ساعديني وعطيني حل يا آستاذة ناعمه...

[full moon]

اريد احل مشكلتيه يللي احسبه موقفه ومتعلقه اريد انهيها بأسرع وقت مع الزوج يللي كان خاين .. وييت مره عندج وقلتيلي الجلسه الثانيه بنكمل بس الله ماراد وقالولي انهاروم اشوفج بعد اربع شهور ، واحين ماقدر ابدا بشي واحس انه هوه قاعد يكبر المشكله ومايبا ييلس معايه ويقول اني انا اكبر كلشي معني مافتحله السالفه وهوه يرد يفتحعا ويقول ليش خبرتي اهلج ويقول يوم يشوف ويهي يتنكد معني ماكلمه بس اني ابتسم وانا ساااااكته على اني ماسوي أي شي بدون ما تقوليلي عنه احاول الهي نفسي عشان مافكر فيه بس ماقدر الشك بيذبحني ماتحمل يوم إيي البيت مايشوف ويهي يكلمني بدون مايشوفني وانا يلي مآشفت يوم اشوفه مره بلغلط دخل الحمام الساعه ثنتين فليل وانا يالسه في البانيو ومع رغوه مب قصدي اخلي الباب مفتوح عشان يدخل بس عشان اسمع عيالي إذا قامو من النوم دخل وشافني وسكت وبعدين رد قالي ليش احين تتسبحين في هذا الوقت ومخليه الباب مفتوح ؟ سكت وقلت هذا وقتي يللي ارتاح فيه من حشرة العيال ورد شل نظره عني وقال خلصي بسرعه اريد الحمام.... وقعد عدالي علبانيو وشوفني بس يوم اشوف مكان ثاني وهوه يريد يتكلم بس مايريد يشوفني ... قمت ورشيت عمري بلماي البارد ولبست الروب وطلعت ولا قالي آي كلمه هذي اول مره واخر مره ييلس معايه من بعد المشكله واحين الاحظ انه ما يشوفني ولا يكلمني إلا إذا يريد يرقد ويايه وماييني إلا إذا شافني تعبانه واريد ارقد او انه يوعيني من نومي شوه ظنج يا استاذه ناعمه هل يريد يراويني اني مش جاهزه عشان يقولي انه يريد يعرس عليه ويزعل لواقوله اريد اروح الحمام قبل ليسوي يللي يريده احينه انا من شهر ومآرقد اكون دووووووم جاهزه ومترتبه عشان مايقول اني مش جاهزه ويم يشوفني في قمة نشاطي ماييني إلا لو غفت عيني ، ودي اقوله في ويهه احقير شوه هذا التعذيب!!!! ساعدين بأسرع وقت ... الله يخليج ياستاذه ناعمه ..

 

[أم خماس]

الله يكون في عونج اختي

 

[دلـوعـه]

الله يعينج يالغاليه

ويعنا على هالرياييل اللي قاضين عمرنا كله نفكر فيهم وفي رضاهم وهم تفكيرهم بس في عمارهم

 

[full moon]

يزاكن الله خير ، اريد نصيحه من الإستاذه ناعمه لو سمحتي آي شي ..

 

[لحن الأنوثة]

حبيبتي الله يكون في عونك

وعليك بالدعااااااااء حبيبتي

 

[ام شهد]

الله يكون في عونج وان شاء الله الدكتورة ترد عليج

 

[اسماء وحروف وردية]

ربي يكون في عونك

 

[full moon]

دكتوره ناعمه قوليلي اي شيئ لوكلمة (إصبري) ماعرف شوه اسوي؟؟

 

[ليليان وبس]

حبيبتي

أ. ناعمة في أجازة ,, يعني يمكن ماترد عليكي يمكن تكون مسافرة وماتدخل النت..
أقترح كلمي سكرتيرتها بالمكتب.. وشوفي يمكن فيه مجال تتصل لك عليها

الله يفرج همك يارب

 

[*مثايل*]

الله يعييينج الغالية ويفرج كربتج ان شاء الله
ومحد منا ما يشتكي من هالرياييل اللي مشيبيين رووسنا الله المستعان بس

 

[full moon]

يزاكن الله خير مافيه وحده مرتاحه..

