ساعدوني مادري شسوي!!!!!

[mayooy]

بسم الله الرحمن الرحيم

طبعا انا حبيت اعرض مشكلتي لان جد ابي حل ومليت وزهقت وانا ادور حلول وقلت يمكن انتو تساعدوني
طبعا انا شماليه غربيه وزوجي جنوبي شرقي بس احس ساعات اني غلط لان اهو مايتصف بالجنوبيين وايد لكن لما احل الاختبار يطلع لي جذي واساسا نسبة بسيطة بين الجنوب والشرق عنده والحلقة الاضعف والي متاكده منها اهي الشمال..
المهم,, مشكلتي معاه من ايام الملجه وانا اعاني ان اهو من بيئة بدوية جدا جدا جدا وانا من بيئة احضرية متحضرة جدا جدا لكن الرابط الي بينه ان اهله واهلى ملتزمين يعني دينين وخصوصا ابوه وابوي..
الي حصل ان شلون تقدم لي.. اهو يشتغل مع اختي بنفس الدوام وفي احد المرات وانا رايحه ازورها شافني وسال عني وصار ان خطبني.. واختي كانت تتعامل معاه وتعرفه وقالت لي ان اهو بدوي لكن متحضر وانا هذا الي شفته يوم قعد معاي بالخطبه حسيته متفتح ويوم خطبني يه مع مرت خوه الحضرية ماياب امه ولا اخته..
خصوصا ان سالني وين تدرسين وان مو حابني اشتغل مع رياييل وان ماعنده مانع اكمل دراستي وكان معجب فيني بدرجه مو طبيعيه لي درجه ان طلع من الباب وخله مرت اخوه دق وتتفق معانه عشان الملجه..
وفعلا حددنا الملجه وبيوووم الملجه الصدمه ان الجماعه بدويه جدا.. مع احترامي الشديد لكل اهلنا البدو انا بس بوضح مشكلتي معاه ولا ماعندي مشكله خصوصا اني بدويه ولكن متحضره..
امه وابوه ناس كبار في العمر يعني كبر يدي ويدتي فانا يوم شفت قلت كبار مالهم شغل فيني يعني..وحريم اخوانه سعوديات الا المتحضره الي اخطبتني اما البقيه سعوديات شهاداتهم ماتعدي الابتدائي..
المهم.. اول الايام الي اول شهرين ماكان في مشاكل وايد وبالعكس كنا متفاهمين لي اول صدمه صدمني فيها..مثلا انا احب اقرى كتب معينه عن شخصيه ومواضيع اخرى..لما كان يزورني ويقعد مع امي وانا اكون مشغوله بالمطبخ او شي ثاني يقوم ويقول حق امي "اتصدقين عمتي بنتج اطبق علي كتبها"؟؟؟؟؟
وانا كنت اسهر بالتلفون معاه واسولف عن افكاري وهواياتي واهو يخزنها ومن وراي يقول حق امي جنه يعطيها خبر انا شنو؟؟؟
مثلا كنت ودي اسوي عملية تجميل بسيطه مع ان مو ناقصني شي يقولي اذا اصريتي سويها عادي..ومن وراي يقول حق امي " عمتي نصحيها مايصير" امبيه نعمممم مووووصج الي كان يسويه..
وكنت اقوله انا مو ياهل عندك شي واجها فيني او ناقشني او صارحني..
المهم..وهذي حالته وياي على اقل مشكله دق على امي ولوع جبدها وعلى اتفه الاسباب..بعدين كان يخطط لحفلة زواج من غير لا يقولي.. لما فهمته ان مايصير احنا عندنا لازم اخطط وانسق معاك وافق بس طلع عيني على كل شي يبيني اكاسر ويقولي لا ووايد ودوري غيره يعني عن الكوشه او الفندق الي كنت ابيه وجذي..

