سمعيني كلام حلووو.........طيب من وين اجيبه!!!!!!!!!

[tonh]

السلام عليكم ورحمة الله وبركاته
كيفكم يابلقيسياات ان شاء الله تكونون بخير وصحه وسلامه ....
مشكلتي بدون ما اطول عليكم ....انا ملكت من اربعة اشهر والحمد لله كلش تمام وزين بس مشكلتي الي ابيكم تساعدوني فيها هي كالتالي...
هذا سلمكم الله اذا اتصل علي ( ماي هازبند الله يطول عمره ) كلامه عادي ويسولف وينكت وما ازين منه وانا امشي معاه في السوالف وانسجم لكن المصيبه اذا قالي : يالله حبيبتي سمعيني كلام حلوو
انا تظيع علومي واتلخبط واسكت والله انحرج ومدري وش اقول ... واذا حس اني خجلانه يقولي وش تستحين منه انا زوجك....الي يسمع سوالفك معي ما يقول هذي انتي الي تستحي
دبروني الله يوفقكم احس انه مايبي يكلمني بسبب هالمشكله استحي واموووووووووت من الخجل لا جاب طاري هالسوالف الي انتو خابرين .........
هل المشكله هذي ممكن تملله مني ... هل انا غلطانه عشان ما اعرف اقوله كلام حلوو على قوله
وش الدبره يابلقيسياااااااااااااااااااااااااااات الله يجزاكم الجنه جمعيا ....على فكره ابو الشباب الله يطول عمره ويسخره لي شمالي
انتظر ردودكم ومساعدتكم ونصائحكم
:39:

 

[فرفورا]

اذا قال سمعيني كلام حلو اتفلي بوجهه وسكري السماعه ))خخخخخخ لاتصدقين وتسوينها والله انهم بلشه وش سمعيني كلام حلو خيرالكلام يجي من نفسه حاولي كل يوم تقولين كلمه حلوه وشوي شوي تتعودين خبرك عارفه احنا يالسعودين جافين مو متعودين عالكلام الحلو خصوصا مع اهلنا ماعودونا

 

[نبض ميمو]

ههههههههههههاي اتفلي وقفلي الخط حلووووه
انشاء الله البنات يفيدونك انا ملكت بيوم زوجي ولا كان ساعدتك

 

[نظرة دفا]

عادي قوليله ياعمري انت .حياتي .ومن ه الكلام وأحذري من الكلام المايع مررررره
وانصحك أدخلي قسم العروس وليلة زفافيها راح تستفيدين كثير البنات حاطين موضوع يخص مشكلتك
وألف مبروك مقدما ...........

 

[تحكمني ظروفي]

قولي له ياأجمل وياأغلى وياأحلى وياأطيب وياأرق زوووووووووووووج بالعااااالم
فديت روحك الطيبه,, فديت هالضحكه,, أو قولي له الكلام الحلو على شكل قصه أحسه أحسن مثلآ,,,كانت في وحده اسمها وقولي أسم الدلع حقك,,تموووووووووووووت بواحد أسمه وقولي اسم الدلع حقه,,,وتغزلي بكل شي فيه,, ومع كل وصف كأنك تتذكرين قولي أمممممم,,,,طبعا بغنج ودلع,, وكلام يجر كلام,,,,,وبعدين قولي له يله أبيك توصفني,,,؟وربي يوفقك,,

 

[reeem.alflaa]

عادي حبيبتي
قولي له حبيبي
يا قلبي
فديت روحك
يا بعلي جان تبين :31::31:
ههههه
تغزلي بصوته
بضحكته
بأسلوبه ف الكلام
مممم
ولا تنسين أي كلمة تقولينها تقولينها بدلع وغنج وخجل
ولا تزودينها واااي
خليه يتشفق الكلمة الحلوة منج

 

[القوية]

حبيبتي لابد للزوجين من اختيار اجمل العبارات التي تعبر عن الحب والرومنسية لكي ان تستمر الحياة الزوجية وتنجح وتذكري ان الكلمة الطيبة صدقة فكيف اذا كانت مع زوجك يمكن ان تقول الزوجة ولكن زوجي غير رومنسي ولا يشجعني على ذلك؟
حبيتي انتي علميه على ان يسمع منك كل كلام حلو واكيد انه ستعود على ان يسمع منك هذا الكلام الذي لن يستغنى عنه ولو انه لم يصرح بذلك ولكنه يكون مبسوط ان زوجته تدلله وتغنجه لان بغض الرجال رومنسيتهم جافة ويبغالها الكثير من الوقت
الرومنسية ممارستها صعبة لمن لم يتعود عليها ولكن انتي بعدك صغيرة والحياة امامك طويلة والمفروض ان تتعودي عليها من الان والجميل في الموضوع انكي استشرتي غيرك وهذا دليل على حرصك على حياتك الزوجية السعيدة
اتمنى لكي حياة زوجية ناجحة

 

[نضوج أنثى]

لازم تتعلمين وش يجذب الرجال غير المعامله والكلمه الطيبه ترى تسحرهم الكلمه الحلوه لازم تعودين لسانك على كذا عشان مايجي في باله الحين معقوله هي ماتعرف تقول كلام حلو اكيد تعرف بس معي تبخل علي هو يشوف انه مدة 4 شهور كفايه انك تتعودين عليه وتقولين كلام حلو ترى الخجل فيه امور مطلوب وفيه امور مذموم انتبهي ويبعد الرجال عنك

 

[الزوجه الاولى]

حبيبتي البنات ما قصرو معاج عاد انتي وشطارتج الله يسعدج