ساعديني دكتورة في مشكلتي ويا ريلي.....

[ام حمود وحماني]

السلام عليكم،،

دكتورة ناعمة،، من 3 اشهور اكتشفت انه ريلي كان يكلم وحدة وياه في الدوام وتواجهت وياه وانحلت المشكلة وتاسفلي وصار احسن منه ما حد، ونسينا الموضوع... المهم من اسبوعين اكتشفت انه رجع وياها وبينهم مكالمات ومسجات.. ويوم واجهته ما عرف شو يقول وانا قلتله انه ما يحبني وما عطيته فرصة يشرحلي اكثر،،، ومن 3 اسابيع من استوت هالسالفة احنا ما انكلم بعض الا بالضرورة وكل واحد في حاله والعيال يروحون ويردون علينا.. وهو حتى ما ايحاول ايراضيني او يرجع ايحاول ايكلمني وراح اينام بالصالة،، وانا واااايد متضايقة من موقفة السلبي وافكر اني اروح بيت اهلي .. والله اني محتارة...واذا رحت اكلمه بيعتبر موقفي استسلام...

ساعديني دكتورة​

 

[ام حمود وحماني]

بنات.. اريد اراءكم بعد وتعلقيكم عالموضوع..... ومشكورين

 

[ام القمره]

ما لك الا رب العالمين ادعي ان ربي يرده لك ردا جميلا صدقيني الرجال خصوصا بعد الزواج بفتره طويله ماتقدري عليه بس اكثري من الاستغفار والدعاء

 

[أم خماس]

وين عقلج يا حرمه ما دريشو اقولج انتي يبالج ضرب انتي بهاي الحاله راح تعطينه المجال ان يتعلق فيها الحقي على عمرج قبل ما يروح يا اختي فكري بعقلج اكسبيه خليه يندم ان كلمها ......

لي عوده

 

[أم خماس]

كلميه وشوفي ليش يسوي جي شو يدور برع وانتي ما عطيتيه لا تقولين اطبخ له اغسل له .... واجهيه وصارحيه اهم شي تكلميه بهدووووووووووووووء وبدون صراخ اليوم
فهمتي ولا لأ اليوم تتكشخين لبس حلو مرتب ريحه حلوة وورقدي اليهال من وقت وطرشي له مسج انا اترياك حبي يلللللا شدي الهمه اختي حاربي على شان ما تخسرينه


الله يوفقج ويسر لج امورج يارب

 

[أم خماس]

لا تغلطين وتروحين بيت اهلج ترىة بتكون اكبر غلطه في حياتج تمي قاعده في بيتج وبيت عيالج

 

[ميوسه]

عزيزتي

_ رجعي ماكان بينكم بطريقه غير مباشره

_ نمي وطوري ذاتك وحبي نفسك وبديها على زوجك واطفالك

_ اهتمي بشكلك وملبسك وتصرفاتك ادخلي قسم الاتكيت والحياة الجنسيه بالوقع وتثقفي.

_ لاتكلميه عن الموضوع وطنشيه هو وموضوعه

_ امشي بالبيت بكل فرح وسرور امامه مع تطنيشه كل هذا لكي انتي وسيلاحظ ان التغير والملابس لك ليست له وسيجذبه هذا الشي

باختصار طبقي قصة ام بسمه الامارتيه في قسم القصص تحت عنوان(هذه حكايتي ) لانها شبيه بمشكلتك

طبقيها جيدا

والشي الاهم بما انك امارتيه انصحك نصيحه جوهريه وممتازه جدا


اشتركي بالمركز وخذي استشارات من استاذه / ناعمه الهاشمي


غيرك يتمنى هالشي وهو بعيد


بسرعه قبل لايضيع زوجك منك لان مشكلتك لسى على البر لاتتطور ووتتعقد


موفقه

 

[samba1390]

انا اقول النقاش والحوار اكبر مفاتيح حل المشاكل

والسماح والعفو افضل عطر نعطر فيه حياتنا

 

[أم خماس]

ام حمودي شو سويتي طمنينا

 

[ام حمود وحماني]

السلام عليكم،،
مشكورات حبايبي عالردود،، بس انا جذيه احتاريت زيادة... لاني اعرف انه زوجي ندمان وحاس بتانيب الضمير بس مو قادر يعترفلي او يطلب السماح،، اتعرفون طبع الرياييل كيف،، وانا اذا رحتله بتكرر المعاناة مرة ثالثة ورابعة.. عشان جيه انا محتارة وطلبت مشورتكم... والمعد بعيد علي انا ساكنة في دبي والمركز في ابوظبي ولا جان رحت على طول..

وشكرا مرة ثانية..

 

[ام حمود وحماني]

وينكم بناااات؟؟؟

ساعدوني

 

[ام حمود وحماني]

دكتورة لو سمحتي ابى استشارة عاجلة... وشكرا

 

[مشاعر أنثى]

صح انا مو متزوجه بس حبيت اعطيج شوري..
انتي تقولين انه اكتشفتيه انه يرمس وحده وعقب تناقشتو فالموضوع وودرها وعقب ردلها مره ثانيه..
من طبع الريال التنويع..يعني يا يعرس يايرمس بنات..
انتي حطي مكانج مكانه ..حرمتي تسويلي جذا وجذا و....الخ بس مليت من هالروتين ابا شي يديد ...ومادري شو.؟ شو بتفكرين بتقولين برمسلي وحده شو خسران بس هي رمسه انا مابعرس..
وهني بدت اللعبه ....والزوجه هي الخسرانه..انتي عارفه انه متلوم لانه هو اصلا مب عايبنه لي هو يسويه..

انتي شوفي نفسج الفترة لي هو يرد يرمس فيه البنت انتي شو كانت حالتج..هل كنتي من النوع لي يتعدل ويتكشخ وتتدلع...الخ
اما كنتي مشغوله بعيالج وكنتي مهمله نفسج وريلج..هل كنتي حامل..؟؟لان هالفتره اكثر المتزوجين يتعرفون فيها على بنات..لييش.؟ لان الحرمه مبتلشه بحملها ووحامها..لدرجه انهم يمارسون العاده السريه..!!!!
انتي اتذكري شو كانت وضعيتج يوم هو كان يرمس البنت.؟؟
ويوم اتكرر انه رمسها انتي كيف كنتي..؟؟
خبرينا وبإذن الله بنعطيج الحل..!!

 

[ام حمود وحماني]

السلام عليكم،، انا ساعات ما احب اتكلم وااايد واحس عمري اني تحت ضغط لاني اداوم وعندي ولدين الحمدلله وولدي الصغير امتعبني في الرقاد وعندي مشاكل وااايد في الدوام،، وبنفس الوقت هو فيه سلبيات وااايد يعني هو من النوع الكتوم البارد اللي ما ايحب واايد اني اشتكليله من دوامي وحياته وااايد روتينية ودائما احاول اقوله خله نطلع انغير جو انا وانت بس ولا انسافر مكان بس كله ايقول مالي نفس وما احب الزحمة ،، وكنت اراعيه واقول يمكن الريال تعبان من الدوام وهاذا يوم اجازته الوحيد واخليه يرتاح وبعدين تميت انا احس بضيق وملل شديد من الحياة الروتينية وضغوط الدوام والضغوط المالية،، بس فوق ها كله كنت احاول اني ما احسسه بهالشي عشان ما اضغط عليه،، يعني ايام الاجازات قمت ما اقوله طلعني وقلت اذا هو حاب بيطلعنا،، يعني والله كنت مراعيتنه في كل شي وعلى حسابي وحساب عيالي،، حتى من الناحية المالية،، معاشي كله انا اصرفه على العيال وكنت اقول خليني اساعده بمصروف العيال عشان ما ارص عليه،، وبعد ها كله ايكون هاذا جزاي،، ايخوني،، وها اللي امخليني مو قادرة اني اكلمه او افتح الموضوع معاه من طرفي عشان انا اشوف اني استاهل اعتذار منه وعشان ايحس ان اللي سواه كبير...
ساعدوني لو سمحتوا.... والسمووحة

 

[مشاعر أنثى]

هاذي هي غلطت الحريم..أراعيه وأساعده ومادري شو..!!:icon28:
الريال هو المسؤول عن البيت وعياله وحرمته يعني انتي من طيب اصلج بس تساعدينه بس كيف تكون مساعدتج انج تحاولين تظهرين انه الحمدلله الخير عندج واحيانا طلبيه حسسيه انه مسؤول عن بيت وعن زوجه
المهم الحين ماينفع هذا كله..
انتي انسانه اداومين وعندج عيال ..الحين العلاج لازم يكون من طرفج انتي
يعني انتي غيري الجو بكبره..إذا ريلج من النوع الروتيني والكتوم فأنتي خليه عكس هذا كله..
حاولي انج كله تكونين مبتسمه..حت لو عيالج معذبينج خلي عمرج في قمة الوناسه ..اتكشخي كشخه مب طبيعيه..يعني ولا جنه شي صاير..واونج ادلعي عليه...بس دلع معقول..قوليله اليوم ابغي اسير بيت هلي اتصدق اشتقت لفلان وعلان..واتكشخي جنج سايره عرس..طبعا بتنرسم علامات استفهام كثيره فويهه..خلي عمرج اونج ماشفتي شي
وعقب يوم تردين كوني بعد متكشخه بس غير عن يوم كنتي سايره بيت هلج يعني غيري وكوني لابسه قميص نوم ..ورقدي عيالج وادلعي عليه .. الحين فاللحظات افتحي وياه النقاش بس خلي الجو رومانسي
يعني قوليله صح انت ترمس وانا اعرف انك ريال تخاف ربك بس حبيبي اذا انا منقصه فحقك بشي قولي انا ترا لي كرامه حت لو هاي لي ترمسها ماتعرفني بس حس فيني انت قول انا يوم ارمس فلانه معناته اهين حرمتي لي تحاول تسعدني واذا انا فعلا منقصه قولي ترا الانسان مب كامل..واطبعي قبلة حارة فيبينه وبعد فخشمه ورقدي عداله..صدقيني بيلس يفكر فيج ..وعقب ماتنشين ومثل ماقلتج اونج تجاهلي السالفه وكوني مبتسمه وحاولي انج يوم تين من دوامج وتشوفينه حظنيه من ورا وقوليله اشتقتلك:in_love:..وابتعدي عنه وسيري تسبحي ولبسي وتعدلي .(ميك اب خفيف حلو). وحطي غداكم.وان تغدا قبلج قوليله بالهنا..بيني انج فرحانه انه اتغدا صح بتحز فخاطرج بس حاولي تكونين لنفسج و تسعدين نفسج وصدقيني بينعكس على ريلج..اصنعي السعاده بيديج..حاولي تكونين كله مبتسمه ولاتبينين انج متكدره وتعبانه من العيال والدوام..واهم شي خليه يفظفظلج انتي وبس مب يدور حد من برا عسب يشكليه..ليش هو رمس هالبنت لانه حس محد فالبيت بيسمعه ..انتي كله من الدوام للبيت والعيال وتكونين مضيجه فحب انه مايزيدج بس عالج الغلط بالغلط..!!
اتمنى اكون ساعدج بس صدقيني طبقي اللي يناسب وياريلج..بس اهم اهم شي واللي احس انه هو بيلاحظه وبيشد انتباه انج طول اليوم وانتي مبتسمه ومتكشخه ..هذا بيخليه يدور شو السبب..واذا ترقصين سوي حركه انج ترقصين وانتي مبتسمه وسوي حركات اللي قالت عنهن ريل ليدي فموضوعها عن الرقص الشرقي ..وخلي عمرج اون مب منتبه انه هو وراج يعني استغلي الفرص المناسبه.. وارقصي رقص اغرائي شوي..كل هالامور بتخليه انما اييييييييييييه..بيتم يفكر فيج وان شغل باله شي صدقيني بينسى لي ترمسه وحت يوم ادق بيتم يتهرب من مكالماتها..لانه شغله الشاغل الحين هو حرمته لي تغيرت فجأه..:msn-wink: