ساعدوني مالي غيركم

[دنيتي كلها غلاي]

السلام عليكم خواتي
بدخل في الموظوع على طول امس تزعلنا انا وريلي على شي تافه المهم هو سافر اليوم ولا فكر يراضيني

واللي قاهرني انه رايح ****** ويقول شغل في دمتكم شو هالشغل الي في الوكاند
واااااااااايد قاهرني ويوم يبي يعصبني يقول والله كل شي حلو في *******ومافي شي يسكر بدري لين ساعة 7 صبح ساعدوني يخواتي واللهماعاد فيني صبر كل يوم ادبل وزني نزل وسبة تصروفاته والحين هو بالمطار اتصل علي ولا رديت عليه
وطرشلته مسج قولت له ان شالله ماتتهنى في سفرتك ويعلك ان شالله ماترجع والحين ضميري وايد يأنبني وحاولت اتصل فيه كدا مرة ومارد علي ابغيه يسامحني وفي نفس الوقت ابغيه يحس بدنب
ساعدوني خواتي

 

[عشق الامل]

اختي تصرفك خطا ارجو تقبلي كلامي تدعين عليه قويه والحين صار الحق عليك وهواللي يبي من يراضيه حاولي تتعاملين معه بلطف وخليك هاديه عشان تقدرين تفكرين صح يمكن فتشي عن السبب ربما عصبيتك وغالبا ينتهي الحوار بزعل لتمسك الشخص برايه ويعتقد انه الصح والله يوفق بينكم ويسخر لك زوجك

 

[دنيآ رديّه ~]

ليييييييييييش هالمسج للليشش تراج غلطاااااااانه يوم قلتيله جذي

الله يعينج خيتو والله شاقولج ؟ انا كرهت ****** قسم بالله بسبة هالمصاخه

كل يوم هابين لنا رايحين ***** ششششششسالفه !!!!

ماعلينا مو هاذي القصه ,, انتي لو تميتي ماتردين عليه احسن ,, بس المسج مالج خرب كل شي

طرشي له مسج ان قلبج يعورج وانج حاسه بالذنب ,, قوليله انا اسفه على الكلام اللي قلته

لكن صدقني اني زعلانه للحين ,, صج اني تأسفت منك لكن هذا مايدل على رضاي

انا مب راضيه انت مافتكرت فيني وسافرت وانا زعلانه وللأسف ماهمك

عموما ان شاء الله تستانس وبالسلامه يا زوجي العزيز !!

طرشي له جذيييييييييي لاتقولين له حبيبي وعمري وحياتي ومن هالكلام خلج قويه

واذا مارد عليج لاتنقهرين مرده بيرد وبيرجع لج ولين رجع خلج زعلانه

مو مكشره وعافسه ويهج ؟ لاا ,, بس تدلعي ,, ازعلي وتغلي

خلج كاشخخخخه ونظفي الغرفه وكل شي واقعدي سوي روحج مشغوله بشي

ويوم يدخل سلمي عليه واقعدي طنشيه

يمكن يطنشج هههههههههه لاتنقهرين ادري يذبح مو بس يقهر

بس عادي سوي روحج ريلاااكسسس ومو هامج وجوده

وبس عاد اذا تم جذي الله يعينج ماعرف شاقول اكثر

وصج البحرين يالله سترك ههههه بس لاتظلمينه يمكن صج رايح شغل

تفائلي بالخير وماعليج ياقلبي

^.^

 

[دنيتي كلها غلاي]

للرفع

 

[ام الابطال 3]

ما ادري شاقول لك بس لي اعرفه الحين انك غلطانة ببعثة المسج ,ولازم ما تتداركي الامر خصوصا هو كلمك لعل كان يبي يعتذر او شئ؟؟

 

[rawiah]

جيتي تكحلينها عميتيها

خلاص الحين بيحط الحق عليك

<<<<الرجال وحركاتهم مايصدقون بالزله

 

[اماراتية دلع]

ما عليج ان شاء الله بيدق لج و يراضيج

الله يوفقكم

 

[قيرون]

الله يسخر لك زوجك ويرده لك ردا جميلا

 

[قنوووعة]

بيرجع لج بس انت غلطانة

 

[شذا الوجدان]

