شغالة جارتي وولدي

[نعومه حيييل]

انا بصراحه مانقلتلكم همي الين وثقت فيكن اخواتي تمام الثقه
بعد مشاركتكن للهموم اخواتنا الله يفرج هم المهمومين جميعا
انا صحيح موضوعي بعيد عن الازواج بس مالقيت خير صديق
منكن اخواتي انا بصراحه جارتي ليست جاره فقط انما نعم صديقه
لنا الحين ثلاث سنوات وصحبه واخوه ماتصدقون كيف طعم الحس والمشاركه بابسط الامور
اعجز عن وصف ذلك لكن بالفتره الاخيره جارتي متخرجه من الكليه ويكون لها
فترات تعاقد تدريس واظطرت انها تستقدم شغاله وانا والله فرحت لها لانها بصراحه
تتعب من حضور ولدها مره عندي ومره عندي صديقتها المهم جات الشغاله لكن انا الي
اكلتها بوجهي الشغاله ماتحب ولدي وعمره خمس سنوات صحيح انه شقي لكن مو
لدرجة انها تحقد كل هالقد ماتطيقه ومره هددته بالسكين وانا مره خايفه واذا ارسلته لجارتي تناديه يلعب
مع ولدها حين يطلع ترميه مع الباب تبيه يطيح ع الدرج حسبي الله عليها
انا صرت مااحب جارتي تجيني منها وش الحل الله يخليكم بتقطعني من انسانه غاليه ع قلبي
الله يخليكم لاتطنشون الموضوع:8:​

 

[مكنسه كهربائيه]

حاولي تتوديين لشغاله مثلا جيبي لها هديه قميص او مره عطر
اكسبيها بااسلوبك

وبرضو يااختي امسكي ولدك وشقاوته عن الناس هي يالله يالله تستحمل اللي عندها تقومين ترسلين بزرك عندهم

ان جارتك قالت ارسليه يلعب مع عيالي انتي قولي خليهم هم يجون عندك
من كذا تحفظين بزرك ولاتثقلين على الشغاله

 

[غلاي عادل]

هلابك حبيبتي نفس مشكلتي مع شغالة اهلي ولدي ماكمل 6 سنين ماتتخيلين اشكثر تكرهه هالانسانه رغم ان ولدي الكل يحبه صحيح شقي بس طفل وكم مره اقولها هذا صغير مايفهم بس مافيه فايده صرت اكره اروح لاأهلي والسبه هي المشكله اذا هاوشتها امي تدافع عنها والمصيبه انها سيرلانكيه يعني انواع الاجرام والله خايفه اذا سافرت تسويله شي

اعذريني ماجبت لك حل لانك نفس معاناتي ......

 

[امجاد الشمال]

يااختي مادام علاقتك بجارتك جيده لازم تقولي لها لانها بكره يمكن تضر ولدها علشان تنتبه لها وبعدين جارتك يمكن تحس انك متضايقه منها شخصيا لاتخلي شغاله تخرب علاقه جميله

 

[رغم الالم]

افتكي من الشغالات وسحرهن وقولي لجارتك علشان تتفهم وضعك ولاتخلينة يروح وحدة عندهم