ساعدوني يا خواتي زوجي كيف اقنعه يوافق عالسفر ؟؟ تكفون ساعدوني

[M-BADER]

السلام عليكم ورحمة الله ...
كيف حالكم جميعا انشالله بخير ؟؟؟​

انا مشكلتي في زوجي :dunno: ...

انا متزوجه من اربع شهور واهلي هالصيف سافروا كالعاده كل سنه يتسوحون :schmoll: . وطبعا انا هالحين ماعندي احد اروحله كل اسبوع وذبحني البكي:icon1366: ودي اسافر معهم او الحقهم بس زوجي مو راضي ابدا يخليني اروح كل يوم انا وياه في هواش وصراخ زهقت ما اتحمل القعده من دون اهلي وبنفس الوقت مايبي يسفرني اتمشى انا وياه والمشكله انه هو يبي يسافر اخر شهر سبعه لأن عنده اختبارات ومايقدر ياخذني لان ربعه كلهم معه والطياره كلها طلبه واهلي مراح يكونون موجودين هنا:tears: قلتله طيب خلني الحقهم 20 \7 استانس معهم اسبوعين قال لا ابنجن تعبت صارلي شهر وانا احاول فيه مب راضي ابيه يقتنع كيف؟؟؟؟ وربي طفشت حيل الديرة مو حلوه ابد من دون اهلي :icon1366:...

 

[معشوقه]

يا حلاتج حبوبه ماله داعي السفر دامه مو راضي ليش البجي خلاص يا حلوه إنت كبرتي و تزوجتي و طلعتي من بيت أهلك و صار لك بيت لحالك أبني و أسسي علاقه خاصه مع زوجج و الإمتحانات اشكثر اطول اسبوع مو مشكله استغليه و شغلي وقتج اشلون اتجددين في بيتج و نفسك و تستعدين لاستقباله بصورة حلوه ... حبوبه توج عروس ليش البجي ماله داعي .. استمتعي بوجودج معاه مو تقعدين تبجين بالعكس قولي له مالي غيرك طلعني و مشيني ودني كل مكان و عيش شهر عسل جديد ... و بعدين يا الغاليه زوجج بيروح يمتحن مو رايح يلعب بدل ما تهتمين فيه و مستقبله و اتهيئن له الأجواء المناسبه تقعدين تتهاوشين و تقلقينه وعليج و بعدين الريال في بداية حياته يحب يفرض كلمته على زوجته يعني عيشي هالإحساس كونج مسؤوله من واحد يهتم فيج و يقولج لأ مافي روحه ... مو تبجين .. و إن كان على أهلك إن شاء الله يردون بالسلامه ... و خليهم يشتاقون لج و يحسون إنه بنتهم تزوجت و صارت بعصمت ريال مسؤول عنها ...

الله يوفقج و يسخر لك زوجك و الدنيا كلها

 

[ليتني احتويك]

انا متزوجه من اربع شهور
اربعه شهور:exclamationpoint: :exclamationpoint:ولحقتي تزهقين:surrender: وتطفشين:surrender: وتهاوشين:crazy:
اختي اعتقد سبب رفضه شاف عدم اهتمامك لمشاااااعره توكم متزوجيييين وتحاربي تبغي تروحي مع اهلك :no: توك جايه من عندهم ومتلهف عليهم اختي نصيحه انت ببداية الزواج بين لهفتك عليه احسن لكِ هذا الحيااه لاتنقهري ولا تعصبي مادام لكِ شهر وانتي تزنين :dunno:

 

[فداك الجرح]

السالفة ماتسوى كل هالحنه والرنه..ماله داعي تطفشينا في عيشته عشااان سفره..خليه على راحته ومرده بيرجع لج..

تعوذي من ابليس واستغلي فترة غيابه بممارسة هواية.نادي رياضي..ختم القران ..

ربي يسخره لج

 

[ريحانة حبيبي]

اي يا أختي مالك الا زوجك

انا اهلي سافرو العام الماضي وزوجي كان مسافر مايجي الا يومين في الأسبوع

بس ظليت في شقتي

المرأة مالها الا بيت زوجها

انا اهلي يقولون لي تعالي نامي عندنا ماروح ماارتاح الا في بيتي

مع ان لحالي انا والبيبي

اذا ما أقتنع مستحيل يقتنع بعدين لاتعصبين ولا شئ عصبيتك تخليه يعاند ولا يرضى

يمكن لكلمتيه بهدوء يرضى وأذا مارضى سكري السالفة وصبري

ترى بتندمين خلي زوجك على طول يصير راضي عنك

والله يوفقك ويهدي زوجك ويرزقكم الذرية الصالحة وتسافرون مع بعض

سامحيني على كلامي لاتزعلين بس هذي الحقيقة

 

[M-BADER]

مشكورين حبايبي جزاكم الله خير :blushing: ...​

 

[نور كندا]

معقول هواش وخناق بعد 4 شهور فقط ومشان تروحى مع اهلك والله حرام ارحمى زوجك وارحمى حالك وبعدين انتى تزوجتى مو كل يوم والثانى تهلكى جوزك بالروحات لعند اهلك الان صار زوجك وبيتك الاهم ويلى بيطلبه زوجك منك اعمليه ان رضى روحى وان لم يرضى لاتروحى بدون زعل وهواش ونكد

 

[M-BADER]

والله مادري شنو اقول بس طبعي تعودت ما احب احد يرد طلبي ..

 

[نور كندا]

ماتعودتى حدا يرد طلبك هنيك ببيت اهلك اما عند الزوج القصة مختلفة ومختلفة كتيييير

 

[عذراء حائل]

انا مع الخوات برايهن اجلسي وحاولي لمايجي يلقاك شخص ثاني
بعدين ماحنيتي لايام العزوبيه
خلاص هذي العزوبي جتك يعني تخلين شعرك شوشه بالبيت عادي وماتطبخين
بس اهتمي بنفسك
زيتي شعرك كل يوم وحطي خلطات واخترعي ببيتك وغيري بديكوره
غيري شكل الصاله والغرفه
وصدقيني لما تجزمين علا هالشي بتشوفين انه جاء بسرعه وانتي ماسويت الي خططتي له وتقولين بنفسك لو مطول شوي احسن
وقبل موعد جيته اصبغي شعرك وشيلي شعر جسمك
وسوي بدكير لاضافرك
ساعتها اتداه يسافر ماياخذك معاه
بس لو تحنين عليه عمره ماياخذك عشان ماتصيرين مشيتي كلامك عليه
لاكن لو خليتيه براحتك ومن يجي تسوين موال المسكينه وتستعطفينه والبيت من دونك مو شي ومن هالكلام
من يجي يسافر بعد كذا يوجعه قلبه يقول شلون اتركها لحالها
هذا رايي واتمنى اكون فدتك

 

[M-BADER]

ماقصرتوا الله يعطيكم الف عافيه ...