شسوى ولدي بسبب توم وجيري

[فراوليه]

السلام عليكم ............
احذور توم وجيري اشد الحذر ..........
بقولكم قصتي مع ولدي اللي عمره 2ونص...........
واللي صار بسبب توم وجيري..........الله يعدمه
في يوم من الأيام كنت مشغوله بترتيب المنزل و ولدي قاعد يلعب بألعابه
وومشغله له التلفزيون وحاطه له حلقه من حلقات توم وجري..والصوت كان عالي جدا.........
المهم اثناء انشغالي في التنظيف والشطف والغسيل...........
قلت ما صوت حق ولدي بقوم اشووفه...........
ولا ...........حسبي الله على توم وجيري.........

دخلت غرفه التلفزيون ما لقيته دخلت غرفه غرفه..........




قلت يلا بروح غرفتي ولا..........:icon28:



اشوف كل عطوراتي وكريماتي واغراضي مكسره وولدي :icon1366:
الله يهداه ماخلى لي شي............والله غاليه

والقزاز على الأرض والكريمات معصوره والتحف مكسووره
اقوله ليش يا ماما تسوي جذي ..............
يقول مثل توم جيري.............

قلت يلا ولدي اهم من عطوراتي زين ما مشي على القزاز ...........
وحليتها بدون طق .........لأني انا الغلطانه ............
ومن يومها حرمت توم وجيري من ولدي............

ودمتم سالمين..........

 

[فراوليه]

شدعوه ولا تعليق

 

[هذا رأيي]

السلام عليكم ورحمة الله وبركاته

واو الصراحه قهر ,,زين اللي مسكت أعصابك

الله يصلحهم بس ويهديهم

بس حبيت أنبهك أختي إنت مطوله على توم وجيري وهي موسيقى

لاتعودي طفلك على سماع الموسيقى وراح يكون أهدى لأن الشياطين تكثر

عند وجود المعازف والملائكه تذهب

الله يصلح شانك وتقبلي مروري

 

[طفولة انثى]

بصراحه توم وجيري تعلم اطفالنا الشطانه والعنف
لكن ماباليد حيله مايتابعون غيرها حولت لكن يايشوفون
توم وجيري او يزعجوني ومايخلوني اخلص شغلي
لكن انا مااخليهم يناظرونها بأندماج يعني كل شوي
اناديهم واشغلهم بأي شي..
الله يصلحهم ويحفظهم....

 

[ام محموود]

فعلا لابد من سياسه التوجيه للطفل اثناء جلوسه امام التلفاز وانتقاء البرامج له
والجلوس بجوارة لتعلقي علي السلبيات وتمدحي الايجابيات

اختي ماشاء الله ابنك ذكي اهتمي بتنميه مهاراته بشكل اكثر والله يسعدك به

 

[أمي ما أغلاك]

السلام عليكم وحمة الله وبركاته
اختي ان ولدي كان متعلق بتوم وجيري وكل شوية يقولي قط وفار بس الحمد لله لي فترة منعتها عنه لان كلنا يعلم بضررها وكل ما يطلبها اقله راحو عند امهم ههههههههههههه
ايش اسوي بس مازال يطلبهم واقله نفس الكلام بس طلبه لها قل عن الاول
وفقنا الله واياكم لما فيه الخير واعاننا على تربية اولادنا تربية اسلامية صالحة

 

[ام الشيخ الصغير]

الاطفال حتى بدون توم وجيري عادتهم يلعبون في الكريمات والعطور .... ترى عادي لا تحملين ( توم وجيري ) الذنب ...

وعموما .... المفروض الطفل مايجلس امام التلفزيون بدون الام عشان تعلقين على الصح والغلط وتوضح له الصوره ...