لي درجه اني كرهته لان مادي تخيلو يطالب بكامل حقوقه بفتره الملجه واقل شي مصروفي او هديه او حلو او ورده ماكان اييب معاه..كنت اقول محد علمه منو يعلمه امه كبيره وماعنده خوات..
فكنت اقوله لازم ان انعزمت اتييب معاك حلو او كيك مايصير ادش ايدك فاضيه.. وجذي..
وعايش معاي قصة حب وطبعا اهله مايدرون لان عندهم عيب يشوفني ايام الملجه وبكيفه يلعب ويقرر ومحد يدري عنه..
والي كان جد يبط جبدي فيه ان بطى بطى بطى بطى جدااااا ومايلتزم بالمواعيد لي درجه ان انطره ساعتين اربع عادي ولا يكون مافي سبب بس بطى على مايسبح ويلبس..
وانا شماليه غربيه سريعه جدا جدا جدا وغير صبوره وقررت اني اشتغل على صفاتي واغيرها الي جنوبيه..
كنت اتهاوش وياه وايد ان متاخر وان وراي دوام وكنت ابجي وايد ان تاخر لان مافيني صبر ويكون الوقت رايح والاسواق سكرت..
المهم..الي ان تزوجنا..وسافرنا وكان طيب وحبوب وخدوم وفيه صفات وايد زينه خصوصا ان كان يدلع وايد لكن اتخيلو ان اهو ماعطاني ولا شي ايام الملجه توقعت لو اسافر راح يشتريلي اتخيلو اخذ فلوسي الي معاي وحولها للعملة البلد الي احنا فيه وزادني بملغ بسيط وقالي روحي اشتري لج ولخواتج واهلج!!!!!!!!
يعني مبلغ بسيط شنو اشتري ياربي ولا كنت امشي معاه ويبين ان في اشياء بخاطري كان يعطيني طاف يعني مو منتبه..
لي انفجرت عليه وبجيت وقلت له انا بشتري وخواتي رياييلهم يشترون لهم وشلون مايكفي المبلغ واساسا شكو تعطيني فلوسي اشتري فيها..بعدها قالي خلاص اشتريلج وكان منحرج من اسلوبي واحس يكره صوتي العالي بس اهو ماينفع معاه الا جذي..

ردينه من شهر العسل..شقتنا ماكنا مكملينها لان ماكان في وقت وكنا نجهز للحفله ويقولي ماعندي سيوله..
وكان كل يقولي سالفة رفيجه مشالله الي لوع جبدي فيها" رفيجه طلق مرته لانها تطلبت وايد وحطت له ديون وايد فكل ماشاف ويها كرها لين انفصل عنها" امبيه خوش سالفه والله مشكور..

بعدين يالله باثث الشقه يقولي ماعندي نطري اييني مبلغ..وانطر يالله متى نطري شوي هالايام اليايه يالله صارت الايام اليايه وبالغصب اييب الشي وكل يتعذر باجار الشقه يقولي وايد..

شرط زواجي اني شقه بروحي واهو قبل خاش الموضوع عن اهله وماقال لهم لي قرب موعد العرس وابوه زعل عليه وايد
وقعدنا في شقه 7 اشهر تقريبا لين حملت الحمدالله والله يتمم على واولد بسلامه.. كنت تعبانه وايد ونسات رحت ونمت عند امي شهرين وانا مو بدنيا واهو هدني وسافر يساعد اخوه بشغله وكنت ابجي اقوله اخذني اغير جو يقولي لا ويرد وهم سافر مره ثانيه لين انفجرت وخليته يهد شغل اخوه لاني كنت محتاجته خصوصا ان نساتي عنيفه جدا..

 

[mayooy]

خلال هالشهرين كرهت شقتي وتنسيت فيها وقلت له خل انغيرها مابيها.قالي انشالله وانطر يالله متى انشالله متى انشالله طبعا اهو كل انشالله يالله نطلع نطري وانطر يالله متى صبري اف ياربي..

اخر شي الصدمه.. ان اخذ كل اغراضي ويابها لبيت امي واهو راح نام بشقه الي عند اهله وقالي ان برتب اوضاعي نطري شوي واييبلج احلى شقه..

اشكثر انطر؟؟ يقولي مادري اسبوع اسبوعين سنه سنتين مادري.. انزين انا لي متى اظل عند امي تدري ان مابي اروح شقتك الي عند اهلك يقولي والله هذا المتوفر حاليا تبين حياج الله ماتبين كيفج..

وافهمه ان شرطي ومايصير يقولي ماقلت لج لا انا برتب اوضاعي انزين خلصن نساتي لي متى اقعد عند اهلي يقولي المره تابعه لرجلها اقوله بيت اهلك بعيد مااقدر واهلك طبايعهم غير مااقدر يقولي انتي مغروره وخلج عند اهلج

وانطر شهرين لين قلت له خلاص مو انا تابعه لك بيي موقت ونطلع بعدها.. يوم وافقت بعد صراخ وبجي ونقاش قام وقالي خلاص اييب لج شقه.. الحمدالله والشكر شنو يعني؟؟؟ توه تقول ماعندي!!

المهم قلت له بيي عندك وندور شقه ورحت الشقه المعفنه الي مو مشطبينها يعني مافي مطبخ وتكرمون حمام واحد وتلوع الجبد مو مسقفه اساسا مو مكملينها لان على اساس ما كنا بنسكن عندهم..

واتخيلو يا بنات اني كل يوم اصعد الدرج الطويل وانا حامل وتعبانه واقوله يالله ندور يقولي مااقدر الا اقل من هالسعر ومافي اجارات بسعر الا للهنود والفقاره وندور وندور ومالقينا لما قلت له خل نقعد هالشهر اذا يتلك فلوس ندور وصار شهر اقوله متى نطلع يقولي نطري تييني الفلوس صار شهر متى يقولي نطري تييني الفلوس لين تازمت نفسيتي بالمكان الي مافيه الا اتعفن وتكسر وكل يوم ابجي حتى سخان ماي مافيه وكل يوم نتهاوش لاني من بيئه واهو من بيئه صار شديد معاي بسالفت اللبس والمكياج وروحه ورده والعطر وكل يوم يهاوشني ومااقدر اطلع ولا اقدر اسوي أي شي الا اني محبوسه..حتى نزلتي حق الحريم يقولي ممنوع مكياج ممنوع ضيج لا تفصخين حجابج ونتهاوش واخوانه يقولون له عني عدلها لبسها نقاب نفس حريمنا وكل يوم اهواش..وصار يتغدى مع اهله بالمقلط ويقولي ابوي شسوي وانا شنو اكل بروحي مينونه خصوصا اني يايه من بيت كلنا مع بعض ابوي وامي واخواني..

اهم نظام امه تنام بدار وابوه بدار والرياييل ياكلون بروحهم والحريم بروح..

وابجي وازعل ومااكل وقام يجاملني من وراهم ياكل عندي.. ياكل بسرعه عندهم ويصعد لي ياكل معاي..
واهو متعود يمسك ايدي بطلعه ودخله قام مايمسكها وينحاش عني وانا ازعل واحس روحي ان فيني شي يفشل..
وكل يوم 3 ساعات يشرب قهوه معاهم بدوانيه ويقولي ان قربتي ديوانيه ياويلج وانا شماليه اقوم وانزل واناديه واهو واخوانه يتحاذفون يمين يسار يعني غض البصر اشدعوه شنو في ويقولون له مرتك مزيونه حيل نقبها..

اساسا الحريم والرياييل بس مصدومين فيني من اتكلم ولا البس يخزون فيني يحسسوني اني من كوكب ثاني خصوصا اني طويله وشعر وعيوني كبار يعني مافيني شي الحمدالله واهو متزوجني عشان جمالي زايد الي ماقام يقدره الحين
حريم اخوانه بس يقولون لي اسنانج حلوه شعرج حلو طولج اجنن ولاعت جبدي من البيئه الغريبه الي انا فيها ويسالوني اسئلة غريبه مثل عندج ستلايت وين تشتغلين

ومحترين ليش اسوق واطلع واروح لين كل هذا ماقام يرضى فيه منهم..
ولاعت جبد جبد جبد جبدي لين قمت كل يوم اتهاوش واقوله طلعني طلعني طلعني مو راضي يقولي اصبري يجيلي المبلغ طلعني مافي يلف ويدور لين صار يدق على ابوي ويقوله دز احد ياخذها تعبت منها وكنت اراضيه..ومره ومرتين وثلاث قمت اكسر واخرب واتهاوش واطرده من البيت لين مل ودق على ابوي ويقوله بنتك جذي ويعلمه كل شي عني اساسا اهو من قبل يحب يقول عيوبي لاهلي لين ابوي عصب وياني بنفسه واخذ كل اغراضي والحين صارلي اسبوع عند اهلي..

اساسا اهو سوا جذي لان قالي على سنه اليديده اكيد اوديج فقام ياذيني وانا مثل الجبريت اتهاوش واكسر لين رحت عند اهلي والله يابنات من الحمال حدي تعبانه ياجماعه بس ابي استقر معاه بروحنا بشقه..قمت اقول لابوي انا الي ادفع خلاص بس خل يطلعني منهم..

