سلفتي تطلب من زوجي يتزوجها

[غيمة الباحة]

اخو زوجي توفى قبل اربع سنوات وزوجي كان يتصل على عيال اخوه ويكلمهم ويسأل عليهم ويكلم بعد امهم بحجة انه يطمن عليهم
انا لاحظت انه معطيها وجه زيادة وحذرته منها ولكنه يقول هذي زوجتي اخوي ولايمكن اقطعهم مع العلم بانها وحده جريئة وتتكلم معاه بدون ضوابط او خجل ومرة وانا اتكلم معاه عنها قعد يضحك يقول تصدقين انها كلمتني وطلبت مني اتزوجها بحجة انها ماتقدر تتحمل مسؤلية عيالها مع ان عيالها كبار اصغر واحد بالمتوسط

طبعا انا زعلت وقلت له لو انها ماحست منك بقبول كلامها ماقالت كذا وقلت عطني رقمها بكلمها اللي ماتستحي المهم قام زعل قال لو تكلمينها لا تلومين الا نفسك
بصراحة انا ما راح اكلمها لانها ماتستحي ويمكن تزيد وتعاند بس وش الحل اخليها كذا تكلمه ويكلمها عادي والله محتارة ما ادري ايش اسوي:4:

 

[فرحة منتظرة]

يمكن زوجك يمزح معك يشوفك وشتقولين له وحب يرفع ضغطك
وهالانسانه ماعمرها طرت له شي من هالكلام
ان شاء الله تكون كلها وساوس والله يبعد عنك وعن زوجك الشر ويخليكم لبعض

 

[توفي_2009]

انتبهيلهم خيتو

والله ماودك اخوفك بس ترى احتمال انها فعلا تخطط على زوجك

بعدين مالها داعي انها تكلم زوجك

اذا هو يبي يتطمن على عيال اخوه يكلمهم هم ماله داعي يكلم زوجة اخوه

الرجال يستمتع لما يحس انه مرغوب فاحتمال انه مبسوك برغبتها فيه بس مابفكر يتزوجها لكن الجذر واجب

 

[نرجسييه]

حبيبتي انتبهي بسس يمكن زوجك يبي يجس النبض عندك وبعدين اذ اصغر عيالها بالمتوسسط يعني عيالها رجال وماله داعي يكملها خير شر هي مو محرم له واتوقع انه كبيره بالعمر بعد ولاتخلين لها مجال طالت وشمخت

 

[رقيقة قلب]

الله يكون بعونك

 

[لغيرك لاتخليني]

لااا وتبغين رقمهااا ومتردده اتكلميهاا لوو فمكانك لوريهااا النجوم بعز الضهر<<
وووويعه ماتستحي...

 

[باونتي66]

وتكلمه ليييييييييه؟
اداعيالها كبار ليه يكلمها؟
اقول انتبهي انتبهي بس
ترا فيه مطلقات وارامل ادا حطت ببالها رجال والله بحكم انه متزووجه سابقا
تعررف كيف تااااااااااخده
بس امكن هدا وسواس من الخوف اللي فيكي
وماالومك

 

[لغيرك لاتخليني]

ودامك سمحتي لزووجك يكلمهاا فقوولك اتحملي مايجيك...

 

[نضوج أنثى]

لا تكلمينها ماانتي مضطره تحطين نفسك بموقف بايخ ممكن تقولك زوجك اللي يجري وراي ومهتم فينا ومن هالكلام لاتعطينها فرصه تغلط عليك وبنفس الوقت تسمعين كلام زوجك وماتسببين مشاكل بينكم بسببها مو يآخذها عناد ويتزوجها اعطي زوجك ظاهريا الثقه والأمان هو مو حاط الفكره في باله ولا ماكان جا قالك الموضوع بس تدرين كثرة الدق تفك اللحام خليك واثقه ولا تتنرفزين لما يجيب سيرتها ادعي إنه الله يبعدها عن زوجك ويشغلها بنفسها ولو شفتي الموضوع زاد عن حده كلمي احد من اهله حكيم ومتفاهم يتكلم معها إنها تلزم حدوودها ويخوفها واذا جا وقالك مين قالك تتكلمين قولي له انا مااتكلمت واسأل اللي كلمها من وين عرف بالموضوع ومستعده تواجهينه وتأكدين له إنك مااتكلمتي إن شاءالله ربي يصرفها عن زوجك ويرزقها بعيد عنكم

 

[رازيا]

مع نضوج

 