معليش اختي اسلوووبك مو حلوو
الله يعينك وموفقة اختي

 

[اسيرة فكري]

مادري ليش كذا احنا يالحريم يكون الحق لنا ونسوي شي بسيط ومانستفيد منه ونخلى الحق علينا اهو مبسوط بالمسج الحين عشان صار الحق عليك ويرتاح ضميره شوي لايانبه انه سافر من غيركم انتى عطيتيه مسكن للضمير مادام اتصل يبي يراضيك اكبر شي انك ماتردي عليه وبكذا بيحس بزعلك ويطلب رضاك الحين راكضي وراه عشان تراضينه
الله يهديك ويلهمك الصواب ويجعله مايشوف غيرك

 

[دنيتي كلها غلاي]

مرحبا خواتي
انا ادري اني غلطانه بس هو اتصل فيه ولا رد علي والله قهر
ورديت اتصلت فيه اليوم ورد علي واعتدرت له بس مافي فايدة قالي خلاص انا الحين بخليج وعقب شوي ويتصل فيني ولا تصل فيني وهدا الكلام من صبح انا الحين الي عليا سويته اعتدرت له وهو لين الحين ماعتدر لي شو رايكم ارد اتصل ولا لآ

 

[طاطا]

حبيبتى كان الافضل تردى وتشوفى ايش هيقولك ولكن قدر الله وماشاء فعل عليكى بالدعاء والاستغفار وان شاء الله تتراضوا وبالنسبة لموضوع الشغل اللى فى الويك اند هل انت على علم كامل بشغله وطبيعته لان ممكن تكونى اساتى الظن الله يصلح حالك ويسر امرك

 

[دنيتي كلها غلاي]

خواتي تعبت وانا اتصل فيه ومارد علي لين اليوم في المساء رد علي واعتدرت له المهم قالي الحين بسكر عنك لآنه مشغول
وتميت انتظر فيه عشان يتصل بي اخ متصل رديت دقيت عليه فوق 30 مرة ومارد علي والحين اتصلت فيه من رقم غريب ورد علي وسمعت عنده حشرة و موسيقى على طول سكرت
والله اني اكتب ودموعي ع خدي ليتني مت ولا اشوف عمري اضعف له ليش يسوي فيني جدي مافي حل عندي الا الموت ساعدوني

 

[دنيتي كلها غلاي]

ليش ليش ياخواتي هل الموظوعي يستهل تهملوه

 

[اولادي كل حياتي]

الله يهديكي على تصرفاتك اتقلي شوية لاتقعدي تدقي عليه وتجري وراه........
مادام اتصلتي واعتذرتي وقالك راح اتصل اتركيه لحد ما يتصل وكان ساعتها لما اتاخر عليكي مارديتي عليه علشان تخليه ينشغل ويفكر فيكي ليه مارديتي عليه؟؟
وكان هو اللي صار يجري وراكي ويتصل عليكي .
بس خربتيها باتصالاتك وبينتي انك طايحة عليه بزياااادة
دايما الواحدة قبل ماتتهور بتصرفاتها تفكر الف مرة في راح تعمله وفي العواقب.
انتي الان لاتتصلي عليه ولاتردي على اتصاله كمان لحد مايجي واستقبليه وانتي متزينة بس على وجهك الزعل بدلع وطنشيه وقومي بواجبك معاه من اكل وغيره بعدين اتركيه وقوليله انا رايحة انام لاني قومت اليوم بدري وتعبانة واتركيه وادخلي غرفتك ونامي صدقيني هو اللي بيولع من تصرفك وتجاهلك له
بس اهم شي تمسكي اعصابك وتكثري الاستغفار
والله معاكي

 

[دنيتي كلها غلاي]

واخيرا رد علي وبكل الوقاحة اتكلم معاي وهوداخل المرقص لدرجة اخد له صورة داخل المرقص وطرشلي اياااها في دمتكم مو قهر
كيف اتصرف معاه هو بكرة بيرد من سفر دخيلكم ساعدوني لآني بحاجة الى نصيحة بأخص يوم صرت ضعيفة جدامه

 

[ام ميار]

؟؟؟؟؟؟؟؟؟؟؟؟

 

[دنيتي كلها غلاي]

ويييييييييييييييييييييييينكم