 

[روعة روح]

حبيبتي انا اللي فهمت من قصتك انه اذا كنتي كتزينه ما يبيك

بس اذا شافك نايمه وده فيك

انا ما ادري عن تفاصيل مشكلتك بس اغلب الحريم يمرون بهالحرحه من الرجال

انا شخصيا اذا شافني متزينه قليل يقرب صوبي بس اذا كنت نايمه او مومستعده يجي

عادي تدرين صرت ابين مو مستعده او انام بدري وادري انه بيجي

والله يعينك

 

[bent-uae]

الغاليه..
اسمعي..حاولي مع زوجج بالين والمعرووف وناقشي معااه اسلوبه..وشو الي مضايقه..
وحاولي اتحلين مشكلتج معاه بدون تدخل لاهل او طرف ثالث..
صدقيني الريال يوم اتعاندين معاه او اطنشينه..هو يبادل بنفس الاسلوووب بس بزيااده..
حاولي تتوددين اليه..مثلا فاجيئيه بعشا رومنسي..صدقني بالطيب اترومين تملكين ريلج والكلمه الطيبه..
وبالتوفيق..
ادري انه ردي ما يوافق عليه كثير من الاخوات بس جربي..

 

[full moon]

انا احين اتعامل معاه بلطيب وللين ..بس مافيه فايده ابداً اريد اكلمه بس مافيه وقت من الشغل إلى النادي ومن النادي لين الأشغال يللي ماتخلص واخر شي إيي تعبان ويرقد او ايي وييلس علنت ... بس اليوم باسوي عشا رومنسييييييييي ، إدعولي !!:sadwalk:

 

[روعة روح]

يارب ينفع بس سويه من كل قلبك وحتى لو ما صار حاولي بشي ثاني

ولا تتحطمين بالعكس خلي هذا يزيدك اصرار

ويارب يهنيك

 

[full moon]

بصراحه ودي اكفخ ويهه بنعال ليييين مايزل عقله ... لأني انا يللي افكر مش هوه.. احينه يايتني صكه في صدري ماروم اتكلم ولا اتنفس طبيعي من القهر .. وبيموت لو شافني تعبانه يريد شي بس اشرد عنه ارويه اني تعبانه عشان يحس بس مافيه فايده ..

 

[full moon]

اتمنى انه الدكتوره ناعمه ترد عليه لأنه السالفه كل مايالهه اطول تظايقني اريد نصيحه.

 

[vdhq]

لله يعينك
ويرده لك ردا جميلا
اصبري يا اختي وعليك بسهام الليل
الله يفرج عليك فرجا قريبا

 

[لو يموت الحزن]

شو سبب المشكله بينج وبينه عشان يكرهج لهاي الدرجه .

وليش ما تكلمينه عن الي يسويه وياج وهذا غلط الي يسويه وياج

عنبووه ولا زوج فيه خير شو استوى بدنيا هاي الكل يشتكي .

لا حول ولا قوة الا بالله

 

[full moon]

حبيبتي (لو يموت الحزن) هوه أحسبه إنسان مش طبيعي متناقض ولا فعمري بافهمه يقول كلام ويرد يغيره ،ويجلب السالفه ويغير ويطلع منها ولا كأنه قال شي مثال (اليوم قال بيودينا بيكشتنا بس رد قال لا وايد بعيد ومخاسير وبعدين يوم قلتله إنته رايح مع ربعك تستانسون وانا يللي وعدتني شردت عني قال لا انا قلت باوديج بس طلع الوقت متأخر...
شي يقهر ماعرف كيف بيي الياهل يللي في بطني هل بيعيش ولا.....
لأنه بدايت حمالي هذا كله مشااااااااااااااكل كانت حياتي زي الفل...
من عرف اصدقاء السوء بدت المشاكل والزعل ، انا بصراحه وايد احبه مالي غيره شوه اسوي؟؟؟؟ ينيت لدرجه اني مرات اصيح بدوووووون سبب كله والله من الهم...