سبحان من غير الاحوال

[ليت البشر مثلك]

بسم الله الرحمن الرحيم

انا بقولكم قصتي بدون مقدمات وما لقيت قسم يتناسب مع مشكلتي وفيه تفاعل مثل هالقسم


مشكلتي اني انا واختي نعامل عيال خالي مثل اخواننا واكثر
حتى ان فارق العمر بيننا وبينهم كبير لدرجة ان اقل عمر بيننا هو 7 سنوات
من الطفوله وحنا مع بعض لدرجة انهم لما كانوا صغار كنا نسوي لهم الحليب ونغير ملابسهم
وكبرنا على اننا اخوان وماتغطينا عنهم
هم ماعندهم خوات وهالشي اللي قربنا لبعض اكثر
وكانوا يقولون الله عطانا خوات يقصدوننا
كانوا يشتكون لنا ويستشيرونننا بكل صغيره وكبيره
ولو بوصف حجم الاخوه ما اقدر شي فوق الخيال .....
امهم متشدده نوعا ما وشكاكه لدرجة انهم حتى لو يصيرون بغرفه لحالهم
تدخل عليهم فجأه وتشك فيهم ... حتى مفتاح بغرفتهم ما فيه من زود الحرص والشك الزايد
مع انهم ما شاء الله لاقوة الا بالله صالحين
كل واحد له شخصيه مع العلم انهم بالاساس توأم
خالد شخصيته هادي وعاقل متحكم بتصرفاته ورزين
عمر مناقض تماما رجه وملقوف وعصبي ولا يتحكم باعصابه اذا زعل
مشكلتنا اننا لما خلصوا الثانوي بدت المشاكل
كان خالد مع اختي الكبيره يساله ويستشيره ويعتبره مثله الاعلى
وعمر معاي
مكالمات مع بعض ماننقطع ابدا لدرجة اننا باليوم اكثر من خمس مكالمات من غير المسجات والايميل واهلنا على علم
امهم الله يهديه ازعجتني بشكه وملاحقاته لي وكأننا بفلم بوليسي من غير ماعرف السبب
كرهتني حتى بنفسي ماادري وش سبب الشك ولااعرف وش سبب ملاحقته
وبمجرد اني انخطبت وملكت بسرعه انا بما اني ببدى حياة جديده وزوجي انسان ملتزم قررت اتغطى عنهم
عشان مابي مشاكل مع زوجي ومع امهم الشكاكه وعشان ماعطيها مجال تشك باخلاقي اكثر
عمر وخالد انصدمو لاني تغطيت عنهم وقالو مستحيل الاخت تتغطى عن اخوانه
ومع ذلك استمريت بالغطى عنهم لدرجة انها نزلت دموعهم لما تغطيت عنهم
بس ارتحت من امهم لانها اعتقتني واطلقت سراحي
على ان مابيني وبينهم اي شي والله يشهد علي
تزوجت ودخلت حياة جديده

بقت المعاناة مع اختي الكبيره
والسبب ان عمر الله يهديه مره كذب كذبه وقامت هي وقطعت اتصالاته عنه نهائي ولا كانت ترد عليه
قام عمر وارسله رساله من الزعل ليش تردين على خالد وانا مطنشتني
وارسل رساله ثانيه تحمل التهديد ((((والله العظيم اني لاااغير نظرة اهلي لك ))
مااعطت الموضوع اي اهميه
اختي ولله الحمد من اعقل البنات والكل يثني على اخلاقه وعلى تربيتنا ولله الحمد
المهم
مع الايام بدت اختي تستغرب من تصرفات امهم وهي انه اعادت نفس مسلسله القديم بس هالمره مو معاي مع اختي الكبيره
بدت باسلوب الملاحقه والمتابعه اختي استغربت بس تقول خليها بسلامته تتابع وتشوف بعينه كل شي واضح
وغطوه والله مااحطها عن اخواني
اكتشفنا بالاخير وهي الصدمه ان عمر غرس فكره عند امه الا وهي
ان بين خالد واختي الكبيره علاقه
بالرغم من ان اختي اكبر من خالد بـ 10 سنووووووووووووووووووووووااااااات
والاهم ان خاااالد خاااااااطب
يعني باللعقل ماتجي
ولاتدخل المخ
بس هو غرس الفكره براس امه
وتخيلوا الوقاحه وين وصلت بعمر حاول يفرق بين خطيبة خالد وبين اختي الكبيره
بس الحمدلله خطيبة خالد عرفت طبع عمر وسكتت وعدت الموضوع
اختي الكبيره انقهرت لدرجة انه تعبت نفسسسسيا
وانا انصدمت من تصرفات عمر لاني كنت اكثر وحده قريبه له ولا توقعت بيوم من الايام يسوي التصرفات الدنيئه
والمصيبه الحين انه يتكلم فيني عند اهله
وش السبب ماادري
اخوه خالد قالنا ان عمر لما تزوجت انا مالقى احد يتكلم معاه خصوصا ان حتى اختي ماترد عليه
وعشان كذا انهبل وقام يسوي هالاشياء
والمصيبه ان امه تتواصل معانا بس من ورانا تسبنا وتكرهنا
اختي صح شايله بخاطره على عمر بس تقول مهما كان يبقى اخوي الصغير


المشكله انا واختي مو عارفين شنسوي ووشلون نتصرف
لان اهلنا مره مترابطين مع بعض وعلاقتهم قويه
ومانبي نفرق العايله
خصوصا ان اهلنا كبار بالسن
لاتحسبوني اهول الامر هذي الحقيقه بدون تزويد
انا نزلت الموضوع ابي رايكن واعتبرني اخت لكن وانصحني
شلون نفهم ونوضح لام عمر ان عمر كذاب بدون ما نفرق العايله واننا نوقف عمر عند حده
​

 

[أسطورة قمر]

الله يعينك ويفرج همك
آمين

 

[@ميموالسوله@]

طنشي ياقلبي وش عليك اما عموووووووووووووووووووووووره هذا علاجه الزواج زوجوه
كذاب صادق مو مهم المهم انتي وزوجك مصلحين وخالد وخطيبته نفس الشي وبسيطه جت على كذا قولي الحمدالله ولكن عمووووووووووووووور لازم يتزوج مشكلته فراغ عاطفي

 

[حزينه حد الجنون]

مالكم الا المواجهه جيبوا عمر وامه واختك ويتكلموا وتتصفى النفوس والله ييسر امركم

 

[نجفه منوره]

الله يكون بعونك ولكن هذا الشى خطا من البدايه لانهم ماهم محارم لكم ولايجوز كشف الوجه عندهم هدانا الله واياكم

 

[تشكرات]

أدري أن الموضوع متعبكم أنتي وأختك ...لكن مو لازم المواجهه

معهعم ولا هو لازم العتاب والتوضيح ....لأنه من الأساس أنتم

أخطأتم ..أقصد >>أنتي وأختك ..كان المفروض ..ومن يوم ماكبرتم

أتغطيتوا وأحتجبتوا عنهم ...لأنهم ليسوا بمحارم لكم ....وهذا ماجعل

أمهم ( تغضب وتتمادى في غضبها ) ....

( ياأختي ما بني على باطل فهو باطل ) ....

البلبله اللي حاصله الآن ( أنتم السبب فيها ) ...

فأنا أنصحك وأختك ( بتناسي المشكله والاعراض عنها )

ومادام كل واحده منكم ( مشت في دربها وعرفت حياتها وطريقها )

فأتركوا الباقي ( لله ) ...واللي يتكلم خلّوه يتكلّم ..فله رب يحاسبه ..

( أحتشامكم وستركم وهدوؤكم وعدم الخوض بالكلام الكثير )

( هو المكسب الحقيقي لكم ) ..وأتركوهم لله ...

والله وحده هو من ( يدافع عنكم ) ..

 

[رازيا]

مع تشكرات