وقبل لا اطلع من عندهم نخيلو رحت لابوه اكلمه ابيه يفهمه ان غلط اسلوبه وياي ولا الحبيب امشيش ابوه صح وقايل لابوه ماتبي تقعد عندنا بشقه وكل يوم لها راي والشايب حاقد علي مو مشتهيني اصلا لي درجه قال اخذي اغراضج وروحي..

مع ان قعدنا 6 اشهر في شقة اهله من باب التوفير وترتيب اوضاع زادت خصوماته لان حضرته كل نايم ومايداوم وكل شهر ينخصم اكثر وحالتنا الماديه صعبه

خصوصا ان وراي ولاده وتجهيز بيبي وابي اغراض وهذا نايم بالعسل مع قهوة ابوه..


والحين بعد ماصبرت كل هذا وصرت تابعه له وعلى قولته مو مغروره وتحملت 8 اشهر عذاب شقه اخر شي يقطني عند اهلي وصارله اسبوع مايدري عني

قلت لابوي يبيني يحط شقه رده لبيت اهله مابي.. واهو الحين يسنع شقه ويضبطها وقاعد يجط مطبخ امبيه مو مصدقه هالشي..
واهو شاطر ان يمع سلبياتي ويقولها لابوي بالوقت المناسب مليت من اسلوبه هذا جنه داشين حرب اهليه

ساعدوني شنو اسوي ؟؟؟؟؟؟؟؟؟؟؟؟؟؟؟؟؟

 

[الناصحه الامينه]

حبيبتى ان بغيتى رايي الصريح والا فتجاهليه تماما
المشكله فيك انتى
واضح جدا انك متعاليه عليه حتى لو لم يكن بالتصرف فانتى تشعرين بذلك وهو يشعربه
انتى ماسكه على كل تصرف انه يتبع انه لدوى وانك حضريه
ماالحضر فضل على البدو كلهم من اللحمه المكونه للمجتمع والبدو يعرفون اموريجهلها الحضر والحضر يعرفون اموريجهلها الحضر واليوم فى ظل الانفتااح هذا ماعاد احد يجهل شئ الا اذا هو مابغا يعرفه سواء بدوى او حضرى

انتى لست فى مشكله
بس غيرى نظرتك للامور وللاولوياات واحتوى زوجك بالحب وبكذا تطورين منه وترتقين بحياتكم
زوجك نعمه فى زمان اليوم اللى الحريم كلهم يشتكون من الخيانه
اذا شعر بتعاليك عليه فسيلجا لامراه تشعره بانه ثروه لها وان مثله لايتكرروستستطيع تغيير كل مافيه من عيوب بالحب والعقل
الله يوفقك حبيبتى وييسر لك امرك

 

[mayooy]

انزين اهو صح ان مافي مشكله كبيره لكن,, اشلون اتاقلم مع بيئته وانام تحرره حدي ومااقدر على القيود الي يحطها لي بعاداته وتقاليده ووصلت لمرحله عصبيه بسبت القيود الي حطها من كلام اخوانه..

ثاني شي اهو جنوبي شرقي مو عارفه اراضيه اشلون يعني انطره يدق ولا شسوي خصوصا ان حركته يوم دق على ابوي عشان ياخذني مو حلوه جنه طاردني من بيته

وانا بالعكس بدويه وماعندي مشاكل بس مااقدر اعيش والبس لبس مو متعوده عليه عشان ارضي اعيون اخوانه!!!!!!!!

اهو عيبه ان ان قال كلمه مايكون بوقتها يعني مواعيده خربوطيه ومايعرف يخطط ماديا كل ماعنده فلوس وعافس حياتي كلها ومقعدني عند اهله واهو جامعي ومو ناقصه شي.. بس انا مااقدر اعيش وياهم وحاولت اتكيف مااقدر لان ان سويت شي عندهم عيب وغلط ومليت من نظراتهم لي

 

[mayooy]

بعدين اهو تقدم لي ويعرف اني متحرره وحضريه وكل شي عادي ليش يسوي فيني جذي يبيني اطيعه طاعه عمياء بكل شي وكل مالي راي وبس اقعد ابيتي واسكت وانا احب اطلع واروح نادي وسوق ورفيجات انزين يعني شسوي!!!!!

