شرخ في الحنايا
New member
- إنضم
- 20 أبريل 2010
- المشاركات
- 36
قالت غشيمه فالهوى وانت دكتور
وابيك تشرح لي عن الحب كلمات
/////
وابيك تشرح لي عن الحب كلمات
/////
هل فيه للعشاق والحب دستور
منهاج عشق ٍ ثابت ٍ طول الاوقات
/////
منهاج عشق ٍ ثابت ٍ طول الاوقات
/////
وابيك تشرح لي عن العدل والجور
والبعد هل هو في بعيد المسافات
//////
والبعد هل هو في بعيد المسافات
//////
قلت الهوى لعبه وكل ٍ وله دور
والفايز اللي مايجي فيه صدمات
//////
والفايز اللي مايجي فيه صدمات
//////
احد ٍ يعيش الحب ضحكات وسرور
واحد ٍ يعيشه هم واحزان واهات
//////
واحد ٍ يعيشه هم واحزان واهات
//////
قالت يقولون الهوى كله بحور
قلت اي نعم هذي حقيقه لها اثبات
//////
قلت اي نعم هذي حقيقه لها اثبات
//////
ان الهوى راعيه في بحره يدور
يبغى السلامه مير مامن سلامات
/////
يبغى السلامه مير مامن سلامات
/////
راعي المحبه طول الاوقات مقهور
ويشاف في خده من الحزن دمعات
/////
ويشاف في خده من الحزن دمعات
/////
قالت واذا حبيت لي شخص مغرور
مثل الذي نقرا عنه في الروايات
//////
مثل الذي نقرا عنه في الروايات
//////
ابيك تعطيني نصيحه ومشكور
تراي اخاف من الهوى والعلاقات
//////
تراي اخاف من الهوى والعلاقات
//////
قلت الغرور يحول الحب لقبور
مثله مثل من يعشق انسان قد مات
//////
مثله مثل من يعشق انسان قد مات
//////
والحب وش هو غير احاسيس وشعور
واحساس غامض يربط الذات بالذات
//////
واحساس غامض يربط الذات بالذات
//////
وقلبين ينبت وسطهن ورد وزهور
ووقت الوصل تصبح حدايق وجنات
///////
ووقت الوصل تصبح حدايق وجنات
///////
وساعة جفا في حسابها عدة شهور
والثانيه عند المفارق بساعات
/////
والثانيه عند المفارق بساعات
/////
وسكت ماكملت يوم ٍ بدا النور
واشوفها مني تدنت بخطوات
///////
واشوفها مني تدنت بخطوات
///////
قالت علامك قلت يابنت مجبور
من جرب الفرقا يجي فيه لوعات
///////
من جرب الفرقا يجي فيه لوعات
///////
قالت مفارق قلت عاشق ومهجور
وشوفي على خدي من الدمع رسمات
//////
وشوفي على خدي من الدمع رسمات
//////
قالت اشوفك خاطرك دوم مكسور
ودايم عن الفرقا تغني لك ابيات
//////
ودايم عن الفرقا تغني لك ابيات
//////
قلت ايــه خلي خافي الحال مستور
انا تراني عايش ٍ في معانات
//////
انا تراني عايش ٍ في معانات
//////
ياما بنيت من الهوا صرح وقصور
وانهد كل اللي بنيته بلحظات
//////
وانهد كل اللي بنيته بلحظات
//////
لكن تراي انسان منهي ومامور
( ولانيب ندمان ٍ على كل مافات )
/////
( ولانيب ندمان ٍ على كل مافات )
/////
وان كان ودك فالهوى نبني جسور
واعيش من عقب العذاب المسرات
//////
واعيش من عقب العذاب المسرات
//////
قالت غشيمه فالهوى وانت دكتور
وابيك ترسم لي طريق البدايات
وابيك ترسم لي طريق البدايات
////////////