MISS ARMANI
New member
- إنضم
- 18 ديسمبر 2009
- المشاركات
- 154
أنا وايد محتارة و أبي منكم تساعدوني لأن مالي غيركم من عقب الله ..
أنا متزوجة صار لي ثلاث سنوات تقريباً ، و عندي ولد و الحمدلله ، بس مشكلتي مع زوجي إن ما يطوف يوم و ما تكون فيه مشكلة من بينا و لو بسيطة :sad_1:، المشكلة إن هو وايد عصبي و أنا بعد بس للعلم إني ما كنت جذي قبل الزواج ، يعني من بداية زواجنا و نحن مشاكل في مشاكل و مع إن عقب ما نتصالح إنرد سمن على العسل و لا كأن شي استوى ، أجوف فيه أشياء غريبة يعني قبل لا أتزوج أجوف خواتي جدامي يوم يتكلمون إن رياييلهم يطلبون منهم إنهم يغيرون شكلهم من فترة لفترة بس أنا للأسف لا ، يعني لازم الوحدة من فترة لفترة اتسير الصالون:2: أنا لا على كل سيرة لازم في مشكلة يعني كله يحاسبني أنا اللي أعرفه إن الريال يموت من الفرح إذا مرته قالته بتسير الصالون يعني على أساس إنها بتكشخله و يحس بأنوثتها:1: بس أنا لا منو يقول ؟؟ إلا أول سؤال يسألني إياه ليش؟ و شحقى ؟ و مب من فترة سايرة؟:30: يعني لين ما يقلبها نكد و تصير مشكلة يلين ما صرت إني ما أخبره و لا صرت بيت أهلي خلصت شغلي و رجعت و كان الله غفور رحيم .. بس هاي مب حالة لا و القهر إن من فترة قاللي إنتي ليش مب مهتمة بشكلج و ما تكشخيلي إلا يوم تظهرين مكان:2: ؟؟؟؟؟؟؟؟؟؟ يعني هذا شو أرد عليه ؟؟ و للعلم إني أنا قبل الزواج كنت وايد أكشخ و أكثر وحدة من خواتي .. بس للأسف ألحين كل شي تغير يعني أحس عمري إني أكبر من سني مع إن عمري 20 سنة .. و عصبيتي زادت صرت ما أتحمل أي شي :tears:، أسلوبه وايد جاف يعني وايد يعق كلام يجرح يوم يكون معصب و ينتقدني ، ماشي احترام انشلت كل الحواجز ، ساعات أقول يليت لو يرد الزمن و ما أوافق على الزواج لأني كنت أتمنى شي ثاني أو إن إذا حد نبهاني قبل الزواج على إني كيف أتصرف لإني كنت صغيرة حزتها يعني كان عمري 18 توني متخرجة من الثانوية ، كنت أظن إن بيدلعني لأني كنت صغيرة بالعمر بس منو يقول كله ينتقد حركاتي على اساس إني ياهل مع إني عقلانية فأمور كثيرة ، يعني قبل لأكمل دراستي بالجامعة كان ينتقدني إني مش مثقفة و جاهلة:thumbdown: يعني هالكلام وايد كان يجرحني لأن في بيتنا دايماً يعاملوني بأني أنا الشاطرة و أمي وايد كانت معلقة أملها فيني وو في دراستي و حتى معلماتي وايد كانو فخورين فيني و فجأة أحصل واحد ينتقدني على أساس إني جاهلة :4:والله حرام !!!!! و ما أسمع منه كلام رومانسي أو إنه يغازلني لأني أموت و أسمع هالكلام بس ماشي فايدة يعني يذمني أكثر من ما يمدحني و القهر إن كم مرة دشيت الفيس بوك كاله و جفت في الرسائل إن مطرش كم رسالة حلوة يغازلهم فيها :sad_1:بس ألحين على أساس إن مايدش و هاي بعد مشكلة كبيرة لأني استويت كله أشك فيه و كله أدور وراه لأني وايد أغاااااااااااااار:30:وأنا ما أنكر إن هو طيب وحنون و مب مقصر في أشياء بس تصرفاته و كلامه تنسيني كل شي زين :schmoll::tears:مشاكلنا أغلبيتها على أشياء تافهة و لدرجة إني صرت فوقتها أقول ما أبا أتناقش و ما أبا أتكلم لأني ما أستحمل كلامه بس ماشي فايدة لأن يعصب أكثر يوم إني أكون ساكتة ، والله العظيم إني ما أعرف كيف أتصرف مع هذا الإنسان شخصيته وايد معقدة و ما أعرف كيف أتعامل معاها .. وللعلم إن هو شمالي شرقي و أنا جنوبية غربية ..