[نتوس]

دوري لها على عريس .. وتكوني كسبتي اجر فيهااا

 

[اسيل حايل]

الله يشعلهاااااااااا بنفسهااااااااا هالحيووانه

 

[ام سلطان416]

الله يعينك والله قهر
لا تكلمينها ولا شي ومن تكون عشان تحسبين لها حساب انتي الي عايشه مع زوجك مو هيه
اشغلي زوجك دبسيه ف ترميم للبيت ف بناء عماره اشغليه بحاجه كبيره اتكلمي معاه كثير ف مستقبل اولادك نسيه منهم بأي شي ...ولاعد تجيبين ف سيرتها وادعي ربي يسخر لك قلب زوجك ويصرفها عنكم ويشغلها ف نفسها

 

[@مالكة القلوب@]

مع باتشييييييييي

زوجوها وفكوا عمركم

 

[سارونه555]

طيب ليه ما تقولي لا ام زوجك يعني تقوليلها كيف سلفتي ومن ذا الكلام وبعدين بيني لي ام زوجك انو ولدكي اكلمها وانك متضايقه من ذا الموضوع ومالو داعي اكلمها اعيالها ارجال وخلي ام زوجك توقف بصفك عشان لو فكر يخطبها امه توقف بوجهه وترفض وانتبهي لزوجك وحافظي عليه تراه بهاذا الزمن البنات كثرو وصار عندهم عادي خطف الرجال من عيالهم وزوجاتهم انتبهي لزوجك شكله مبسوط من سواليفها ولا ما يتصل عليها الا انو مبسوط والحريم ذكيات تلقينها تنكد معاه وتسعده عشان يتقرب منها اكثر وماعليكي كلنا ندعيلك انشاء الله

 

[ناني الشاميه]

والله اشك انه متزوجه مسياري ويبي يجس نبضك


سلفت امي سوت فيها كذا يوم توفى عمي
وصارت مررره دلوعه ويع مالت

وامي تدعي تدعي تدعي والله
بعد وفات عمي ب9 شهور تزوجت واحد شاب اعزب واصغر منها ب5 سنين
وهي عندها من عمي 3 عيال
مالكم الا الدعاااء يرد القضاء
والله جابت حاله نفسيه لامي
بس الحمدلله عدت على خير

 

[سحرالحياة]

وااااو لاتهولون الموقف عاااد..

والله إن أمي وأعمامي و أبوية و حريم عماني يمونوووون على بعض من دون أي مشاكل الحمدلله ..

عموما يمكن فيه شئ من المبالغة ، بس انتي لا توسوسين و تسيئين الظن.. ^_^

 

[زوجي بلسم جروحي]

اقلك غاليتي خلي عيناك مفتوحة

واكرر لا تنمين على فراش الغفله خليك مستيقضه ترا الرجال لما يحب يسوي شي

يرمي كلام ويقول هو مزح او ما كنت اقصد او او المهم خليك حريصه من الي حولك

اللهم اجعل زوج اختي ما يشوف غيرها لا حسن ولا جمال ولا كلشي الا هيا يارب كبرها في عيناه

 

[غاده سعود]

حبيبتي والله انفهرت من سلفتك وين الغيره تخلينها تاخذ ووتعطي معه
والله ان سلفتي انا ماخذه رقم زوجي في جوالها ولدها كبير في المتوسطه

وبعدين قطيت كلمتين في وجهها وقلتلها انا مسحت الارقام الحريم من جوال زوجي الا محارمه

لاني احيانا اكلم من جوال زوجي على اختي او سلفتي اذا بغيت غرض


وبعدين تغير وجهها قالت وبكل وقاحه ماعلي منك موجود في جوالي يامال الضعفا

انا ماعلي من احد اللي مايستحي مني اوريه دربه والله وبعدها تأدبت وكانت من الاساس حاطه عينها عليه حتى اخواتها يلمحون انه اذا اخذها زوجي وش بتكون ردة فعلي

الله يجعل كيدهم في نحورهم

فانتي حاولي انك تكسبين زوجك اما حماتك وريها العين الحمرا

 

[مدمنة صبر]

يالغلا وكلي امرك لله والله لو ربي ماكتب هذا الزواج لو تنناديه في بيتها وتتكشف له ما يتزوج واذا ربي كاتب بيصير

استودعي الله زوجك وكثري هذا الدعاء اللهم اصرف السوء عن زوجي

وتذكري ان الله لا يحب عمل المفسدين ..