مع انك انتي لا تلقين بال لهذا الشي لكن هو لا مع التكرار يجن جنونه ولا ملامه فطبيعة الإنسان يكره تكرار الغلط والدليل ليه الأولاد وهم أخوان تحصلين واحد فيهم يقلون عنه أهله اهبل او غشيم او اي شي لانه كرر فعلته وإخوانه لا؟ فلازم ننتبه لهذه الأمور
الدليل هل زوجك يخاصمك ويلومك مثلا ع طولة لسانك او ع أشياء ثانية قد تكون مشكلة عند أزواج اخرين؟؟ الجواب لانه ما تعود انك كذا
إذايا نهى ركزي ع منطلق مشكلته معك وحلليها بنفسك و استمري بعلاجها وراح تلاقين نتيجة

الشي ألي لازم تركزي عليه يتلفظ زي ما يبغى لكن حطي حد له انه ما يمس اهلك لان مالهم دخل بالي يحصل

ارجع واكرر يا نهى تقربي من الله و ركزي ع عيبوك ولا تجعلين له منفذ وبكذا مع الأيام راح تلاقين حلاوة الحياة الزوجية بإذن الله

 

[(حوريه))]

الله يفرج همك ويسخر لك زوجك
قومي صلي الليل وادعي ربك هو اعلم بحالك منا

 

[فراشه فوشيه4]

اتكاليه .. غير منظمه .. فوظويه .. حساسه .. دلوعه .. اتحسس من كلامه .. احاول اني اظبط وضعي زي ما تقولون اسدد الثغرات اللي اشوفه يدقق عليها .. الحمدلله جميله راضيه عن نفسي كثير .. اتكلم بالمطنق كثير و هذا الشيء مايحبه .. احب اهلي كثير .. واخواني .. قلبي طيب اسامحه .. ما اقدر اعدي بعض المرات .. افتقد ل المشاعر واحاول ادورها عنده بطبيعتي .. طباخه ماهره بنظري .. بنظره لااا


اختي غيري من نفسك اول اول حاجه نظيفي البيت وخليك مترتبه للنفسك وشياكه ولبس وافهمي هو ايش يحب (كوره .شعر. نياق )يعني ايش يحب بالضبط وافتحي معه مواضيع لمن يروق وفرفشي واضحكي واهتمي بنفسك والجنس خليكي hot +hot وانواع الدلع والاغراء ولا تخليه يمسك عليكي شئ طبعا هاده مع الدعاء وصلاة الليل يعني عندك سلاح الانوثه مع سلاح الدعاء مع سلاح الترتيب في نفسك والبيت وافهمي عقليته عشان تعرفي تكسبيه وماعليكي من نقد زوجك اذا فعلا هو فيكي غيري على طوووول واذا موفيكي النقد لا يهمك ابدا انا نفسك بالضبط اول ايام زواجي والحمد الله على كل حال

اتوقع انك متزوجه قريب يعني لكي سنه او سنتين

 

[الجده الصغيره]

شوفي يالغلا كل شي تهاوني فيه الا الجنس...انا مثل امك وابكون صريحه معك...اذا رضي عنك بالفراش راح يرضى عليك بكل شي...خلك قويييه وانثى غنووج..مثلا بالليل كانك نايمه قربي والصقي فيه...

وبالنهار عامليه برسميه...الدموع تزيد الاموور تعقيد وماراح تحل مشكلتك...كل ماكنتي اقوى كل ما اعجب فيك اكثر...شخصيتك الجنوبيه الضعيفه تحتاج للتغيير واقراي وشلون تاخذين من صفات الشماليه...اذا تغيرتي بيتغير زوجك واذا ظليتي على مااانت عليه هو بيظل كما هو..

 

[ѕ7αв]

الله يسخر لك زوووجك

 

[لوحدي وفيت]

الله يحفظكم والله انا مع اختي انثى تعشق الرجل اللهي انت تعلم بحالها فيسر امرها واشرح صدرها واجعل االقران العظيم ربيع قلبها ونور صدرها وجلاء همها وحزمها وغمها قوووووووولوا اميييين ونحن بعد يالجنوبيات