ليش مااخذ نفس بيىته وخلصنا يعني شايف مكياجي وشايف لبسي شنو الي تغير ان رحنا بيت اهله وقام يتحرج ويقولي ان اتبرمج على المنطقه

مااقدر ياربي :8:

شخصيتي قويه حتى يقول عني عسكريه وحاولت امثل ضعف مافي فايده :8:

الحين مادري وشلون ارد وياه واهم مخليني اسبوع انا زهقته نكدت عيشته لان معيشني بفقر وانا متعوده على الرفاهيه عند اهلي مااتحمل ضغوطات ماديه او مسكن معفن مااقدر

 

[doonat]

رايي الناصحه الامينه صحيح المشكله فيكي انتي مو فيه00اذا على مواعيده احس هذا مو عيب يعيبه يعني مع الوقت تقدرين تغيريينه00

 

[mayooy]

اهو يتحايل وايد ولف ويدور.. وانا ابي شقه بروحي واهو كل يوم راي مو عارف شنو يبي..
مشكلتي اني مابي اروح بيتهم البعيد وكان شرطي للزواج
مايصير جذي يقص علي ويلف..

على العموم ادري اني صاحبة المشكله بس مع الحمال صايره عصبيه ومافيني صبر وقررت اغير من طبعي بس متعقده من بيتهم كابوس مزعج ماقدر :"""""""(

قلت كيفه مابي ارد شقته لا يحط لي شقه ولا مابي انا الي علي سويته وحاولت اقعد موقت بس اهو ماقدر وعباله ان بقتنع مع الايام

يعني تخيلو قبل كل شي على كيفي الحين كل شي على كيف ابوه واخوانه متزوجه عشان ارتاح ولا حرب بيني وبين اخوانه الي يدخلون ويشيشوووونه اففف

 

[أسماء زكي الدين]

عزيزتي فرج الله همك وأتم لك حملك ووضعك على خير إن شاء الله

أختي كيف قبل عقد القران لم تطلبوا رؤية أهله والتعرف عليهم؟

كيف رضيتم بخطبة زوجة أخيه؟!

سبحان الله وضعك وأهلك غريب جدا

رضيتم به ووافقتم على عقد القرىن بدون التعرف على أحد من أهله ولا حتى إخوانه أو أمه وأبوه!!

ألم تفكروا للحظات أن أهله قد لا يكونوا راضيين على هذا الزوج؟!

معروف أن الزواج بين عائلتين وليس شاب وفتاة ...

الآن أعتقد أن عليك أن تكفي وعلى والدك أن يجلس معه ويتناقشا في كافة الأمور ...​

 

[همم شامخة]

حبيبتي حابة انبهك لشغلة مهمة الحين لما تنزلين عند اخوانه وانت فاتشة ويقولون غض البصر هم معاهم حق يااختي ما يجوز تظهرين عليهم وبعدين انت كنت عارفة انهم بدو ولهم عاداتهم وتقاليدهم ليش وافقتي لا تضغطين على زوجك بسالفة الفلوس والبيت لعله مش قادر فعلا قدري ظروفه وانتبهي تراه نبهك بطريقة غير مباشرة انه يقولك كل يوم قصة صديقه قدري ظروفه صدقيني اذا مل زوجك ربما يبحث عن اخرى تقدره وتتأقلم مع محيطه اذا كنت تحبين زوجك جاريه في عاداته حسسيه باهتمامك اطيعه مادام لا يأمرك بمعصية وفقك الله

 

[mayooy]

لان الموضوع طويل ومشاكلي معاه وايد فاختصرت..
الي حصل ان شافني مثل ماذكرت بدوام اختي وقعد مع ابوي وتكلمو بعدين يوم الخطبه يه مع مرت اخوه الحضريه واهو.. لان انا كنت بشوفه وبقعد معاه ولا اهو واهله عادي عندهم يملجون على البنت ومايشوفونها..
ويوم الدزه يت امه ومرت اخوه وامه مره كبيره يمكن فيها 80 فانا قلت اهي كبر جدتي وانا مالي شغل فيها وترى امه طيبه حيل وعلى نياتها..
ويوم الملجه الي تفاجات بحريم اخوانه بدويات ومساكين مو متعلمين وطريقتهم غريبه..
بس الكل قالي انتي بتزوجينه اهو مو اهله مالج شغل فيهم..
ويوم خطبة الرجال يه ابوه مشالله عمره 100 سنه واخوانه دينين كلهم اهو الوحيد الي عادي بس ملتزم ومحافظ..
يعني ماكان يبين انهم بدو وايد لي درجه ان الام بغرفة تنام والابو بغرفة وحتى اخوانه الي الحين متزوجين جذي يسوون الا اهو مايسوي معاي جذي وترى كانو يخطبون له من الجماعه بس اهو يبي وحده نفسي
كل ماسويت شي وشافوني قالو لي عيب عندنا الرجال ياكل مع حرمته اي اشفيييييهااااااااااا والله استغفرالله 2011 واهم ليلحين جذي
يوم كنا بشه بروحنا ماكان يسوي الي الحين يسوي واساسا اكتشفت اهله يوم سكنت وياهم ولا قبل اشدراني اهم بدووو وايد
ايام الملجه ماكان ياخذني لهم لان عيب فكان اييلي من وراهم وبس امه تدري

ولا عن السوال والاصل والفصل حتى مخالفاته مالت سيارته طلعوها اخواني
اهو مافي عيب بسمعه بس مشكلتي اني يبيني اصير نفس حريم اخوانه الي مادري شلون اصير نفسهم

 

[mayooy]

انتي عبالج اني البس ضيج عشانه لبست عبايه ومااحط مكياج,, يعني البس عبايه وسيعه وانزل احتراما لرغبته بس هم مايبون يشوفون ويهي عندهم النقاب فرض
ومابي اتنقب عشانهم!!! مااقدر البس نقاب صراحه لان اهم ماخذينه عادات وانا اذا من اهلي منقبين ماخذينه دين وتقربا لله
يقولون له مزيونه نقبها وجها فتنه !!!!!!! قمت اكره انزل.. اساسا اهو مايحب نقاب بس لما يبي يغثني يقولي تلبسينه

 

[l مليـت l]

صراحه انتي انسانه متذمره بشكل ممل ..

كل ماسوالك شي غيرتي رايك وقلتي ابي شي ثاني

حط لك شقه تنسيتي فيها مشكلتك مو مشكلته .. انتي اصريتي تروحين تجلسين معاه عند اهله هو ما طلب منك مفروض تحملتي اهله وتأقلمتي مع بيئته
ومع كذا نشبتي في حلقه الا يطلعك من بيت اهله بشقه
طيب هو لو يقدر ع الشقه طلعك فيها من اول ولا لا ؟

حبيبتي .. الحياة مو بهالبساطه اللي انتي متخيلتها
زوجك كويس مره معاك رغم القيود اللي تقولينها واللي لاحظت انه ما فرضها الا بعد ما رحتي لاهله يعني منضغط منهم هو .. ومع كذا يداري خاطرك ..

لكن ابيك تفهمين شي

ترى الجمال ينمل ومو بس ينمل الا ينقلب قبح لما تكون شخصيه الانسان ممله وصداميه

فلا تنغرين كثير

مفروض تتأقلمين معاهم هذول بيكونون اهل الطفل اللي ببطنك واهل زوجك عيب تنظرين لهم بهالنظره الدونيه

يعني هو غلط لانه حبك ؟ يعني ماكنتي تستاهلين ؟

فكري بعمق وخلي عنك القشور والسطحيات كان ممكن تاخذين واحد يسكنك قصر واهله كلاس
لكنه راعي بنات ولا اقلها ما يحبك زي هذا .... صح ؟

 

[عبلة العامرية]

الله يكون في عونك
لكن غريبه اطباعهم وتقاليدهم الموروثة انو الحرمة عندهم عيب ياكل ما زوجه

الله يسعدك

 

[mayooy]

يا بنات ياحبايبي انا مااشوف اهله بدونيه والله العظيم اني متواضعه وعندي صديقات بدويات ويحبوني واحبهم بس هذي حياة وانا متعوده على مستوى مااقدر مايبيني اشتغل ولا يبيني اسوق ويبيني البس دراعه وسيعه يعني اشفيكم!!
انا لما تكلمت جذي عنهم ابي افهمكم انهم غير وانا غير.. وصح كلامج كثيرت التذمر والشكوى ومايعجبني شي وقاعده احاول اغير هالملاقه الي فيني..

على عيني وراسي وقلت لكم اصلي بدوي لكني متحضره انا احترمهم واحبهم واحب طيبتهم لكن احس اني طايحه من عينهم ليش اني حضريه..

حبيباتي ادري اني غلطانه اسلوبي عسكري بتعامل معاه بس زاد مع الحمال ولا قبل كنت لينه شوي..

