ساعدوني ولو بكلمة

[همي]

السلام عليكم.....

بنات نساء زوجات .... ماذا افعل؟؟؟؟
منو مثلي واتشارك معاها همي.... صرت شبه مجنونه

زوجي في بداية حياتي احبه حيل ولايجي في بالي انه يخوني

بعد 3سنوات اكتشفت انه يكلم بنات في دردشات والمنتديات ويضيف في المسنجر والرسائل الخاصة والكلام الحلو والمصفف والميانه والدلع بينهم.... تشاجرت معاه عدة مرات ... وكان ينكر رغم اني اشوف(يمسح ويحط ارقام جديدة)

واراد ربك اني اشوف فاتورة الجوال 800 ريال لشهر واحد القى رقم واحد معلق عليه بالساعات
وبالمحاولة فتحت الجوال واشوف رسائل والرقم مخزن باسمه

وادق على الرقم والبنت رايحه فيها .....هلا منو معي.... بكل دلع والمسيقة شعالة
انا واجهته قام ضربني ليش تفتشين وليش تدقين ... هاذي عميلة عندي

الى الحين 5سنوات تغير الرقم ... وكل مرة اشوف رقم مكرر تكون اهي نفس الصوت
والرجال يحلف بالله ويقسم انه مايكلم ولا يغازلها وانها عميلة
عميلة كل يوم تدق عليها ...جوالك كم في الشهر يجي.... واذا تعمدت ...اخرته عن شغله... تدق عليه تسئل ليش تاخرت وينك فيه؟؟؟(كانها زوجته) حجته عميلة جالسة تنتظر تاخذ اوراقها او اغراض اشوف الرقم اهي مافي غيرها....غبية ما افهم

وهو مرة قال مافي رجال يكلم وحدة ويخسر الا وهو مستفيد منها ..... شنو اقول ؟؟؟

اليوم قلت له انا ادري انك الى اليوم تكلمها شنو بينك وبينها .... قام كسر الاغراض ويضرب بلا رحمة وقال روحي بيت اهلك انا ما ابيك انا راح اطلقك بس تولدين وورقتك توصلك وانا مو رجال حتى عيالك ما ابيهم منك
انتي مجنونه انتي قوية وماحد يقدر عليك السانك طويل....كيفي انا..... انا راعي بنات وفاجر......ماحد يحاسبني ولا احد يهمني

لاتقولون روحي بيت اهلك اهلي ماعندهم اهمية فيني ... ضربني>> سكتي ... سمعت >>لاتتكلمين لا تشتكين ..ماعليك منه.. انتي الي تفتشين وراه .... خليه ياخذ غيرك مافيها شي الرجال ياخذ 4 ....لاتجين بيتنا بيتنا يتغذرك انتي وعيالك

وبعد كم اسبوع يجي حتى اذا ما كلمته يتشاجر معي ويرمي كلام يسم البدن.... بعدها ياخذ حاجته بالقوة والضرب والذل.... وبعد كم يوم يقول انا احبك وانا مراح اتزوج غيرك انا مو غبي اتزوج ثانية وعل قلبي انا مو راعي بنات حتى اذا شفتي انا ما اسولف معاهم حيل انا بس اتسلى اضيع وقت....
طيب انا كلمني دلعني سولف معي .......... نتشاجر مرة ثانية انتي مايبين في عينك شي وشايفتني واحد......طططط

قولو لي كيف افكر؟؟؟ ماذا اصدق ؟؟؟ ماذا اصنع معه؟؟؟:sadwalk:
الطلاق لمصلحته لا مصلحتي ... الاولاد هل عندي من اين لي لكي اعيشهم ...عنده كيف اعيش بعيدة عنهم
:tears::tears::tears::tears:

 

[ام اسامة وابي]

حبيبتي انت باين عليك جديدة بالمنتدى ما كان عليك تفاتحيه بالموضوع اسكتي الان وانشغلي على نفسك بالتغيير اقرئي مقالات الدكتورة ناعمة وتعلمي حركات الدلع وعيش شوي لنفسك وحاولي تسقلي بحياتك وانت معاه بس جولي في المنتدى وان شاء الله تستفيددي الله يلهمك التغيير لللافضل يا رب ما عليك منه انشغلي على نفسك الان رجعيه لاحضانك ليس بالكلام بالفعل بالدذب راح تقولين لي كيف اقري في صفحات المنتدى وطبقي واستفيدي من تجارب من فاتك وان شاء الله بنستشيرك في يوم وتجيبينا الله يبدل حالك لاحسن حال قوي عللاقتك بربك ما تنسين هالجانب ايضا

 

[أوراق طفلة]

حبيبي الله ييسر حالك مره صرتوو يالمتزوجات تخوفون *_* الله يعينك ويسخره لك

مدري احس من راي تروحي مكتب استشارات زوجيه ^^ ويمكن الاخوات مايقصرون معااك احد يفيدك برأي تمام

الله يعينكم ويسخر لكل وحده زوجها *_*

 

[بحر الجواهر]

الخيانه صارت تمشي بدم اغلب الرجال الامن رحم ربي غفلوا عن عقاب الله وتعدوا لحرماته
اللهم عليك بكل خائن وخائنه اللهم اجعلهم يتمنون الصحة ويتحسرون لضياعها في الحرام الا من هداه الله

 

[سومـآ]

الله يفرج همك وهمي وهم كل مهمومة

وحسبي الله على بنات الحرام اللي يراكضون ورى ازواجنا

اهلك حالتهم ماتسمح انهم يرحبون فيك !

وماراح يوافقون على فكرة الطلاق

وماتدرين ! رب ضـآرةً نآفعـة ..!

أستعيني بالله ولا تقنطي من رحمتة .. زوجك مبتلاء ببنت ابليس ولافه راسة معاها

هو زوجك وابو عيالك كيف ترخصينة وتخلينها تأخذه منك بسهولة !

هي نزوة بحيآتة ! وأنتي أم لـ عيآلة وزوجتة !

اللي عليك انك تغيرين نفسك وتغيرين اسلوبك لا تنكدين علية أظغطي على نفسك عشان تطلعين بنتيجة
البسي لة وتشيكي لة
حسسية بأنوثتك ’ مو عيب تدللينة , حببية في جو البيت وفيك وفي عيآلك

خلية يحس انكم كل شئ بحيآتة

مأدري شأقول بعد بس بأيديك تكسبينة لـ صفك ..

ولمـآ تكسبينة لـ صفك وتضمنينة ..

ذيك الوقت توآجهينة قوليلة انا اخاف على نفسي من الامراض

لاسمح الله تطورت العلاقه معاها!

ادعي ربك دايم اللهم اغني زوجي بحلاله وابعده عن الحرام

اللهم اني استودعك قلب زوجي من الفتن والمعاصي والضلال فأعصمه منها يارب العالمين

اللهم حنن قلبة ’ اللهم حببة فيني ’ اللهم اصلح حاله

وكذآ دعوآت كثيررررة كثري منهآ فكل وقت ومـآرآح تضرك حبيبتي بالعكس تنفعك ان شاءالله

دعوآتي لك الله يسخر لك زوجك ويبعدة عن بنت الحرام ..

 

[سومـآ]

ولا تنسين .. الصبر مر ولآ كن عوآقبه حميدة ..

عليك بالصبر بسسس

 

[ألماسة آسيه]

اختي الحبيبه الغاليه
عليك بالدعاء وتذكيره بالله
قولى له هل ترضى ان احدث رجال بس اتسلى معه وافرح بس حديث اكيد لا اجل كيف ترضاه لبنات الناس هل اهلهم يرضون اكيد لا ؟؟
ذكريه ان كما يدين يدان وان دقة بدقه
اختى الحبيبه اقر لك ان سبب خيانة زوجك هو ضعف الوازع الديني عنه فقوى الدين عنه وخوفيه من الله ذكريه بالاخره
وان الله يمهل ولا يهمل
وعليك بسهام الليل فانها لا تخطي
اختك المحبه لك الخير

 

[الأمل دوماً]

الله يفرج همك ويساعدك الدعاء ثم الدعاء ثم الدعاء

 

[شموع بلقيس]

اول شي يا اختي شوفي زوجك من اي نمط من على هالرابط

http://www.niswh.com/vb/showthread.php?t=109230

وبعدين ابحثي عن كيفيه التعامل مع شخصيته وكيف تجذبينه نحوك وتعرفين صفاته ووش يحب ووش يكره لان يمكن لقاء في الحرمه اللي يبيه وقاعد يستمتع بها
بس بالاول اعرفي من اي نمط هل هو شمالي شرقي او شمالي غربي او جنوبي شرقي او جنوبي غربي

