سنه اولى زواج والضغط النفسي

[ريشه ورديه]

السلام عليكم ورحمة والله

كيفكم اخواتي البلقيسيات حبيت ا فضفض لكم لعل القى عندكم

حل لحالي وارتاح

بالبدايه انا ما كملت سنه زواج باقي لي كم شهر

ولكن مضغوطه نفسيا واتمنى اني لساتني عند اهلي ولاتزوجت

ليشششششششش:10:

اولا انا اعيش بالمنطقه هذي ولا اعرف احد غير اهل زوجي ومعارفهم

اهل زوجي علاقتي بهم طيبه رغم اني اسمع منهم تنغيز بالكلام

ونقد كثير لشخصي والنقد يتعب ويوجع في القلب لكن انا اطنش

ثانيا زوجي ودوامه هو كل ايام الاسبوع بعبيد عني في منطقة دوامه

مايجي الا يوم اربعاء وخميس وجمعه

وانا نظامي ايام الا سبوع الوجبات كلها عند اهل زوجي انزل عندهم آكل اساعدهم بالصحون
ولو في كنيس اكنس

واسولف وياهم شوي وبعد العشاء اسهر الى الساعه 2 او 3 واطلع بيتي انام

وهكذاااا

ولكن مرات اعتذر عن وجبة غدا مثلا يكون مالي نفس اكل او باقي ابي انام او مشغوله بدراستي وبيتي

لكن هما لو ماجيت مره يزعلون ويقولون اني ما اجي عندهم واني وحشه ولا ابيهم مع اني ما اقطعهم
:8:
ولا يوم الا نااااااادرا مره كنت تعبانه ومره كنت مالي خلق

ودايم مواصلتهم بس ما ادري هما كذا ليش يبوني عندهم اربع وعشرين ساعه وحتى يبوني انام عندهم

واحنا بنفس العماره مايردني انام عندهم لان زوجي اخوانه كبار انا ابي اخذ راحتي وهم يبون ياخذون راححتهم

وحتى زوجي لو ما اطلع يعلمونه اهله ويدق علي زعلان يقول وش فيك ما تجلسين مع اهلي انتي عندك مرض التوحد:8:
بس جالسه لحالك مفروض دايم عند اهلي ما تطلعين بيتك وش بتسوين لحالك < مدري وش يحسبني بسوي الله يسامحه يجررحني:8:
مع ان لي بيت وعندي شغلات فيه كوي وكنس وغسيل وتنظيف بيت
غسيل الملابس بالذات ياخذ مني يوم والكوي يوم لحاله وتنظيف البيت
انا مقسمه وقتي كذا ودراستي بعد فيه حاجات تشغلني ما اقدر

اخليها واقعد عندهم ع طول
وانا اروح لاهله كثير بس طبعهم غير عني انا هاديه انا اسولف بهدوء
هما لا مره اسلوبهم ملاعنه ومسابه حتى لو لامهم عادي متعودين ومضاربه ويسمونه مزح انا ما اتحمل
هالاسلوب ومتعب نفسيتي كثير لكن وش بسوي اصبر يعني اخت زوجي مره قالت لي انتي هبله اصلا
لاتسوين كذا

وهي تصارخ وهذا اسلوبهم مع بعضهم ما يعيشون الا ع الصراخ
وثالت شي زوجيي يجي اربعاء وخميس وجمعه
يوم الاربعاء
يجي ياكل ينام بس يصحى يطلع مع الشباب سهره مع انو يكلمني ايام الاسبوع ويوعدني انا راح

امشيك وابسط واوديك السوق ىتشتري لك اغراضك الناقصه ونتعشى برا بس سبحان الله

يخلف وعوده دايما :8:

ويجلس يتعذر مني وانو انا اسف حبيبتي سامحيني انا مظطر اطلع ومو بايرادتي

الشباب يبوني ومن هالكلام مع اني ازعل واصيح لكن مافي فايده صح انه يجلس يطبطب علي شوي ويطلع

هو متاكده من حبه لي وانا احبه بس دايم يوعد ويخلف ويوم الخميس نفس الشي يروح ويخليني :10:
بس يوم الجمعه نطلع من بعد العصر الى قبل المغرب ونرجع لانه يقول تعبان يبي يرتاح وفي الليل يسافر وعلى هالوضع

