سفري قريب بس متورطة بطفلي ساعدوني أرجوكم...

[منه]

مرحبا بلقيسيات...
بإذن الله بسافر بداية 6 إلى ماليزيا :clap:
المشكلة طفلي عمره بيكون 6شهور ونص ما عارفة إيش ممكن أعطيه ياكل أثناء السفر:no:..
سفرنا أسبوعين مش ممكن أأكله طول هذي المدة سريلاك أيش أسوي للي عندها خبرة وجربت أرجوكم ساعدوني:icon1366:. ​

 

[FloOoOoOoNa]

هلا اختي,,,,6 شهور يعني توه بادي أكل صح؟ ولدي يوم كان ابعمره كنت اعطيه سيريلاك، تفاح، بسكوت فارليز، فارليز المعلبات الفواكه...طبعا والحليب...

انشالله قدرت افيدج....

 

[روعة مشاعر]

هلا اختي - تقدرين تعطية سيريلاك وميلوبا بالارز والفواكه المشكة والعسل فيه وايد انواع وبسكويت فارليز

 

[antelope]

فوري له خضار واهريسها، او عيش .. أكيد بيكون عندهم بويلر

 

[umm yusuf]

ليه ماتاخدي من الاكلات المعلبه الجاهزه بتلاقيها في السوبر ماركت بماليزيا وببلدك بس تاكدي انها حلال في الاول
وانصحك اغلي موية الشرب اللي بتع>يها له حتى لو كانت معلبه
سفر السلامه ان شاء الله

 

[سحايب الدوحة]

حاولي تاخذين كل شي متعود طفلك ياكلة مثل السريلاك والفرليز والميلوبا من بلدك عشان مايتغير علية شي في الأكل ويجية اسهال او ترجيع وحاولي اذا في مجال تخلية عند امك او اختك الكبيرة عشان هو صغير وبيكون متعب واجد في السفر ولا تنسين ادوية الحرارة والسهال والترجيع خليها معاكي

 

[منه]

أشكركم حبيباتي على النصائح الجميلة وإن شاء الله آخذ معي كل شيء من هنا أحسنلي يعني يحتاجلي شنطة كبيرة حال البيبي بس الله يستر
تصدقو متعودة أروح من غير العيال بس هذي المرة قلت حرام قلت آخذ الكبير 6سنوات لأنه يتمنى يروح ماليزيا خصوصا لما شاف (عيش سفاري) والصغير أما الأوسط 3سنوات أخليه عند أمي لأنه إذا تولف عند أخوه الكبير يرفعون ظغطي وما أتحمل والصغير متورطة معاه عشان رضاعة قلت حرام أخليه المهم هي تجربة وأنشوف النتيجة بعدين...

 

[sammora2]

حبيبتي خذيهم كلهم انا لما رحت ماليزيا كان عندي 4 اطفال الصغيرة عمرها سنة اخذت عربيتها و وبصراحة مرة انبسطت انا و زوجي وبصراحة احنا اخذنا معنا جبنة كرافت وجبنة البقرة الضاحكة وعسل عشان الصغار بصراحة ما أحبهم ياكلوا من الشارع اي شئ إلا يكون مطعم مضمون ونظيف
لأن في بعض جزرالبلد بسيطة رغم المناظر الطبيعية الجميلة
رحنا جزيرة لانكاوي و جينتنع وبيننغ وبعدين رجعنا لكوالالمبور
خذي عيالك وانبسطي ​

 

[منه]

شكرا سمورة نبهتيني لنقطة مهمة كنت بنساها تصدقي شوية جبن وعسل وبسكويت تنفع وقت الجوع المهم بالنسبة لطفلي الأسط خلاص قررت ما آخذه لأنه صياح وااااجد بسبب وبدون سبب فأعرف نفسي بينكد علينا مع إني عارفة من أول ليله أحن إليه وأبكي كل يوم كالعادة في كل سفرة.

 

[*شوكليت*]

غاليي تأكدي انج اذا خليتي ولدج الوسط راح تجين ويزداد عسارة وشغب,لأنه طفل ويبي أي طريقة يلفت نظركم.
وبعدين ولدج راح يتعقد وتتغير نفسيته لأنه ما يعرف يعبر عن اللي بنفسه!راح يفكر ليش أمه وأبوه وأخوه الأكبر والأصغر يسافرون إلا هو!!!!؟؟؟؟؟
آنا متأكدة انج منشغلة بالصغير لكونه يحتاج لرعاية خاصة..وكذلك الكبير لأنه أبنك البكر ومنشغلة عن الوسط,, فهو يسوي جذي عشان تهتمين فيه بأي طريقة !لو بالصراخ!!
نصيحةاهتمي فيه أكثر وأعطييييييه حنااااااان وعانقيييييييه وااااايد وتجاهلي حركاته البايخة وامدحيه واااايد وراح تشوفين اشلون ولدج راح يتغير**وبصير أحسن عيالج***
الله يجعلهم قرة عين لج ****

 

[@جودي@]

حبيبتي,,ليش تخلين طفلك الاوسط ..والله حزنت عليه ,,بس اكيد قلبك مايخليكى ماتاخذينه
والله حرام وش يقول في نفسه ..خذيهم كلهم وادعي ربي يساعدك
سفره موفقه يارب ,,

 

[القـــــلب]

نصيحة مني اختي اخذي كل اكل متعود عليه ولدج من بلادج

واذا كان يشرب الحليب خذيلة كمية تكفيه

انا اتورطت مع ولدي اخر 3 ايام خلص الحليب ومع اني حصلت نفس النوعية لكن هو ما استساغة وما طاع يشربة وهو عمرة سنة ونص صج فيه نكه غريبه

عشان جي لا تعتمدين انج تاخذين شي من هناك

واخذي جبن وعسل ومربى بتستفيدين منها هناك

ممكن اتاكليه هناك روب او فواكه وسيريلاك

اخذي معاكي بسكويت فارلز حلو ويشغلة وهو يالس فالعربانه

والله يسعدج يارب وتستانسين فالرحلة وعشان تكتمل فرحتكم اخذي ولدج الاوسط حرام

تحياااتي

 

[سأظل أدعو لك]

من رأيي خوذي الكبير والأوسط

والصغير خليه لأنه محتاج رعاية

وراح يشغلك

 

[منه]

لا ما أقدر أخلي ابني الصغير مسكين أريد أرضعة طبيعي بالنسبة للأوسط أخليه لأنه متعب إحنا لما نطلع حديقة أو سنتر أكره نفسي معه من كثر النكد وماما أريد واريد واريد....

 

[أم هــزاع]

هلا حبيبتي ،، انا رحت ماليزيا و ولدي ف عمر ولدج

أول شي وين بتسكنون ، فندق و لا شقة ؟

اذا فندق بتحتاجين تاخذين معاج جدر صغير +

و خذيه معاج عيش و شوربة بس ف علب صغيرة

و بتحصلين فواكه و خضار عندهم و طبخيله و اهرسيهم

و علب بلاستيكية أو من الزجاج عشان تحطين الاكل عقب ما تطبخينه

سيريلاك و فارليز و بس ما أفضل تعطينه الفواكه المعلبة

أنا كنت أطبخله قبل ما نطلع و أجهز كل شي ف علبته و الحمدلله ما كنت أتعب ف الطلعه

 

[في منتهى الرقهـ]

عورني قلبي على ولدك الوسطاني حرااام خذية لاتفرقين بينهم و3سنوات يفهم يعني كل ماسولفتواعن السفرة بيستغرب وبيتسائل ليش انا لا