وشكل زوجك جنوبي والجنوبي يحب الدلع واذا ما لقا اللي يبيه من زوجته يروح يخون

شوفي هالرابط الثاني وان شاء الله يفيدك
http://www.niswh.com/vb/showthread.php?t=108645&highlight=%C7%E1%D2%E6%CC+%C7%E1%CC%E4%E6%C8%ED

وحاولي تتركين زوجك هالفتره وعيشي حياتك وطنشيه واذا عرفتي صفاته ايش وايش يحب وايش يكره طبقي كل شي وان شاء الله تقدرينتسحبينه منها وعليك بالدعاء والاستغفار

 

[ملكة السعوديه]

إهتمي بنفسك وعيالك

واكثري من الدعاء

وهو حسابه عند ربه

 

[همي]

خواتي اشكركم على الرد
بس انا لي خمس سنين جربت كل شي معاه
اذا تشاجرت معاه يزيد (يغلق على روحه الباب وبدل مايجلس على النت 6-7 ساعات يجلس 12-14 ساعة يعني حتى نومه يكون 2-4 ساعات )
اذا سكت ولا تكلمت يكلم من وراي يعني في عمله او اذا كنت اجهز الغداء او العشاء ميخليني اجل معاه الا يتسبب ويغثني علشان اقوم عنه او يخليني انام ويقو ويسهر
اناتعبت معاه ابي اعرف شنو بينه وبينها 5 سنوات شنهي علاقته بها هاذا الي مجنني

 

[روز222]

اكثري من الاستغفار وادعي ررررررررررربك

 

[اغلى اثنين]

الخيانه صارت تمشي بدم اغلب الرجال الامن رحم ربي غفلوا عن عقاب الله وتعدوا لحرماته
اللهم عليك بكل خائن وخائنه اللهم اجعلهم يتمنون الصحة ويتحسرون لضياعها في الحرام الا من هداه الله

معك حق ياسيدتي واستجاب ربي لدعاك ودعائي امين بس مايحز فالنفس ان مجتمعنا قيدنا بهم للاسف مانقدر نعيش لوحدنا ولا ندبر امورنا لاوظايف ولا قيادة سياره ولا قوة يد وان تكلمنا تبجحو اكثر وهددونا والسكوت تعذيب لنا وراحه لهم وبالاخر مالك فضل
مالنا الا رب العباد نفوض امورنا له عسى ان ينتقم من الخاين اللي يستغفل هالانسانه اللي عطته اغلى ماتملك نفسها وشنو اغلى من النفس

 

[اغلى اثنين]

خواتي اشكركم على الرد
بس انا لي خمس سنين جربت كل شي معاه
اذا تشاجرت معاه يزيد (يغلق على روحه الباب وبدل مايجلس على النت 6-7 ساعات يجلس 12-14 ساعة يعني حتى نومه يكون 2-4 ساعات )
اذا سكت ولا تكلمت يكلم من وراي يعني في عمله او اذا كنت اجهز الغداء او العشاء ميخليني اجل معاه الا يتسبب ويغثني علشان اقوم عنه او يخليني انام ويقو ويسهر
اناتعبت معاه ابي اعرف شنو بينه وبينها 5 سنوات شنهي علاقته بها هاذا الي مجنني

لا تتعبين نفسك مع هذا المتبجح بالخيانه ابتعدي لترتاحي قليلا ومثل ماقلت لك ان واجهتي تبجحو اكثر واصبحوا خبثاء في التعامل معك ادعي عليه وتوسلي لله واسجدي وابكي لله وانسي هذي العلاقه زوجك يلعب بنفسه فدعيه واتركيه لييييييييييييييين يشبع وطنشي حاولي ادري بتتعبين مابتقدرين بس ادعي ربي يساعدك على التغافل والتطنيش والحكمه في التغافل صدقيني بترتاحين وهو اتركيه لربه هو ادرى به واعلم باموره وبينتقم منه وبقوة القوي الجبار

 

[دمعه بلمعه]

الله يكون بعونك

 

[همي]

احس اانكم تحطموني اكثر واكثر
يعني مافي امل انه ينصلح
او حتى اعرف علاقته لاي مدى وليش الخيانة شنو لاقي فيها ومافيني
استغفرالله ربي ليش اهو فرحان رغم انه عاصي وانا في عذاب رغم اني ابي الخيرحتى له
الصبر....الى متى 5 سنوات واكثر عذاب وما اقدر اتكلم ومايبي عيال مني والحين حملت احس انه وده يسقطني
بنات طلبولي الفرج يمكن دعائي عند ربي محجوب لذنب ما ادري به

 

[23semsemh]