ماقدر ارد لبيتهم نفسيتي تتعب وايد والله كنت كل يوم انزل لامه وابوه واشرب قهوه مع اني ماحبها واكل تمر مع اني مااحبه واضحك وسولف واتعلم كلامهم الغريب

بس مايفيد لان من داخل مضايقه

وحشى ان شفتهم بدونيه بس احب الخصوصيه مااحب احد يعلق ويدخل بحياتي وياه

 

[mayooy]

ترى انا ماتفلسفت عليه وقلت له ابي شقه كلاس قلت له اي شقه لو غرفه ماعندي مانع

انزين بدال لاتزفووووووووني :8: ساعدوني الحين صرتو جنكم امي

شسوي !!!! صارلي اسبوع متعوده اهو الي يراضيني

مادري شلون اراضيه مع ان واصل مرحله صعبه وقالي بوديج عند اهلج لانج حامل مااقدر اتصرف مع وحده حامل

:8:مااقدر ارد قيوده صعبه يابنات فهموني..

 

[الناصحه الامينه]

لان الموضوع طويل ومشاكلي معاه وايد فاختصرت..
الي حصل ان شافني مثل ماذكرت بدوام اختي وقعد مع ابوي وتكلمو بعدين يوم الخطبه يه مع مرت اخوه الحضريه واهو.. لان انا كنت بشوفه وبقعد معاه ولا اهو واهله عادي عندهم يملجون على البنت ومايشوفونها..
ويوم الدزه يت امه ومرت اخوه وامه مره كبيره يمكن فيها 80 فانا قلت اهي كبر جدتي وانا مالي شغل فيها وترى امه طيبه حيل وعلى نياتها..
ويوم الملجه الي تفاجات بحريم اخوانه بدويات ومساكين مو متعلمين وطريقتهم غريبه..
بس الكل قالي انتي بتزوجينه اهو مو اهله مالج شغل فيهم..
ويوم خطبة الرجال يه ابوه مشالله عمره 100 سنه واخوانه دينين كلهم اهو الوحيد الي عادي بس ملتزم ومحافظ..
يعني ماكان يبين انهم بدو وايد لي درجه ان الام بغرفة تنام والابو بغرفة وحتى اخوانه الي الحين متزوجين جذي يسوون الا اهو مايسوي معاي جذي وترى كانو يخطبون له من الجماعه بس اهو يبي وحده نفسي
كل ماسويت شي وشافوني قالو لي عيب عندنا الرجال ياكل مع حرمته اي اشفيييييهااااااااااا والله استغفرالله 2011 واهم ليلحين جذي
يوم كنا بشه بروحنا ماكان يسوي الي الحين يسوي واساسا اكتشفت اهله يوم سكنت وياهم ولا قبل اشدراني اهم بدووو وايد
ايام الملجه ماكان ياخذني لهم لان عيب فكان اييلي من وراهم وبس امه تدري

ولا عن السوال والاصل والفصل حتى مخالفاته مالت سيارته طلعوها اخواني
اهو مافي عيب بسمعه بس مشكلتي اني يبيني اصير نفس حريم اخوانه الي مادري شلون اصير نفسهم

اختى انتى ليش مركزه على سالفه عمر ابوه وامه ونومهم مع بعض
وعلم زوجات اخوانه وشهاداتهم
ترى هذى ماهى مقاييس تقيسين بها النااس الانسان قيمته فى ذاته وبحسن تعامله
مازلت اكرر المشكله فيك واضح انك تشعرين باحتقار لهؤلاء الناس ومع ذلك ماعندك سبب لاحتقارهم
يفترض بك مادمتى متعلمه ان تتعاملى مع النااس برقى ولا تركزين على سالفه بدو ومتعلمين
ترى هذى ماهى المشكله
بعدين انا مفهمت انتى اش تقصدين بسالفه ماتاخذين راحتك ومايبغا اخوانه يشوفونك طبيعى حبيبتى المسلمين عندنا قاعده ان الذكور من اهل الزوج ليسوا بمحارم ماعدا ابو الزوج
فكيف تاخذين راحتك تنزعين الحجااب هذى كارثه
وان قصدك انهم محافظين ولايقبلون انوااع من اللباس اللى اليوم البنات طايجين فيه فهذا حقهم
اذا كنتى مع نااس فلا تحاولين ان تخرجى على المالوف عندهم وتفعلى شئ يعتبر منكر عندهم
فهذا يؤدى الى سخطهم
انتى تلبسين ليرااك الناس فلاتلبسي مايستنكرونه وفى بيتك البسئ ماشئت اذا حبيتى زوجك فنتى بتوصلين للى يناسبك انتى واياه واذا صرتى تدورين فيه عذروب بتلقين واجد
ارجع اقول لك انتبهى لاتصيرين انتى اللى متناسبين ذوقهم بدل ماهم اللى الان مايعجبونك واضح انهم ناس بسطاء وطيبين وهالشئ جعلك تشعرين بانهم جهله
وباين انهم سره متاالفه بمافيهم زوجات ابنائهم الاخريات وانتى فقط اللى متضايقه ن هالنااس
كل عيوب زوجك اللى حطيتيها ماهى عيوب وبامكانك تتغلبين عليها بس بحكمه وطيبه واخلاص نيه وبدون ماتؤذين مشاعر احد

