سوالف زوجات مملكة بلقيس ..

[ملكة الشوق]

حيالله زوجات مملكة بلقيس :cupidarrow:

موضوعنا بيكون طبعا عن الازواج :blush-anim-cl:

وأحنا عدنا شي معقدنا في حياتنا غيرهم :icon1366:


الموضوع بيكون عبارة عن أسئلة .. كيف يعني ؟!!

انا أقولج كيف .. بكتب أنا سؤال .. واللي بتتدخل بعد ردي

تجاوب على السؤال وتكتب سؤال للي بعدها .. واللي بعدهم

بيمشون على نفس الموال .. يعني أسئلة ومن بعدها الاجوبة

يمكن ننلاقي أجوبة للأسئلة والاستفسارات اللي أدور في بالنا ..


بما أني كاتبة الموضوع أنا ببدأ

للعلم هذا الموضوع مش منقول


شو هي أكثر صفة تزعجك في زوجك ؟؟ :smoke1:



الحلوة اللي بعدي أجاوب :cupidarrow:

 

[Magdoleen]

مشكورة عزيزتي على الموضوع و يسعدني اكون اول مشاركة فيه:clap:

اكثر صفة لا تعجبني ب زوجي سفره المتكرر:crazy:

سؤالي
ماهي آمالك و طموحك بحياتك الزوجية وكيف تسعين لتحقيقها:sly:

 

[ملكة الشوق]

ماهي آمالك و طموحك بحياتك الزوجية وكيف تسعين لتحقيقها:sly:

أني أكون زوجة ناجحة وزوجها راضي عن كل تصرفاتها ..
أوفر له سبل الراحة في البيت .. وأني أخلي زوجي راضي عني 100% ..
ونكون دايما متراضين ومتفاهين على طول انشالله ..

وطبعا هذا الشي ما يتحقق إلا باللين والحب والصبر والتفاهم ..


إذا منعك زوجك من عمل شي انتي تريدين فعله مهما صار ؟ كيف تتصرفين في هالحالة ؟ تقنعينه أو تسوينه غصبن عنه ؟؟

 

[سمرلاند]

طبعا" اقنعه بالطيب واذا ما رضى انا الصراحة مب من النوع اللي يقول على امرك وسمعا" وطاعة ومثل ما تحب
بالعكس
اخليه يحس اني زعلانه وماخذه في خاطري وانه كان المفروض انه ما يردني..:blushing:
ما تمشي مرور الكرام
سؤالي:
كيف تدفعين زوجج الى انه يصرح لج بشي ما يبي يقولة؟؟؟:sly:

 

[اسماء]

:no::no::no:

زوجي من النوع الكتوووووووووووووووم والله على قولتهم بالطبل البلدي ما يقول اللي بخاطرة

احس حياته ملية بالاسرار يمكن هالشيء يتهيأ لي:tears:

لكن اذا حسيت انه بخاطرة شيء ومتضايق ابتعد عنه شوي واخلي له جزء من الحرية

يعني اذا يبي يتكلم هو حر وانا مستعده استمع له اذا ما يبي براحتة(هالاستراتيجية تعلمتها من المنتدي)

___________________________________________________

هل انتم متفقين بطريقة تربية اولادكم ؟

 

[مساء الحب]

حبيبتي اسماء

احنا نتفق بالكلام بس وقت التطبيق كلن يسوي الي براسه

ولما يكون معصب يحط حرته فيهم


س سؤال :

اذا كنتي مخططه انك تطلعين مع صحباتك للمطعم ومتفقين ---

وجا وقالك لا لاتروحين -------وطلع لك سبب تافهه ----شتسوين --------طبعا لو تتفاهمين معاه

للصباح ماراح ينفع -------شتسوين ؟؟؟؟؟؟؟؟؟؟؟؟

 

[ملكة الشوق]

أجرب باللين والحنية والرقة .. وبشوية دلع وكلمتين حلوات :blushing:
وإذا ما فاد نجرب الدهاء والمكر :msn-wink: ..
اني امثل الحزن والحياة التعيسة وان ازواج صديقاتي ما يعاملونهم بهاي الطريقة
وانا دايما ينكد علي واسوي نفسي خلاص انا اللي ما لي خاطر اطلع ..

بعد شوي تلقينه من نفسه هو اللي يطلب انج تطلعي :crazy:

صار هذا الموقف بالضبط مثل ما ذكرتيه معاي .. وأكثر من مرة بعد ..


