سفر زوجي للخارج

[وردة متفائلة]

كيف حالكم حبايبي:bigsmile:
بودي استشيركم زوجي يشاورني بيسافر هو وربعه لدولة اخرى ويقول وش رآيج وهو وده بالسفر ؟
مع العلم انه ماقصر معنا دايم يمشينا حتى للخارج شو اعمل؟ انا حيرانه:tears::icon1366:

 

[الغلا كله222]

اختي اتوكلي على الله صلي ركعتين وخليه يسافر لا تخنقيه ادا هو ما يقصر معاج فليش الخوف

 

[تووب سكرت]

والله مستغربه منك بصراحه
لاااااااااااااااااااااااا تخلينه ابدا ولا تقوليين زوجى عاقل ومادري وشو الشيطاااااااااااااااااااان شاطر لو ماتبينه خله يسافر ويتعود على كذا الين تصيده وحده ثانيه ياتتزوجه ياتعلقه فيها انا مادري ماتتعلموون من الدنيا؟
ولا تقولين زوجى غير الرجال واحد حبيبتى وقلبي معاكى ربي علم وابغالك الخير

 

[مغتربه حزينه]

نفس الحاله اختي بس ليته شاورني يخطط ويرتب بكل سريه ولا
يقول لي الا اذا خلص على هاالحاله كل صيفيه واتمنى يشاورني
الله يفرجها ياليت الأخواات يفيدونا بحل

 

[تووب سكرت]

شوفو بنات انتم الغلطااانات عوتوهم على اسفر لو من البدااه قلتى لا وعملتى مشكله او خططتى له كان ماخذ وجه عليكى
تعرفووووو عنى ايش يسافر وحده او مع اصحااااااااااااابه؟
يعنى قدمتى زوجك لبنات اليل على طبق من ذهب كيف تقلبي على نفسك وحده ماتستاهل ضفرك تشاركك زوجك؟
لازم تشغلوووو مخكم وين(كيدهن عضيم)
والي تبي خطط تبطل فيها عادة زوجا السيئه اقولكم واذن الله تنجحوووو لو في اراده وتوكل على الله انك انتى على حق وهوا على بااااطل
ادخلو شوفو قصص الي عالجتها الاستاذه ناعمه وكيف كانو سافرو وايش كانو سوو الرجال
ذا من غر الي اشوفه بعينى واسمعه
كذاااااااااااااب في وجهه الي قول لزوجته مالمس غيرك
في السفر اجل وشوله مسافر؟ داعي مثلا؟
حفضون القران؟
طبعا لااااااااااا
الله المستعان والله قلبي ينحرق لمن اشوف نساء مضلومات وغافلااااااااااات

 

[@@الألماس]

اممممم احترت وانا اقرى الردود وكنت اتمنا افيدج رغم اني ضد انه نضيق على الزوج لانه من حقه يكون له وقته الخاص مع اصحابه لكن ردود البنات شككتني في قناعتي .

 

[تووب سكرت]

بعد اذنك اختى كف متزوج وعنده زوجه؟(مرتبط)وله حق السفر يعنى يعيش متزوج وعزابي بنفس الوقت؟؟؟؟
بعدين تجى الزوجه تشتكى زوجى خاين زوجى تزوج على زوجى اكتشفت عنده علاقه بس متى؟؟؟؟
بعد مايفوت الفوووت ماينفع الصوت والصاحب ساااحب عمر ماتجمعووو شباب وسافروو وحدهم غير عشان يبحثووو على الذه والمتعه حتى كبار السن كيف الشباب الي ي يغير وطفش من زوجته؟؟
يشوف البيضاء السمره المدلعه العريانه المتمايله في وجهه في كل مكان بالله بيقول لا لا واله انا معصوم ومنزه عن الغلط ومابغلط عشان زوجتى؟؟؟؟؟
طالمى احنى في الدنيا وفي شي اسمه شاطين الانس والجن وانتى تساعديه وتدفيه لغيرك مابيقول لا ابدا بالعكس بيقول خليها نايمه بالعسل هى الي سمحتلي الزوجه الي تحب زوجها وتخاف عليه عمرها ماتفرط فيه سواء بقصد او بدون قصد
الزوجه لازم تحمى بيتها وزوجها هو حق شرعى لهااااااا وحدها
ليش تسمح لغيرها تشاركها فيه؟؟؟؟

