ساعدوني .. مليت من زوجي

[كياني المجروح]

السلام عليكم..
اوجه مشكلتي الى جميع اخواتي فالمنتدى بشكل عام والى الاستاذة ناعمه بشكل خاص على امل ان تنحل هذه المشكلة
ما أعرف اشلون ابتدي بمشكلتي

انا متزوجة من سنه وعندي بنوته الله يخليها لي ومشكلتي من اول زواجنا
انا زوجي ما يجيني يعني ما يجامعني الا مره بالشهر او اذا كثر مرتين وطبعا انا اللي ابتدي دايما
مع انه يحبني ويموت فيني بس ما اعرف ليش؟؟
وانا جميله وجسمي حلو بشهادة منه ومن الجميع ودائما محافظة على شكلي واناقتي احاول اغريه بكل الطرق وابدع في قمصان النوم وحركات الدلع والله تعبت كثر ما اجيه انا وصرت استحي
(احس انا الرجال مو هو)

وهو كذا يحرمني من حقي الشرعي
تخيلو في يوم زواجنا حجز لي فندق من باب التغيير وسواها لي مفاجأة قلت خلاص ناوي علي الليله ولبست قميص نوم جديد وكشخت وتحنيت تعرفون ايش سوى
قعد يتغزل فيني وفي جمالي بعدين نام......مو قهر

بلييييييييييز بنات ساعدوني قولو لي ايش اسوي

 

[رامااا2009]

مدري والله حبيبتي
اناضر زوجي اعدا من كذا
بس عسى الله يسخره لي امييييييييييييين
اناراجيه بالله خير

 

[فاطمه999]

مساء الخير انتي معكا حق انك تنقهري بس ممكن تحلي هذا الموضوع انك تسوي له الاكلات التي تزيد الرغبه عند الرجال لان الجمال والجسم مهو كل شياء عند الرجال لكن الشياء الاساسي الشهوه الدخاليه علشان كذه حولي تنشطيها
وانشاء الله اكون قد افدك

 

[ذكريات جميلة]

الله يعينج والله ..
مثل ما قالت لج الاخت أكلي الأكلات اللي تزيد الرغبة عند الرجال واللي أعرفه من هالأكل : المأكولات البحرية وخاصة ( الربيان ) ، وعصير الأفوكادو .. والله الموفق

 

[حبيبة الساري]

ياأختي زوجك ربما عندة ضعف جنسي ولازم يروح للطبيب مختص
لانة مادام الحب والجمال والاهتمام متوفر فماهو عذره الااذا كان عنده ذلك الضعف

وجهة نظري ولك حبي

 

[عسكريمه...]

الزوج سمعي اكثر من انه بصري

كثري من الكلام اللي يطيح الطير من السما

امدحي النوم معه امدحي الجنس معه كبري فيه قولي انت سوبر في الفراش اموت معك اذوب ادوخ اروح وطي

عاد انتي لاتقصرين صدقيني الكلام تأثيره أكبر من الشكل لو انك لابسه خيشة رز

وقت النوم طفي النور ضمي زوجك وارمي بالكلام على اذنه وحركيه ادينك على صدره وجسمه وتحت يصير هو بنفسه يجيك

استمري كذا العبي فيه لعب ولا تجينه انتي اشحنيه فل تحملي لين تعالجين مشلكة الضعف عنده

شوفي الغذاء اللي يزيد الشهوه عنده مثل الأكل البحري والروبيان مصيبه والعسل وعصير والله مدري شسمه العرائسي ومدري وشو عاد انتي سوي بحث في قوقل عن الأشياء اللي تزيد الرغبه الجنسيه بس انتي لاتاكلين منها ثمن تدعين علي


اكثري من الاستغفار والدعاء

 

[ran4]

الله يسخره لك.
ياعمري تراك احسن بكثير من حريم ثانيات عالاقل زوجك يحبك لكن شتسوين يمكن عنده ضعف جنسي.

لاتستسلمين استمري مالك الاهو؟!

 

[كياني المجروح]

مشكورين بنات
انا وحده قالتلي صارحيه واذا ما تقدرين اكتبي له رساله وش رايكم؟
ياليت تقولون لي ايش اقول

 

[ملعقة جبن]

لا لا ياعمري لاتصارحينه
اكيد هو يمكن عنده ضعف وعارف هالشي ماله داعي انت تزيدين المشكله
سوي مثل ماقالت لك اختي عسكريمه والله يوفقك

 

[memo_a]

لا حبيبتي لا تصارحينه هذي مو مصارحه انتي كذا تجرحين كرامته وتشككين برجولته انتبهي الرجال للأسف كذا يفكرون بس سوي زي ما قالت لك الأخت عسكريمه ولا تعودينه انك تبدين ثيريه بالكلام وقومي جربي طريقة الرسائل اذا طلع ترسلين له رسائل جريئه مثلا انك متولعه مووت والذي منه استحي أفصل بس انتي وشطارتك جربي هالطريقه ان شاء الله تفيدك بس ما تسوينها على طول مرة كل ثلاث أسابيع مثلا
بالتوفيق عزيزتي

 

[Q...Q]

الله يعينك والله مشكلتك صعبه

بس مثل ماقالو الاخوات كثري من الربياان والحليب بالفلفل والزنجبيل ههههههه

 

[كياني المجروح]

ابغي راي الدكتورة ..ليش ما ترد علي؟

 

[كياني المجروح]

اشدعوه بنات محد قاعد يساعدني

 

[شهــد]

حبيبتي اكيد ضعف جنسي ما يبي له شي

حجز الفندق والتغير دليل على رومانسيته

ولكن.. هناك ما يمنعه هو ضعفه الجنسي

ربما يكون هو بينه وبين نفسه متضايق من

هالوضع ... انتي ساعديه فيه اكلات وايد

تجيب القوة الجنسية وفيه ادوية .. تقدري

تتعاملي بعالجه الجنسي من غير ما يحس


الله يوفقج ويسهل امورج​

 

[بنت الكـــويت ~]

وكليه جرجير انا من قلت لزوجي عن الجرجير وفوائده الجسيمه صار ياكله على الغدا والعشا

 

[زمردة زماني]

حبيبتي زوجك يدخن ولا لا؟
لان التدخين يضعف الشهوة وهو ما يدري

 

[سكر معقود]

الله يفرج لك