سؤالي :
كيف ترضين زوجك اذا زعل منك ؟؟ وإذا ما رضى من أول مرة .. ترجعين تراضينه وألا أطنشينه ؟! وإذا ما راضيته يرجع يكلمك عادي او يطنشج هو الاخر ؟؟

الله يعين اللي بجاوب سألتها كم سؤال مع بعض :crazy:

 

[أعيش بشكل صحيح]

اتصرف عادي ولا كانه دار بيننا نقاش لدرجة يستغرب وكانه ما صار شي من الاساس

واردها له بطريقتي .. واخليه يفهمها .. هذه بتلك

لو ما كان معاك وحدث خلاف بسيط باتليفون كيف اخليه ما ينام او ما يتعود ينام وخاطره فيه شي .. مو قصدي كيف اصالحه .ز لا كيف نصفي النفوس قبل النوم بدون مبادرة مني؟

 

[أعيش بشكل صحيح]

معليش كان ردي على مساء الحب

تحياتي يا ملكة الشوق

 

[قموره كويتيه]

اذا كنتي موظفه تطلبين من زوجج مصروف؟؟؟

 

[ام الحلوين]

ياقلبي انا مو موظفة لكن لوكنت اطلب مصرف عيالي والبيت اما احتياجاتي الخاصة اوفرها نفسي
لو اختلفتو انتي وزوجك على حاجة للبيت مثل كنبات اوفرش وجابها غصبن عليك شتسوين؟

 

[ملكة الشوق]

اذا كنتي موظفه تطلبين من زوجج مصروف؟؟؟

مب دايما بس على حسب الظروف :msn-wink:
يعني إذا كنت محتاجة عادي بطلب منه .. :blush-anim-cl:


سؤالي : ما هي الحركة التي يقوم بها زوجك تجعل قلبك يخفق بشدة :icon26: ؟

 

[دلوعة المملكة]

اجوب على منووووووو

اوكي على الثنتين؟؟.....


ام الحلويين... لو جابهم غصب عني.. بزعل شوي.. وبستعملهم عادي شو بسوي.. وبقنع نفسي....


واختي ملكة الشوق... اكثر شي احبه يوم يحضني فجأأة وبقوووة ..... ااااااخ
او يوم يتم ماسك ايدي ونحن في السياره

 

[غموض**]

وين سؤالك أختي دلوعة المملكة عموما عندي سؤال وش تسوين أذا طلبك زوجك والعيال ماناموا وممكن يزعجونك

 

[ام الورد]

بصراحه احيانا اقفل علينا باب غرفة النوم والاطفال افتح لهم اي قناه افلام كرتون احيانا تضبط واحيانا ننزعج من التخبيط على الباب ...... لا وبعد ما نسلم من الاسئله المحرجه.
كيف ترجعين الحب بينك وبين زوجك بعد مضي كم سنه على الزواج؟

 

[ستروبيري]

هلا وغلا حبيبتي
أرجع الحب عن طريق زيادة الإهتمام بنفسي مش مكياج ولبس يعني لأوهذا عن تجربه لأني متزوجه من 14 سنه ولما شفت إهتمامه قل فيني والملل والروتين صار بحياتنا قررت فجأه أدخل نادي وقمت أهذري بالريجيمات وأدور خلطات التبييض وأجربها >طبعا على مرأى ومسمع منه<وخلطات الشعر والجسم ووووو
وقمت أطلع من البيت أكثر من أول يعني مو على طول وجهي بوجهه بالبيت........صدقيني حسيت فيه قام يهتم فيني أكثر حتى قام يعزمني بره بعد؟؟؟؟؟؟؟؟:clap:


والحين منو الحلوه اللي تعطيني أحسن أسلوب أبين له فيه إنه محتاج لتنظيف أسنانه من غير ما أحرجه :msn-wink:؟؟

 

[lma2000]

:c007:عزيزتي استروبري خلي اسنانك عذر كانك انتي تبين تنظفينها واقترحي عليه يشجعك وينظفها معك

سؤالي: انا شعري خفيف بالعربي حبتين!لكني احب الطويل ماقصيته من فتره طويله بس شكله صاير بايخ وماله منظر الا بالاستشوار او بالتسريحه ..وودي اسوي نيو لوك وخايفه اتحسف واسوي فلم هندي عند الكوفيره وش تنصحوني فيه؟

 

[*سندرلا زوجها*]

:no:بصراحة انا مثلك شعري خفيف لاكن انا اعلاج وقصيتة (شلال) على نفس الطول لان بعطي الشعر كثيف سؤلي /وش اسم زوجك في الموبايل:msn-wink::msn-wink::msn-wink::msn-wink:بصراحة:msn-wink:

 

[حب عذري]

اسمه اغلى ناسي لكن اذا صااااااااااااار شي احول على طول وادور شي يليق عليه (مثلا مشغول وهو فاضي )

ماهي اسعد ليله قضيتيها في حياتك الزوجيه ؟؟؟؟؟؟؟؟؟

 

[سديراويه*مميزه~]

اسمه اغلى ناسي لكن اذا صااااااااااااار شي احول على طول وادور شي يليق عليه (مثلا مشغول وهو فاضي )

ماهي اسعد ليله قضيتيها في حياتك الزوجيه ؟؟؟؟؟؟؟؟؟

اول ليله في زواجنا..........:blush-anim-cl:

كيف تخلين زوجك يرحمكـ؟

خصوصا في مواقف تكونين تنرحمن من جد وهو ولا حاااااااس فيك...:santa_1: