البيت السعيد**
New member
- إنضم
- 3 يناير 2009
- المشاركات
- 603
بسم الله الرحمن الرحيم
السلاااااااااااااام عليكم ورحمة الله وبركاته،
يايبة لكم طبخة رهيبة عجييبة وخفيفة على المعدة، وطبخة راقية تنفع للعزايم، لأنها صج تبيض الويه،
كنت عازمة بيت أبوي وسويت
:fish: سمج بالفرن :fish:
رحت جيان وشريت سمجة شعرية كبيرة وخليتهم ينظفونها، بعدين رحت رامز العجيب وشريت بايركس كبيييير بقد السمجة،
بنات ملااااحظة ترى المعرف ((أم حسن)) آنا نفسها في منتدى ثاني،
السلاااااااااااااام عليكم ورحمة الله وبركاته،
يايبة لكم طبخة رهيبة عجييبة وخفيفة على المعدة، وطبخة راقية تنفع للعزايم، لأنها صج تبيض الويه،
كنت عازمة بيت أبوي وسويت
:fish: سمج بالفرن :fish:
رحت جيان وشريت سمجة شعرية كبيرة وخليتهم ينظفونها، بعدين رحت رامز العجيب وشريت بايركس كبيييير بقد السمجة،
بنات ملااااحظة ترى المعرف ((أم حسن)) آنا نفسها في منتدى ثاني،
يالله نبدأ:
المقادير:
سمجة شعرية أو هامور بشرط يكون الحجم كبير وعلى حسب
خل التفاح بقد نص كلاص جبن صغار
بهارات (بهارات بحرينية مشكلة، بهار تندوري - أو دقوس - ، ثوم مطحون، جلجلان، هيل مطحون، فلفل أسود إشوي، ملح)
رمان حامض + ثوم مدقوق عدل
خضروات (باذنجان شرائح، طماطم شرائح، بصل شرائح، كوسة شرائح، فلفل بارد شرائح)
زيت زيتون
أوريغانو
ندهن السمجة بخل التفاح أول شي،
وبعدين نخلط البهارات كلها ونبهر السمجة ونبهر بطنها زين ما زين
بعدين نخلط الرمان + الثوم المدقوق ونحطه ببطن السمجة يطلع الطعم روعة وتقدرين بعد تضيفين زنجبيل طازج مطحون مع حشيش
وهذه الصورة توضح
بعدين إخذي الخضروات وقعدي قطعي فيها،
بس الباذنجان من تخلصين منه سيده إخذي ليمونة وقصيها بالنص،
وقعدي مسحي كل شريحة باذنجان بالليمون علشان ما يصير أسود،
وبعدين قعدي صفي الخضروات بالطريقة التالية، الصور راح توضح لج كل شي:
بعدين بكل رقة ونعومة شيلي السمجة وخليها على الخضرة،
وصفي الكوسة على الصوبين،
وبعدين صفي باقي الباذنجان
وبعدين حطي الطماطم والفلفل البارد فوق السمجة وآنا خليت فلفلة عودة بس هلون زينة وفي نفس الوقت تعطي نكهة وريحة حلوة، ورشي فوقه أوريغانوا،
ولا تنسين بين كل طبقة خضرة والثانية رشي إشوية ملح مع زيت زيتون
وصكي بالألمنيوم وحطي بالفرن على نار هادية 130، وآنا خليته لمدة ثلاث ساعات لأن السمجة وايد عودة وكنت أبيها تستوي على سعة،
وهذا الشكل النهائي، بسرعة بسرعة صورت لأننا مستعيلين للفطور، وطبعاً كان مع عيش أبيض،
وكان الطعم شي عجييييييييييب وبيضت ويهي الطبخة الصراحة قدام الأهل
وعليكم بالعاااااااااااااافية