اححس بالكبت انا عند اهلي متعوده على الحياة المتنوعه مره سوق ومره ممشى او هايبر او طلعه او زياره

هنا اتمنى بس زوجي يجلس معاي ولو في البيت 4 ساعات متواصله مستحيل

وخصوصا ان زوجي من النوع الرومانسي كثير الكلام والوعود الرومانسيه والمفاجاءت بس للاسف يوعد ويخلف وهذا طبعه

وخصوصا ايام الملكه كان انسان جدا رومانسي وكثير الهدايا والمفاجاءت بعد الزواج غير

حتى السوق مارحت له بعد زواجي وشريت الا مرتين < غير ايام العسل

واشتري اشياء ناقصه بس وعذره انه يبي يجمع عشان يكون نفسه مع انه ماشاء الله ماعنده ديون ولا قروض ومرتاح ماديا وساكن

في بيت ابوه لا عليه اجار ولافواتير ولا شي
بس قلت يلا يبي يجمع عشان يشتري ارض ويسوي بيت وعشان هو وعدني يسفرني احدى الدول الاوربيه في
ذكرى زواجنا الاولى ل وعشان كذا ما اطلب منه شي ويقولي لازم تسادعني عشان نجمع للسفره ونشتري ارض ونعمر بيتنا
بس للاسف اكتشفت قبل ايام انه مخطط يسافر اندونيسيا هو وشباب الهم واليوم هو قبل يوم زواجنا بيوم
:8:
يعني وعد واخلف لا في سفره ولاهم يحزنون
مع اني مو مقصره معاه بشي بيتي نظيف ومعطر وثيابه مكويه ونظيفه والاكلات انوع له وعنايه واهتمام
مهتمه فيه من مساج وعنايه خاصه وهو مره مبسوط ومتفاجيء على كلامه ويقولي ما توقعت ولا بالاحلام ان زوجتي بتصير لي كذا

ودايم كلامه رومانسي وشاعري وبس يدخل البيت يجلس يقولي شعر من تحت

حتى اهله يسمعوه واكتشفت اخيرا انه بس يبيني للفراش

حتى لو طلعنا مره من المرات ساعه في الاسبوع يقولي يلا اكتبي الاشياء الناقصه بنروح الهيبر نقضي للمطبخ

وفعلا اغلب طلعاتنا من يوم زواجي ححق المطبخ:10:

يعني اهم شي نتشارك فيه واللي هو محور حياتنا الفراش والاكل:10:

والاشياء الثانيه لا هواياتي مثلا التلفزيون نشوف مع بعض او اشكي له همومي واشياء كثير ماعنده وقت
لها يقولي اشكي بالجوال لانه لو تقابلنا مافي وقت اقوله شي ويقولي

انا رجال اذا جيت البيت ابي ارتاح
عموما هو طيب ويححبني بجنون لكن يكذب علي
ويقولي دايم انه يححس فيني في عيوني ححزن وحاسس بوحدتي
لكن يقولي انا اعاني من السهر انا ابي اتغير واجلس معاك كثير لكن مو بيدي انا مدمن ع السهر
وان شاء الله من السنه الجايه اوعدك اتغير لاني تعبت من هالعيشه < والله ذا كلامه يرفع الضغط:10:
ودايم يقولي لاتحسسيني اني حابسك في البيت ومقصر لاني انا حساس واحبك واحزن لو حسيت ان حبيبتي
مو مرتاحه معاي

وعلى الرغم من كذا من ماااا يسمع كلامي لما اقوله يلا نطلع او اجلس معاي او نبي شي يغير هالروتين لا حياة لمن تنادي

والشي اللي استغرب منه لمن اشكي له وابكي يبكي معاي يقولي ما اتحمل اشوف الدمعه بعينك
بنات قولو لي وش اسوي مع هالزوج

افكر اسفهه واروح شهرين عند اهلي فترة نقاهه ع الله يحس فيني

لانه يوعد كثير وبالاخير صرت اقوله ارحمني من هالوعود اللي تتعب لاني اتحطم

كل يوم اربعاء واكرهه يوم الاربعاء وهو يززززززززعل كثير ومره جلس يبكي

يقولي حرام انا مو سيء انا ما اقصر عليك انا مو حارمك لا تقولين اني حابسك في البيت

وهذا اللي يرتفع منه ضغطي ما يعترف:8:

 

[أحاسيس وطنية]

طيب حاولي معاه تنقلي لمقر عمله
قربك له يعوده اكثر عليك ويصير مايستغني عنك لو تعتذري سنه او ترم اذا مافيه جامعه بمقر عمله

او يبذل مجهوده ينقل عندكم قولي تعبني فراقك

والله يسخره لك يارب

 

[ريشه ورديه]

اممممم هو من السنه الجايه راح ينقل عندي

والله يعين

شكرا حبيبتي

 

[الغضى]

عاااااااااادي هذا حال السنه الأولى

حبيبتي صدقيني هذا حال السنة الأولى
لأنج مو فاهمته وهو مو متعود على المسئولية
ولا تقارنين حياتج الأولى بالثانية لأنج راح تتعبين
عيشي حياتج لحضة بلحضة
يعني اهتمي بدراستج وانسي النكد
انشالله يتغير حالج:msn-wink:​

 

[زوجة تـــوتـــو]

ازعلي عليه ولا تكلمينه ابدا وبعدها راح يطلعك

 

[بداري5]

الله يسخركم لبعض انا من رايي انكك تروحي لهلك
ببس مو شهرين خليها اسبوعين وانبسطي

 

[ام حمودي111]

حبيبتي حسب كلامك زوجك شخصيه جنوبيه مثل زوجي حاولي تثقلي شوي طنشيه لا تشكي له الشكوى لله لانه مافي فايده اذا راح لا تحاولي تكلميه اذا جاك اهلا اذا راح مع السلامه لاتحاولي تسأليه وين راح وين جاء كذا طبع الجنوبيين يكذبون ياكثر وعودهم ولا نشوف شي يحبون اهلهم كثير واصدقائهم واخر شي الزوجه حاولي تطلعي على بوصلة الشخصيات وتشوفي شخصيته وكيف تتعاملي معاة وبتستفيدي كثير​

 

[ريشه ورديه]

اشكركم خواتي اللي ردو الله يسخر لكم ازواجكم يارب

 

[دنيا ووجع]

هههههههههههههههه والله حالك من حالي كانك تحكين عن مشكلتي والله ياليت فيه حلول لهالرجاجيل المشكلة هذا يعترف زوج ما يعترف بالتقصير الا في اوقات نادرة ..
ذقت الويل منه وبالاخير صرت اخليه بكيييييييييييييييفه وادلعه اكثر وصار يحس بالذنب ويحاول يعوضني سهراته وغيابه
لان كان اخر حل الطلاق بس لقيت انه من الغباء الطلاق صبرت ورضيت وتركته ما اشوفه غير ساعتين واحيانا ما اشوفه ابد لاني زوجة ثانية..
بس الصبر مفتاح الفرج شديه لك بالحسنى واسلوب المسكنه بيحن ويحس بالذنب وبيحاول اكيد يخصص لك وقت والله يعينك ويصبرك..

 

[بنت رجاال]

عزيزتي الله يعينك عليه

 

[ندى555]

طيب ليش ماتجلسين عند اهلك ........واذا جاء الاربعاء ياخذك من اهلك

 

[ريشه ورديه]

اشكركم خواتي لكن انا ابغا اعررف شلون اخليه يجلس في البيت قدر معقول مو يتزوجني ويروح ويخليني محبوسه في هالبيت يجلس معاي شوي يوم ع الاقل

 

[basbosa m]

والله حبيبتى كل الرجال كده
بطلى تتهاوشى معه امدحيه دائما
اشغلى وقتك ولاتزنى عليه بالخروج ولو ليكى صديقات اخرجى معهم لاتجعليه هو محور حياتك
اقرى قصه خالد وندى ابحثى عنها فى المنتدى او فى جوجل
فهميه انك ماتنزلى عند اهله لان بيكون ورتى مسؤليات وبدك تدرسى

 

[ريشه ورديه]

بسبوسه حبيبتي احس اني ابي اصيح يروح ويخليني وامدحه راح يعودني على الحبسه في البيت
ولااسف هنا ما اعرف حد ولا عندي صديقات

الله يعين ببحث عن القصه اللي تقولينها

 

[ماليزيا]

عادي ياقلبي اغلبهم كذا يحبون السهر والوعود الكاذبه مو بس زوجك لكن اصبري وحاولي معاه بالتدريج
والمسايسه وبيتعدل انشاءالله ,, لا تقلقي نفسك
الله يوفقك ويفرجها لك