ساعدوني والله تعبانة نفسيا..

[Miss_VIP]

بغيت حد يساعدني أنا انكسرت و اتحطمت من كذب زوجي علي دايما يسافر و يقولي عندي شغل حق البيزنيز و من هناك يسافر ويا ربعه و يستمتع و هذي ثاني مرة يسويها, جذب علي انه بيسافر بروحه بس سافر مع ربعه و يستمتع وأنا تأكد من هذا الشي و اتصلت و كلمته وصل السالفة لطلاق مع انه هو الغلطان بس ليش ما يعترف, وااااااااايد انصدمت في حياتي ويا وأعرف أنه يخوني و يرمس بنات و تأكد من هذا الشي و لما أناقش ويا ينكر و يتحايل ويطلعني أنا الغلطانه و يوصل السالفة لطلاق أنا ما اقصر ويا أسويله كل ألي يبي,أنا ما تحمل شي منه لأن أحبه بس الحين انا واااااااايد تعبانه نفسيا ما أنام الليل بس اصيح أعزل عمري في غرفة بعيد عن الناس و حتى دوامي أغيب عنه واذا رحت أكون يائسة بس أفكر الله يخليكم ساعدوني و الله دمعتي على عيني و أنا أكتب تعبت يائسة من الحياة لأني أحاول أني أثق في بس أنصدم أنه جذاب.....

 

[Miss_VIP]

معقولة ما في حد يساعدني؟؟

 

[غندورة زوجي]

الله يساعدش

كلنا مثلش

بس ما نشكي الا لله سبحانه


مره قال انه بيروح للرياض عنده شغل

واتصل عليه نغمة الاتصال ( طوط طوط ) تختلف عن السعوديه
وما يرد .. وبعدين ققفل جواله وادق مره ثانيه تحاشيني بنت تقول ان الجهاز مقفول .. من متى شذيه بالسعوديه عندنا يتحشون بنات والجوال مقفل انا خابره رجاجيل

انا خفت ومتاكده انه مسافر بره السعوديه

حسافه

 

[غندورة زوجي]

مع ان احنا تونا متزوجين مالنا 3 سنين

 

[غندورة زوجي]

والللللللللللللللللللللله لو يتزوج وحده ثانيه احسن من انه يسافر بره ويلعب من وراي


والله من القهر خليتهم ثلاث ردود

 

[Miss_VIP]

من القهر الحريم يسوون أي شي بس شو انسوي هذا هو الحظ و النصيب......

 

[Miss_VIP]

بنات بليز محتاجة مساعدتكم.......

 

[الكناري]

حبوبه الحين انتي دريت وقاعده تحطمين نفسك بنفسك

طيب وبعدين راح تصيرين مجرد خيال والمسلسل مستمر انتي متاكده وهو ينكر

حبوبه اهتمي بنفسك وركزي على صحتك واذا هو خاين وانتي متاكده انه خاين بس ماراح يعترف لك لعبيها صح
استخدمي اساليب الدلع والغنج معاه سحبيه صوبك ولاترددين هالاسطوانه مره ثانيه
لان انا عندي قناعه ان الشي المخشوش خليه مخشوش احسن من يصير علني وعلى عينك ياتاجر ساعتها شبتسوين؟؟؟

اعيدي بناء نفسك واعيدي الثقه بنفسك وحطي في بالك شغله ان النقص فيه هو مو فيكي انتي
والمشكله عنده
اخيرا الله يوفقك حبوبه

 

[صباح جديد]

مرحباااا
اختي الغاليه miss_vip تعوذي من الشيطان الهي بحالك واتركيه فيه رجال يتعمد يهرب من زوجته علشان تضل تلاحقه يعني يستغل حبها له طولي بالك وحبي روحك وخليه لا يصير اغلى من عقلك وحياتك وصحتك