أنا متزوجة صار لي ثلاث سنوات تقريباً ، و عندي ولد و الحمدلله ، بس مشكلتي مع زوجي إن ما يطوف يوم و ما تكون فيه مشكلة من بينا و لو بسيطة :sad_1:، المشكلة إن هو وايد عصبي و أنا بعد بس للعلم إني ما كنت جذي قبل الزواج ، يعني من بداية زواجنا و نحن مشاكل في مشاكل و مع إن عقب ما نتصالح إنرد سمن على العسل و لا كأن شي استوى ، أجوف فيه أشياء غريبة يعني قبل لا أتزوج أجوف خواتي جدامي يوم يتكلمون إن رياييلهم يطلبون منهم إنهم يغيرون شكلهم من فترة لفترة بس أنا للأسف لا ، يعني لازم الوحدة من فترة لفترة اتسير الصالون:2: أنا لا على كل سيرة لازم في مشكلة يعني كله يحاسبني أنا اللي أعرفه إن الريال يموت من الفرح إذا مرته قالته بتسير الصالون يعني على أساس إنها بتكشخله و يحس بأنوثتها:1: بس أنا لا منو يقول ؟؟ إلا أول سؤال يسألني إياه ليش؟ و شحقى ؟ و مب من فترة سايرة؟:30: يعني لين ما يقلبها نكد و تصير مشكلة يلين ما صرت إني ما أخبره و لا صرت بيت أهلي خلصت شغلي و رجعت و كان الله غفور رحيم .. بس هاي مب حالة لا و القهر إن من فترة قاللي إنتي ليش مب مهتمة بشكلج و ما تكشخيلي إلا يوم تظهرين مكان:2: ؟؟؟؟؟؟؟؟؟؟ يعني هذا شو أرد عليه ؟؟ و للعلم إني أنا قبل الزواج كنت وايد أكشخ و أكثر وحدة من خواتي .. بس للأسف ألحين كل شي تغير يعني أحس عمري إني أكبر من سني مع إن عمري 20 سنة .. و عصبيتي زادت صرت ما أتحمل أي شي :tears:، أسلوبه وايد جاف يعني وايد يعق كلام يجرح يوم يكون معصب و ينتقدني ، ماشي احترام انشلت كل الحواجز ، ساعات أقول يليت لو يرد الزمن و ما أوافق على الزواج لأني كنت أتمنى شي ثاني أو إن إذا حد نبهاني قبل الزواج على إني كيف أتصرف لإني كنت صغيرة حزتها يعني كان عمري 18 توني متخرجة من الثانوية ، كنت أظن إن بيدلعني لأني كنت صغيرة بالعمر بس منو يقول كله ينتقد حركاتي على اساس إني ياهل مع إني عقلانية فأمور كثيرة ، يعني قبل لأكمل دراستي بالجامعة كان ينتقدني إني مش مثقفة و جاهلة:thumbdown: يعني هالكلام وايد كان يجرحني لأن في بيتنا دايماً يعاملوني بأني أنا الشاطرة و أمي وايد كانت معلقة أملها فيني وو في دراستي و حتى معلماتي وايد كانو فخورين فيني و فجأة أحصل واحد ينتقدني على أساس إني جاهلة :4:والله حرام !!!!! و ما أسمع منه كلام رومانسي أو إنه يغازلني لأني أموت و أسمع هالكلام بس ماشي فايدة يعني يذمني أكثر من ما يمدحني و القهر إن كم مرة دشيت الفيس بوك كاله و جفت في الرسائل إن مطرش كم رسالة حلوة يغازلهم فيها :sad_1:بس ألحين على أساس إن مايدش و هاي بعد مشكلة كبيرة لأني استويت كله أشك فيه و كله أدور وراه لأني وايد أغاااااااااااااار:30:وأنا ما أنكر إن هو طيب وحنون و مب مقصر في أشياء بس تصرفاته و كلامه تنسيني كل شي زين :schmoll::tears:مشاكلنا أغلبيتها على أشياء تافهة و لدرجة إني صرت فوقتها أقول ما أبا أتناقش و ما أبا أتكلم لأني ما أستحمل كلامه بس ماشي فايدة لأن يعصب أكثر يوم إني أكون ساكتة ، والله العظيم إني ما أعرف كيف أتصرف مع هذا الإنسان شخصيته وايد معقدة و ما أعرف كيف أتعامل معاها .. وللعلم إن هو شمالي شرقي و أنا جنوبية غربية ..
