اسرار السعادة هي 1/ احترام الزوجة لنفسها وفرضه على الزوج
2/ عدم التقليل من نفسها او اهلها مهما كانوا ظلام او شينين
3/حبها لنفسها من لبس مكياج سفر الخ بس حسب وضعها الاقتصادي مع زوجها والاجتماعي
4/احترام اهله وتقديرهم وماتجيب سيرتهم الا بالطيب او تسكت
5/تجامل اهل زوجها في المناسبات وتكون ايجابيه مع ام زوجها
6/تثقف نفسها دائما بماهو جديد في العالم من كوارث اختراعات اكتشافات مو يتكلم معاها يلاقيها فقاعه
7/اسرار بيتها ماتطلع من غرفة النوم مو تفضفض حق صديقتها او جارتها ولا حتى امها لانها تشيلها الهم وبعدين تتراضى معاه والام تشيل في نفسها عليه
8/حببي زوجك في اهلك ولازم بطريقتك الحلوة يجاملهم في مناسباتهم ويسأل عنهم ويكون بينه وبين اخوانك تواصل
9/لا ترضخي لام زوجك اوخواته اذا حاولوا يسبون زوجك قدامك عشان يستدرجونك خلي الكلمة الطيبةهي كلامك ولاتبالغي في مدح زوجك عشان ماتفتحي على نفسك جبهه من الغيرة وانت الخسرانه
10/ احتسبي كل عمل تسوينه لله سواء لزوجك او لنفسك اواهلكم حتى تؤجري عليه مع تمنياتي للمتزوجات بالسعادة والبنات بالازواج الصالحين