شغله مضايقتني

[مادونا]

بنات انا فيه شغله مضايقتني بزوجي واليوم صارحته فيها وزعل علي مدري شسوي بس الكلام اللي اللي قلته اعبر فيه عن شعوري مااحس اني غلطانه فيه احس هو الصح زوجي واي\ اوفر مع اهله من ناحية احيانا احس انه ماصخ بزياده معهم كنه مره يحب سواليف الحريم واغلب قعداته معهم مثلا مرت اخوه الكبير يكلمها يسأل عنها وعن اخوه اذا مارد عليه مثلا انا بالنسبه لي احس انه عيب يخزن رقمها ويدق عليها مهما كان وبعد غير انه يسأل عنها لازم يسولف ويضحك معها احس ماله داعي وبنفس الوقت اغار ومعي كل الحق-ومرت ابوه يسولف معها كنه حرمه ويتحرش فيها وتدرون شنو رده لي
يقول اهذا اسلوبي مع مرت اخوي وهي متعوده علي
قلت له طيب انت كنت عزوبي والحين متزوج ومارح يشرهون عليك لو خفيت شوي عنهم ورد علي قالي مو انتي اللي تغيريني على اهلي وبس شرايكم انا معي حق والا لأ والي عندها حل تعطيني اوعندهااسلوب احسن مني بالكلام تساعدني اقنعه وجزاكم الله خير

 

[Sقلبي كبيرS]

طيب اخوة وين مايغار

 

[مادونا]

لا عادي بالعكس يزعل لو مايكلمها يسأل عنها

 

[ياربي انصرني]

والله ياختي زوجك وصفه الرسول بالحمو والحمو الموت ----وللاسف كثير لايفقه معنى الحمو الموت

ومايجوز يسولف ويضحك مع زوجة اخوه المفروض يكون الاحترام وان يغض النظر ولايعمد للسوالف معها
الا للضروره ولو فيه كلمه اقوى ولااعتقد ان فيه اقوى من تشبيه الحمو بالموت---والله المستعاان

 

[زهراللوز]

استغفر الله
حنا فين عايشين الحمو الموت بأي حق يكلمها ويسولف معها
حبيبتي حاولي تفهميه انو دا الشي حرام وما يصح وهي كمان فهميها وقولي لها تهتم بزوجها اولى
حاولي تجيبي اشرطه دينيه عن دا الموضوع وخليه يسمعها ولو بالسياره يمكن يكون جاهل بالحكم الله يهديه ويهديها

ولو حسيتي الامر زاد عن حده خلي اهلك يتدخلوا بالحسنى
وزوجة اخوه اقهريها بالكلام وتكلمي عن جرأة بعض الحريم ووقاحتهم يمكن تستحي على دمها

كان الله في عونك حبيبتي والله حاسه بيك

 

[زوجةاسير]

الله يهديه الحمو الموت ومرت اخوه تعتبر حرمه غريبه عنه

 

[زهاوند]

الله يهديه ويسخره لك
حاولي تجيبين له أشرطه دينيه تبين حديث الرسول عن الحمو

 

[* نعوومه *]

الله يفرج همك ماعندي حل الله يعينك ويسعدك

 

[ملكة قلب زوجها]

الله يهديه و يهديها ويسخره لك و يعينك على هدايته و هدايتها و بإذن الله تكون على إيدك أجر كبير إن شاء الله ....

 

[شخصية]

اختي فيه ناس جي عاداتهم .. لا تكلمين مرت اخوه و لا شي لأنهم راح يكونون عدائيين وياج أو بيحسبونج متكبرة عليهم .. صدقيني مع الأيام هم بيشوفون الفرق بينج و بين مرت الأخو هاذي و راح يعرفون الغلط من الصح بس انج تحاولين تغيرينهم فهذا مستحيل اقوللج اياها عن تجربة .

 

[ماينلام من حبك]

فهميه انو حرااااام والله يفرج همك

 

[لولويشن]

احس الحل الوحيد / استودعي زوجك عند الله