لاحول ولاقوة إلا بالله
الله يفرج همك وينفسك كربك يارب ويهدي لك زوجك ويصلحه
حاولي تبيني له أنك تحبيه وميتة فيه وماتقدري تستغني عنه
حاولي لمن يمر عند باب الغرفة وأنتي بتصلي يسمع دعائك له
يارب زوجي حبيبي أنت تعلم كم أحبه فاإجعله يحبني يارب سخره لي وسخرني له
يارب أجعله في عيني ملاك وأجعلني ملاكا في عينه يارب وأكثري ماتشائين من الدعاء
أدعي وأصبري لعل الله يرفع عنك يارب
اللهم اصلحه وأهديه وسخره لها يارب وأجعله يراها ملاك يارب
والله يعينكي ويوفقكي يارب

 

[Wise Woman]

الله يفرج همك

 

[ساره عبدالله]

زوجي في بداية حياتي احبه حيل ولايجي في بالي انه يخوني

بعد 3سنوات اكتشفت انه يكلم بنات في دردشات والمنتديات ويضيف في الماسنجر والرسائل الخاصة والكلام الحلو والمصفف والميانه والدلع بينهم.... تشاجرت معاه عدة مرات ... وكان ينكر رغم اني اشوف(يمسح المحادثات والرسائل)

كانت حياتي مثلك ..
بس كنت المح له كثير واجيب له نغزات ..بس كان يقول لي ..ان ما فيه شيء ..

لحد ما اشتغلت له واعظه وسويت لي كذا ايميل وادش عليه منها وبديت اسولف معه وسالني من انا قلت انا مكتب الدعوه والارشاد ..
ولا صدق ..بس كلامي وتذكيري له بعقاب الله وان هالبنات اللي يكلمهم يكلمون مليون غيره ..
بدى يميل لكلامي وصار يشكرني ..على اني نبهته وصار هو ينصح اللي كان يسولف معهم بالمسن وتركهم والحين صار معي مثل قبل واحسن لدرجة يقول لي اذا هم راسلوه ويوريني الكلام ..اللي يطرشونه له ..والحمد لله على كل حال ..
وقبل هذا كله الفضل لله سبحانه لاني ولا هو مدح فيني ..ذكر ربي ملازمني بكل وقت ..وصلاة اخرالليل ما اتركها ..وهذا اكبر سبب لسعادتي مع زوجي ..

بس السبب اللي خلا زوجي يسوي كذا انه فقدني فتره هو كان محتاجني فيها ..وانا كنت مجبوره اكون بعيده عنه لان الوالده كانت تعبانه ..وبعدي عنه وهو اللي خلاه ينجرف لهالشيء وحب يجرب ويكتشف ..

والله ان زوجي ماله بالخرابيط هذي ..لانه ما يختلط واجد بالناس ...
بس ما اخذ بذمتي ..لان الرجال يختلفون ...


وانت يالغاليه ..قبل اي شيء احسني علاقتك مع ربك ...
وصدقيني فتره وتعدي ان شاء الله ..
واهم شيء لازم يكون لسانك رطب بذكر الله واهمها الاستغفار ..
وحسن الصلاه ...
ومن كل قلبي ادعي لك ان ربي يحنن قلب زوجك عليك ..
ويححبه فيك يارب ..
واعذريني على الاطاله بس اللي يشوف مصائب الناس تهون عليه مصيبته ..
وانا ما اشوفها مصيبه بل هذا اختبار وامتحان لك من ربك ..ومدى صبرك على اللي انتي فيه ...

 

[همي]

سارة عبدالله جربت طريقتك مرة
دخلت عليه من عدة مواقع (مسنجر -دردشة- منتديات)كنت احاول اني اخليه يتعلق فيني بس ماقدرت ماكنت اقدر الفت نظره او يكلمني ايام وكانه يشك انو انا ويحذفني ويغير المواقع والبنات الي يكلمهم معاه من منتدى لمنتدى ومن دردشة لدردشة
وذا كنت من الناصحين له يستهزء بي ويقول اجل ليش تكلميني انتي منهم وشر الناس

بس كل هذولي كوم والي يكلمها في الجوال كوم احس انه ميت عليها ويبيها حتى لو بالحرام والي مجنني انها قريبة من عمله يعني تروح وتجي هذا الي فهمته من طريقته
بنات راح اجن

انا توني اعرف المنتدى يليت تعلموني الواضيع الي تفيد
واشلون اطلع شخصيته احس دخلت عدة مواضيع اضيع فيها