شلون أمسك دموعي ؟

[Bashaier]

السلام عليكم ورحمة الله وبركاته


أول مشاركة لي وياريت تساعدوني فيها

زوجي شمالي شرقي يكره الدموع بشده لكن عصبيته تخليني أبجي ودموعي تنزل من غير لا أحس وماقدر أتكلم ولا أعبر

وهالشي يخليه يزيد بالعصبية ويدوس أكثر بالكلام ويجرح بالعميق وبعدها يتطنز ويضحك ويتركني ويمشي !!!!

حاولت ما أبجي لكن ماعرف .. غصباً علي كلامه يحفر بالقلب ويذل


ساعدوني أتحكم بنفسي والله حاولت كثير

 

[Bashaier]

:icon1366::icon1366::icon1366:

 

[j@l]

اناكنت مثلك ويتطنزعلي وينقلب الموضوع من دموع الى حرب
لاني ماحبه يسب واتم ساكته
الحل حاولي انه لما يبدى يجرح التزمي الصمت واطلعي من المكان روحي غرفتك وموتي من الصياح بس لايشوفك لان ماعنده احساس دموعك تخليه مبسوط ويعيش الدوراكثر
ولاتنسي تجرحيه لان هالاشكال ماينفع معاهم غير الدفاشه

 

[محامية الغرام]

السلاام عليكم ورحمة الله و بركاته
صباااح الورد ....
باين عليج انسانه حساسه وااااااايد
حبيبتي حلو واااااااايد ان انتي حساسه بدموعج بس كل شي بحدوده
انتي لازم تعرفين ان دموعج غااااااااليه واااااااااااااايد لا تخلينها تهون عليج و تنزلينها على اي شي
اذكري ان في ناس عندهم مشاكل و همام اكبر بواااايد من الي عندج سألتي نفسج هم كيف يتصرفون
بعدين اذاا حسيتي نفسج مب قادره تمسكين دموعج بس تنزل دخلي مكان قريب عدالج تخبي فيه عن يشوف دموعج و خلي دايما في بالج الاشياء الحلوه .......... بقولج شي اختي كثرت دموعج قدام زوجج بتفقده الاحساس فيها يعني ما بيحس فيها مهما تنزل وهالشي انتي لازم ما تخسرينه
اضحكي دايما و خلي شخصيتج قويه اعتزي بنفسج
كوني اجتماعيه و كوني صداقات وايد حسي بحب الناس لج عشان تحسين بالدعم و تمسكي بالدعاء و الاستغفار لا تهتمين بالامور الصغيره لاسمح الله بكره بتصير لج اشياء كبيره سألي نفسج كيف بتتصرفين
ارجوج قوي شخصيتج اقري كتب في هاي الامور و ان شااااااااء الله بتلقين الحل

الله يوفقج يا رب و يسعدج وو تكونين قرة عين زوجج

 

[ريناد العواضي]

انتي تذكيريني بنفسي لما كنت في اول زواجي ..
كنت كذا في اول سنين زواجي كل كلمة تزعل دوموعي جنب عيني ع طوول وكانت ها الصفة تغيضيني في نفسي
بسس ترى الحياة تعلم القسوة ..
سرت مع المشاكل خلالاص فيني قسى وعيني نشفت من الدمووع بالعكس سرت اناقشه وارد عليه ولا تنزل اي دمعة ..
انتي بس لو بداتي تناقشية وتردي عليه صدقيني دموعك راح تجف وترووح وتعتادي انو خلالالاص ما تبكين

 

[الجده الصغيره]

كل الرجال ما يحبون الدموع..دائما قولي لنفسك..أنا قويه...خلي عقلك الباطن يقتنع انك قويه وبتتغيريييين بسرعه...

 

[؛%النادره%؛]

حزنتيني بجد تراني مثلج اسكت وابلع بس ابجي
ترى الشمالي عامه مايحس بدموع المرأه اللي يخوفه لما تمسك المرأه دموعها غصب
يحسسه انها بتسوي شي
انا اللحين تغيرت صرت ارادده كلمه فكلمه مدري ليه احس انه كذا احسن
قلبي ترى لو شو سويتي مايهمه حتى لو بتنتحرين قدامه مايطرف له جفن

 

[Bashaier]

جزاكم الله خير

كلامكم صحيح بس أنا ما أبجي لأني ضعيفة لكن لأني مقهوووورة .. أحس إني أغلي من داخل وصحيح لما أسكت أتحكم بنفسي أكثر لكن أحياناً لازم أتكلم ولا أنفجر ووقتها مع كل كلمة تطلع شهقة ودمعة وهو يصير مثل المجنون يقولي تسكتين ولا أترك البيت وأطلع .. وياريته يطلع

يزيد بالكلام والتجريح أضعااااف وصراخه يفضحنا عند الجيران خصوصاً إن احنا مؤجرين في بيت

تخيلوا متهاوشين صباحية العيد !!

أنا منهكه نفسياً وجسدياً عندي بنت صغيرة الله يحفظها حتى بعدها ما مشت وحالياً حامل ثقيلة غصب أشيل عمري وفوق هذا خذيتها وريقتها وغسلتها ولبستها وطلعتها عروس اسم الله عليها ولما بديت أنا ألبس قالي أخرتيني وأهلي والشباب و و و وإنتي تتعمدين تطولين وتتعمدين تعاندين مع إني خالصة مكياج بس يادوب ألبس .. وبدال لا يقول الله يعطيج العافية صرخ فيني بس إنتي اللي تحملين ؟ شايله جبل يعني ؟ أنا قلت الساعة الفلانية نطلع يعني الساعة الفلانية نطلع ! أنا كيفي وإنتي تمشين على كلامي غصباً عليج !! و و و وصراخه وصل لآخر الشارع

خلاني أزور العالم وعيوني متفوخة بس ولا همني لأن أول البيوت كانت أهله وهم عارفين طبعه عدل فقلت أحسن خلهم يشوفون عمايله فيني وخليته طول الوقت ما أكلمه ولا ألتفت عليه وهو بأول الوقت كان يكلمني ويستخف دمه جدامهم بس لما شافني مو معطيته ويه سكت عشان ما يزيد الطين بله لأنه كثييييييييير يهمه رايهم فيه مع إنهم يعرفونه زين وهالشي لمسته من تعاملهم وياه وشلون يدارونه لا يعصب

حالياً أنا عند أهلي من يوم العيد وكل يوم يزورنا يشوف بنته بس أنا مو طايقه أشوفه لأنه كل يوم يزيد أكثر عن اللي قبله وأنا تعبااااااااانه مو ناقصته .. ما أنكر إنه يحاول يسولف ويضحك بيطيح الحطب بس تعبت منه وكل مرة أقول حرام شكله ندمان بس ما يمدينا ندخل البيت إلا رجع مثل الأول

 

[الامل السامي]

الله يفرج همك ...بس حاولي تمسكينها بكل قوه
الرجال عموما مايحبون الدموع وخاصه زوجته يصير يكابر معها ولا يتنازل وصير صاخب ويزعق...
هو متندم الان كوني واثقه من نفسك وتكلمي معه بهدوء الله يوفقك

 

[Bashaier]

الأمل السامي حبيبتي زوجي ما يعرف يحاور أو بالأصح ما يحب المواجهه لا بهدوء ولا صراخ .. إذا انتهى الموضوع خلاص يقفل عليه والحرقة تظل بقلبي أنا

 

[؛%النادره%؛]

تصدقين نفس موقفج بالعيد بدال مايعايد يصارخ خلصينا الناس كلهم مجتمعين وانتي لسه ماخلصتي
المشكله انا عندي 3الله يحفظهم وماعندي خدامه وهو فوق راسي يزعق وانا طنااااااااااااش متعوده على هالشي دايم اجي اول الناس من كثر العجله
اخر شي قلتله خلك امير شفت الامير دايم يجي اخر الناس عشان يسلم مره وحده خخخخخخخخخخخ
بس ماينفع معاه الا يخرب علي مشواري بس ماعاد يهمني
اعتقد يالغلا ان زوجج شمالي غربي لانه نفس نومنة اللي عندي خخخخخ
الله يعيننا

 

[جنان11]

احمدي ربك انتي وياها اللي متعيدين
انا عيدي بفراش اختي ببيت اهلي ولا وقفت دمعتي من فعايله
وابشرك انا لي ثمان سنوات متزوجه وزوجي ما يحب الدموع
لكن لاحظت انها كل مالها وتزيد
ما ادري وش السوات مع هالدموع

 

[ابتسامه مهجوره]

لا تعلللللللللللللليق

 

[ورده ناعمه*]

بشاير حبيبتي حالك من حالي دموعي ماقدر امسكها
وحاسه فيك امسك دموعي بس لازاد التجريح ماقدر
خلاص انهار قدامه ولا اقول اي شي وادري انو خطاء
انهار قدامه بس مو بئيدي بس بعدين اهدي نفسي
وارجع اتناقش معاه بس بعدين هو يحس بقلطته
ويرجع يراضيني ويطيب خاطري
واحاول قد ماأقدر امسك نفسي
والله يعينك ويعينا
ويفرج همك يارب

 

[Bashaier]

الله يآجرنا

جزاكم الله خير يا بنات والله يعينا و يسهل أمورنا ويفرج عنا
مهما صار بس ما ننكر طيبة قلوبهم >>> بدت تحن للوحش

 

[الوردوالياسمن]

الله المستعان

 

[toronto]

لاتوصليه لمرحله الغضب الشديد حتى ماتزعلى من تجريحه وبعدين تحمليه عند دخوله البيت والله ياعزيزاتى الرجل يدخل الى البيت 4 او 5 ساعات خلوه على راحته ومهما فعل او تكلم لاتعاندوه ولاتعاكسوه والله بتمشى الحياة بهدوء

 

[عقل وقلب وروح]

بشاير:7:سمعي وانا أمج ههههههههههههه هذا ريلج بو بنتج وبوعيالج مسقبلا يعني

بعدج في الألف بااااء وشر لابد منه والحين عرفتي طبعه الله يحفظج ويحفظ لج ريلج والدين

علمنا ان نعامل بما تعامل يعني ليش البجي؟؟؟؟ مافي شي يبجي بصراحه اذا شفتيه صرخ

طالعيه بابتسامه وقولي شدعوه أعصابك حبيبي الحين كل شي يكون جاهز اهم شي انت

حبيبي لا تعصب ويضيق خلقك بكل هدووء منج ورزه تعرفين شنو يعني رزه؟؟؟؟

يعني بكل ثقه قوليها لا يخرعج صراخه ولايهزج تهزيئه لانج انتي الوحيده اللي تعرفين نفسج

من تكوون وشنو تكوون ولا تعطينه فرصه ياخذ على هالوضع اكثر اذا استمريتي بالبجي

ابشري بزوود العصبيه والاستهزااء وماراح يتغير لين انتي تغيرين طبعج .......

بشاير تذكري ربج وهو معصب ويهاوشج لان ربج أكبر منه ويستحق ربي انج تخافين منه

وتبجين لأجله أما زوج فهو مخلوق مثلج مثله لا يهش ولا ينش بنظره منج تقدرين تعدلين

أسلوبه معاج روقي وهدي اللعب كبريها تكبر صغريها تصغر وانا أمج:10:​