بنوتة مشاغبة
New member
- إنضم
- 15 نوفمبر 2010
- المشاركات
- 86
السلام عليكم ياحلى عضوات..
كيف حالكم....:21:
الصراحه هالمنتدى توووحفه.. مع اني ما احب اشارك بالمنتديات.. بس الجمعه هنا ماتتعوض..
عشان كذا قررت اكون وحده منكم..>> قلبته ترحيب..:10:
المهم ..مره قريت بمجله فكره حلوووه انك تعودين اولادك على الصلاة..طبعا الصلاة عمود الدين ولازم نغرس حبها في اطفالنا عشان يكبرو ويكبر حب الصلاة معهم...
الفكره سهلة ولذيذه راح ينبسطو اولادك....
وان شاء الله اطبقها لما يصيرو عندي اولاد...:32:
اللي تحتاجيه ورق طباعه والوان بس...!!
اول شي جمعي الاولاد الحلوين حولك وارسمي بكل ورقة شجره..وللشجره 7 اغصان...بس لاترسمي اوراق..
طبعا راح يكون لكل واحد شجره خاصه فيه..ومكتوب على الورقة اسمه...
الحين علقي الورق بغرفتهم..بس مكان بعيد شوية مايقدرون يوصلون له عشان حالات الغش..::24:
بعد كذا علميهم لما يصلي الواحد فرضه راح ترسمين له ورقه بالغصن..يعني مثلا حمودي صلى الظهر ليوم السبت.. روحي عن الغصن الخاص بيوم السبت وارسمي فيها ورقه...
وهكذا... راح يكون بكل غصن خمس اوراق اذا صلى الفروض كامله...
وطبعا راح تكون لهم هدايا على حسب عدد الاوراق.. مثلا عن كل ورقة ريال..او قطعه حلاو...
ولاتنسي تسوين لهم حفله صغيره نهاية الشهر لانجازتهم....:39:
بس في البداية استمري على التشجيع والهدايا..عشان يربطو الهدية بالصلاة ويحبوها...
ولما يكبرو شوي ويفهمو...
اسحبي منهم الهدايا بالتدريج.. واكتفي بحفله اخر كل شهر...
عشان بالمقابل لايتعود انه يصلي لاجل الهدية وبس...
مثلا قولي لهم.. الاشجار هذي راح يعطيكم الله احلى منها بالجنه...واللي شجرته خضراااء راح تكون جنته خضراء واحلى...وكذا...
اغرسي فيهم مفاهيم جميلة عن الصلاة... ويمكنك استخدام نفس الفكره للفروض الثانية...
ترى مافي احلى من اطفال ينشأو على طاعة الله....
وبسس..
اتمنى استفدتو من الموضوع....
وللامانه الفكره مو من عقلي الذهبي...::10:
بس قريتها بمجله وصغتها لكم باسلوبي....:8: