شلوون تسافر !!

[فرباتشينو]

السلام عليكم ورحمة الله وبركاته

شحالكم مدامات !!! ان شاءالله انكم في احسن حااال

بغيت اطرح مشكلة وحوسة صديقتي وان شاءالله نلقى حل او شبه حل :surrender:

صديقتي زوجها مسافر لظروف الدراسه من فترة وبعد مارتب اموره هناك طلب منها انها تروح له على أساس حد من اخوانها يوصلها لأنه في بلد اجنبي :detective2:.. لي هنا والموضوع عااااااااااااادي

اللي مووب عااادي ان أبوها رافض انها تسافر لزوجها !! لأسباب ماقالها >> اصلا مافيه سبب هي ماعندها دراسه ولا عندها عيال يعني ظروفها تسمح انها تسافر :busted_red:

وبلغها انه ماراح يخلي حد من اخوانها يوصلها هنااااك :tears: وزوجها اصلا مايقدر يرجع عشان ياخذها لظروف الكلية اصعبه :sad_1:

المفروض انها تسافر خلال اسبوعين من الآن وهي ماجهزت ولاااشي لازم تخلص موضوع الفيزا وهي حاليا جاها احباط من موقف الوالد علما ان تدخلات امها مااجابت نتيجه

الحقونا بأفكار وحيل تخلي الأبووو يوااافق !!

وبإنتظااار ردودكم

 

[*روعة*]

رفضه غير مبرر
يعني لو لحالها او معا اخوانها كان قلنا طبيعي يرفض
لكن بتروح لزوجها والوضع الطبيعي انها تكون معاه..
افضل شي انه زوجها يكلّم ابوها بكل جديّه
ابيك ترسل زوجتي مع اخوها واذا رفض يسأله عن السبب
ويحاول يحل الموضوع معاه
وإن كان يفترض انه من البداية فيه اتفاق بينها هي وزوجها ويكونون اهلها مطّلعين عليه....

 

[يمي كوكيز]

والله بعض الشياب شديدين وراسهم يابس وصعب اقناعهم الامن رجال في عمرهم حاولي تدخلين عمك او احد يثق فيه يقنعه
ولا زوجك ياخذك كلها يومين وراجع مو صعبه

 

[فرباتشينو]

روعه الله يجزيك خير على الرد هي اصلا ماخبرت زوجها للآن >> مب حلوه تقول ان ابوها له دخل ف الموضوع المفروض ان هذا موضوع يخصهم هم الاثنين

 

[نور البدر]

انزين ليش ما يرجع في نهاية الأسبوع وياخذ زوجته خلال يومين .. وبالنسبة لموضوع الفيوا سهلة .. تقدر إنها تطلعها عن طريق حد من اخوانها او حد من طرف اهله ..

وبالنسبة لابوها ما له خص بسفرها لزوجها والا عدمه .. يعني هو ليش زوجها .. كان المفروض يخليها عداله يخللها افضل من انه يزوجها ويحرمها من زوجها

 

[sleepless]

هي في ذمه رجال خلاص

بس اكيد ابوها فكر انو لازم زوجها ياخذها بنفسه

حلين فقط ,,يا الزوج يكلم الابو او ابو الزوج يكلم ابوها,,,

والحل الثاني ماراح يضر الزوج لو استأذن يومين وجابها

 

[هيلين]

غريب هالوضع؟

طيب الزوج يكلم أبوها..وإذا مانفع..

يكلم احد من رجال العيلة اللي يمونون على أبوها..

عشان يتدخلون ويكلمونه..

​

 

[القد المياس]

أكيد ان أبوها لوكلمه أحد كبير وقاله لونه ولدك وش بتسوي 000؟؟؟

 

[مليت من الغرربه]

غريبه والله طيب تجلس مع ابوها وتعرف المسببات يمكن مايبغى اولاده يسافرون عشان كذا مالها الا تروح لحالها او زوجها يرجع ياخذها او دبر احد ثاني غير اخوانها ياخوالها عمانها ابو زوجها

 

[تعبت من الألم]

حبيبتي بكل بساطه تقول لأبوها يبه معليه انا برح لزوجي ولازم اروح له يعني موحلوه بحقي ولابحقك ان زوجي يطلبني وارفض روحتي له لأنه ممكن توصل انه يتزوج علي او يخطيء في حقي بيوم يعني ترضى لو تشوفني مهمومه ..

 

[جرحي 3]

شكرااختي على الموضوع تقلبي مروري

 

[شمعة لا تنطفيء]

المفروض إن زوجها ما خلاها وراح
او يرجع ويا خذها هو بنفسه
مو مسافر وقاعد يتحكم بأهلها واخوانها
خلي اخوانك وخلي فلان وعلا ن يجيبك
وشدعوى
هم مزوجينها عشان يتلشون فيها من جديد
لازم الزوج يكون قد المسؤلية
ويجي بنفسه ويا خذها
أنا بصراحه بصف الأب

 

[امورة**زوجها]

الله يسخر ابوها لها

 

[شمعة لا تنطفيء]

المفروض إن زوجها ما خلاها وراح
او يرجع ويا خذها هو بنفسه
مو مسافر وقاعد يتحكم بأهلها واخوانها
خلي اخوانك وخلي فلان وعلا ن يجيبك
وشدعوى
هم مزوجينها عشان يتلشون فيها من جديد
لازم الزوج يكون قد المسؤلية
ويجي بنفسه ويا خذها
أنا بصراحه بصف الأب

 

[فرباتشينو]

انزين ليش ما يرجع في نهاية الأسبوع وياخذ زوجته خلال يومين .. وبالنسبة لموضوع الفيوا سهلة .. تقدر إنها تطلعها عن طريق حد من اخوانها او حد من طرف اهله ..

وبالنسبة لابوها ما له خص بسفرها لزوجها والا عدمه .. يعني هو ليش زوجها .. كان المفروض يخليها عداله يخللها افضل من انه يزوجها ويحرمها من زوجها

صعب جدا يرجع بنهاية الاسبوع اختلاف الوقت ورحلات الطيران مب بالسهولة انها تكون خلال يومين

الله يجزيك خير على الرد

 

[فرباتشينو]

sleepless
هيلين
القد المياس
مليت من الغرربه
جرحي 3

الله يجزيكم خير على كلامكم الطيب

 

[فرباتشينو]

المفروض إن زوجها ما خلاها وراح
او يرجع ويا خذها هو بنفسه
مو مسافر وقاعد يتحكم بأهلها واخوانها
خلي اخوانك وخلي فلان وعلا ن يجيبك
وشدعوى
هم مزوجينها عشان يتلشون فيها من جديد
لازم الزوج يكون قد المسؤلية
ويجي بنفسه ويا خذها
أنا بصراحه بصف الأب

صرااحه افحمتيني برردك :smile:

ماااقول الا جزيتي خيراً​

 

[فرباتشينو]

الله يسخر ابوها لها

اللهم أميــــــــــــــــــــن

جزاك الله خير امووره

 

[نور البدر]

صعب جدا يرجع بنهاية الاسبوع اختلاف الوقت ورحلات الطيران مب بالسهولة انها تكون خلال يومين

الله يجزيك خير على الرد

يوووووه ...!!!!!

وين هالدولة اللي مافيها طيران في نهاية الاسبوع .. انا ريلي كان في بريطانيا وكان ايي في يومين ويرد يطير محد يدري عنه إلا أنا وعياله بس خخخخخخخخ .. يوم يشتاق حق اللي بالي بالكم :msn-wink: