سنه كامله وانا عايشه معه واكتشفت انه

[وردة الشرقيه]

السلام عليكم

انا احبكم كثير ودائما اقراء لكم ..بس امس صارت لي مشكله مع زوجي

وحبيت اخذ رايكم يالغوالي..

لي سنه وشهر وانا متزوجه والحمدلله كنت مبسوطه بس امس اكتشفت ان زوجي يشيش من سنه ما اعرف انه يدخن حتى اهلي ..

ماني عارفه وش اسوي بصراحه ماتوقعته ابدا يدخن ..حتى اهلي لما اشكي لهم من اي تصرف منه يقولون احمدي ربك انه مو مثل هالشباب يدخن ويضرب ويتأخر بالليل ..

مرررره ضايق صدري ومن امس وانا ابكي وهو حس فيني بس ماكلكمني بهالموضوع ابد
انا متزاعله معه وما اكلمه

كيف اعاتبه واخليه يترك التدخين بجد متضايقه ودموعي على خدي ..اتوقع توه بادي في التدخين عمره 24 ..

تتوقعون اقدر أأثر عليه لما ازعل منه واخليه يترك التدخين

الله يساعدكم ساعدوني عمري كله ماتوقعت اشوف ماسك الشيشه ويشيش انصدمت مررررررررررررررررررره ساعدوني ربي يدخلكم الجنه

وردة الشرقيه

​

 

[سيده ميمو]

ايوه حاولي تزعلي عليه ولاترضي الا لما يوعدك انه يترك التدخين وقولي له انا خايفه على صحتك وما ابغى أخسرك
والله يوفقك ويهديه ياااااااااااااااارب

 

[alhoooob]

صارحيه واقعدي معوه

وش سبب انوه راح للتدخين

والله يعصموه ويبعدوه عن طريق الحرام..:icon26:

 

[princessh]

يالغاليه الزعل فهالامور بالذات مو حل لا كوني طبيعيه لانه ممكن يواعدك ويدخن من وراك او ممكن تملين من زعلك وترضين ويكون عادي اول زواجنا كان زوجي يشيش وسوية زيك صرة اتضايق وازعل وليتني ماسويتها لاني حثيته على شي اكبر لانه كان يشيش مره بس بالاسبوع عند ربعه واللحين تركها بس احتاج بديل وصار يدخن يعني باليوم علبه او علبتين يعني فرق بين مره بالاسبوع وعلبه يومين
صرت ادعيله واخليه يسمعني مثل اصلي عنده وادعي ربي بصوت مسموع ياربي احبه واخاف عليه ياربي تعصمه وكل فتره اسولفله عن اضراره وخطورته عليه وعلي انا كحرمه وعلى اطفالي اللي بيجون وانه ممكن يضرهم فصرت الاحظ عليه يحاول يخفف منه ودايم يقول بخاطري اتركه وبحاول قبل يجيني اطفال
الحمدالله ربي يعصمهم عن كل حرام

 

[فـَـيوُنـﮕـﮧ !✿]

الله يهديه يارب
والحمد لله يدخن ولايتعاطي او يشرب
يختي شي اهون من شي انتي قولي له عن اضرارها وانك مو حابه تخسريه وانه ياكل الكبد
وشوي شوي هو بيتركه
لانه لو تركه فجاه حيرجع له

 

[مشاعر جنوني]

ياقلبي لاتكبري السالفه
والزعل مو حل انتِ انصحيه وقوليله انك خايفه على صحته
ولمن يجي بيني له انك كارهه ريحته لمن يدخن لأن هذي الريحه تقرفك
وادعي له وربي ان شاء الله بيبعده عن الدخان

 

[فالله خير حافظ]

متكبريش الموضوع وتعملى مشكلة مع زوجك الموضوع مش مستاهل زعل فقط تكلمى معة بهدوء وحسسية بحبك وخوفك علية

واقنعية انك لو حامل او ربنا رزقكم بطفل فهذا خطر علية

وعليكى بالدعاء والاستغفار

 

[وردة الشرقيه]

الله يدخلكم الجنه

وربي ريحتوني يالغالين بس انا مكبره الموضوع لانه خدعني

بس كلامكم سليم وعين العقل

طيب انتو قولوا لي ليش ماتكلم معاي بالموضوع

مستحي يعني او ايش بس وربي متضايقه

الله يصبرني ويهدي زوجي ويوفقكم يارب ويخليلكم حبايبكم ​

 

[عزي بحجابي]

حبيبتي مالك إلا الدعاء والإستغفار
يارب احفظ شبابنا وشباب المسلمين من الحرام

 

[غلا روحي زوجي]

انا اشوف ان الموضوع عادي كلها شيشه اكيد انه متعود عليها ماهي شي يستاهل الزعل

اهم شي الصلاه هذا اهم شي والشيشه عاااااااادي لاتخافين بس انه متعود عليها

مايحتاج تزعلين من زوووجك وماتكلمينه حريه شخصيه لاتكوني مررره متسلطه

ادعي له بس بالهدايه والله يعين

 

[وردة الشرقيه]

عزي بحجابي اشكرك على الرد الحلووو وربي يسعدك

غلا روحي اشكرك على ردك بس مو تسلط هذا ..انا احبه كثيييييير واخاف عليه وماتوقعت اشوفه في هالمنظر الشين ..هو قالي انه مايدخن يمكن لو انه قالي كان صار الامر هين ..بعدين كيف حريه شخصيه وهو حرام ..والا حتى الحرام صار حريه شخصيه وشي عادي ..الله يهديك بس

ما اقول الا الله يهديه ويصلحه ويخليه لي

 

[غلا روحي زوجي]

انا ماقصد والله شي بس لاتكبرين الموضوع

انا اقصد حريه شخصيه يعني خلييه على راحته شوووي واهم شي الدعاء ان ربي يهديه

والصلاه الصلاه اهم شي لو انه مايصلي لك حق تزعلين وماتكلمينه بس الامور الثانيه نتغاضى عنها

والدين نصيحه ومعامله بالكلام الحلوووو والدعاء واذا كان هو راعي صلاه ودين صدقيني ماراح تغيره الشيشه ولاغيرها لان قلبه نظيف وكله ايمااان
وهذي شيشه ارحم من غيرها هونيها وهي تهووووون

ولك اسفي مره ثانيه واتمنى لك التوفيق

 

[وردة الشرقيه]

ياعمري انا الي اسفه بس انا مره متضايقه اسفه واسفه لاتزعلين

بس لما ماتتوقعين شي ويصير تحسين بصدمه قويه

ربي يجزاك كل خير ..ومثل ماقلتي الدعاء وربي يهديه

لاتزعلين مني ..​

 

[رازيا]

صديقتي هوني على نفسك وقرى عينا فانتي في حفظ الرحمن الرجل لا يحب أن تضغط عليه زوجته وتقول له امتنع او تهدده فهو بالعكس يعاند بالتالي برأيي ان تخاولي بطرق أخرى وهي طريقة انك تحبينه وتخافين عليه وبكل الحب والود توصلين له انك تتمنين تركه للشيشه ليس لانه خدعك ولكن لأنك تخافين عليه فهو زوجك وأبو اولادك اذا كان عندك اولاد وتتمنين لو تذهبوا لطبيب يساعده في الامتناع فما رأيك يعني اعطيه فرصة وعالجي نفسيته تجاه الامر فصاحب التدخين والشيشه يعتقد انه معذور ولا يقدر الاستغناء عن ذلك لانه يجري في دمه بالتالي تريثي وتقربي له واشعريه بتمسكك به وان المسألة هي بالفعل خوفك عليه وعلى الاولاد مستقبلا فعادة ما يقلدوا ابوهم وهو قدوة وانك تعرفين صعوبة ذلك لذلك تريدين ان يتم ذلك بالعلاج وخطوة خطوة حتى تصبح صحته جيدة ويعرف اولاده مستقبلا انه يحاول التخلص من امر سيء فما رأيك ؟؟
حياتنا نسير فيها حسب الأولويات وأهمية المطلوب منا
فهذا الرجل ليس خطيبك حتى نقول ابعدي عنه لانه ربما أخفى عنك انه يدخن
ولكنه الأن زوج وأب لاطفال قادمين مستقبلا
ولكننا بدلا من ان نفكر في الابتعاد عنه والضيق منه
لماذا لانفكر في اصلاحه وتغييره للأفضل وبهذا نكون قد حافظنا على البيت قائما واكتسبنا أبا صالحا للاطفال
بعض الرجال يا أختي بل الكثيرين منهم يرفضون تماما فكرة النصح المباشر من زوجاتهم
لهذا غيري اسلوبك وسترين نتيجة رائعة باذن الله
مثلا اشتري شرائط مساوئ التدخين والشيشة وأضراره واستمعي الى الشريط بوجوده ولكن من دون ان تطلبي منه الاستماع
تحدثي معه كلاما عاما ان التدخين والشيشة حرام وتبذير للصحة والمال وفيه افتراء على النعمة
اخبريه ان هذا الفعل ربما يجلب الكثير من الاضرار والامراض له ولابناءه مستقبلا والعياذ بالله
اسأليه ان كان يقبل ان يعرف ابناءه مستقبلا انه يدخن وماذا لو عرفوا انه بالفعل مدخن ويخفي عليهم هذا الأمر
أوصيك بالصبر ثم الصبر ثم الصبر
فالكثير من مشكلات حياتنا لا تحل بين يوم وليلة ولكنها تحل بمرور الوقت والصبر عليها
ادعي الله ان يجعل زوجك يكره رائحة الدخان والشيشة وشربه وأسألي الله له الهداية والصلاح
ألف الله بينك وبين زوجك وشرح صدرك واسعد بيتك ااامين ​

​

 

[وردة الشرقيه]

اختي الغاليه رازيا

كلامك مررره حلوووو ومقنع ..أسأل الله ان يسكنك الفردوس الاعلى من الجنه

ويارب اقدر اقنعه واخليه يكرهها ويبعد عنها ..

ربي يسعدك مثل ماهونتيها علي ..وساعدتيني​

 

[رازيا]

للرفع لمساعدة الاخت

 

[ناصرة المظلوم]

الحوار ثم الحوار

 

[احاسيس هادئه]

الله يكون بعونك بس الشيشه اخف من غبرها حاولي انه يتركها بس مو بالقوه

 

[دلوعة عمتها]

الله يهديه يارب

 

[ام عسوف]

ادعي له ان ربي يهديه قدامه علشان ينحرج منك بما انه ماقال لك شي