شلون تستعملين......؟؟

[Om Hamody]

صباح الخير..أو..مساء الخير..
كيفك يابنات وحريم وصبايا..إن شاءالله تمام..

ماراح اطول عليكم..امس جتني فكره وانا اتقلب بسريري..وقلت لازم اسطرها على صفحات منتدى مملكة بلقيس..

كثير منا يستعمل منتجات بغير الطرق الي خصصت او صنعت لها..عشان كذا ودي اننا نفيد ونستفيد..بس هالمره مو بس كلام..احنا نبي صوره للمنتج..منها نتسلى ومنها نفيد..

بدايه انا راح ابدا وبعدها اشوف شطارتكم..

سودو كريم
كثير منا يستخدمه للاطفال لمعالجة التهاب الحفاظ بس فكرتي انتي تستخدمية؟
بعد تنظيف المنطقة الحساسة بالموس..جربي تحطيه حتى بداية نمو الشعر وشوفي الفرق..ماراح تحسين بالإنزعاج لما يجي يطلع الشعر بالإضافة ان راح يخفف الحبوب والاحمرار والحكي الي تطلع

الفازلين
احس هالمنتج عنده استخدامات كثيرة لسا ما اكتشفت..طبعا الاستعمال الامثل هو لمعالجه الشفايف المتشققه..
جربي تحطي على وجه طفلك فازلين واتحدى اي ناموسه تقرصه..:icon30: (حمله للإنتصار على الناموس)
طبعا ولايخفى ان الفازلين يعتبر الملمع الامثل..عندك محدد عاجبك لونه وتبي تخليه روج..لوني شفايفك بالمحدد و حطي فوقه شوي فازلين واستمتعي..بشفايف غير جافه ولون حلو..

خلص لونك المفضل للورج ومابقى الا شوي..حطي فازلين واستمتعي بروجك الي تحبيه..

وانتي في الشاور وقبل ماتخلصي..خلي الفازلين جنبك..حطي شوي وبأيديك ادهني جسمك وقولي لا كريمات بعد اليوم..صدق انه ثقل ومانصح تجربوه بالصيف..

البيبي اويل

جعدي شعرك فيه..وشعرك مبلول وانتي لسا طالعه من الشاور جربي حطي شوي وجعدي في شعرك

خلص مزيل الميك اب حقك..بيبي اويل هو البديل الامثل

بيكربونات الصوديوم..

غير انه نستعملها في الطبخ..
حطي شوي في علبه بلاستيك صغيرة وحطيها في الحمام..بعد ما تفرشي اسنانك حطي شوي على فرشتك وافركي اسنانك فيها وبعدها استمتعي ببياض اسنان ولا احلى..طبعا مع الاستمرار



اتمنى ياصبايا اني افدتكم..
وليش انا قلت نحط صور لان بعض البنات في منتجات اول مره يسمعوا فيها

اسهل شي عشان تلاقي صوره..حطي بحث صور في قوقل..يله وروني شطارتكم

 

[اهات الروح]

سلمت الايادي على النصايح الحلووه

 

[* Um Jawad*]

شكرررررررررررررراحبيبتي

 

[dodo_sweety]

موضوع رائع يأخيتي يعطيكي العافيه
بس اريد ان اعلق على البيكربونات للأسنان
انا زوجي طبيب اسنان وسألته عنها قالي طبعا تبيض لكن مع الاستمرار تسبب تأكل الطبقه الخارجيه للأسنان مما يسبب ضعفها
يعني استخدميها عند الضروره القصوى
دمتى

 

[لمار القمر]

تسلمي على النصائح يا قلبي

 

[عبقرية منسية]

جزاك الله خير
نصايح مفيدة

 

[Om Hamody]

يعطيكم الف عافيه على مروركم ياصبايا بس ماشفت احد مشارك..

دودو سويتي يعطيك الف عافية (انا اعرف طبيبة أسنان تسويها..ولو في شي ماكنت حطيتها) بس فعلا انا ما استخدمها بشكل دايم (يومي) ..استخدمها بالأسبوع مره.. او كل عشر ايام لان عندي قناعة ان اي شي يبيض سواء منزلي او في العيادة يضعف الاسنان.. ومشكوره انك نبهتيني على هالشئ انا والعضوات لانها سقطت سهوا