 

[doonat]

طيب فيه حل اذا هو مقتنع انك تسكنين بشقه بس قصده السيوله0000حاولي انتي تدبرين اغلب المبلغ من دون مايعرف واستاجرو الشقه وبعدين سددي متى مايسر الله00

 

[mayooy]

ركزت على عمر ابوه وامه لابين حق وحده من البنات الي اسالت شلون ماكنتي تدرين عن بيىته انها جذي فالجواب اني حسبتهم ناس كبار..
ثاني شي اهم من عاداتهم وتقاليدهم ماياكلون مع بعض بس يقعدون مع بعض يعني حريم اخونه كلهم بنقاب واخوانه مع الام والابو بشربون قهوه وتمر

فانا لما انزل واكون لابسه عبايه ومااحط مكياج مو عاجبهم!!!!!
يبون اغطي ويهي وان مانزلت لان اخوانه موجودين بيقولون مغروروه انزين لما انزل ينحاشون عني مع ان لا عطر ولا زينه بس عشان ويهي

يعني اهم يقعدون مع بعض الحريم والرجال بس مايبوني ياربي يعني اتنقب افففففف بالله شنو هذا

ولما اقول عنهم جذي لان وحده من حريم اخوانه كل اتقولي يحظج انتي دارسه انا زوجي مايرضى وثانيه تقول يحظج اتسوقين وعندج تلفزيون احنا لا

يعني هذا الي اقصده وانا اسكت مادري شرد عليهم... داشه عرض بيتهم فف مادري يعني شسوي بالله ماقمت انزل ولا اقعد وياهم عشان لا يقولون حق رياييلهم وبعدين يقولون لزوجي وبعدها تنشب مشكله

 

[الجده الصغيره]

لا هو مايبيك تصيرين مثل حريم اخوانه والا ان كان خطب منهم وارتاح...بس هو يبيك تحترمين عادات اهله عشان ماينتقصونه...انا عارفه وضعك زييين واعرف المتفتحه في مجتمع محافظ...الحل تحترمين رغباته شوي...واسمحي لي انت فيك كبر شوي والا؟........يعني رافعه نفسك عليهم وانك افضل منهم.يمكن هذا صحيح بس مو من صالحك ولاصالح حياتك مع زوجك......هذي عشره لآخر العمر وبيجيك عيال وشلون بتربينهم على انفتاحك والا على مجتمع ابوهم.......كثييير مثلك بس نجحوا يوم تأقلموا مع اهل ازواجهم رضخوا لبعض عاداتهم ..عشان مايكون فيه هوه بينكم........وعشان عيالك بالمستقبل مايتأثرون بخلافاتكم......فكري زين يالغلاااا..ولاتضيعين حياتك عشان خلافات بسيطه ممكن تتعالج ........

 

[mayooy]

قلت له ادفع اول شهرين وانت اتكمل ماوافق

احبهم وابيهم واهل ريلي بس مااقدر اعيش وياهم ترى حبوبين وطيوبين بس مااقدر كل يوم اعاني يعني لو زواره ممكن بس مو كل يوم

يعني يوميا اطلع وياه وحده منهم اتقولي وين تروحين مااقدر اقولها لان ان قلت بتصير مصيبه وكل مااسالو اقول جمعيه ماصارت جمعيه

حتى اخوانه يقولون له وين اتوديها ترى بتخرب حريمنا وماقمت اطلع اخر الايام من حنتهم

يعني ليش بالله!!!!!!

ماتهمني الطلعات ولا شي يعني انا متزوجه عشان اطلع وادري اني اذا بخسره عشان اسباب مثل هذي بكون تافها جدا

بس انا ابي استقر بمكان بروحي وبسسسسس مابي شي لو كووووخ ماعندي مانع