 

[وردة متفائلة]

الصراحة لو ارفض بيحس اني انانية :sad_1:ولو اوافق اخاف ياخذها عادة لأنه اول مرة يطلع برى بدوني

 

[امل الحياة]

الله يعينك انا بعد بيسافر دورة شهر كامل ورافض يودينا معاااه بحجة ان صعب عليه
والدولة اوروبية يعني فيهاااااااااا كل الحرية
قولي (وافوض امري الى الله ان الله بصير بالعباد))
واقري البقرة ربي يفرج هموم المهمومين...

 

[نبع المشاعر]

ممممممممم

انا معاج يا الجوري ان الصاحب ساحب وانه ما ينترك لهم الحبل على الغاارب لكن مب كل واحد سافر مع ربعه معناته بيخوون زوجته في بعضهم يفضل انه يرووح بدون اهله عشاان ياخذ راحه منهم ( هذي من وجهة نظره لان الاهل مسؤليه ) لكن لما يساافر مع ربعه من وجهة نظره اريح لانهم شباب وما راح يتحمل مسؤلية حد لكن ارد اقوول مب كل من ساافر مع ربعه خان زوجته صحيح الشيطاان شاطر لكن اذا كان خاايف من الله ويدري انه الله يشووفه والله ما يسويهااومب كل الشبااب يسافروون للمتعه لا حراام الظلم بعضهم يساافر استجمام ويستغل الفرصه اذا ربعه بيساافروون
انا اقوول لصاحبة المشكله لا تضغطين عليه دام انه مب مقصر معااج لكن ذكريه بان الشيطان شاطر وذكريه بالامرااض لا تحسسينه انج شااكه فيه حسسيه انج خايفه عليه من هالبلااوي وان شااء الله ما يصير الا الخير وتوكلي على ربج اختي​

 

[حبيبي ربي]

اللي قالت اخاف يقول عني انانيه

ليش انتي ماتقولين عنه اناني؟؟؟؟؟؟؟؟:icon28:

عجبي منكم يالحريم مضحيات لدرجه السذاجه

عن نفسي من اتبعت خطه تعجيز الجيوب ارتحت من سالفه السفر

يعني موافقه انك تسافر بشرط ابي مبلغ وقدره كذا (مبلغ يكسر ظهره) والا مافي سفر

وبهالطريقه شاف الموضوع ورطه وارتحنا من السفر للابد

واللي زوجها عنيد تهدده (مجرد تهديد ) بكل هدووووء انت من البيت للمطار وانا من البيت لبيت اهلي يمكن يخاف شوي

وكل وحده ادرى باللي يناسب شخصية زوجها​

 

[*صاحبة السمو *]

والله لا تخلينه حبيبتي كثير حريم يقولون لي لمن يبغى زوجك يسافر نكدي عليه يعني اخلقي مشكلة تمنعه من السفر لكن ماني عارفة كيف اخلق مشكلة خاصة اني ماأحب المشاكل لكن في نفس الوقت ما ودي صراحة يروح وحجته للسفر
مع كم واحد من ربعه للوناسة والضحك فقط وأنا أحس ربعه ماهم مظبوطين لا حظوا أنه موقت سفرته بعد ولادتي يعني في فترة الأربعين حقتي وهذا بحد ذاته مدعاة للقلق ​

 

[شمس البحرين]

والله انتي اذا كنتي واثقة من زوجك وما يقصر معاك خلية يسافر لا تحكرين عليه , علشان يزيد عطائه لك خليه على راحته بس انتي ذكريه بالصلاة وقوليله ان الله يراقبك وانا ي غلطة راح ترتكبها راح ترجع لي او لعيالنا ................واذا الريال يبي يخون راح يكون سواء كان برع الديرة او معاك

 

[فجر 89]

على حسب الاصدقاء الي بيسافر معهم



يعني اسئلي عنهم او يمكن انت تعرفيهم من كلامه عنهم


بعض الرجال يتكلم عند زوجته عن بلاوي اصحابه


استخيري وقرري